Kaongora

◼ A riai ni kataweaki n tibwaaki Te Taua-n-Tantani ao te Awake! ngkana a roko, nakoia taan uarongorongo bwa a aonga n ataa kanoaia imwain ae a anganako te maekatin n te mwakuri ni minita.

◼ E na karaoaki te Kauring n te Kauabong, Maati 30, 2010. Ngkana e tataneiai am ekaretia ni bobotaki n te Kauabong, e kainnanoaki te kakorakora ni bitakin te bongi ni botaki nakon te bong teuana n te wiki. Ni kaineti ma ekaretia aika bati ake a buobuoka kabonganaan te Tabo n Taromauri ao a aki kona ni manga baireaki, tao a kona ni kamaunaaki. Ngkana e mauna te botaki, a kona ni manga baireaki reirei aika manena riki nakon ami ekaretia n te Botaki Ibukin te Uarongorongo are imwina riki.

◼ Maati 2010: Tera Ana Reirei ni Koaua te Baibara? Kakorakorako ni moani taian Reirei n te Baibara ma aomata iai.

◼ Eberi ao Mei 2010: Te maekatin ae Te Taua-n-Tantani. Ni manga okiraia aomata ake a kan ongora, n ikotaki naba ma te koraki ake a roko n te Kauring ke bobotaki riki tabeua aika karaoaki n te ekaretia, ma aikoa manga bati n iriri ni bobotaki, kaatuua riki anganakia te boki ae Ana Reirei te Baibara.

◼ Tun 2010: Tera Ana Reirei ni Koaua te Baibara? Ngkana e a kaman reke te boki anne irouia kaain te auti, a kona ngkanne taan uarongorongo n anga te boki ae 192-baana ae e a moanna n rotaki baana, ke teuana mai buakoni booki aika boreetiaki imwain 1995.

◼ Turai ao Aokati 2010: Teuana mai buakon boroutia aika iai n te ekaretia. E riai te kakorakora ni kamanenaan moa boroutia aika bwaini kawai bwa e aonga ni kerikaaki mwaitina. Imwini katukan taiani boroutia, ko kona ni kaira te aomata ane kan ongora anne nakon te boki ae Ana Reirei te Baibara ma ni moana te reirei n te Baibara ma ngaia.

◼ Tebetembwa 2010: Tera Ana Reirei ni Koaua te Baibara? Kakorakorako ni moana te reirei n te Baibara ni moan rokom.