OTEA
1 Ana taeka Iehova are roko iroun Otea* are natini Beeri n ana bong Utia,+ Iotam,+ Aati,+ ao Etekia,+ ake uean Iuta,+ ao n ana bong Ieroboam+ are natin Ioaati+ are uean Iteraera. 2 Ngke e a taetae Iehova rinanon Otea, ao e kangai Iehova nakon Otea: “Naako, ao ko na mare ma te aine ae e na riki bwa te aine ae kakabooaki ibukin te wene ni bure,* ao a na reke natim man aron neienne ni kakabooaki,* ibukina bwa e a rairakinako raoi te aba aei mairoun Iehova ibukin aroia ni kakabooaki.”*+
3 Mangaia are e nako teuaei ao e mare ma Komera are natin Tiberaim, ao e a bikoukou neiei ao e bungia natin teuaei ae te mwaane.
4 Ao e taku Iehova nakoina: “Aranna bwa Ietireera,* bwa teutana riki te tai ao N nang kaeta taekan ana utu Ieu+ n ekianako, ibukin te mwakuri ni katuturaraa nakon Ietireera,* ao N na karokoa n tokina te tautaeka n uea ae Iteraera.+ 5 N te bong anne ao N na otea aia kainikatebe kaain Iteraera n te Mwarua* i Ietireera.”
6 E a manga bikoukou riki neiei ao e bungia te nati te aine. Ao e taku te Atua nakon teuaei: “Aranna bwa Roruama,* bwa N nang aki manga nanoangaiia+ tibun Iteraera, ibukina bwa N na boni kakioianako.+ 7 Ma N na nanoangaiia tibun Iuta,+ ao N na kamaiuia ngai ae Iehova ae Atuaia.+ N na aki kamaiuia n te kainikatebe, ke n te kabaang, ke n te buaka, ke n taian aoti, ke irouia taan toka i aoia aoti.”+
8 Imwini kakorirakin Roruama, ao e a manga bikoukou neiei ao e bungia te nati te mwaane. 9 Ao e taku te Atua: “Aranna bwa Roami,* ibukina bwa ai tiaki au aomata ngkami ao ai tiaki Atuami ngai.
10 “Ao mwaitiia tibun Iteraera e na riki n aron tanoni biken taari ae aki kona ni warekaki ke n ataaki mwaitina.+ Ao n te tabo are e taekinaki iai ae kangai nakoia, ‘Ai tiaki au aomata+ ngkami,’ e na bon taekinaki iai nakoia ae kangai, ‘Bon natin te Atua ae maiu ngkami.’+ 11 Ao a na ikotaki ni kabane kaain Iuta ma kaain Iteraera n te nano ae tii teuana,+ ao a na rinea te tia kairiri ae tii temanna i bon ibukia, ao a na waerake n otinako man te aba, bwa bon te bong ae kakawaki ana bong Ietireera.+
2 “Kam na kangai nakoia tarimi, ‘Au aomata!’*+
Ao kangai nakoia mwaanemi, ‘Bon te aine ngkoe ae ko nanoangaaki!’*+
2 Kam na bukina tinami, bukinna,
Bwa bon tiaki buu neienne,+ ao tiaki buuna ngai.
E riai ni kaaki mairouna arona ni kakabooaki ibukin te wene ni bure,*
Ao ana wene ni kimoa mai marenani mammana.
3 Bwa I kaawa ni buuta karabaana ao ni karaoia nakon arona n te bong are e bungiaki iai,
Ao ni karaoia bwa kaanga te rereua,
Ao ni karikia bwa te aba ae akea te ran iai,
Ao ni karaoia bwa e na mate n te bora n taka.
4 N na aki nanoangaiia natina mwaane,
Bwa bon naati aika reke man arona ni kakabooaki.*
5 Bwa e a tia tinaia n riki bwa te aine ae kakabooaki.*+
E a tia ni karaoa te aro ae kamaamaa neiere bikoukouia,+ bwa e taku,
‘N na rimwia naake au tangira aika korakora aia kaibwabwaru,+
Ake te koraki ake a anganai kanau te kariki ma au ran,
Ao kunnikaiu ae buraen te tiibu ma au rinen, ao au oera ma nimau.’
6 Mangaia ae N na tuka kawain neiei n te oo ae te aroka ae kateketeke,
Ao N na katea te oo ae te atibu n tukia iai,
Bwa e aonga n aki kona n reke kawaina.
7 E na rimwia naake ana tangira aika korakora aia kaibwabwaru ma e na aki ooiia.+
E na ukoukoriia ma a na aki reke irouna.
Imwina ao e na kangai, ‘N nang okira teuare moani buu,+
Bwa e nakoraoi riki arou n te tai arei nakon ae ngkai.’+
8 E aki ataia ae boni ngai are I anganna te uita,*+ te wain ae boou, ao te oera.
Ao boni ngai are I anganna te tirewa ae bati ma te koora,
Ake a kabonganai ibukini Baara.+
9 ‘Mangaia ae N na oki ao n uotaanako au uita n tain te tai,
Ao au wain ae boou n tain ikotakina,+
Ao N na katikaanako kunnikaiu ae buraen te tiibu ao au rinen ake a rabuna bwain rabwatan neiei ae riai ni karabaaki.
10 N nang kaotii ngkai bwain rabwatan neiei aika riai ni karabaaki bwa a na noria raoi naake ana tangira ake a korakora aia kaibwabwaru,
Ao akea te mwaane temanna ae e na kamaiua neiei mai nanoni baiu.+
11 N na katoka kimwareirein neiei ni kabane,
Ana toa nako,+ bongin nako otin namwakaina, ana bongi n taabati, ao ana bongi n toa nako.
12 Ao N na urui arokan neiei aika kureebe ao arokana aika biiku, ake e kangai ibukia:
“Boni boou baikai aika a anganai naake au tangira ake a korakora aia kaibwabwaru,”
N na oniki nakon taiani buakonikai,
Ao a na kang manin te tawaana aika moaanti.
