2 Ongora ngkami aika kaaini karawa, ao kakauongo ngkami aika kaain te aonnaba,+

Bwa e taekina ae kangai Iehova:

“I a tia ni kaikawaiia naati mwaane ao ni karikirakeia,+

Ma a karitei nakoiu.+

 3 Te kao mwaane e ataa raoi teuare te tia kabooa,

Ao te taongki e ataa nneni kanaia maan are ana bwai teuare maninna,

Ma e aki ataai*+ Iteraera,

A aki bwaina te ataibwai naake bon au aomata.”

 4 E na reke kain te natannaomata ae bubure,+

Ake aomata aika taonakinako n te bure,

Ae te kariki aika mwaane aika buakaka, aika naati aika babakanikawai!

A kitana Iehova,+

A aikoa karinea Teuare Tabu iroun Iteraera,

A katannako mairouna.

E a aoraki te atu,

Ao e a nimwaoraki te nano.+

Iai taian ikoaki ma babaangaki ao maneka,

Aika tuai ni karaoaki* ke ni bautaki ke ni kamarauaki n te bwaa.+

 8 E a katukaki natin Tion te aine n ai aron te tabo ni katantan* n te nne ni kureebe,

N ai aron te umwa n te tawaana ni kukambwa,

Ao n ai aron te kaawa ae otabwaniniaki.+

 9 Ngke arona bwa Iehova ae Atuaia taanga ni buaka* e aki katikuia tabeman mai buakora bwa a na reke maiuia,

Ao ti na kaman riki bwa ai aron Totom

Ao ti na kamani katotonga Komora.+

“E a bati n tau irou ami karea ni kabuekaki aika tiibu mwaane+ ao mwaeteia maan aika marika,+

Ao bon akea kimwareireiu n raraaia+ kaao mwaane aika ataei+ ma tiibutetei ao kooti.+

12 Ngkana kam roko ni kaoti i matau,+

Antai ae tua te baei mairoumi,

Ae kam na toutoui au katawanang?+

Kam kakawakini bongin nako otin namwakaina+ ma boongi n taabati+ ao kam babairei taiani bwabwaro,+

Ma I a aki kona n taona nanou ni kaineti ma kamanenaani mwaakan te tabunea+ n irianaki ma ami botaki ae okoro.

A a riki bwa karawawataau,

I a kua n uouotii.

15 Ao ngkana kam arori baimi,

Ao I karabai matau mairoumi.+

E ngae ngke kam kabatiai ami tataro,+

Ma I aki ongo,+

Bwa a on baimi n te raraa.+

16 Kam na tebotebo, kaitiakingkami,+

Kaaki ami mwakuri aika bubuaka mai matau,

Katoka karaoan ae buakaka.+

17 Reireiningkami karaoan ae raoiroi, ukoukora te kaetitaeka ae riai,+

Kaeta te tia karawawataa te aba,

Boutokaa inaomatan te teei ae akea tamana,*

Ao kam na tei ibukin ana tangitang te aine ae e a tia ni mate buuna.”+

“E ngae ngkana ai aron te kunnikai ae uraroo ami bure,

Ma a na kamainainaaki n aron te tino,+

Ao e ngae ngkana a uraura n aron te kunnikai ae toka uraurana,

Ma a na riki bwa ai aroni buraen te tiibu.

19 Ngkana kam kan ira nanou ao kam ongo,

Ao kam na kaakang baika raraoi n te aba.+

20 Ma ngkana kam rawa ma ni karitei,

Ao kam na kabwautaki n te kabaang,+

Bwa e taekina anne win Iehova.”

E on ngkoa neiei n te kaetitaeka ae riai,+

E mamaeka ngkoa iai te raoiroi,+

Ma ngkai ai taan tiritiri.+

22 E a baarekareka am tirewa,+

Ao e a renganaki am biia* n te ran.

A aki anga te kaetitaeka ae riai nakoia ataei aika akea tamaia,*

Ao e aki roko naba irouia aia tangitang aine ake a a tia ni mate buuia.+

24 Mangaia are e taku te Uea ae koaua ae Iehova ae Atuaia taanga ni buaka,

Are Teuare Mwaaka ae Atuan Iteraera:

“Noria! N nang kabebeteai mairouia taani kakaitaraai,

Ao N nang irantangaai ni karekei kaia taani kairiribai nakoiu.+

25 N na raira baiu n ekikonako,

N na kanakoi baarekam ni kabane

N aron ae a kaitiaka te tirewa n te ai aomata ni kanakoa buakakana.+

26 N na manga kaokiia am tia motikitaeka n aron are rimoa,

Ao am tia anga taeka n reirei n aron are mai moana.+

27 E na manga kabooaki Tion n te kaetitaeka ae riai,+

Ao ana aomata ake a oki, n te raoiroi.

28 A na uaia ni kamaunaaki taani karitei ao taani bure,+

Ao a na roko n tokia te koraki ake a kitana Iehova.+

29 Bwa ane a na maamaa n aroka aika korakora ake kam tangiri,+

Ao kam na bwaibwainrang ibukin onnaroka* ake kam rinei.+

30 Bwa ane kam na riki bwa kaanga te aroka ae bubura ma baana aika rai,+

Ao kaanga te onnaroka ae akea te ran iai.

31 E na riki te mwaane ae korakora bwa buruburun te ewanin,*

Ao ana mwakuri bwa te mwaakaro n ai,

A na uaia n ura,

Ao akea ae e na tiringia.”

 2 Ni kabaneani boong*

Ao e na kateaki ni kamatoaaki i aon taubukini maunga,

Maungan ana auti Iehova+

Ao e na karietataaki i etan taian tabuki,

Ao a na raanga natannaomata ni kabane nako iai.+

“Nakomai bwa ti na ararake nakon ana maunga Iehova,

Nakon ana auti Atuan Iakoba.+

E na reireinira taekani kawaina nako,

Ao ti na nakonako ni kawaina nako.”+

Bwa e na otinako te tua* mai Tion

Ao ana taeka Iehova mai Ierutarem.+

 4 E na momotikitaeka i buakoia natannaomata,

Ao ni kaetii bwaai ni kaineti ma botannaomata aika bati.

Ane a na ororei aia kabaang ni bitii bwa bwaai ni kamarautano,

Ao aia kainiwai naba ni bitii bwa bwaai ni koromwaanga.+

Ane e na aki manga tabeka te kabaang te natannaomata teuana n ekaanako te natannaomata teuana,

Ao a na aki naba manga reireinia te buaka.+

 5 Ngkami aika tibun Iakoba,

Nakomai bwa ti na nakonako n ana oota Iehova.+

 6 Bwa ko a tia ni kitania am aomata aika tibun Iakoba,+

Ibukina bwa e a onrake te aba ni bwaai mai Mainiku.

A tatabunea+ n aroia I-Biritia,

Ao a a rangi ni bati natiia ianena i rarikia.

 7 E onrake abaia n te tirewa ma te koora,

Ao akea tiani mwaitin aia bwai aika kakawaki.

E onrake abaia n taian aoti,

Ao akea tiani mwaitin aia kaa ni buaka.+

A bobaraaki nakon aia mwakuri baia,

Nakoni baika karaoaki n tabonibaia.

 9 Mangaia are e bobaraaki te aomata, ao e a kamangoraki iai,

Ao ko aki kona ni kabwarai aia bure.

10 Riin i nanon te bwaa ao karabako i buakon te tano,

Ibukin aron Iehova ae kakamaaku

Ao rianakoni mimitongina.+

11 E na karinanoaki matan te aomata ae kainikatonga,

Ao a na bobaraaki* nanorietaia aomata.

E na roko i aoia aomata nako aika kainikatonga ma n nanorieta,

I aoia aomata nako ake a karietataaki ke a mangori,+

13 I aoni kaai aika tiira ni kabane ake i Rebanon ake a rangi n rietata ma ni karietataaki,

Ao i aon aroka aika oke ni kabane ake i Batian,

14 I aoni maunga ni kabane aika rangi n rietata

Ao i aon tabuki ni kabane aika rietata,

15 I aon taua ni kabane aika rietata ma taian oo ni kabane aika nonoaki,

16 I aoni kaibuken Taretiti+ ni kabane

Ao i aoni booti aika tamaroa ni kabane.

17 E na karinanoaki kainikatongan te aomata,

Ao a na bobaraaki* nanorietaia aomata.

19 Ao a na rin aomata i nanon taian nangananga ni bwaa,

Ao i nanon taiani bwangabwanga ake i aontano+

Ibukin aron Iehova ae kakamaaku

Ao rianakoni mimitongina,+

Ngkana e a teirake ni kakamaakuia kaain te aonnaba n te aro ae korakora.

20 N te bong anne ao aomata a na anai atuaia aika akea manenaia aika karaoaki man te tirewa ao te koora,

Ake a karaoi i bon ibukia bwa a na bobaraaki nakoia,

Ao a na karenakoi nakoia kimoa aika uarereke ao nakoia taiani baate,*+

21 Bwa a aonga n rin i nanoni bwangabwanga ake n taiani bwaa

Ao i nanon tabwenani bwaa aika rietata,

Ibukin aron Iehova ae kakamaaku

Ao rianakoni mimitongina,

Ngkana e a teirake ni kakamaakuia kaain te aonnaba n te aro ae korakora.

22 Ibukini kabwaiami, kam na katoka onimakinan te aomata

Ae bon tii te ikeike ae mena i nanoni bwangabwangani bwairina.*

3 Bwa noria! te Uea ae koaua ae Iehova ae Atuaia taanga ni buaka*

E a kamaunai aeka ni boutoka nako ao tianaki mai Ierutarem ao mai Iuta,

Ae te kariki ma te ran,+

 2 Te mwaane ae korakora ao te tia buaka,

Te tia moti ao te burabeti,+ te tia kaiwa ao te unimwaane,

 3 Te mataniwi i aoia kaka 50,+ te aomata ae kakannato

Ao te tia anga te taeka n reirei, te tia tabunea ae rangi n rabakau ao te tia kabaea te nano ae mwaatai.+

 4 N na karikiia ataei aika mwaane bwa aia toka,

Ao a na tautaeka te koraki aika nanotiotio* i aoia.

 5 A na karawawataia aomata i marenaia,

Temanna ma temanna nakon raona.+

Te teei ae te mwaane e na ekaanako te unimwaane,

Ao ane e aki rangi ni karineaki, e na kaitaraa ane e karineaki.+

“N na aki riki bwa te tia bauta ikoakimi,*

Akea kanau ke kunnikaiu n au auti.

