Ko a Riai ni Katoka te Maroro?

Ngkana iai temanna ae tabeka te titiraki teuana ke ni kaota tabeaiangana, ti kukurei n reita te maroro. Ti kani maroro ma aomata aika “a tauraoi nanoia ni butimwaea te koaua ae kairiia nakon te maiu are aki toki.”​—Mwa. 13:48.

Ma tera arom ngkana e a un te aomata, e kani kauntaeka, ke e a aki kani maroro n te tai moa anne? Katoka te maroro n te aro ae rau ao ae riai. (TaeRab. 17:14) Bwaina te karinerine ao te akoi bwa e aonga te aomata anne n tauraoi ni maroro ma ngaira n taai aika a na roko.​—1Bet. 2:12.