13 N na kaeta taekan neiei n ekianako ibukini boong ake e anga iai taiani karea nakoni bouannantin nako Baara,+
Ngke e katamaroaa n ana mwamwa ao ni bwaai ni katamaroa, ao e kaeiia naake ana tangira ake a korakora aia kaibwabwaru.
Ao boni ngai ae e mwaninga taekau,’+ bon ana taeka Iehova.
14 ‘Mangaia ae N na anaa nanon neiei,
Ao N na kairia nakon te rereua,
Ao N na tataetae n anaa nanona.
15 N na manga kaoki ana nne ni kureebe nakoina ni moa man te tai anne,+
Ao e na rinnako n rinanon te Mwarua* ae Akora+ nakon te aba ae reke iai te kantaninga.
Ane e na kaeka neiei ikanne n aron are n ana bongi n roro n rikirake,
N aron are n te bong are e otinako iai man te aba are Aikubita.+
16 Ao n te bong anne,’ bon ana taeka Iehova,
‘Ane e na atongai ni kangai, Buu teuaei, ao e na aki manga atongai ni kangai, Au toka.’*
18 N te bong anne ao N na karaoa te berita ibukia ma manin te tawaana aika moaanti,+
Ao mannikiba ake i annang, ao baika kawakawa i aontano,+
Ao N na kanakoa man te aba te kainikatebe ao te kabaang ao te buaka,+
19 N na kainrouai ma ngkoe n aki toki,
Ao N na kainrouai ma ngkoe n te raoiroi ao n te kaetitaeka ae riai,
20 N na kainrouai ma ngkoe n te kakaonimaki,
Ao ko na bon ataa Iehova.’+
21 ‘N te bong anne ao N na kaeka,’ bon ana taeka Iehova,
‘N na kaekaa karawa,
Ao karawa e na kaekaa te aonnaba.+
22 Ao te aonnaba e na kaekaa te uita ma te wain ae boou ao te oera,
23 N na unika neiei i bon ibukiu n te aonnaba n aron te koraa,+
Ao N na nanoangaa neiere aki nanoangaaki,*
N na kangai nakoia te koraki ake tiaki au aomata:* “Bon au aomata ngkami,”+
Ao ane a na kangai: “Bon Atuara ngkoe.”’”+
3 Ao e taku Iehova nakoiu: “Naako riki ao tangira te aine are tangiraki iroun te mwaane temanna ao e wewene ni kimoa.+ Anne naba aron Iehova ngkai e tangiriia tibun Iteraera+ ake a rairaki nakoia atua riki tabeman,+ ao a tangiri taiani kureebe aika bati aika buabuaaki aika mwau.”*
2 Mangaia are I kabooa neiei ibukiu, n 15 te mwakoro n tirewa ao n te baare ae teuana ao te iterana te bwai ni baire ae te oma.* 3 Ao I taku nakon neiei: “Ko na maeka ma ngai i nanoni boong aika bati. Ko na aki manga riki bwa te aine ae kakabooaki ibukin te wene ni bure,* ao ko na aki wene n taanga ma te mwaane temanna, ao ngai N na karaoa naba te aro anne nakoim.”*
4 E riki anne ibukina bwa a na maeka tibun Iteraera i nanon te tai ae maan* n akea te uea,+ n akea te toka, n akea te angakarea, n akea te boua ae tabu, ao n akea te ebota+ ma bouannanti aika terebim.*+ 5 Imwin anne ao a na oki tibun Iteraera ma n ukoukora Iehova ae Atuaia+ ao Tawita are aia uea.+ Ao ane a na roko ma te rurubenebene nakon Iehova ibukin raoiroina, ni kabaneani boong.+
4 Ongora n ana taeka Iehova ngkami aika tibun Iteraera,
Bwa iai ana tangitang Iehova ni kaaitaraia kaain te aba,+
Ibukina bwa akea te koaua ke te tangira ae koaua* ke ataakin te Atua n te aba aei.+
2 E a taabangaki taian taetae n tuea ni kewe, te kewekewe,+ te tiritiri,+
Ao te iraa, ao te wene ni kimoa.+
Ao e taorimwiaki te mwakuri ni katuturaraa teuana n te mwakuri ni katuturaraa are imwina.+
3 Anne bukina ae e na nanokawaki te aba aei,+
Ao a na bane kaaina ni mamaara.
A na mate manin te tawaana aika moaanti ao mannikiba ake i annang,
Ao ikan naba taari.
4 “Ma ke e tai kauntaeka te aomata temanna ke ni boaa te aba,+
Bwa titeboo am aomata ma te koraki aika kauntaeka ma te ibonga.*+
5 Mangaia ae ko na bwaka i aan ootan te ngaina,
Ao e na bwaka ma ngkoe te burabeti n aron ae kaanga e bwaka te aomata n te bong.
Ao N na kainabwabua* tinam.
6 A na kainabwabuaki* au aomata ibukina bwa akea te atatai.
N na ribaiko naba ni beku bwa au ibonga
Ibukina bwa ko ribaa te atatai.+
7 Ngkana a ririkirake mwaitiia ao a na bati riki ni bubure nakoiu.+
N na bita karineaia nakon te bwaibwainrang.*
8 A amwamwarake n aia bure au aomata
Ao n nanonrangia aia kairua.
9 E na bon tii te arona aroia aomata ma ibonga.
N na kaetii taekaia ibukin aroia
Ao N na karokoi i aoia mwin aia mwakuri.+
10 A na amwarake ma a na aki rauaki.+
A na wene ni bure ma aomata aika kakaokoro,* ma a na aki ririkirake mwaitiia,+
Ibukina bwa a aki kaota mutiakinan Iehova.