 8 Bwa e tatanako Ierutarem

Ao e bwaka Iuta,

Ibukina bwa a kaitaraa Iehova n aia taeka ao n aia mwakuri.

 9 Ane e na kaotioti tein ubuia ni kabuakakaia,

Ao a katanoataa aia bure n aron Totom.+

10 Tuangia akana raoiroi bwa e na nakoraoi aroia,

A na karekeaki kaniwangaia ibukin te bwai ae a karaoia.*+

E na bwakaria te kabuanibwai,

Bwa te bwai are e karaoia baina e na manga karaoaki naba nakoina!

12 Ni kaineti ma au aomata, a iowawa taani kammwakuriia,

Ao a tautaeka aine i aoia.

Au aomata, a katiotionakoingkami ami tia kairiri,

Ao e a mangao kawaimi i aan aia kairiri.+

13 E a tei ni nnena Iehova bwa e na tabeka ana bukibuki,

E a tei bwa e na motiki taekaia botannaomata.

“Kam kabueka te nne ni kureebe,

Ao e mena n ami auti te bwai are kam iraea mairouia akana maiu ni kainnano.+

15 Kam aera ngkai kam kamanatuaia au aomata,

Ma n iia ubuia akana maiu ni kainnano i buakon te tano?”+ bon ana taeka te Uea ae Moan te Rietata ae Iehova ae Atuaia taanga ni buaka.

16 E kangai Iehova: “Ibukina bwa a kainikatonga natin Tion aika aine,

A nakonako ni karietatai atuia,*

A mata ni kaitaataan, a nakonako ni kakaairaoia

Ni karebwerebwei bwain tauani waeia,

17 E na orei naba atuia natin Tion aika aine Iehova n te kanakana,

Ao e na imani ramwaia Iehova.+

18 N te bong anne ao Iehova e na uotaanako tamaroani bwain tauani waeia,

Kabaean atuia, ao bwaai ni katamaroa aika ai aron tein namwakaina,+

19 Taabia,* tauanibai, ao taian rabuna ni mata,

20 Rabunan te atu, taurekereken te wae, ao kabaean te nuka,

Nneni boiarara, ao taiani bunna,

21 Taiani mwamwa ao mwamwan te bwairi,

22 Taiani kamwarai n toa, rabunan aon te kunnikai, ninira, ao taiani bwauti,

23 Tirotaam+ aika kona n uouotaki ao kunnikai aika rinen,*

Taiani bwara aika kunnikai ao taian rabuna ni mata.

24 E na iai te boiraa n oneani mwin oeran te batiam,+

Te roobu n oneani mwin te kabaea n nuka,

Te mara n oneani mwin te ira ae tamaroa ae karaoaki raoi,+

Te kunnikai ae te raerobwa*+ n oneani mwin te kunnikai ae bobuaka,

Ao te mwaka* n oneani mwin te tamaroa.

25 A na bwaka am rorobuaka n te kabaang,

Ao am rorobuaka aika korakora n te buaka.+

26 A na tanginiwenei ma n nanokawaki mataroan neiei+

Ao e na tekateka neiei i aontano, ni kamaroaeaki.”+

“Ti na kana oini kanara

Ao ni bwaini oin ara kunnikai,

Ma tii kariaia bwa ti na aranaki n aram

Bwa e aonga n uotakinako bwaibwainrangira.”*+

5 N na anene taiaoka nakon teuare tangiraki irou,

N te kuna ae taekan teuare au tangira ma ana nne ni kureebe.+

E unika iai te kai ae te kureebe ae rangi n raoiroi ae uraura,

Ao e katea te taua i nukana

Ma n ekea te nne ni kamanti kureebe iai.+

Ao e kakantaningaia bwa e na karikii kureebe aika raraoi,

Ma e tii karikii kureebe aika bubuaka.+

 3 “Ao taiaoka ngkai ma karaoa te motikitaeka i marenau ma au nne ni kureebe,

Ngkami aika kaain Ierutarem ao mwaane aika tibun Iuta.+

 4 Tera ae I kona ni karaoia riki ibukin au nne ni kureebe

Ae I tuai ni karaoia?+

E aera ngkai I kantaningai kureebe aika raraoi

Ao e tii karikii kureebe aika bubuaka?

 5 Taiaoka ngkai ma kariaia bwa N na tuangingkami

Te bwai ae N na karaoia nakon au nne ni kureebe:

N na kanakoa oona

Ao e na kabuekaki.+

N na kabwakaa oona ae te atibu,

Ao e na toutouaki.

E na onrake n aroka aika kateketeke ao uteute,+

Ao N na tua nakon taian nang bwa a na aki kabwakaa te karau teutana i aona.+

 7 Bwa ana nne ni kureebe Iehova ae Atuaia taanga ni buaka* bon tibun Iteraera,+

Ao mwaane aika tibun Iuta bon aroka* aika e tatangiri.

E kakantaningaa te kaetitaeka ae riai,+

Ma noria! bon te ribuaka.

E kakantaningaa te raoiroi,

Ma noria! bon te tang n rawawata.”+

 8 A na reke kaia te koraki aika katomaa te auti teuana ma te auti riki teuana,+

Ao ane e reita te tawaana teuana ma te tawaana riki teuana,+

Ni karokoa ae ai akea riki te tabo ae mwaawa,

Ao kam a maeka n tii ngkami n te aba!

 9 E a tia Iehova ae Atuaia taanga ni buaka n taetae n tuea i taningau,

Bwa a na riki auti aika bati

Bwa te bwai ni kakamaaku ao a na akea kaaia,

E ngae ngke a bubura ao a tamaroa.+

10 Bwa te nne ni kureebe ae tebwina te eka e na tii karekea te wain ae teuana te bwai ni baire ae te bwate,*

Ao te koraa ae teuana te bwai ni baire ae te oma* e na tii karekea teuana te eba.*+

11 A na reke kaia te koraki ake a utimwaaka n te moaningabong bwa a na moi n te kamanging,+

Aika teimatoa ni moi ni karokoa ae e a rotongitong n te tairiki, ni karokoa ae a a koro ni manging n te wain!

12 Iai aia abi ao aia bwai ni katangitang ae iai karaina,

Te tamboriin,* te kaibwabwaa, ao te wain n aia baka n amwarake.

Ma a aki iangoa ana mwakuri Iehova,

Ao a aki nora ana mwakuri baina.

13 Mangaia ae a na taenikai au aomata

Ibukin akean te atatai,+

Ao a na baki aia rorobuaka aika karineaki,+

Ao a na bane ni bora n taka aia aomata.

14 Ai ngaia ae e kabuburaa i bon irouna te Ruanimate,*

Ao e kauremangangaea wina n akea tianakina.+

Ao a na bon ruo rikaaki nako nanona te kaawa anne

Ma tamaroana,* ao kaaina aika mwaitikurikuri aika karongoa, ao aika bukamaru n akea aia taubaang.

15 A na bobaraaki aomata,

Ao a na karinanoaki aomata,

Ao a na karinanoaki mataia aomata aika kainikatonga.

17 Ao a na amwamwarake tiibutetei n aron ae kaanga a mena n aia tawaana,

Ao aomata aika maeka n iruwa a na amwamwarake n taabo aika kamaroaeaki ake a maeka ngkoa iai maan aika nuai raoi.

18 A na reke kaia te koraki aika kewe ma ni katikitika iai aia kairua

Ao aia bure n aron te man ae katikitika te kaa n te roobu,

19 Ake te koraki ake a kangai: “Ke E kabaitiia ana mwakuri

Ke e karaoaki ana kantaninga* Teuare Tabu iroun Iteraera,

Bwa ti aonga n ataia!”+

20 A na reke kaia te koraki aika taekina te raoiroi bwa te buakaka ao te buakaka bwa te raoiroi,+

Te koraki aika kaibitaraea te rotongitong bwa te oota ao te oota bwa te rotongitong,

Te koraki aika kaibitaraea te mao bwa te karewerewe, ao te karewerewe bwa te mao!

21 A na reke kaia te koraki aika wanawana n oini mataia,

Ao n ataibwai n oin aia taratara!+

22 A na reke kaia te koraki aika korakora n te moi wain,

Ao mwaane aika mwaatai n rengarengani moi aika kamanging,+

23 Ake te koraki ake a kainaomataa te aomata ae buakaka ibukin te bwai ni kamaraato,+

Ao a aki anga te kaetitaeka ae riai nakon te aomata ae raoiroi!+

24 Mangaia ae n aron newen te ai ae kabueka te uteute ae mwau,

Ao te uteute ae mwautakataka ae bue n uran te ai,

Ao ai arona naba bwa e na mka wakaaia,

Ao a na maenako bwebweia n aron te tano ae mte,

Ibukina bwa a rawa nakon ana tua* Iehova ae Atuaia taanga ni buaka,

Ao a aki karinea ana taeka Teuare Tabu iroun Iteraera.+

E bon aki rairakinako unna ibukini baikai ni kabane,

Ma e teimatoa n aroraki baina bwa e na oro.

26 E katea ana kanikina* nakon te natannaomata ae raroanako,+

E kakatang nakoia bwa a na roko mai tabon nako aonnaba.+

E aki bwara te kabaea n nuka are i nukaia,

Ao a aki naba uruaki kabaean aia kau.

28 A bane ni kakang kanoan aia kainikatebe,

Ao a bane ni bwaoua* aia kainikatebe.

A matoatoa waeia aia aoti n aron te atibu ae matoatoa,

Ao wiran aia kaa ni buaka kaanga ai aron te angibuaka.+

A na kakarongoa ao n rawea konaia ma n uotianako,

Ao akea temanna ae e na kamaiua.

30 N te bong anne ao a na kakarongoa i aona

N aroni karongoaan taari.+

Bwa kaanga I a boni mate,*

Bwa te mwaane ngai ae a kamwara riau,

Ao I maeka i buakoia aomata aika kamwara riaia,+

Bwa a a tia matau n nora te Uea ae Iehova ae Atuaia taanga ni buaka!”

E a kamaunaaki am kairua

Ao e a kabwaraaki am bure.”

