Te Kauring Ibukin te Kuura ni Kataneiai Ibukia Taan Uarongorongo
A na rinanoaki titiraki aikai n te Kuura ni Kataneiai Ibukia Taan Uarongorongo i nanoni wikin Aokati 30, 2010. Te mataniwi ibukin te kuura e na kaira te kauring ae 20 te miniti maanna, ae boboto i aon reirei aika rinanoaki i nanoni wikin Turai 5 ni karokoa Aokati 30, 2010.
1. E na kanga kananoan ara iango i aon ana tataro ni katabu Toromon ni karikirakea i nanora te kani kakaitau nakon Iehova ibukin aroarona aika raraoi? (1Uea 8:22-53) [w05 1/7 i. 20 bar. 3; it-2-E i. 989 bar. 4]
2. Bukin tera bwa e kona n taekinaki Tawita bwa e nakonako i matan Iehova “ma itiakin te nano, ma te aro ae eti” n aki ongei ana kairua aika bati? (1Uea 9:4) [w97-E 1/5 i. 5 bar. 1-2]
3. E aera te uea n aine mai Tieba ngke e taekina ae kangai ni kaineti ma Toromon, “A a kabaia am toro aikai, aika aki toki n teitei i matam, ma n ongora n am taeka n rabakau”? (1Uea 10:4-8) [w99-E 1/11 i. 20 bar. 5-7]
4. Tera ae ti kona n iangoia man te waaki are e tua Iehova bwa e na taunaki raoi Abiia? (1Uea 14:13) [cl i. 244 bar. 11]
5. Tera kakawakin taekan te tai are e moa ni kawara iai Aaba Eria? (1Uea 17:1) [w08-E 1/4 i. 19, bwaoki]
6. Tera ae e nanonna Eria n te taeka ae “okioki i marenan naano aika uoua”? (1Uea 18:21) [w08-E 1/1 i. 19 bar. 3-4; w06 1/1 i. 13 bar. 3]
7. N aron ae kamatataaki n rongorongon Eria, tera bukini kabonganaani mwaakan Iehova irouna nakoia ana toro? (1Uea 19:1-12) [cl i. 42-43 bar. 15-16]
8. E aera Nabota ngke e rawa n kaboonakoa ana nne ni kureebe nakon Aaba, ao tera reireiara ae ti kona ni karekea man te bae riki aei? (1Uea 21:3) [w97-E 8/1 i. 13 bar. 18-20]
9. N te aro raa are e ‘kabatiaa ana mwakuri’ iai ainen Tunem ibukin Eritai? (2Uea 4:13) [w98 3/1 i. 31 bar. 6-8]
10. Bukin tera ngke e aki butimwaeaki ana bwaintangira Naaman iroun Eritai? (2Uea 5:15, 16) [w05 1/8 i. 9 bar. 2]