11 E uotaanako te kani karaoa ae eti*
Te kakabooaki ibukin te wene ni bure,* te wain, ao te wain ae boou.+
12 A bubutii buokaia au aomata irouia aia bouannanti aika kaai,
Ao ni karaoa are e tuangia okoia.*
Ibukina bwa e katiotionakoia te nano ni kani kakabooaki ibukin te wene ni bure,*
Ao a rawa n aantaeka nakon Atuaia ibukin aroia ni kakabooaki.*
13 A angakarea i aon taubukini maunga,+
Ao a kabueki karea ni kabubui i aon taian tabuki,
I aan aroka aika oke ao aroka aika titorakiti* ao aroka nako aika bubura,+
Ibukina bwa e raoiroi nuuia.
Anne bukina ae a riki iai natimi aine bwa aine aika kakabooaki,*
Ao a wene ni kimoa aine ake buuia natimi mwaane.
14 N na aki kaetii taekaia natimi aine n ekiianako ibukin aroia ni kakabooaki,*
Ao N na aki kaetii taekaia buuia natimi mwaane n ekiianako ibukin aia wene ni kimoa.
Bwa a irinako mwaane ma kabekaau,
Ao a angakarea ma ainen te tembora ake a kakabooaki.
A na boni kamaunaaki aeka n aomata akanne aika akea irouia te ataibwai.+
Tai mwananga nako Kirekara+ ke nako Betaawen+
Ao tai taetae n tuea ni kangai, ‘Ngkai bon iai Iehova!’+
16 Bwa a imanono tibun Iteraera n aron te kao ae imanono.+
Te koaua bwa e na kawakinia Iehova bwa kaanga te tiibu mwaane ae ataei n te tawaana ae aki ooaki?*
17 E nimti bouannanti Eberaim.+
Katikua ma arona!
Ao a rangi n tangira te aroaro ae kamaamaa ana tia tautaeka* neiei.+
19 Ao te ang e na niroaa neiei* ni baina ni kiba,
Ao a na maamaa n aia karea.”
5 “Ongora n te baei ngkami aika ibonga,*+
Mutiakinna ngkami aika tibun Iteraera,
Ao kakauongo ngkami aika ana utu te uea,
Bwa e irekereke te motikitaeka ma ngkami,
Ibukina bwa bon te bwai ni kamwane ngkami nakoni Mitiba,
Ao te karaun ae taakinaki i aon Tabora.+
2 E korakora irekerekeia n te tiritiri te koraki ake a a bwaka,*
Ao I anga te kauring* nakoia ni kabane.
3 I ataa Eberaim,
Ao e aki raba mairou Iteraera.
Ko a tia ngkai ngkoe ae Eberaim ni wene ni bure ma aomata aika kakaokoro,*
Ao e a tia Iteraera ni kamwaraea i bon irouna.+
4 A tukaki n aroaroia bwa a na aki okira Atuaia,
Ibukina bwa iai i buakoia te nano ni kani kakabooaki ibukin te wene ni bure,*+
Ao a aki kan tabe ma Iehova.
5 E kaotioti kainikatongan Iteraera ni kaitaraa,*+
Ao a bwaka Iteraera ma Eberaim n aia bure,
Ao e bwaka naba Iuta ma ngaiia.+
6 A nako n ukoukora Iehova ma aia nanai n tiibu ao aia kao,
Ma e aki kona n reke irouia.
E a tia ni kitania.+
7 A aki kakaonimaki nakon Iehova,+
Bwa a riki bwa tamaia naati mwaane aika ianena.
Ao a nang kabwautaki ngkai ma tibwangaia* i nanon teuana namwakaina.
8 Katanga te buu ae te koro+ i Kibea, ao te buu i Rama!+
Takarua n te takakaa ni buaka i Betaawen,+ ti a mwananga n rimwim ngkoe ae Beniamin!
9 Ko na riki ngkoe ae Eberaim bwa te bwai ni kakamaaku n te bong ni katuuaa.+
I a tia ni kaota i buakoia aia baronga tibun Iteraera, te bwai ae e na bon riki.
10 Titeboo tokan Iuta ma te koraki aika kamwainga te tia.+
N na kabwaroa uniu ae korakora i aoia n aron te ran.
11 E karawawataaki Eberaim ao ni kamanatuaaki n te motikitaeka,
Bwa e motika nanona bwa e na iriia taani kakaitaraa.+
12 Mangaia ae I a riki bwa kaanga te koa* iroun Eberaim,
Ao kaanga te mka irouia tibun Iuta.
13 Ao ngke e nora aorakina Eberaim, ao Iuta kaboana,
Ao Eberaim e nako Aturia+ ma ni kanaanako nakon te uea ae kakannato.*
Ma e aki kona te uea ni kamarurungko,
Ao e aki kona naba ni kamaoa kaboam.
14 Bwa N na riki bwa ai aron te raian ae ataei nakon Eberaim,
Ao ai aron te raian ae korakora nakoia tibun Iuta.
N na bon raeraebiti ao imwina I nako.+
N na uotiianako ao akea ae e na kamaiuia.+
15 N na nako ao n okira au tabo ni karokoa ae a kaaitarai mwin aia bure,
Ane a na ukoukorai ngkana a karawawataaki.”+
6 “Nakomai ao ti na okira Iehova,
Bwa e a tia n raebitira+ ma e na kamarurungira,
Ao e oreira ma e na bautii ikoakira.
2 E na kaoki korakorara imwin uabong,
Ao e na kateirakeira n te katenua ni bong,
Ao ti na maiu i matana.
3 Ti na ataia, ti na ingainga n ukoukora ataakin Iehova.
E matoa raoi rokona n aron rokon tabwenani mainiku.
E na roko iroura n aron te karau ae bwaka,
Ao n aron te karau n tain te abue ae karotoa te tano.”
4 “Tera ae I riai ni karaoia nakoim ngkoe ae Eberaim?