‘Ane kam na ongongo,

Ma kam na aki ota,

Kam na mamataku,

Ma kam na aki atatai.’+

10 Karaoi nanoia aomata aikai bwa a na aki muti,+

Ao kaini taningaia,+

Ao kaini mataia,

Bwa a aonga n aki noraaba ni mataia

Ao n aki ongo n taningaia,

Bwa e aonga n aki ota nanoia

Ao a na aki rairaki n oki ma ni kamarurungaki.”+

“Ni karokoa ae a a urubekebeke kaawa ao ai akea kaaia,

Ao ai akea aomata n taian auti,

Ao e a uruaki te aba ao e a kamaroaeaki.+

12 Ni karokoa ae e kamwaawaia aomata Iehova ni kararoaia nako,+

Ao e a rangi n rakanako kamaroaean te aba.

“E na aki nakoraoi,

Ao e na aki naba riki anne.

 8 Bwa atun Turia bon Tamateko,

Ao atun Tamateko bon Retin.

E na kamaeinikunaki raoi Eberaim ao e na aki manga riki bwa te botannaomata,

Tii i nanon 65 te ririki.+

 9 Atun Eberaim bon Tamaria,+

Ao atun Tamaria bon natin Remaria.+

Ngkana akea ami onimaki ae nene,

Ao kam na aki kamatoaaki.”’”

 6 “Ibukina bwa a a tia aomata aikai n rawa nakon ranin te Tiroa*+ aika raanga ni karaurau,

Ao a kimwareirei ibukin Retin ma natin Remaria,+

 7 Mangaia are noria! ane e na karokoa irouia Iehova ranin te Karaanga* n ekiianako.

Aika korakora ao a abwabwaki,

Ae uean Aturia+ ma karineana ni kabane.

E na waerake ni kaoni kabini karaangana ni kabane,

Ao a na taorake mataniwina ni kabane,

 8 Ao e na raanga rinanon Iuta.

Ao baina ni kiba aika taakinaki e na buta iai raababan abam

Ngkoe ae Emanuera!”*+

Taekina ane kam kan taekinna, ma e na aki nakoraoi,

Bwa e memena te Atua iroura!*+

Tai maaka te bwai ae a maakua,

Ao tai rurubenebene iai.

13 Kam riai n iangoa Iehova ae Atuaia taanga ni buaka* bwa Teuare tabu,+

Boni Ngaia ae kam riai ni maakua,

Ao boni Ngaia ae kam riai n rurubenebene irouna.”+

14 E na riki teuaei bwa kaanga te tabo ae tabu,

Ma kaanga te atibu ni kabwakabwaka

Ao te bwaa ae karekei bwakaia+

Tibun Iteraera ake uakoraki,

Ao kaanga te bwai ni kamwane ao te kai ni kabwaru

Nakoia kaain Ierutarem.

16 Niroaa te taeka are koreaki ni kamatoaaki,*

Ao kanikinaea te tua* ni kainna i buakoia taan rimwiu!

Ao e ootanako te oota i aoia

Te koraki akana mena n te aba ae mena iai te rotongitong ae korakora.+

 3 Ko kabatiaa mwaitin te natannaomata anne,

Ao ko kakorakoraa kimwareireina.

A kimwareirei i matam

N aroia aomata aika kimwareirei n tain te tai,

Ao n aroia te koraki aika kukurei n tibwatibwai bwaai ni kuri.

 4 Bwa ko ototei amon uotaia,

Are te kai are i aon angaia, are okon te tia kammwakuriia aomata,

N aron are n ana bong Mirian.+

 5 A na riki bwa kanaan te ai

Kauniwae ni kabane aika kamwaeieiea te aonnaba ngkana a mwananga,

Ao kunnikai nako aika kamaraaki n te raraa.

 6 Bwa e bungiaki te teei nakoira,+

Ti anganaki te nati te mwaane,

Ao e na mena i aon angana te nakoa n tautaeka.*+

 7 E na akea tokin

Ririkiraken ueana* ao te rau,+

I aon ana kaintokanuea Tawita+ ao i aon ana tautaeka n uea,

Bwa e aonga ni kateia ni kamatoaa+ ao ni kateimatoa

Rinanon te kaetitaeka ae riai+ ao te raoiroi,+

Mangkai ao n aki toki.

 8 E kanakoa te taeka Iehova n ekaanako Iakoba,

Ao e roko te taeka anne n ekaanako Iteraera.+

 9 Ao a na bane n ataia aomata,

Ake Eberaim ao kaain Tamaria

Ake a kangai i buakoni kainikatongaia ao nanoia aika nanorieta:

10 “A bwaka buriki,*

Ma ti na kateitei n atibu aika ekeaki.+

A koreaki ni kabwakaaki aroka aika tukomorea,

Ma ti na onei mwia ni kaai aika tiira.”

11 Ao Iehova e na kateirakeia taani kakaitaraa Retin bwa a na ekianako,

Ao e na kauekei nanoia taani kairiribai nakon teuaei bwa a na waaki,

E bon aki rairakinako unna ibukini baikai ni kabane,

Ma e teimatoa n aroraki baina bwa e na oro.+

14 E na koreaanako te atu ao te buki Iehova mai Iteraera,

Ao te bwebwe naba ma uteute aika abwabwaki* n tii tebongina.+

15 Te atu bon te unimwaane ao te aomata ae rangi ni karineaki,

Ao te buki bon te burabeti ae anga te kaetieti ae kewe.+

16 Te koraki ake a kairiia aomata aikai, a a katiotionakoia,

Ao a a mangaongao te koraki ake a kairaki.

17 Anne bukina ae e na aki kimwareirei iai Iehova ibukia aia rorobuaka n ataei,

Ao e na aki nanoangaiia aia ataei aika akea tamaia* ao aia aine aika a a tia ni mate buuia.

Ibukina bwa bon taan tannako man te koaua ngaiia ni kabane ao taani kakaraoa ae buakaka,+

Ao a a bane taiani wi n taekini baika nanobaba.

E bon aki rairakinako unna ibukini baikai ni kabane,

Ma e teimatoa n aroraki baina bwa e na oro.+

18 Bwa e bue te buakaka n aron te ai,

Ao e kabueki aroka aika kateketeke ma uteute.

E na kauraa te ai n taiani buakoako n te buakonikai,

Ao a na waerake i buakon te bubu ae korakora.

19 E kaurarakeaki te aba

N unin Iehova ae Atuaia taanga ni buaka,

Ao a na riki aomata bwa kanaan te ai.

20 E na korokorea te amwarake temanna man te angaatai,

Ma e na bon teimatoa ni baki,

Ao e na amwarake temanna man te angamaing,

Ma e na aki rauaki.

A na boni kang irikon anganibaia n tatabemania nako,

21 Manate e na kana Eberaim

Ao Eberaim e na kana Manate.

E bon aki rairakinako unna ibukini baikai ni kabane,

Ma e teimatoa n aroraki baina bwa e na oro.+

10 A na reke kaia te koraki aika katei kaetieti aika karuanikai,+

Aika kokorei tuua aika karawawataa te aba,

 2 Bwa a na aki butimwaei aia tangitang akana maiu ni kainnano,

Ao n taua te kaetitaeka ae riai mairouia akana mangori i buakoia au aomata,+

Ni karaoiia aine ake a a tia ni mate buuia bwa konaia,

Ao ataei aika akea tamaia* bwa aia bwai ni kuri!+

 3 Tera ae kam na karaoia n te bong ni kaetitaeka*+

Ngkana e a roko te kamaunanakoaki mai kiraroa?+

Antai ae kam na birinako nakoina ibukin ana ibuobuoki,+

Ao kam na katikui ia kaubwaimi?*

 4 Bon akea riki, ma e na tii wene ni baraaki te aomata i buakoia aomata aika taiani bure,

Ke ni bwaka i buakoia akana kamateaki.

E bon aki rairakinako unna ibukini baikai ni kabane,

Ma e teimatoa n aroraki baina bwa e na oro.+

 5 “Noria! Te I-Aturia+

Bon te kai ae e na kaota uniu,+

Ao N na katuuaa n okona are i nanoni baina!

 6 N na kanakoa teuanne bwa e na ekaanako te natannaomata ae tannako man te koaua,*+

Ao N na tua nakoina bwa e na ekiianako aomata aika rangi ni kaunai,

Bwa e na anai kokona aika bati ao bwaai ni kuri aika bati,

Ao n toutouia n aroni bokabokan taiani kawai.+

 7 Ma tiaki anne nanon teuanne

Ao e na aki babaire nanona n ai aron anne.

Bwa bon nanona ni kani kakamauna,

Ma ni kamaunaia natannaomata aika bati, ao tiaki tii tabeua.

 8 Bwa e taku,

‘Tiaki bon ueea ni kabane au toka?+

10 E a tia baiu n taui tautaeka n uea aika taromaurii atua aika akea manenaia,

Ake a bati riki aia bouannanti aika kaaraki nakon ake i Ierutarem ao i Tamaria!+

11 Tiaki N na karaoa naba nakon Ierutarem ma ana bouannanti,

Aron naba are I karaoia nakon Tamaria ao nakoia atuana ake akea manenaia?’+

12 “Ngkana e tia ana mwakuri ni kabane Iehova i aon te Maunga ae Tion ao i Ierutarem, ao E* na katuuaaea uean Aturia ibukina bwa e akiako ao e kainikatonga.+ 13 Bwa e taku,

‘N na karaoa aei ni korakorani baiu

Ao ni wanawanau, bwa I boni wanawana.

N na kanakoi tiaia botannaomata+

Ao ni kuribwaia kaubwaia,+

Ao N na kataenikaiia kaaina n aron te aomata ae korakora.+

14 E na taui kaubwaia botannaomata baiu,

N aron te aomata ae kaenakoa baina nako nanon te ngao,

Ao N na ikota te aonnaba ni kabutaa

N aron te aomata ae ikotii bunnimoa aika kitanaki!

16 Ai ngaia are te Uea ae koaua ae Iehova ae Atuaia taanga ni buaka,*

E na oreiia n te bakitaia ana aomata teuanne aika marika,+

Ao e na kauraa te ai ni kabueka karinean teuanne mai aana.+

17 E na riki Ootan Iteraera+ bwa te ai,+

Ao Teuare Tabu irouna bwa te ura.

19 A na bon rangi ni karako nikiran aroka n ana buakonikai teuaei

N te aro are e a kona te teei ae te mwaane ni korei mwaitiia.

20 N te bong anne ao nikiraia tibun Iteraera

Ao naake a reke maiuia ake tibun Iakoba,

A nang aki manga mwiokoiia i aon teuare oreiia,+

Ma a na mwiokoiia i aon Iehova,

Are Teuare Tabu iroun Iteraera, ma te kakaonimaki.

