Kaongora

◼ Te boki ae e na anga te aba n Aokati: E na anga te aba boroutia aika iai n te ekaretia. Ti riai ni kakorakoraira ni kauarerekei mwaitin taiani boroutia ake a a maan taia. Imwin tibwaan te boroutia, ani kaira naba te aomata ane kaota te kan ongora nakon te boki ae Ana Reirei te Baibara ma tiam are moanakin te reirei n te Baibara ma ngaia. Tebetembwa: Tera Ana Reirei ni Koaua te Baibara? Kakorakorako ni moana te reirei n te Baibara ni moani kawaraia aomata. Okitobwa: Te maekatin ae Te Taua-n-Tantani. Ngkana iai ae kaota te kan ongora, kaota nakoina te turaeki ae Ko Kan Ataa te Koaua? ao kakorakorako ni moana te reirei n te Baibara. Nobembwa: Tera Ana Reirei ni Koaua te Baibara? Kakorakorako ni moana te reirei n te Baibara ni moani kawaraia aomata.

◼ Taiaoka ni kanakoi taian ribooti ibukin te mwakuri ni minita ibukin Aokati 2010 n aki iremwe nakon Tebetembwa 20, 2010 bwa a aonga ni kona n ikotaki ribootin te mwakuri ni minita ibukin te ririki irouia kaain te aobiti n tararua.

◼ A riai ni kanakoi taiani booma ae te S-18 Literature Inventory ao te S-10 Congregation Analysis Report taian ekaretia n aki iremwe nakon Tebetembwa 30, 2010.

◼ Ni moa man Tebetembwa, ao e na karaoaki te kabwarabwara irouia mataniwi ibukin te aono ae uarereke ae kangai “Katannakoi Matami Mani Baika Akea Manenaia!”