Tera ae I riai ni karaoia nakoim ngkoe ae Iuta?
Bwa ai aron te nang n te ingabong ami tangira ae koaua,*
Ao ai aron te aoi ae waekoa ni maunanako.
Ao a na oota n aron te oota taiani motikitaeka ake i aom.+
6 Bwa I rangi ni kimwareirei n te tangira ae koaua* ao tiaki n te angakarea,
Ao n ataakin te Atua n oneani mwini karea ni kabuekaki aika bwanin.+
7 Ma a a tia ngaiia n urua te berita n aroia aomata aika bubure.+
A aki kakaonimaki nakoiu ikekei.
9 Te koraki n ibonga* kaanga ai aroia taani kuribwai aika karan imwain te aomata.
A tiritiri n te kawai are i Tekem,+
Bwa e kanuka aroaroia.
10 I a tia n nora te bwai ae rangi ni buakaka i buakoia tibun Iteraera.
11 Ni kaineti ngkanne ma ngkoe ae Iuta, e a tauraoi ibukim te uaa ae riai n taiaki,
Ngkana I ikotiia ni kaokiia au aomata aika taenikai.”+
7 “N te tai are I kamarurunga iai Iteraera,
Ao e a kaotaraeaki naba ana bure Eberaim,+
Ma buakakan Tamaria.+
Bwa a mwamwanaa te aba,+
Ao a urubwai ma ni kimoa taan iraa, ao a kuribwai i tinaniku taani kuribwai.+
2 Ma a aki taekinna i nanoia ae N na uringi buakakaia ni kabane.+
A a otabwaniniaki ngkai n aia mwakuri.
A boni mena raoi i matau.
3 A kakimwareireia te uea ni buakakaia,
Ao tooka n aia mwamwanaa te aba.
4 Bon taani wene ni kimoa ngaiia ni kabane
Aika bue n aron te ai n umum ae kauraaki iroun te tia umum,
Ae e katoka kakibean te ai ngke e kaboboa te bua ni burawa ni karokoa ae e a riki.
5 N aia bong ara uea ao a aoraki tooka,
Ao a korakora unia ibukin te wain.+
E arora baina nakoia taani bwainingare.
6 Bwa a keerake ma nanoia ae bue n aron te ai n umum.*
E matu ni kangainaa te tia umum,
Ao e urarake te ai n umum ngke e a ingabong n aron uran te ai.
7 A bane ni kabuebue n aron te ai n umum,
Ao a kamaunaia aia tia tautaeka.*
8 E reitaki Eberaim ma natannaomata.+
Titeboo Eberaim ma te bwerena ae mronron ae tiku n aki rairaki.
9 A a tia ianena ni kana korakoran teuaei+ ma e aki ataia.
Ao e a mainaina atuna n irannatuna aika iaia, ma e aki ataia naba.
10 E kaotioti kainikatongan Iteraera ni boni kaitaraa,+
Ma a aki okira Iehova ae Atuaia,+
Ao a aki naba ukoukoria n aki ongei baikai ni kabane.
11 Titeboo Eberaim ma te taobe ae nanobaba, ae e aki ataa ae riai.*+
A wewetea Aikubita,+ ao a nako Aturia.+
12 N na taakina au karaun i aoia n taabo ake a nako iai.
N na kabwakaia n aroia mannikiba ake i annang.
N na reireinia ni kaetiia ni kaineti ma te taeka ni kauring are a anganaki aia koraki ake a ikotaki.+
13 Ke e reke kaia, bwa a birinako mairou!
Ke e roko te urubwai irouia, bwa a bure nakoiu!
I tauraoi ni manga kabooia, ma a taekini keewe n ekainako.+
14 A aki wewete nakoiu mai nanoia ibukini buokaia,+
E ngae ngke a teimatoa n tanginiwenei i aoni nneia ni wene.
A korokoreiia i bon irouia ibukin aia uita* ao aia wain ae boou.
A rairaki n ekainako.
15 E ngae ngke I reireinia ni kaetiia ao ni kakorakorai anganibaia,
Ma a ekainako ni bairea te bae buakaka.
16 A bitii kawaia ma tiaki nakon te bwai ae rietata riki.*
A aki kona n onimakinaki n aron te kainikatebe ae bwakee.+
A na bwaka aia toka n te kabaang ibukin neweia aika kakaaitara.
A na riki bwa te bwai ni bwainingareaki ibukin aei, n te aba ae Aikubita.”+
8 “Kaaki te buu ae te koro i wim!+
2 A tang n takarua nakoiu ni kangai, ‘Atuara, ti ataiko ngaira aika tibun Iteraera!’+
3 E a tia Iteraera n rawa nakon te bwai ae raoiroi.+
Ke e kaeaki iroun te tia kairiribai.
4 A rineiia ueea, ma tiaki rinanou.
A rineiia tooka ma I aki kinaia naakai.
5 E a ribaaki am kao te teei, ngkoe ae Tamaria.+
E urarake uniu irouia.+
A na maanra riki ngaiia ni babanga n aki bure?*
6 Boni mairoun Iteraera te baei.
E karaoia te tia karaobwai ae mwaatai ao bon tiaki te Atua.
E na kamaerikirikaki ana kao te teei Tamaria.
7 Bwa bon te ang ae a unikia,
Ao a na taia te angibuaka.+
Ngkana iai ae e reke ao a na ongnga iabatera.*+
8 E na ongaki Iteraera.+
A nang mena ngkai i buakoia natannaomata,+
N aroni nnen te bwai ae aki tangiraki.
9 Bwa a waerake nako Aturia+ n aron te taongki ae moaanti ae akea raona.
E a tia Eberaim ni kabooia ana tangira.+
10 E ngae ngke a kabooia mai buakoia natannaomata,
Ma N nang ikotiia ngkai.