21 E na tii oki te nikira,

Aika nikiraia tibun Iakoba, nakon te Atua ae Mwaaka.+

22 Bwa e ngae ngke am aomata aika tibun Iteraera

Kaanga ai aron tanoni biken taari,

Ma e na tii oki nikiraia.+

E a tia ni motikaki te kamaunanakoaki,+

Ao e na taonianako te kaetitaeka ae riai.*+

23 Eng, te kamaunanakoaki are motikaki iroun te Uea ae Moan te Rietata ae Iehova ae Atuaia taanga ni buaka,

E na karaoaki n te aba ni kabutaa.+

Ao amona mai aon roroam,+

Ao e na mwaoto te amo+ ibukin te bwaa.”*

28 E roko i Aiata,+

E rinanoni Mikeron,

Ao e kaaki uotana i Mikemati.+

29 A riaon te kaora,

Ao a tiku i Keeba+ n te tairiki,

Ao e rurubenebene Rama ao e birinako+ Kibea+ are ana kaawa Tauro.

31 E birinako Matemena,

Ao a ukoukora te tabo ni katantan kaaini Kebim.

E kateitea ana timoi nakon ana maunga natin Tion te aine,

Ae te tabuki are i Ierutarem.

33 Noria! E a tatai ni kabwakai mwaanga ma te karongoa ae korakora

Te Uea ae koaua ae Iehova ae Atuaia taanga ni buaka.+

A koreaki ni kabwakaaki aroka aika taiani kabanea n rietata,

Ao a karinanoaki akana karietataaki.

34 E orei ni kabwakai buakoako ake n te buakonikai n te bwai ni mwakuri ae te biti,*

Ao e na bwaka Rebanon iroun te aomata ae korakora.

11 E na rikirake te mwaanga+ mani boton Iete,+

Ao e na karikiuaa te bwebwe+ are mani wakaana.

Anne bukina ae e na wanawana,+ e na bati ana ataibwai,

E na anganga te reirei ni kairiri ae raoiroi, e na korakora,+

E na bati ana atatai, ao e na korakora maakakin Iehova irouna.

E na aki motikitaeka n te baere noria ni matana,

Ao e na aki naba boaa te aba tii ni kaineti ma te baere a ongo taningana.+

 4 E na motiki taekaia akana mangori n te aro ae riai,*

Ao e na boaa te aba n te raoiroi ibukia akana nimamannei n te aonnaba.

E na orea te aonnaba n ana kai ni katuuaa wina,+

Ao e na kamateia akana buakaka n ikeiken* riana.+

 5 E na riki te raoiroi bwa kabaean nukana,

Ao te kakaonimaki bwa kabaeani bebeena.+

 6 E na iraorao te kameaanti ma te tiibutetei,+

Ao e na wene te rebwari i rarikin te kooti ae ataei,

Ao a na ikotaki te kao te teei ao te raian ao te man ae kamarikaaki,*+

Ao e na kaiririia te teei ae uarereke ae te mwaane.

 7 A na uaia n amwarake te kao ma te bea,

Ao a na uaia ni wene bunia.

 8 E na takaakaro te teei ae mamma i aoni bwangan te naeta ae te kaobura,

Ao te teei ae e a tia ni kakoriraki e na kaaki baina i aoni nnen te naeta ae boitin.

 9 A na aki manga kaikoaki+

Ke ni karaoi baika karuanikai, i aon au maunga ae tabu ni kabutaa,+

Ibukina bwa e na boni buta te aonnaba n ataakin Iehova,

N aron taari ngkai e kabutaa marawa.+

A na rairaki nakoina natannaomata ibukin te kairiri,*+

Ao e na tamaroa ana tabo ni motirawa.

13 E na nako te bakantang are iroun Eberaim,+

Ao a na katiaaki aroia te koraki ake a kairiribai nakon Iuta.

E na aki manga bakantang Eberaim iroun Iuta,

Ao e na aki naba kairiribai Iuta nakon Eberaim.+

A na arori baia n ekaanako* Etom+ ma Moaba,+

Ao a na aantaeka tibun Ammon irouia.+

15 E na tibwatibwaa* Iehova te mwanoku* are ni marawan Aikubita,+

Ao ni kateitea baina i etan te Karaanga.*+

E na orei* karaangana aika itiua n ikeikena ae kabuebue,

Ao e na kamwanangaia aomata n rinanona nakon iterana, ma aia kau.

16 Ao e na iai te kawai ae totouaki+ ae otinako mai Aturia, ibukia nikiraia ana aomata ake a tiku,+

N aron are iai ngkoa ibukin Iteraera n te bong are e otinako iai man te aba are Aikubita.

“I karabwako Iehova,

Bwa e ngae ngke ko un irou,

Ma e a tabe ni kekerikaaki unim ao ko kabebeteai.+

Bwa Iah* ae Iehova boni korakorau ao kamanoau,

Ao e riki bwa te tia kamaiuai.”+

 3 Kam na itia te ran ma te kimwareirei

Man taiani koburake n ran ni kamaiu.+

“Katituaraoa Iehova, taboa arana,

Kaotii ana mwakuri i buakoia botannaomata!+

 6 Takarua ao takakaa ni kimwareirei ngkoe ae kaain* Tion,

Bwa e kakannato i buakom Teuare Tabu iroun Iteraera.”

Takarua nakoia ao kateitea baim,

Bwa a aonga n rinnako n aia mataroa bwaanuea.

I a tia ni weteiia au tia buaka aika a na kaota uniu,

Aika au aomata aika kamoamoa ni kakatonga.

 4 Ongora! A mena aomata aika uanao n taiani maunga,

Ao karongoaaia ai aroia aomata aika rangi ni bati!

Ongora! A kiriwe tautaeka n uea

Aika aia tautaeka natannaomata aika ikotaki!+

 5 A roko man te aba ae raroa+

Mai rabarabani karawa,

Iehova ma bwaai ni buaka aika bwain unna,

Bwa a na urua te aonnaba ni kabutaa.+

 7 Anne bukina ae a na bane baai ni mamaara,

Ao a na bane aomata ni bwara nanoia n te maaku.+

 8 A oreaki aomata n te nakonnano,+

Ao a taonakinako n te ariri ma te maraki,

N aron te aine ae ariri.

A taraiia i bon irouia ma te maakunrang,

Ma ubuia aika ubu n rawawata.

 9 Noria! E a roko ana bong Iehova,

Ae karawawata n te un ae korakora ao n te urarake n un,

Bwa e na karika te aba bwa te bwai ni kakamaaku,+

Ao e na kamaunaia mai iai taani bure n te aba.

10 Bwa a na aki anga ootaia

Itoini karawa ma aia nna n itoi.*+

E na roo taai ngkana e oti,

Ao e na aki maama namwakaina.

11 N na kaeta taekan te aonnaba ni kabutaa ibukini buakakana,+

Ao akana buakaka ibukin aia bure.

N na karokoa n tokina nanorietaia akana kan rarabakau,

Ao N na kananorinanoi kainikatongaia taani karawawataa te aba.+

12 N na karaoa te aomata bwa e na karako riki mwaitina nakon te koora ae kaitiakaki,+

Ao aomata bwa a na karako riki mwaitiia nakoni kooran Obira.+

13 Anne bukina ae N na kamwaeieiea iai karawa,

Ao e na kamwaeieieaki te aonnaba n nako mani nnena+

N unin Iehova ae Atuaia taanga ni buaka ni bongin uraraken unna.

14 E na oki temanna ma temanna nakoia ana aomata,

Ao e na birinako temanna ma temanna nakon oin abana,

N aron te katere* ae kaeaki ao n aron te nanai ae akea ae e na ikotiia.+

15 Ane e kuneaki ao e na ewaraki,

Ao ane e reke e na bwaka n te kabaang.+

16 A na kamaeinikunaki rabwataia natiia bon i mataia,+

Ao a na kuribwaiaki aia auti,

Ao a na tauaki buuia.

17 Ae I a kateirakeia I-Miria bwa a na ekiianako,+

Aika a iangoa te tirewa bwa akea bonganana,

Ao akea kimwareireia n te koora.

18 A na kamaeinikunia rorobuaka n ataei aia kainikatebe,+

Ao a na aki nanoangaa uaan te biroto,

Ao a na aki naba nanoangaiia ataei.

19 Ao Baburon ae te kabanea ni karineaki* i buakoia tautaeka n uea,+

Ae tamaroaia ao kainikatongaia I-Kareria,+

E na riki bwa ai aron Totom ma Komora ngke e kamaunaia te Atua.+

20 E na aki manga kaainaki neiei,

Ao e na aki manga riki bwa te tabo ni maeka i nanon rooro ni kabane.+

Akea te I-Arabia ae e na katea ana umwanrianna ikanne,

Ao akea naba taani kawakintiibu aika a na kamotirawaia aia nanai ikanne.

21 A na wene ikanne manin te rereua,

Ao a na onrake aia auti n taian aure.*

A na maeka ikanne aotireti,*+

Ao a na ewewe rikanne kooti aika moaanti.*

22 A na tang n ana taua neiei maan aika karongoa tangitangia,

Ao tiakaore* n ana baareti neiei aika tamaroa.

 5 E a tia Iehova n otei aia kai aomata aika buakaka,

Ae okoia taan tautaeka,+

 6 Are teuare oreiia botannaomata ma te marakinnano n te oro ae akea tokina,+

Ao teuare kataenikaiia natannaomata ma te un n te bwainikirinaki ae akea tokina.+

 8 A a kimwareirei naba kaai aika mwaiango ibukim,

N ikotaki ma kaai aika tiira ake i Rebanon.

A taku, ‘Man te tai are ko bwaka iai

Ao e tuai mani waerake te tia korokai n ekiranako.’

 9 E kiriwe naba te Ruanimate* are i nano

Ni kani kaitiboo ma ngkoe ngkana ko roko,

Bwa ibukim ao e kateirakeia te koraki aika akea korakoraia bwa a mate,

Ake taani kairiri* ni kabane n te aonnaba aika karawawataa te aba.

10 A bane n taetae ao a taku nakoim,

‘Ko a mamaara naba n aekakira?

11 E a uotaki rikaaki nanorietam nakon te Ruanimate,*

Ma tangitangin am bwai ni katangitang aika iai karaiia.+

A taakinaki i aam iino bwa nnem ni wene,

Ao rabunam taiani mwata.’

12 Ko a bwaka kangaa mai karawa,

Ngkoe ae ko raneanea ae natin tabwenani mainiku!

