ANA KATENUA N RETA IOANE
1 Ngai ae te unimwaane, nakoni Kaio ae tangiraki ae I tangiria ni koaua.
2 Tariu ae ko tangiraki, I tataro bwa ko na kabwaia ni bwaai ni kabane ao ni marurung, n ai arom ngkai ko* boni kabwaia. 3 Bwa I rangi ni kimwareirei ngke a roko taari ao a kaotiota taekan am kakaonimaki nakon te koaua,+ ao I kimwareirei ngkai ko teimatoa n nakonako iai. 4 Ao akea riki te bwai ae N na rangi ni kimwareirei* iai nakon aei: ae te ongo taekaia natiu bwa a teimatoa n nakonako i nanon te koaua.+
5 Tariu ae ko tangiraki, ko kaotiota am kakaonimaki n am mwakuri ae ko karaoia ibukia taari, e ngae naba ngkana ko aki kinaia.+ 6 A a tia ni kaotiota taekan am tangira i matan te ekaretia. Taiaoka n tabeakinia naakai ni mwanangaia n te aro ae e na kukurei iai te Atua.+ 7 Bwa a mwananga ibukin aran te Atua, ao a aki anai bwaai+ mairouia kaain te aonnaba.* 8 Mangaia ae ti riai ni butimwaeiia te koraki aei+ n akoakoiia, bwa ti aonga n riki bwa raao ni mwakuri ibukin te koaua.+
9 Iai te bwai ae I koreia nakon te ekaretia, ma e rawa ni butimwaea te bwai teuana mairoura+ Rioterebe are kani kakannato i buakoia.+ 10 Anne bukina ae ngkana I roko ao N na kaotaraei ana mwakuri ake e karaoi, bwa e kabutiinako taekara n uaraoira.*+ E aki rau nanona n aei, ao e rawa ni butimwaeiia taari+ ma te karinerine, ao e kataia n tukiia te koraki ake a kani butimwaeiia naakai, ao ni kabaneia te koraki akanne man te ekaretia.
11 Tariu ae ko tangiraki, tai kakairi n te bwai ae buakaka, ma kakairi n te bwai ae raoiroi.+ Ane e karaoa ae raoiroi ao e nako mairoun te Atua.+ Ane e karaoa ae buakaka ao e tuai n nora te Atua.+ 12 A bane taari n taekin aroaron Temeterio aika raraoi, ao e kaotioti naba te koaua ibukina. Ni koauana, ti kaotioti naba ngaira ibukin teuaei ao kam bon ataia bwa e koaua ara kaotioti ae ti anga.
13 A bati baika I kani korei nakoim, ma I a aki kani korei n te reta. 14 Ma I kantaningaia bwa N nangi bon noriko, ao ti na itaramata n taetae.
Ke e mena iroum te rau.
A kamauriko raoraora. Aanga au kamauri nakoia raoraora n tatabemania nako.
Kuriiti, psy·kheʹ, nora Nanon Taeka.
Ke tao, “te bwai ae N na kakaitau riki iai.”
E nanonaki iai aomata aika aki onimakina te Kristo.
Kuriiti, “taekinira n taeka aika buakaka.”