Kaongora

◼ Te boki ae na anga te aba ni Beberuare: A kona taan uarongorongo n anga te boki ae Te Kawai Ibukin Karekean te Kakukurei n te Utu. Maati: Tera Ana Reirei ni Koaua te Baibara? Kakorakorako ni moana te reirei n te Baibara iai. Eberi ao Mei: Te maekatin ae Te Taua-n-Tantani. Ni manga okiraia aomata ake a kan ongora, n ikotaki naba ma te koraki ake a roko n te Kauring ke bobotaki riki tabeua aika karaoaki n te ekaretia, ma aikoa manga bati n iriri ni bobotaki, kaatuua riki anganakia te boki ae Ana Reirei te Baibara?

◼ E riai te tia koroboki ao te mataniwi ibukin te mwakuri ni kauringa mwin aia mwakuri bwaiania ni moani Maati n noria bwa tera ae a a tia ni karaoia bwaiania i nanoni moan iteran te ririki ni mwakuri. Ngkana iai aia kangaanga bwaiania a riai ngkanne unimwaane n te ekaretia ni buokiia ao ni kakorakoraia.

◼ A riai unimwaane ni kamani katauraoi raoi ibukin te botaki ni Kauring are e na karaoaki n te Kauabong, ni Maati 30, 2010. A aki riai ni kabutaki banna ni Kauring ni karokoa ae e bung taai n 30 iai bongin te namwakaina anne. Te wain ae uraura ae tau ni kabonganaaki bon are e aki renganaki ma te spices, kareweaki, ke te wain ae matoatoa. Ngkana akea te wain ae uraura n tauraoi iroumi ao reitaki ma te ekaretia are i rarikimi ni bubutiia ke ni butiia ami mataniwi n te aono ae uarereke ibukin ana ibuobuoki.