N na karietaa au kaintokanuea i etan ana itoi te Atua,+

Ao N na tekateka i aon te maunga ni botaki,

N taabo ake taiani kabanea n raroanako i meang.+

14 N na waerake nako etan taian nang,

Ao N na karaoai bwa kaanga katotongan Teuare Moan te Rietata.’

15 Ma n oneani mwin anne, ko na boni karuoaki rikaaki nakon te Ruanimate,*

Nako kabin te mwarua are i nano i nano.

A na karauko n neneriko ao ni kangai,

‘Aio ngkai te mwaane are kamwaeieiea te aonnaba,

Ao e ioioi taian tautaeka n uea,+

17 Are e karaoa te aonnaba ni kabutaa bwa kaanga te rereua

Ao e kabwakai kaawana,+

Ao e rawa ni kaokiia aomata ake ana bure nakoni mwengaia?’+

18 A bane ni wene ma te karineaki

Aia uea natannaomata ake tabemwaang,

Eng, ngaiia ni kabane, temanna ma temanna n ruanimatena.*

19 Ma ko karenakoaki ao akea ruanimatem,

N aron te bwebwe* ae riribaaki,

Ao ko kunnikaiaki n taiani mate ake a ewaraki n te kabaang,

Ake a ruo rikaaki nakon te mwarua ae kiriatibu,

N aron rabwataia maate aika toutouaki i aan te wae.

20 Ko na aki raonia n te ruanimate,

Bwa ko kamauna oin abam

Ao ko kamateia oin am aomata.

21 Katauraoa te atibu n tiritiri ibukin tiringakia natina mwaane,

Ibukin aia bure aia bakatibu,

Bwa a aonga n aki teirake ao n taua aron te aonnaba

Ao ni kaona aon te aba n aia kaawa.”

“E na bon riki n aron are I kantaningaia,

Ao e na boni koro bukina n aron are I baireia.

25 N na kamanatuaa te I-Aturia i abau,

Ao N na toutoua i aon au maunga nako.+

E na kanakoaki ana amo mai aoia,

Ao e na kanakoaki uotana mai aon angaia.”+

26 Anne te bwai ae e a tia ni baireaki* n ekaanako te aonnaba ni kabutaa,

Ao anne te bai ae aroraki* n ekiianako natannaomata ni kabane.

27 Bwa e a tia ni baireia Iehova ae Atuaia taanga ni buaka,

Ao antai ae kona n tokobitoia?+

E aroraki baina,

Ao antai ae kona ni kaokia?+

29 “Tai kimwareirei ngkoe ae Biritia, akea naba temanna,

Tii ibukina bwa e a mwaoto okon teuare ororeiko.

Bwa e na otinako te naeta+ ae boitin mani wakaan te naeta,+

Ao e na riki bunna ae te naeta ae te ai ae kikiba.*

30 Ngkana a amwamwarake aia karimoa akana mangori,

Ao a wene ma te mweraoi akana maiu ni kainnano,

Ao N na kaaki wakaam bwa e na mate n te rongo,

Ao a na kamateaki nikiram.+

Bwa e a roko te bubu mai meang,

Ao akea ana tautia temanna ae tio i buki.”

E a tia Iehova ni kawenea aan Tion,+

Ao a na kamanoia i nanon neiei, te koraki aika mangori mai buakoia ana aomata.

E kainabwabuaki Aare+ are i Moaba

Ibukina bwa e uruakaki n teuana te tairiki.

E kainabwabuaki Kiri+ are i Moaba

Ibukina bwa e uruakaki n teuana te tairiki.

 2 E waerake nakon te Auti* ao nako Ribon,+

Nakon taabo aika rietata bwa e na tang iai.

 4 E takarua Etiibon ma Ereare,+

Ao e rokoroko i Iaati+ ongoraeani bwanaaia.

 6 E a bwatakataka ranin Nimrim,

A a rai uteute aika kiriin,

A mauna taian uteute, ao ai akea te bwai ae kiriin n tiku.

 7 Anne bukina ae a uotiinako iai nikirani baike a kaikoi ao kaubwaia,

A a rinanon te mwarua ae a maiu iai aroka aika taiani bobura.

 9 Bwa e onrake ranin nako Rimon n te raraa,

Ao aei riki te bwai ae I kaikoa ibukin Rimon:

Te raian ibukia kaaini Moaba ake a rabanako

Ao ibukia ake a tiku n te aba.+

16 Kanakoa te tiibu mwaane temanna nakon te tia tautaeka n te aba,

Mai Teeira n rinanon te rereua

Nakon ana maunga natin Tion te aine.

 2 N aron te mannikiba ae kakioakinako mani ngaona,+

Ao ai aroia naba natini Moaba aika aine ni kaoran nako Arenon.+

E na roko n tokina te tia karawawataa te aba,

E na roko n tokina te kamaunanakoaki,

Ao a na mauna man te aonnaba akana toutouia aomata.

 6 Ti a tia n ongo taekan nanorietani Moaba, e rangi ni kamoamoa,+

Ma taekani kainikatongana ao nanorietana ao unna ae korakora.+

Ao te koraki aika konaaki a na bwaebwaeti ibukin taiani kureebe aika bati aika buabuaaki aika mwau ake i Kiriareteta,+

 8 Bwa a rai tawaana ake i Etiibon,+

Ma te kai ae te kureebe are i Tibema,+

A a tia aia tia tautaeka natannaomata n toutoui mwaangana aika toka urauraia,*

A rokoroko i Iatera,+

Ao a rakanako nakon te rereua.

N na kamaratingoingkami n rannimatau, ngkami aika Etiibon ma Ereare,+

Ibukina bwa e a toki te takakaa ibukin ami uaanikai aika reke n tain te kabuebue ao ibukin ami mwakuri n tai.*

10 E uotakinako te kakatonga ma te kimwareirei man te tabo are a unikaki iai kainnamwarake,

Ao akea taian anene ni kimwareirei ke te takakaa ni nne ni kureebe.+

E a aki manga karekea te wain n te nne ni kamanti kureebe te tia toutoua te kureebe,

Bwa I a tia ni katoka te takakaa.+

11 Anne bukina ae e ruru iai kabin nanou ibukini Moaba+

N ai aroni karain te abi,

Ao birotou ibukini Kiriareteta.+

“Noria! E na aki manga riki Tamateko bwa te kaawa,

Ao e nang riki bwa te kaawa ae urubekebeke.+

 2 A nang kitanaki kaawan Aroera,+

A na riki bwa aia tabo ni wene taian nanai,

Ao akea temanna ae e na kakamaakuia.

 3 A na mauna kaawa aika nonoaki mai Eberaim,+

Ao te tautaeka n uea mai Tamateko.+

E na mauna karineaia te koraki ake nikiraia kaain Turia,

N aroni karineaia tibun Iteraera,” bon ana taeka Iehova ae Atuaia taanga ni buaka.*

 4 “N te bong anne ao e na kerikaaki karinean Iakoba,

Ao e na rikirake ni bakitaia rabwatana* are marurung raoi.

 5 Ngkana e a ikotii aroka aika uita* ake n te tawaana te tia tai,

Ao baina e taia te amwi ni uita,

N aron temanna ae karemremwa te uita n te Mwarua* ae Rebaim.+

 6 A na katukaki tii ake a karemremwaki

N aron te kai ae te oriwa ngkana e ororeaki:

Ao tii uoua ke tenua oriwa aika tawaa aika tiku i aon te mwaanga are te kabanea mai eta,

Ao tii aua ke nimaua i aoni mwaangana ake a karikiuaa,”+ bon ana taeka Iehova ae Atuan Iteraera.

 9 N te bong anne ao a na riki ana kaawa aika nonoaki bwa ai aron te aono n te buakonikai ae kitanaki,+

N ai aron te mwaanga ae kitanaki imwaia kaain Iteraera.

10 Bwa ko a tia ni mwaninga taekan te Atua+ ae te tia kamaiuko,

Ko a tia ni kabwaka n uringa te Bwaa+ ae am tabo ni kamaiu.

Anne bukina ae ko uniki iai aroka aika tamaroa,*

Ao ko unika i buakoia te bwebwe ae ianena.*

11 N te bong anne ao ko karaua raoi n ooa arokam,

Ko kabwebwerakei am koraa n te moaningabong,

Ma e na maunanako uaan te mwakuri n tai ni bongin te aoraki ma te maraki ae akea katokana.+

12 Ongora! A a kiriwe botannaomata aika bati

Aika ai aroni buakan taari!

A karongoa natannaomata,

Aika ai aron rurungaan raan aika bati karongoaaia!

E na boaiia ao a na birinako nako kiraroa,

Ao a na kakioaki n ai aroni kunin te uita ake n taiani maunga ae mena n unin te ang,

N ai aron te uteute ae rai ae ubaranako n te angibuaka.

Aio bon tibwaia te koraki ake a kataenikaira,

Ao tibwangaia te koraki ake a kuribwaira.

18 Ke e reke kain te aba ae a mena iai taian taake aika rurunga baia ni kiba,

Are n aononi karaangan nako Itiobia!+

 2 E kanakoia taan tei n ritaari,

N rinanon te ran nakon iterana n taiani wa aika karaoaki man aroka aika riiriki n te ran,* ao e kangai:

“Naako ngkami aika taan uataeka aika birimwaaka,

Nakon te natannaomata ae ananau ao ae maratirati kunna,*

Nakon te botannaomata ae maakaki n taabo nako,+

Nakon te natannaomata ae korakora ma n totokanikai,*

Are e iekakinako abaia n taiani karaanga.”

 3 Ngkami ni kabane aika kaain te aba ao ngkami aika taani maeka i aon te aba,

E na riki te bwai ane kam noria bwa ai aron te kanikina* ae kateaki i aon taiani maunga,

Ao kam na ongo te karongoa ae ai aroni katangan te buu.

“N na teimatoa n aki kakiriweaki ao N na tarataraa aon* au tabo ae teimatoa,

N aron raneanean te kabuebue ae irianaki n ootan taai,

N aron nangin te aoi ni kabuebuen te tai n tai.

 5 Bwa imwain te tai n tai

Ngkana e a raure raoi te uee ao e a riki te uee bwa te kureebe ae tawaa,

Ao a na koreakinako taiani bwebwe ni bwaai ni koromwaanga,

Ao a na bane ni koreakinako ao ni kanakoaki mwaangana ake a kawakawanako.

 6 A na bane ni katukaki ibukia mannikiba aika kaakang ake n taiani maunga,

Ao ibukia manin te aonnaba.

