E A Nga Ngkai Te Atua? — Watchtower ONLINE LIBRARY

E A Nga Ngkai Te Atua?

N Tebetembwa 11, 2001 n 8:46 n te ingabong, ao e a okaanako te World Trade Center are i New York City te wanikiba ni bwatintia tewaana. Aio boni moanakini karaoan teuana mai buakon aia kainibaire taan iowawa aika tiritiri ibukin taabo aika bati. Imwin anne, i nanon 102 te miniti ao a a mate iai tao 3,000 aomata.

Ritembwa 26, 2004

E riki te mwaeiei ae 9.0-korakorana ni Marawan Inria ike a a otirake iai naao aika rangi n totoakaei teuana imwin teuana ake a orei aaba aika 11 n ikotaki naba ma Aberika, ae raroana bon 5,000 tabun te kiromita. A mate aomata aika 150,000 ke a bua rabwataia i nanon tii teuana te bong, ao e raka i aon teuana te mirion ake a a tiku n akea mwengaia.

N Aokati 1, 2009 ao e buti n te jet-ski i taari te mwaane ae 42 ana ririki ma natina te mwaane ae 5 ana ririki, ike a a okaanako iai te tabo n rooroo ae karaoaki man te kai. E mate te karo, ao e maiu teutana te tai natina ma e mate n te bong are imwina. E taku ana koraki te karo aei are e rangi n rawawata nanona: “Ti kantaningaia bwa e na iai te kakai are e na kona ni kamaiua te ataei aei.”

Ni warekan taekan aia kamangaongao taan iowawa ke kabuanibwai aika karina ke ngkana ko kaaitara ma te kangaanga, ko iaiangoia bwa tao e nori baikai te Atua ke e aki? Ko iaiangoia bwa e a tia ni kitanira? Iai te kaeka ae kabebetenano n te Baibara ae ti nang noria.

[Picture Credit Lines n iteraniba 3]

PRAKASH SINGH/AFP/Getty Images