Ane a nangi moanna ni karawawataaki+ ibukin te rawawata are e katokaa i aoia te uea ma tooka.
11 Bwa e a tia Eberaim ni kabatiai baonikarea ao e bure iai.+
A riki bwa ana baonikarea ni karakai riki ana bure.+
13 A anganai bwaai n tituaraoi aika karea ao a kana te irikomaiu,
Ma e aki kukurei Iehova ni baikai.+
E nang uringa ngkai aia kairua ao ni katuuaaeia ibukin aia bure.+
14 E a tia Iteraera ni mwanuokina te tia Karaoia+ ao e katei tembora,+
Ao Iuta e kabatiai kaawa aika nonoaki.+
Ma N na kanakoa te ai nakon aia kaawa,
Ao e na kabueki taian taua ake a mena n te kaawa teuana ma teuana.”+
9 “Tai kimwareirei ngkoe ae Iteraera,+
Ao tai kakatonga n ai aroia botannaomata.
Bwa ko tiotionako mairoun Atuam ibukin arom ni kakabooaki ibukin te wene ni bure.*+
Ko taatangira te boo ae reke mani kakabooakim ibukin te wene ni bure n taabo ni kaaki kun ni uita.+
2 Ma e na aki kaamwarakeia naakai te tabo ni kaaki kun ni uita ao te nne ni kamanti kureebe,
Ao e na akea te wain ae boou ibukin neiei.+
3 A na aki teimatoa ni maeka i aban Iehova,+
Ma n oneani mwin anne e na okira Aikubita Eberaim,
Ao a na kana te bwai ae kamwara i Aturia.+
Tii te arona ngaiia ma te amwarake ae kanaki n tain te nanokawaki.
A na bane ni kamwaraeia i bon irouia te koraki ake a kanna.
Bwa kanaia bon tii ibukia,
Ao e na aki uotaki nakon ana auti Iehova.
5 Tera ae kam na karaoia n te bong ni botaki,*
Ni bongin ana toa Iehova?
6 Bwa noria! ane a na birinako ibukin te kamaunanakoaki.+
E na ikotiia Aikubita+ ao e na kaiia Membiti.+
A na bwainaki aia bwai aika rangi ni kakawaki aika tirewa irouia uteute aika kateketeke,
Ao a na mena aroka aika kateketeke n aia umwanrianna.
E na riki n nanobaba aia burabeti ao e na rangirang teuare kairaki ana taeka rinanon te taamnei,
Ibukina bwa a bati am bure, ao e a bati te riribai nakoim.”
8 Bon raon Atuau+ ana tia tantani+ Eberaim.
Ma ngkai, a a bane n riki kawaia ana burabeti+ bwa kaanga ana bwai ni kamwane te tia kamwaneia mannikiba,
Ao e mena te riribai n ana auti Atuan te burabeti anne.
9 A iinako n te kamaunaaki n aroni bongini Kibea.+
E na uringa aia kairua ao ni katuuaaeia ibukin aia bure.+
10 “I kunea Iteraera n aroni kureebe n te rereua.+
I noriia am bakatibu n aroni moan uaan te aroka ae te biiku.
Ma a nakoni Baara-beore,+
Ao a katabuia i bon irouia nakon te bwai ae kanuka,*+
Ao a a kamwara n ai aron te baere a tangiria.
11 E kibanako karinean Eberaim n aron te mannikiba.
Ai akea te bung, akea te bikoukou, ao akea te taorake.+
12 E ngae naba ngkana a kaikawaiia ataei,
Ma N na anaiia mairouia ni karokoa ae ai akea te aomata n tiku.+
Eng, ke e reke kaia ngkana I tannako mairouia!+
13 Kaanga ai aron Turo+ irou Eberaim ae unikaki n te tawaana,
Ma e riai ngkai Eberaim ni kaotinakoia natina mwaane nakon te kamateaki.”
14 Iehova, angania te baere ko riai n angania,
Te biroto ae a bwabwaka naati ake iai, ma mamma aika akea rania.*
15 “A mena buakakaia ni kabane i Kirekara,+ bwa I ribaiia ikanne.
N na kakioianako man au auti ibukin aia mwakuri aika bubuaka.+
N na aki manga tangiriia,+
Bwa a bane n imanono aia toka.
16 E na kaikoakaki Eberaim.+
A na kamwautakatakaaki wakaaia, ao a na aki karikiuaa.
E ngae ngke a bung, ma N na kamateia kanoaia ake a nabenabeiia.”
17 E na rawa Atuau nakoia,
Bwa a aki ongo irouna,+
Ao a na riki bwa taan tiotionako i buakoia natannaomata.+
10 “Bon te kai ae te kureebe ae e a rikirake ni buakaka* Iteraera ae e karikii uaana.+
Ngkana e a bati riki uaana ao e a kabatiai riki ana baonikarea.+
Ngkana a a raoiroi riki uaan abana ao a a tamaroa riki ana boua aika tabu.+
2 E mwamwanaa te aba* nanoia,
Ao a nang reke ngkai n te bure.
Iai temanna ae e na urui aia baonikarea ao ni kamaunai aia boua.
3 A nang kangai ngkai, ‘Akea ara uea,+ bwa ti aki maaka Iehova.
Ao tera ae e kona ni karaoia ibukira te uea?’
4 A taekin taeka aika akea uaaia, a taetae n tuea ni kewe,+ ao ni karaoi berita.
Mangaia ae e na teberake te motikitaeka n aron uteute aika boitin n te tawaana ae kamarauaki tanona.+
5 A na tabeaianga ibukin te kao te teei ae bouannantin Betaawen+ kaain Tamaria,
Ao a na nanokawaki ibukin te baei naake bon ana aomata.
Ao ai aroia naba ibonga ake ibukin te atua ae ianena, ake a kimwareirei ibukina ao ibukini karineana.
Bwa e nangi nako mairouia ni kataenikaiaki.