A na tiku i aoia mannikiba aika kaakang ni karokoa tokin tain te kabuebue,

Ao a na bane manin te aonnaba n tiku i aoia ni karokoa tokin te tai n tai.

 7 N te tai anne ao e na uotaki te bwaintituaraoi nakon Iehova ae Atuaia taanga ni buaka,*

Mairoun te natannaomata ae ananau ao ae maratirati kunna,*

Mairoun te botannaomata ae maakaki n taabo nako,

Mairoun te natannaomata ae korakora ma n totokanikai,*

Are e iekakinako abaia n taiani karaanga,

Nakon te tabo are e kaotaki iai aran Iehova ae Atuaia taanga ni buaka, ae te Maunga ae Tion.”+

A ruru i matana atuan Aikubita aika akea manenaia,+

Ao e na bwara nanon Aikubita.

 2 “N na kauekei nanoia I-Aikubita bwa a na ekiianako I-Aikubita

Ao a na buaka i marenaia,

Temanna ma temanna e na ekaanako tarina ao raona n aomata,

Te kaawa teuana e na ekaanako te kaawa teuana, ao te tautaeka n uea teuana e na ekaanako te tautaeka n uea teuana.

 3 Ao e na mino ana iango Aikubita

Ao N na kamangaoi ana babaire.+

A na nanako nakoia atua aika akea manenaia,

Nakoia taani kabaea te nano ma taan rorokoia taimonio ao taani kaiwani kanoan taai aika a na roko.+

 4 N na anga Aikubita nakon te toka ae matoatoa,

Ao e na tautaeka i aoia te uea ae iowawa,”+ bon ana taeka te Uea ae koaua, ae Iehova ae Atuaia taanga ni buaka.*

 5 E na bwatakataka ranin taari,

Ao e na mwauteretere te karaanga ao e na akea ranna.+

 6 Ao a na mwaung karaanga,

A na ikirikaaki ma ni mwauteretere kawain nako ranin te Naire are i Aikubita.

 7 A na rai+ aroka ake i rarikin te Karaanga ae te Naire, ake i mataniwin te Naire,

Ao te aba ni kabutaa are a unikaki iai koraa are i rarikin te Naire.+

 8 A na nanokawaki taan akawa,

Ao a na bwaebwaeti taan tetewenakoi matau nako nanon te Naire,

Ao a na nimamate te koraki ake a taakin aia karaun i aon te ran.

 9 A na kamaamaeaki taani mwakuria te aroka ae te buraekiti* ni kakaaria,+

Ao akana karaoi kunnikai aika mainaina i aon te bwai n rarangaa te kunnikai.

10 A na kamanatuaaki ana tia raranga neiei,

Ao a na nanokawaki taani mwakuri ni kabane aika kabooaki aia mwakuri.

“Boni kanoaia ngai aomata aika wanawana,

Ae kanoaia ueea ake ngkoangkoa”?

13 A karaoa te aro ae nanobaba tokan Toan,

A mwamwanaaki tokan Nobi,*+

Ao a katiotionakoa Aikubita mataniwin ana baronga nako neiei.

14 E a tia Iehova ni kabwaroa i aon neiei te iango ae kiriwe,+

Ao a a tia ni katiotionakoa Aikubita ni baike e karaoi neiei,

N ai aron te aomata ae koro ni manging ae rangaranga i buakoni mumutana.

15 Ao e nang akea te bwai ae e na kona ni karaoia Aikubita,

Ae tao ibukin te atu ke te buki, te bwebwe ke te uteute ae abwabwaki.*

E a roko n ai aron te angibuaka ae kare i maiaki,

Man te rereua, man te aba ae kakamaaku.+

E a taonainako te maraki

N aron aririn te aine ae nangi bung.

I a rangi n rawawata ao I a aki kona n ongo,

Ao I a rangi n aki rau ao I a aki kona n noraaba.

 7 Ao e nora te kaa ni buaka tewaana ae katikitikaki irouia aoti aika uoman,

Ao te kaa ni buaka tewaana ae katikitikaki irouia taongki,

Ao te kaa ni buaka tewaana ae katikitikaki irouia kamero.

“Iehova, I teimatoa n tei n te ngaina i aon te taua n tantani,

Ao I tei n au tabo n tantani ni katoa tairiki.+

10 Ngkami aika au aomata ake a a tia ni kaakaki kunimi n ai aron te uita,

Aika uaan* au tabo ni kaaki kun ni uita,+

I a tia n tuangingkami te bwai are I ongo mairoun Iehova ae Atuaia taanga ni buaka,* ae Atuan Iteraera.

Ao ngkami aika taani mwamwananga mai Tetan,*+

Kam na tiku n te tairiki n te buakonikai n te rereua ae aoraoi.

14 Uota te ran ni butimwaea iai ane e bora n taka,

Ngkami aika kaain te aba ae Teema,+

Ao uota te kariki ibukin ane e birinako.

15 Bwa a birinako man taiani kabaang, man te kabaang ae buutaki mani kauna,

Man te kainikatebe ae kabwaouaaki, ao man te boo ni buaka ae korakora.

 2 Ko onrake n te kiriwe,

Te kaawa ngkoe ae ko karongoa, ao te kaawa ae ko kakatonga.

A aki kamateaki n te kabaang am koraki aika kamateaki,

Ao a aki naba mate n te buaka.+

A bane ni kairakinako bwa taenikai te koraki ake a kuneaki,+

E ngae naba ngke a birinako nako kiraroa.

 4 Anne bukina ae I kangai iai: “Katannakoi matami mairou,

Ao N na tang ni korakai.+

Tai imanono ni kani kabebeteai

Ibukini kamaunaan neiere natiia* au aomata.+

 5 Bwa bon te bong ni mangaongao, ni konaaki, ao ni buannano,+

Mairoun te Uea ae Moan te Rietata ae Iehova ae Atuaia taanga ni buaka,*

N te Mwarua ni Miitara.

E na iai uruakakin te oo,+

Ao te tang nakon te maunga.

 6 E anaa nneni kanoan te kainikatebe Eram+

N taiani kaa ni buaka aika katikitikaki irouia aoti,*

Ao e buuta* te otanga Kiri.+

 7 E na onrake n taiani kaa ni buaka am mwarua*

Aika taiani kabanea n tamaroa,

Ao a na tei aoti* ni nneia ni mataroan te oo,

 8 Ao e na kanakoaki nangoan* Iuta.

12 N te bong anne ao te Uea ae Moan te Rietata ae Iehova ae Atuaia taanga ni buaka,

E na tua te tang ma te tanginiwenei+

Ao imanakin te atu ma bwainakin te raerobwa.*

Tiringaia kaao ma kamateaia tiibu,

Kanakin te irikomaiu ao nimakin te wain.+

 3 E mwananga n riaon raan aika bati te uita* mai Tiiora*+

Ao uaan te Naire ae ana karekemwane Turo,

 4 Ko na kamaamaeaki ngkoe ae Titon, ngkoe ae te nono i rarikin taari,

Ibukina bwa e kangai taari:

“I aki ariri ni maraki, ao I aki bung,

I aki naba kaikawaiia rorobuaka n ataei ke ni karikirakeia ateiaine.”*+

 5 A na maraki aomata n rongorongon Turo+

N aroia ngke a ongo rongorongon Aikubita.+

 8 Antai ae bairea te baei n ekaanako Turo,

Ae te tia katokai baunuea,

Ake tooka ana tia iokinibwai,

Ao a karineaki ni kabutaa te aonnaba ana tia iokinibwai?+

Bwa e na kamwaraea kainikatongan neiei ibukin tamaroana ni kabane,

Bwa e na kamaamaeia akana karineaki ni kabutaa te aonnaba.+

12 Ao e kangai: “Ko na aki manga kakatonga,+

Ngkoe ae ko karawawataaki, ae natin Titon te aine ae tuai ni boo ma te mwaane.

Aio te botannaomata, ao tiaki Aturia,+

A karaoa neiei bwa nneia manin te rereua.

14 Kam na tanginiwenei ngkami aika kaibuken Taretiti,

Bwa e a kamaunaaki ami nono.+

Katanga raoi am abi,

Anenei kuuna aika bati,

Bwa a aonga n ururingko.”

A na titeboo aomata ma te ibonga,*

Te toro ma ana toka te mwaane,

Te toro ma ana toka te aine,

Te tia boobwai ma te tia kaboonakoi bwaai,

Te tia katangobwai ma te tia tangobwai,

Te tia kataarau ma te tia taarau.+

 3 E na boni kakeaaki kaain te aba,

E na boni kuribwaiaki,+

Bwa e a tia Iehova n taekina te taeka aei.

 5 E a kabarekaaki te aba irouia kaaina,+

Bwa a kaaki taekan taian tua,+

A bita te kaetieti,+

Ao a urua te berita ae teimaan.*+

 6 Anne bukina ae e a kabwauta te aba te rekenikai,+

Ao a a reke n te bure taani maeka iai.

Anne bukina ae e a kerikaaki iai mwaitiia kaain te aba

Ao a a karako mwaitiia rorobuaka aika tiku.+

 7 E a nanokawaki* te wain ae boou, e a rai te kai ae te kureebe,+

Ao a a ikenrawa te koraki ni kabane ake a kimwareirei nanoia.+

 8 E a toki tangitangin te tamboriin* ae kakimwareirei,

E a toki karongoaaia taani bukamaru n akea aia taubaang,

 9 A moi wain n akea te anene,

Ao e a mao te kamanging irouia akana nimma.

10 E a bwaka te kaawa ae kitanaki,+

A bane auti ni kainaki, ao akea temanna ae kona n rin.

E a bane ni bua te kakatonga,

Ao e a toki kimwareirein te aba.+

12 E a tiku te kaawa n uruaki,

E a kamanatuaaki mataroan te oo ni karikaki bwa te bwariko ni mmwammwa n atibu.+

13 Bwa a na riki au aomata ake n te aba i buakoia botannaomata,

Bwa ai aron taian nikira i aon te aroka ae te oriwa+

Ao n ai aroni bwaai ni karemrem n tain tokin taiakini kureebe.+

14 A na kanenei bwanaaia,

Ao a na tatakarua ni kimwareirei.

A kamwanea te aba taani mwamwanaa te aba,

A kamwanea te aba taani mwamwanaa te aba rinanon te mwamwanaa te aba.”+

18 Ane e birinako mani karongoaan te maakunrang ao e na bwaka nako nanon te mwarua,

Ao ane e waerake man te mwarua e na mwane n te bwai ni kamwane.+

Bwa a na kaukaki mataroan raan ake i eta,

Ao e na mwaeiei aan te aba.

