Ibukia Rooro N Rikirake
Aron te Rarawa Nakon te Kaririaki
IOTEBA—MWAKORO 1
Kaetieti: Karaoa aei n te tabo ae rau. Ni warekan te Baibara ao iangoia bwa aongkoa ngkoe naba kaain te karaki. Kataamneia te karaki. Kakauongo n taiani bwanaa. Namakina ae a namakinna kaain te karaki. Kamaiua te karaki n aron ae kaanga e bon riki.
Kaain te karaki: Ioteba ao buuni Botiba
Kakimototoana: E rarawa Ioteba nakoni kaririana ae te wene ni bure ma buuni Botiba.
1 IANGOA RAOI TE KARAKI.—WAREKA KARIKANI BWAAI 39:1-12.
Kabwarabwaraa aroni buburan ana auti Botiba ma tamaroana ngke ko a tabe n iangoia.
________
Tera aron taraan Ioteba iroum? (Ibuobuoki: Manga wareka te kibu 6.)
________
Tera am namakin ni bwanaan Ioteba ngke e taetae nakoni buuni Botiba n te kibu 8 ao 9?
________
2 UKEUKE MWAAKA.
Tera ae e kona ni kaririaki iai Ioteba bwa e na kakeaa aroaroni maiuna ae riai? (Ibuobuoki: Wareka I-Biribi 2:12 ao iangoa aron Ioteba. N te katoto, a mena ia ana utu Ioteba ma raona n taromauria Iehova n te tai arei?)
________
N am iango, e kona n iangoia Ioteba bwa te wene ni kimoa bon te bure nakon te Atua n te tai arei, ngkai akea te tua mairoun te Atua ibukin te wene ni kimoa? (Ibuobuoki: Wareki ao iaiangoi kiibu aikai: Karikani Bwaai 2:24; 12:17, 18; I-Rom 2:14, 15; ao I-Ebera 5:14.)
________
3 MAIUAKINA REIREIAM. KOREI REIREIAM NI KAINETI MA . . .
Irekereken te taubaang ma karineam i bon iroum.
________
Kakabwaia aika reke irouia te koraki ake a nimta ana kaetieti te Atua ibukin te aroaro ni maiu ae riai.
________
Kainnanoani kataneiaan am “atatai.” (I-Ebera 5:14)
________
MAIUAKINAN REIREIARA N TE ARO AE RAABABANAKO RIKI.
N aaro raa ni maium ae ko na kamatoaa riki iai am babaire ngkana ko na rarawa nakoni kaririakim n te wene ni bure? (Ibuobuoki: Wareka ao iangoa Iobi 31:1; Taian Areru 119:37; I-Ebeto 5:3, 4.)
________
4 TERA TE BWAI AE MOAN TE KAKAWAKI IROUM MAN TE KARAKI AEI, AO BUKIN TERA?
________
Ngkana akea am Baibara, titirakinia ana tia Kakoaua Iehova ibukini karekean teuana, ke warekia n te internet www.watchtower.org