6 E na uotaki nako Aturia bwa te bwaintangira nakon te uea ae kakannato.+
E na kamaamaeaki Eberaim,
Ao e na maamaa Iteraera ibukin te taeka n reirei are e kakairi iai.+
8 A na boni kamaunaaki+ taabo aika rietata i Betaawen,+ are ana bure Iteraera.+
A na rikirake aroka aika kateketeke ao kaai aika kateketeke i aon aia baonikarea.+
Ane a na kangai aomata nakoni maunga, ‘Rabunira!’
Ao nakon taian tabuki, ‘Bwakarira!’+
9 Ko bure ngkoe ae Iteraera man ana bong Kibea.+
A imanono ikanne.
A aki kauiaaki* n te buaka natin te buakaka i Kibea.
10 N na reireinia naba ni kaetiia ngkana I kukurei.
Ao a na ikotaki botannaomata n ekiianako,
Ngkana e a rawawata i aoia* aia bure ake uoua.
11 Bon te kao aine ae kataneiaaki Eberaim, ae kani kaaki kunin te uita,
Mangaia are I karekea maiun roroana ae tamaroa.
Ma N nang katokaa ngkai te aomata temanna i aon* Eberaim.+
E na kamarautano Iuta ma e na kamtea te tano Iakoba ibukina.
12 Uniki koraa i bon ibukimi n te raoiroi, ao taia te tangira ae koaua.*
Kamaraua i bon ibukimi tanon te aba n ununiki,+
Ngkai iai te tai n ukoukora Iehova,+
Ni karokoa ae e roko ao n reireiningkami n te raoiroi.+
13 Ma kam a tia ni kamaraua tanon te buakaka,
Ao kam a tia n taia te bwai ae aki raoiroi,+
Ao kam a tia ni kana uaan te mwamwanaa te aba.
Bwa kam onimakin oini kawaimi,
Ao ami tia buaka aika mwaitikurikuri.
14 E na teirake te kiriwe n ekiianako ami aomata,
Ao a na bane n uruakaki am kaawa aika nonoaki,+
N aron uruakan Arebera iroun Tiareman,
N te bong ni buaka are a tiringaki iai tiina n te aro ae iowawa ma natiia.
15 Anne te bwai ae e na karaoaki nakoimi ngkami aika kaaini Betaera+ ibukin taekinan te buakaka iroumi.
E na boni katiaaki aron* uean Iteraera ngkana e tabwena mainiku.”+
A teimatoa n angakarea nakoni bouannantin nako Baara,+
Ao n anga taiani karea nakoia bouannanti aika kaaraki.+
3 Ma boni ngai are I reireinia tibun Eberaim n nakonako,+ ao I mwanokaiia ni baiu.+
Ao a aki mutiakina ae I a tia ni kamarurungia.
4 I teimatoa ni kairiia n aia roobu aomata,* ni bwaai ni kabaebae aika bwain te tangira.+
Ao titeboo ngai irouia ma te aomata ae tabeka te amo mai mwangaia,
Ao I karaurau n anga te amwarake nakon temanna ma temanna.
6 Ao e na minomino te kabaang n ekinako ana kaawa,+
Ao e na kamaunai ana kai ni kamatoa ao ni kabwautiia ibukin aia babaire.+
7 A motika nanoia au aomata bwa a na okioki n aki kakaonimaki nakoiu.+
E ngae ngke a weteiia naakai ni waerake,* ma akea temanna ae teirake.
8 N na kangaa ni kaaki taekam ngkoe ae Eberaim?+
Ao ngkoe ae Iteraera N na kangaa n anga ngkoe nakoia taani kairiribai nakoim?
N na kangaa ni karaoa nakoim ae tii te arona ma Atema?
N na kangaa ni karaoiko n aron Teboiim?+
9 N na aki kaotiota uraraken uniu.
Ao N na aki roko n ekingkami nako ma uniu ae korakora.
10 A na rimwin Iehova ao e na bekorara n aron te raian.+
Ngkana e bekorara, ao a na roko natina mai maeao+ ma te rurubenebene.
11 A na rurubenebene n aron te mannikiba ngkana a otinako mai Aikubita,
N aron te taobe ae otinako man te aba ae Aturia,+
Ao N na kamaekaia n aia auti,” bon ana taeka Iehova.+
12 “E otabwaniniai Eberaim n te kewekewe,
Ao tibun Iteraera n te mwamwanaa te aba.+
12 “E amwamwarake Eberaim n te ang.
E kaea te angimainiku ni kabongnga.
E kabatiaa te kewekewe ao te iowawa.
E karaoa te berita ma Aturia+ ao a uota te oera nako Aikubita.+
2 Iai ana tangitang Iehova ni kaitaraa Iuta.+
E na kaeta taekan Iakoba n ekianako ni kaineti ma arona nako,
Ao e na manga anganna booni mwin ana mwakuri.+
4 E teimatoa ni kabokorakora ma te anera ao e tokanikai.
E tang ao e bubutii akoana mairouna.”+
E kunea teuaei i Betaera te Atua, ao ikanne are E taetae iai ma ngaira,+
5 Iehova ae Atuaia taanga ni buaka.+
Bon Iehova arana ae kanuringana.*+
6 “Mangaia ae okira Atuam,+
Kateimatoa te tangira ae koaua* ao te kaetitaeka ae riai,+
Ao kabotoa am kantaninga n taai nako i aon Atuam.
7 Ma e mena i nanoni bain te tia iokinibwai te kainikatine ae mwamwanaa te aba.
A kani babakanikawaia te aba.+
A na aki kunea te bwai teuana ae kairua ke ae bure i buakon au mwakuri korakora ni kabane.’