19 E rebwetaua n uamaenako te aba,

E kamwaeieieaki te aba,

Ao e korakora mwaeiein te aba.+

20 E rangaranga te aba n ai aron te aomata ae koro ni manging,

Ao e mwaeiei n ai aron te auti n unin te ang.

E tine n rawawata i aona ana bure,+

Ao e na bwaka, n te aro ae e na aki manga teirake.

21 N te bong anne ao e na rairaki Iehova nakoia taanga ni buaka ake i karawa

Ao ueea aika n te aonnaba.

22 Ao a na ikotaki ni kabane,

N ai aroia aomata aika taiani bure aika ikotaki nako nanon te mwarua,

Ao a na kainaki n te matawariki ae roo.

23 E na maneang tabwaninin namwakaina,

Ao e na kamaamaeaki otin taai,+

Bwa e a tia n riki bwa te Uea Iehova+ ae Atuaia taanga ni buaka* n te Maunga ae Tion+ ao i Ierutarem,

Ao e mimitong i mataia aia unimwaane ana aomata.*+

I karietatako, I karaoiroa aram,

Bwa ko karaoi baika kamimi+

Aika bwaai* aika baireaki mangkoangkoa,+

Ma te kakaonimaki+ ao te konaa n onimakinaki.

 2 Bwa ko bita te kaawa nakon te bwariko n atibu,

Ao te kaawa ae nonoaki nakon te tabo ae uruaki.

Ai tiaki te kaawa ana taua te ianena,

E na aki manga kateaki.

 4 Bwa ko a riki bwa te nono nakon ane e mangori,

Te nono nakon ane e maiu ni kainnano ngkana e rawawata,+

Te tabo ni kamanomano man te karau ae korakora,

Ao te tabo ni katantan man te kabuebue.+

N te tai ae e a riki iai unia taani karawawata bwa ai aron te karau ae bakarerea te oo,

 5 N aron te kabuebue n te aba ae mwauteretere

Ao ai arom naba n taonaanako karongoaaia ianena.

N aron te kabuebue ae taonakinako n nuun te nang

Ao ai aron naba aia anene taani karawawataa te aba bwa e a katokaki.

 6 E na karaoa te baka n amwarake n te maunga+ aei Iehova ae Atuaia taanga ni buaka* ibukia botannaomata ni kabane,

Ae te baka n amwarake ae kangkang,+

Ao te baka n amwarake ae kabutaki iai te wain ae raoiroi,

Ae te amwarake ae te kabanea ni kangkang

Ao te wain ae raoiroi ae raumeaaki.

 7 N te maunga aei ao e na kamauna* te ninira ae niroaia botannaomata ni kabane,

Ao te rabuna* ae rarangaaki ae a rabunaki iai natannaomata ni kabane.

 8 E na onga* te mate n aki toki,+

Ao e na kaoi rannimata mani maata ni kabane te Uea ae Moan te Rietata ae Iehova.+

Ti kabotoi ara kantaninga i aona,+

Ao e na kamaiuira.+

10 Bwa e na mena bain Iehova i aon te maunga aei,+

Ao e na toutouaki Moaba ni nnena+

N aron te uteute ae mwau ae toutouaki nako aon te bwariko ae nakotaarin te man.

11 E na arora baina n orea Moaba

N aron te tia uaua ae orea te ran ni baina ngkana e uaua.

Ao e na karinanoa kainikatongana+

Ni mwaataini kakammwakurini baina.

12 Ao e na kabwakaa

Te kaawa ae nonoaki ma am oo aika rietata ae kamanoam,

Ao e na kabwakaa i aontano, nakoni bubun te tano.

 2 Kauki mataroan te oo,+ bwa e aonga n rin te natannaomata ae raoiroi,

Ae te natannaomata ae kateimatoa te aroaro ae kakaonimaki.

 3 Ko na kawakinia te koraki aika mwiokoiia ni koaua iroum,*

Ko na angania te rau ae teimatoa,+

Ibukina bwa a onimakiniko.+

 4 Onimakina Iehova n aki toki,+

Bwa Iah* ae Iehova bon te Bwaa ae akea tokina.+

E kabwakaa,

E kabwakaa nako aontano.

Ko na kaboraoa kawain ane e raoiroi

Ibukina bwa ko raoiroi.

 8 Iehova, a boto ara kantaninga i aom

Ngkai ti toua kawain am motikitaeka.

 9 I* kakariariako n te tairiki,

Eng e teimatoa nanou n ukoukoriko.+

Bwa ngkana ko motika taekan te aonnaba,

Ao a reiakina te raoiroi kaain te aba.+

10 E ngae ngkana e akoaki te aomata ae buakaka,

Ma e na bon aki reiakina te raoiroi.+

E na karaoa naba ae buakaka n te aba ae a bwabwaina te eti kaaina,+

Ao e na aki nora mimitongin Iehova.+

12 Iehova, ko na bon anganira te rau,+

Ibukina bwa boni ngkoe ae ko anganira te korakora

Ni bwaai ni kabane aika ti karaoi.

13 Iehova ae Atuara, a a tia tooka riki tabeman i rarikim n tautaeka i aora,+

Ma tii aram ae ti tataekinna.+

Bwa ko rairaki nakoia

Bwa ko na kamaunaia ao ni kamaunai atongaia ni kabane.

15 Ko kabatiaia riki kaain te natannaomata, ngkoe ae Iehova,

Ko kabatiaia riki kaain te natannaomata,

Ko kamimitongko.+

16 Iehova, a rairaki nakoim n tain te rawawata,

A bunrii nanoia nakoim n aia wirikiriki n tataro ngke ko reireinia ni kaetiia.+

17 N aron te aine ae bikoukou ae e nangi bung

Ae ariri ao n tang i buakoni marakina,

Ao ai arora naba ibukim ngkoe ae Iehova.

18 Ti a bikoukou, ti a ariri ni maraki,

Ma ai aron ae ti bungia te ang.

Ti aki uota te kamaiuaki nakon te aba aei,

Ao akea ae e bungiaki bwa e na kaaina te aba aei.

Kam na uti ao takarua ni kimwareirei,

Ngkami aika taani maeka n te tano!+

Bwa ami aoi ai aron aoin te moaningabong,

Ao te tano e na kaotinakoia nakon te maiu* te koraki aika akea korakoraia bwa a mate.

20 Naako au aomata, riin n ami ruu ake kam na mano iai,

Ao kaini ami mataroa imwimi.+

Karabaingkami i nanon te tai ae kimototo

Ni karokoa bunginakon te un.+

21 Bwa noria! E a roko Iehova man ana tabo,

Bwa e na kaetii taekaia kaain te aba ibukin aia bure,

Ao te aba e na kaotaraea te katuturaraa are irouna

Ao e na aki manga rabunia ana aomata aika kamateaki.”

27 N te bong anne ao Iehova e na katuuaaea te Ribaietan* ae te naeta ae birimwaaka,

N ana kabaang ae matoatoa ma n abwabwaki ao ni korakora,+

Te Ribaietan ae te naeta ae minominotaki,

Ao e na kamatea te man ane totoa anne ae mena i taari.

I kawakinna ni ngaina ao ni bong

Bwa e aonga n akea ae e urua.+

Ke e karekea te raoi ma ngai,

Ke e karekea te raoi teuaei ma ngai.”

 6 Ni boong aika a na roko, ao e na karibua wakaana Iakoba,

Ao e na uee Iteraera ma ni bwebwerake,+

Ao a na kaona te aba n te uaa.+

 9 Mangaia ae e na karaoaki karekeani kabwaraan ana bure Iakoba n te aro aei,+

Ao e na riki te baei bwa te uaa ae tabwanin ngkana e a uotakinako ana bure.

E na karaoi atibun nako te baonikarea

Bwa ai aron atibu aika mmwammwa aika a a tia n ibeibeaki,

Ao akea kaai aika tabu* ke baonikareani baika boiarara aika a na tiku.+

10 Bwa e na kitanaki te kaawa ae nonoaki,

Ao a na kaakaki taekan taian tawaana ma ni kitanaki n aron te rereua.+

E na amwarake ikanne te kao te teei ao e na wene,

Ao e na kang mwaangan neiei.+

11 Ngkana a a mwautakataka mwaangan neiei,

Ao a na roko aine ao n otei,

Ao ni kabonganai bwa kanaan te ai.

Anne bukina ae a na aki nanoangaaki iai iroun te tia Karikiia,

Ao e na aki akoiia Teuare karaoiia.+

28 Ke e reke kain aia baunuea* ae kantara* taani koro ni manging aika tibun Eberaim,+

Ao te uee ae e a tabe n rai ae tamaroani karineana,

Ae toka i aon atun aia mwarua ae maiureirei te koraki ake a taonakinako n te wain!

E na karenakoa te baunuea arei nako aon te aba n te aro ae korakora,

N ai aron rebwen te baa ma te karau ae te aiti, ae te ukeukennanti ae urubwai,

N ai aron rebwerebwen te baa n te ieka ae korakora.

 3 A na toutouaki i aan te wae

Aia baunuea aika kantara* taani koro ni manging aika tibun Eberaim.+

 4 Ao te uee are e a tabe n rai ae tamaroani karineana,

Ae e toka i aon atun te mwarua ae maiureirei,

E na riki bwa kaanga moan uaan te biiku imwain tain te kabuebue.

E bebei te ibonga* ma te burabeti ibukin te kamanging,

E kaminoi aia iango te wain,

Ao a a rangaranga man nimaia te kamanging.

E a kairiia aia taratara bwa a na bebei

Ao a a tibanako n aia motikitaeka.+

 8 Bwa a onrake aia taibora n te mumuta ae kamwara,

Ao akea te tabo ae akea iai.

 9 Antai ae e na anganaki te atatai iroun teuaei,

Ao antai ae e na kabwarabwaraaki te rongorongo nakoina iroun teuaei?

Nakoia te koraki ake a a tibwa kakoriraki man te rannimamma,

Ake te koraki ake a a tibwa uotakinako man te mamma?

10 Bwa bon “te tua imwin te tua, te tua imwin te tua,

Te kaetieti i aon te kaetieti, te kaetieti i aon te kaetieti,*+

Teutana ikai ao teutana ikanne.”

