Kaetieti Ibukia te Koraki Ake A Karaoi Reirei n te Botaki Ibukin te Uarongorongo
Ni moa man Ara Mwakuri ni Minita aei, a rangi ni bebete riki taeka aika a na kabonganaaki ni kaetietin te Botaki Ibukin te Uarongorongo. A boou ao ni mataata riki kaetieti ao kauring aika a na rinanoaki nakon ae e kabwarabwaraaki n te kaongora ae “Arora ae Riai Ibukini Katauraoara Nakon te Botaki Ibukin te Uarongorongo” n Ara Mwakuri ni Minita ae bwaini Mei 2009.
◼ Te Kabwarabwara: E nanonaki n aei te kabwarabwara ae e boto i aon te reirei teuana n akea te ibuobuoki mairouia kaain te botaki. E riai te tia kabwarabwara ni kaatuua ana maroro i aoni baika a kona ni buokaki iai kaain te ekaretia.
◼ Titiraki ma Kaeka: E na titeboo karaoan te mwakoro aei ma karaoan te Reirei n Te Taua-n-Tantani are e na kakimototoaki moan taeka ao kabanea n taeka iai, ao a riai n tabekaki titiraki akana n te barakirabe ni kabane. E aki riai ni kabatiaa ana taeka te tia kaira te reirei. Wareki kiibu aika a kakawaki ni kaineti ma mwaawan te tai. A riai n aki warekaki barakirabe ni kabane ma tii ngkana iai te kaetieti bwa a na warekaki.
◼ Te Maroro: A kainnanoaki kaain te botaki bwa a na anga aia ibuobuoki teutana n te kabwarabwara aio. Tiaki tii te kabwarabwara ma iai naba titiraki ao kaeka tabeua.
◼ Kaotioti ao Maroro: Kaetieti ibukini kaotioti a nanonaki iai bwa e riai ni bairea karaoan te kaotioti te tari te mwaane ae mwiokoaki ni kairan te reirei, ao tiaki nanona bwa e riai ni karaoa te kaotioti. A riai ni mwaatai ao ni katea te katoto ae raoiroi ni maiuia taari ake e rineia bwa a na karaoa te kaotioti, ao e riai ni kaman babaire raoi ma ngaiia. E tamaroa riki ngkana e aki rineia taan uarongorongo aika a boou ao a aki mwaatai raoi bwa a na tei i moa ni kaota aron te mwakuri ae e na karaoaki, ma tao a kona ni kabonganaaki naakai bwa kaain te auti n te kaotioti. Taan uarongorongo ake a karaoa te kaotioti a riai n kaaitaraia kaain te botaki. Taari ake a rineaki bwa a na maroro, a riai n anga aia maroro i moa nakon are a na tekateka n aia tabo n tekateka. E riai ni karaoaki te kataneiai ibukini kaotioti ao maroro. Ngkana e a moanna n aki tau te tai ao e riai te tari te mwaane n aki kamaunai kaotioti ao maroro, ma e riai ni kakimototoa ana kabwarabwara. A riai tabonibai n te ekaretia ni kawara te tia babaire n te rabwata n unimwaane ke te unimwaane temanna imwain rineaia taani ibuobuoki ibukin te maroro ke te kaotioti.
Ngkana iai kaetieti aika a okoro ibukin te reirei teuana ae okoro, ao a riai n iraki raoi nanoia. A kona taari mwaane ni buoka aron te Botaki ibukin te Uarongorongo “n te aro ae riai ma ni baireaki raoi,” mani karaoan tabeia n aron ae e oti i eta.—1Kor. 14:40.