9 Ma bon Iehova ngai ae Atuam man* te aba are Aikubita.+
N na manga kamaekako n taian umwanrianna,
N aron are ni bongin te tai ae baireaki.*
11 E mena te mwamwanaa te aba* ao te kewe i Kireata.+
A kareani kaao mwaane i Kirekara,+
Ao aia baonikarea kaanga ai aroni bwariko n atibu n te tawaana ae kamarauaki tanona.+
12 E birinako Iakoba nako aonon* Aram,*+
Ao e beku ikekei Iteraera+ ibukini buuna,+
Ao e tararuaiia tiibu ibukini buuna.+
14 E kauna te Atua Eberaim n te aro ae riao,+
Ao e tiku i aona ana katuturaraa,
Ao ana Uea e na manga anganna booni mwin te kamaamaeaki are e karokoa i aona.”+
13 “A rurubenebene aomata ngke e taetae Eberaim.
E kakannato i Iteraera.+
Ma e reke n te bure ni kaineti ma Baara+ ao e mate.
2 A karakai riki ngkai aia bure,
Ao a karaoi bouannanti aika biiti* man aia tirewa,+
Ao a mwaatai ni karaoi bouannanti, aika aia mwakuri nako taani karaobwai aika mwaatai.
Ao a taku ni kaineti ma baikai, ‘Ke a kaboria ma kaao ataei mwaane ake a angakarea.’+
3 Mangaia ae a na riki bwa ai aron te nang n te ingabong
Ao n aron te aoi ae moantaai ni maunanako,
Ao n aroni kunin te uita ae ukakinako n te angibuaka man te tabo ni kaaki kun,
Ao n aron te bubu ae otinako mani bwangabwangan te taubuki.
4 Ma bon Iehova ngai ae Atuami man* te aba are Aikubita.+
Akea riki te Atua ae kam ataia ma tii ngai,
Ao akea riki te tia kamaiu i rarikiu.+
5 I kinaingkami n te rereua,+ n te aba ae mwautakataka.
6 A rauaki n aia tawaana.+
A rauaki ao e a kamoamoa nanoia,
Ai ngaia are a a mwaninga taekau.+
7 N na riki bwa ai aron te raian ae ataei nakoia,+
Ao n aron te rebwari ae kakaran i rarikin te kawai.
8 N na roko i aoia n aron te bea ae a bua bunna,
Ao N na raeuai bwabwaaia.*
N na kabwautiia ikekei n aron te raian,
Ao e na raebitia naakai manin te tawaana ae tiritiri.
9 E na kamaunako ngkoe ae Iteraera,
Ibukina bwa ko rairaki n ekainako, ko ekaanako te tia buokiko.
10 E nga ngkanne am uea, bwa e na kamaiuko n am kaawa ni kabane,+
Ao am tia tautaeka* ake ko kangai ibukia,
‘Anganai au uea ma au toka’?+
12 E niniraki* ana kairua Eberaim,
Ao e kaikoikoaki ana bure.
13 E na roko te ariri ni maraki irouna,
Ma bon te teei ngaia ae nanobaba
Ae e aki kaoti n te tai are e na bungiaki iai.
Te mate, a nga am kainnewa?+
Te Ruanimate, e nga am urubwai?+
E na karabaaki te nanoanga mai matau.
15 E ngae ngke e maiureirei i buakoni maunei,
Ma e na roko te angimainiku, ae ana ang Iehova,
Ao e na roko man te rereua bwa e na kabwatakatakaa aia mwanibwa ao ni kabanea ranin aia koburake n ran.
E na roko te aomata anne ni kuribwai ni nneni baika kakawaki, ike a bane ni mena iai aia bwai aika rangi ni kakawaki.+
16 E na reke n te bure Tamaria,+ bwa e karitei neiei nakon Atuana.+
A na bwaka n te kabaang,+
Ao a na tiringaki aia ataei n te aro ae iowawa,
Ao a na bwenaaki birotoia aia aine aika bikoukou.”
14 “Ko na oki ngkoe ae Iteraera nakon Iehova ae Atuam,+
Bwa ko bwaka ibukin am bure.
2 Ko na oki nakon Iehova ma taeka aikai,
Ao kangai nakoina, ‘Ko bia kabwarai ara bure+ ao butimwaea te bwai ae raoiroi mairoura,
Ao ti na anga te karaoiroi ae nako mai wira,+ n arora n anga kaao mwaane aika ataei.*
3 E na aki kamaiuira Aturia,+
Ao ti na aki toka i aoia aoti,+
Ao ti nang aki manga kangai, “Atuara!” nakon aia mwakuri baira,
Bwa boni mairoum ae e nanoangaaki iai te teei ae akea tamana.’+
4 N na kamarurungia man aroia n aki kakaonimaki,+
Ao N na tangiriia i aan inaomatau ni kan tangiriia,+
Ibukina bwa e a rairakinako uniu mairouna.+
5 N na riki n ai aron te aoi nakon Iteraera.
E na uee n ai aron te kiebu,
Ao ni karibui wakaana n ai aron aroka ake i Rebanon.
6 A na mwangaanga mwaangana,
Ao tamaroana ai aron tamaroan te kai ae te oriwa,
Ao boiararana ai aroni boiararan Rebanon.
Kakannatona* ai aroni wainin Rebanon.
8 Ane e na kangai Eberaim, ‘Tera riki irekerekeu ma bouannanti?’+
N na kaeka ao ni matakuakinna.+
N na riki bwa ai aron te kai ae te mwaiango ae maiureirei.
A na reke uaam mairou.”
9 Antai ae wanawana? Ke e ota ni baikai.
Antai ae ataibwai? Ke e atai baikai.
Kauarerekean Otiaia, ae nanona, “Kamaiuaki Iroun Iah; E a Tia Iah ni Kakamaiu.”
Ke, “wewene ni bure; wene ni bure ma aomata aika kakaokoro.”
Ke, “wewene ni bure; wene ni bure ma aomata aika kakaokoro.”
