Reirei 14

Raoraon te Atua A Kararoaa te Buakaka

Tatan e kariria aomata bwa a na karaoa te mwakuri ae buakaka. Te aomata ae e tangiria ni kan riki bwa raoraon te Atua e kainnanoi ribaakin bwaai ake e riribai Iehova. (Taian Areru 97:10) Aikai tabeua bwaai ake a riai ni kararoai, raoraon te Atua:

Te Wene ni bure. “Ko na tai wene ni bure.” (Te Otinako 20:14) Te wene ni bure imwain te mare e boni bure naba.​—1 I-Korinto 6:18.

Te Mamanging. “Tani manging . . . a na aki ababa . . . n Uean te Atua.”​—1 I-Korinto 6:10, Baibara ni Katorika.

Te Tiritiri, Kabwakakiia Ataei. “Ko na tai kamateia aomata.”​—Te Otinako 20:13.

Te Anaibwai. “Ko na tai ira.”​—Te Otinako 20:15.

Te Kewe. Iehova e riba “te newe ae kewekewe.”​—Taeka N Rabakau 6:17.

Te Tiritiri ae Iowawa ao te Un ae Aki Kan Tautauaki. “[Iehova] e riba te aomata ae buakaka ma ane tangira te tiritiri.” (Taian Areru 11:5) “Ana makuri nako te rabata [e nanona naba] . . . taian un.”​—I-Karatia 5:19, 20.

Takakaronakin te Mwane. “Kam na aki raona te aomata ae . . . e mataai ni kanibwaibwai.”​—1 I-Korinto 5:11.

Te Kairiribai Imarenaia Aomata Aika Kaokoro Aia Reeti ke Aia Katei. “Kam na tangiriia ami kairiribai, ao tataro ibukiia akana bainikiriningkami.” ​—Mataio 5:43-44.

Bwaai ni kabane ake E kaongoira te Atua a karekea kakabwaiara. E aki bebete n taai nako kararoakin mwakuri aika bubuaka. N ana ibuobuoki Iehova ao n aia ibuobuoki ana tia Kakoaua, ko kona ni kararoai karaoan mwakuri ake a aki kakukureia te Atua.​—Itaia 48:17; I-Biribi 4:13; Ebera 10:24, 25.