Uaiakinan Riki Bwaikoraki Aika Bati

“Ngkana a aki kona n toki nanora n tangiran bwaai, nanona ngkanne bwa ti a bon aki kona n rauaki.”​—Te ribooti man te Worldwatch Institute

“TERA ae ti tangiria? Bwaai ni kabane. N ningai ae ti tangiri iai? Ngkai.” E rangi n tanoata te kibuntaeka aei i buakoia ataein te kuura ae rietata tabeman i nanon 1960 tabun. Ni boong aikai, a aki kona n ongoraeaki taeka aikai, ma e a bon tiku n aia iango aomata te boto n iango aei. Te koaua, bwa n ara bong aikai, ao e taraa n anaaki riki nanoia aomata nakon uaiakinan ae bati riki.

A a tia aomata aika mwaiti ni moanibwaia kabatian riki kaubwaia ao aia bwai aika mwaiti. E taekina ae kangai te Beretitenti ngkoa n te U.S. ae Jimmy Carter: “E boto kinaakin te aomata man kaubwaina ao tiaki man te mwakuri ae e karaoia.” Iai bwaai aika kakawaki riki nakoni kaubwaira? Ngkana iai, ao baikara, ao kakabwaia raa aika ti kona ni karekei mai iai?