Ke, “wewene ni bure; wene ni bure ma aomata aika kakaokoro.”
Ae nanona, “E na Unika te Koraa te Atua.”
Te kaawa n uea, ike a mamaeka iai aia uea tibun Iteraera ake mai meang, e ngae ngke bon Tamaria kautun aia kaawa. Nora 1Ue. 21:1.”
Ke, “te Tabo ae Aoraoi ae Mena n te Mwarua.”
Ae nanona, “Aki Nanoangaaki.”
Ae nanona, “Tiaki Au Aomata.”
Nora ae i nano n Ot. 1:9.
Nora ae i nano n Ot. 1:6.
Ke, “wewene ni bure; wene ni bure ma aomata aika kakaokoro.”
Ke, “wewene ni bure; wene ni bure ma aomata aika kakaokoro.”
Ke, “wewene ni bure (wene ni bure ma aomata aika kakaokoro).”
Ke, e kona n nanona “te baare.”
Ke, “te Tabo ae Aoraoi ae Mena n te Mwarua.”
Ke, “Au Baara.”
Ke, “kamaiuia.”
Ke, “te tangira ae kona n onimakinaki.”
Ae nanona, “E na Unika te Koraa te Atua.”
Nora ae i nano n Ot. 1:6.
Nora ae i nano n Ot. 1:9.
Ae taekan ake a kabonganaaki n te taromauri ae kewe.
Teuana te oma titeboo ma 220 te rita. Nora Buk. B14.
Ke, “wewene ni bure; (wene ni bure ma aomata aika kakaokoro).”
Ke, “N na aki naba wene n taanga ma ngkoe.”
Ebera, “boong aika bati.”
Ke, “atuaia kaain te utu; bouannanti.”
Ke, “te tangira ae kona n onimakinaki.”
Nora Nanon Taeka.
Ke, “kamauna.”
Ke, “kamaunaaki.”
Ke, “kaetieti.”
Ke tao, “A bita neboau nakon te kamatauningaaki.”
Ke, “kaibwabwaru; kakabooaki ibukin te wene ni bure.”
Ebera, “uotaanako te nano.”
Ke, “wewene ni bure; wene ni bure ma aomata aika kakaokoro.”
Ke, “ana kai te tia kaiwa.”
Ke, “wewene ni bure; wene ni bure ma aomata aika kakaokoro.”
Ke, “wewene ni bure; wene ni bure ma aomata aika kakaokoro.”
Te aroka ae karikii uee aika boiarara.
Ke, “wewene ni bure; wene ni bure ma aomata aika kakaokoro.”
Ke, “wewene ni bure; wene ni bure ma aomata aika kakaokoro.”
Ke, “wewene ni bure; wene ni bure ma aomata aika kakaokoro.”
Ebera, “te tabo ae mwawaawa?”
Ke, “te biia ae karaoaki man te uita.”
Ke, “kaibwabwaru; kakabooaki ibukin te wene ni bure.”
Ebera, “otangana.”
Ke, “taeaanako neiei.”
Nora Nanon Taeka.
Ke, “taani karitei.”
Ke, “N na reireinia ni kaetiia.”
Ke, “kaibwabwaru; kakabooaki ibukin te wene ni bure.”
Ke, “wewene ni bure; wene ni bure ma aomata aika kakaokoro.”
Ebera, “ubun teuaei.”
Ke, “aia tawaana.”
Nora Nanon Taeka.
Ke, “te Uea ae Iareba.”
Ebera, “ubuu.”
Ke, “tangira ae kona n onimakinaki.”
Ke, “te nanoanga.”
Nora Nanon Taeka.
Ke tao, “Bwa titeboo nanoia ma te ai n umum, ngke a keerake ma aia babaire aika raba.”
Ebera, “aia tia motikitaeka.”
Ebera, “akea buroona.”
Ke, e kona n nanona “te baare.”
Ae taekan ae tiaki nakon te aeka n taromauri ae karietataaki.
Ke, “tembora.”
Ke, “itiaki?”
Ke, e kona n nanona “te baare.”
Ke, “ianena.”
Ke, “kaetieti.”
Ke tao, “A na oki.”
Ke, “wewene ni bure; wene ni bure ma aomata aika kakaokoro.”
Ke, “ami baka n amwarake aika baireaki.”
Ke, “te atua ae kanuka.”
Ke, “mwautakataka.”
Ke tao, “rakarakanako.”
Ke, “maranran; maran.”
Ebera, “kainabwabuaki.”
Ke, “kamaunaaki raoi.”
Ae taekan ae a uouota katuuaaeaia n aron te amo.
Ke, “kabaea i aon.”
Ke, “te tangira ae kona n onimakinaki.”
Ebera, “kainabwabuaki.”
Ae taekaia burabeti ao aomata tabemwaang ake a kanakoaki bwa a na reireinia tibun Iteraera.
Ke, “roobun te akoi,” ae ai aron are irouia kaaro.
Ae taekan ae a weteaki nakon te aeka n taromauri ae rietata riki.
Ebera, “e rikirake ni bue.”
Ke, “nakonako.”
Ke, “te ara ae e ururingaki iai.”
Ke, “te tangira ae kona n onimakinaki.”
Ke, “mangkoa n.”
Ke tao, “te toa.”
Ke, “te mwaaka n tabunea; te bwai ae kamimi.”
Ebera, “tawaanan.”
Ke, “Turia.”
Ke, “bouannanti aika kaburoaki n atoaki.”
Ke, “mangkoa n.”
Ebera, “ooni burooia.”
Ebera, “tia motikitaeka.”
Ke, “kawakinaki.”
Ke, “Tiore,” ae taekan ruanimaten te botannaomata. Nora Nanon Taeka.
Ebera, “ti na anga taiani karea aika kaao mwaane aika ataei aika nako mai wira.”
Ke, e kona n nanona, “te baare.”
Ebera, “Kanuringana.”