“Te tua imwin te tua, te tua imwin te tua,

Te kaetieti i aon te kaetieti, te kaetieti i aon te kaetieti,*+

Teutana ikai ao teutana ikanne,”

Ngaia are ngkana a nakonako,

Ao a na tatanako ma ni bwaka ni botararake,

Ao a na mwaoto, ao a na kamwaneaki, ao a na mwane.+

14 Mangaia ae kam na ongora n ana taeka Iehova, ngkami aika taani kamoamoa,

Ngkami aika taan tautaekania aomata aikai i Ierutarem,

15 Bwa kam kangai:

“Ti a tia ni karaoa te berita ma te Mate,+

Ao ti a tia ni karaoa te boraraoi* ma te Ruanimate.*

Ngkana e a raanga te ieka ae korakora,

Ao e na aki roko iroura

Bwa ti a tia ni karaoa te kewe bwa ara tabo ni kamanomano,

Ao ti a tia ni karabaira n te kewekewe.”+

17 Ao N na karaoa te kaetitaeka ae riai bwa te kora ni baire+

Ao te raoiroi bwa te bwai ni kaboraoi.*+

E na uotaanako te tabo ni kamanomano ae te kewe te karau ae te aiti,

Ao e na iekaki te tabo ni karaba n te ran.

18 E na kamaunaaki ami berita ma te Mate,

Ao e na aki teimatoa ami boraraoi ma te Ruanimate.*+

Ngkana e a raanga te ieka ae korakora,

Ao kam na taonakinako iai.

19 Ni katoatai are e raanga iai

Ao e na uotiingkami nako,+

Bwa e na raanganako n te ingabong teuana ma teuana,

N te ngaina ao n te bong.

20 Bwa e a rangi n uarereke te nne ni wene are e na aroria iai temanna,

Ao e a rangi n reme te rabuna are e na niria iai.

21 Bwa e na teirake Iehova n aron are n te Maunga ae Beratim,

E na teirake n aron are n te tabo ae aoraoi* i rarikini Kibeon,+

Bwa e aonga ni karaoa ana mwakuri ae ana mwakuri ae kamimi,

Ao e aonga ni waakinaanako ana mwakuri ae ana mwakuri ae kaokoro.+

22 Ao tai kakaniko,+

Bwa a aonga n aki koo riki kabaeami,

Bwa I a tia n ongo mairoun te Uea ae Moan te Rietata ae Iehova ae Atuaia taanga ni buaka,

Bwa e a tia ni baireaki kamaunaan te aba ni kabutaa.*+

25 Ngkana e a tia ni kaboraoa aontano te aomata,

Ao tiaki e na kamaenakoa te kumin* ae roroo ma n unika te kumin,

Ao tiaki e na unika te uita, te mirete,* ao te baare n aia tabo nako

Ao te aeka ni uita* riki teuana+ ni katobibia te mataniwi?

26 Bwa E reireinna* te aro ae eti,

E reireinna Atuana.+

27 Bwa e aki kakamantintaki te kumin ae roroo n te bwai ni kaaki kun ni uita ae katikitikaki,+

Ao e aki kakabutaki wiran te kaa i aon te kumin.

Ma e ikaki te kumin ae roroo n te oko

Ao te kumin n te kai.

Tiaki ngaia anne, e aki kaaki kunna n aki toki,+

Ao ngkana e kabuta wiran ana kaa i aona ma ana aoti,

Ao e aki kamantintia.+

29 E roko aei naba mairoun Iehova ae Atuaia taanga ni buaka,

Ae teuare e tamaroa ana reirei ni kairiri,*

Ao a rangi n raoiroi baika e kakororaoi.*+

Ke e waakinako te ririki teuana ma teuana,

Ke a waakinako taian toa+ aika okioki.

 2 Ma N na karokoa te rawawata i aon Ariera,+

Ao e na tanginiwenei te aba ma ni bwaebwaeti,+

Ao e na riki neiei irou bwa ai aroni nnen te ai n ana baonikarea te Atua.+

 3 N na katei umwanrianna ni katobibi n ekikonako,

Ao N na otabwaniniko n te oo ae te nono

 4 Ko na karinanoaki,

Ko na taetae mai aontano,

Ao e na taonakinako ni bubun te tano te bwai ane ko taekinna.

E na roko bwanaam mai aontano+

N aroni bwanaan te tia rorokoia taimonio,

Ao e na wirikiriki bwanaam man te tano.

 5 A na riki te koraki aika bati aika taani kairiribai nakoim,* bwa ai aroni bubun te tano ae mte,+

Ao te koraki aika bati aika taani karawawataa te aba, bwa ai aroni kunin te uita ae ukakinako.+

 6 E na mutiakiniko Iehova ae Atuaia taanga ni buaka,* ao ni kamaiuko

N rebwen te baa ao n te mwaeiei ao n te karongoa ae korakora,

N te angibuaka ma te ukeukennanti ao n uran te ai ae kaakang.”+

 7 Ao a na riki bwa kaanga ai aron te mii, ae te miitara n te bong,

Te koraki aika bati mai buakoia natannaomata ni kabane, aika buakana Ariera,+

Ake te koraki ni kabane ake a buakana neiei,

Taua aika nonoaki ake a ekaanako neiei,

Ao te koraki ake a karokoa te rawawata i aon neiei.

 8 Eng, e na riki n ai aron te aomata ae bora ni baki ae e mii bwa e amwarake,

Ma e uti ni bora ni baki,

Ao ai aron te aomata ae bora n taka ae e mii bwa e moi,

Ma e uti ni kua ao ni bora n taka.

Ao ai arona naba bwa e na riki anne nakoia te koraki aika bati mai buakoia natannaomata ni kabane

Ake a buakana te Maunga ae Tion.+

 9 Kam na kubanrou ma ni mimi,+

Kamatakingkami ao kam na mataki.+

A koro ni manging ma tiaki n te wain,

A rangaranga ma tiaki n te moi ae kamanging.

E kamaki matami ngkami aika burabeti,+

Ao e rabuni atumi ngkami aika taani matairiki.+

13 E taku Iehova: “A kaaniai aomata aikai ni wia

Ao a karineai n riaia,+

Ma e rangi n raroa nanoia mairou,

Ao e boto maakakiu irouia i aon aia tua aomata ake a reiakinaki iai.+

14 Mangaia ae boni Ngai ae N na manga karaoi baika kamimi nakoia aomata aikai,+

Ae te bwai ae kamimi i aon te kamimi.

Ao e na mauna wanawanaia aia rorobuaka aika wanawana,

Ao e na karabaaki aia ataibwai aia rorobuaka aika rabakau.”+

A karaoi aia mwakuri n te tabo ae roo,

Ao a kangai: “Antai ae norira?

17 Ai tii teutana riki te tai ao e nang oneaki Rebanon nakon te tabo ae a unikaki iai kainnamwarake,+

Ao e na atongaki te tabo ae a unikaki iai kainnamwarake bwa te buakonikai.+

18 N te bong anne ao akana bonotaninga a na ongo taeka ake n te boki,

Ao a na noraaba mataia akana mataki man te roo ao te rotongitong.+

19 A na rangi ni kakatonga iroun Iehova akana nimamannei,

Ao akana maiu ni kainnano i buakoia aomata a na kimwareirei iroun Teuare Tabu iroun Iteraera.+

20 Bwa e nang akea te tia karawawataa te aba,

Ao e nang roko n tokina te tia kamoamoa,

Ao a na bane ni kamaunaaki te koraki ake a teimatoa n tantani ibukini kaikoakan te aba,+

21 Ao te koraki ake a karekeia temwangina n te bure n te taeka ae kewe,

Ake a kawenei bwaai ni kamwane ibukin te tia kamanomano* ni mataroan oon te kaawa,+

Ao ake a aki anga te kaetitaeka ae riai nakon te aomata ae raoiroi, ni kauntaeka aika akea uaaia.+

“E na aki manga maamaa Iakoba,

Ao e nang aki manga mainarake.*+

23 Bwa ngkana e noriia natina

I rarikina, ake ana mwakuri baiu,+

Ao a na katabua arau.

Eng, a na katabua Teuare Tabu iroun Iakoba,

Ao a na tei ni karinea Atuan Iteraera.+

24 A na karekea te ataibwai te koraki ake a bubure n aia iango,

Ao a na butimwaea te kaetieti te koraki ake a ngurengure.”

30 “Ke a reke kaia naati aika imanono,”+ bon ana taeka Iehova,

“Ake a karaoi babaire ake tiaki au babaire,+

Ake a boraraoi* ma e aki boraoi ma nanou,*

Bwa a aonga n raona te bure n te bure.

 2 A ruo nako Aikubita+ ao a aki karekea buokaia mairou,*+

Bwa a na katania i aan ana kamanomano* Barao

Ao ni kamanoia n nuun Aikubita!

 3 Ma e na riki ana kamanomano Barao bwa ngaia bukini kamaamaeami,

Ao te kamanomano n nuun Aikubita bwa ngaia bukini bwaibwainrangimi.+

 4 Bwa a mena ana aomata ake tooka i Toan,+

Ao a a roko i Aneti ana tia tei.

 5 A na bane ni kamaamaeaki

Iroun te natannaomata ae aki kona n uota te kakabwaia nakoia,

Ae akea te ibuobuoki ao akea te kakabwaia ae e anga,

Ma tii te maamaa ao te nuka.”+

A uotii kaubwaia i aoia taongki

Ao aia bwaintituaraoi i aon nukaia kamero,

Rinanon te aba ae mena iai te rawawata ma te kangaanga,

Ae mena iai te raian ae te raian ae bekorara,

Ae mena iai te baiba ma te naeta ae te ai ae kikiba.*

 8 “Mangaia ae naako, ao koreia i aon te baba ni koroboki i mataia,

Ao katanea i nanon te boki,+

Bwa e aonga n riki bwa te bwai ni kakoaua ae teimatoa

 9 Bwa bon aomata ngaiia aika karitei,+ aika naati aika mwamwanaa te aba,+

Aika naati aika rawa n ongo n ana tua* Iehova.+

10 A taku nakoia taani matairiki, ‘Tai taraia,’

Ao nakoia taan nori miitara, ‘Tai tuangira miitara aika koaua.+

“Kioina ngkai kam rawa nakon te taeka aei,+

Ao kam onimakina te babakanikawai ma te mwamwanaa te aba,

Ma ni mwiokoi baikai,+

13 Ai ngaia are e na riki te bure aei iroumi bwa ai aron te oo ae uruaki,

Ai aron te oo ae rietata ae raranako ae nangi bwaka.

14 E na uruaki n aron ana kaatibu ae bubura te tia karaomwangko,

Ae e a maeinikun n te aro are ai akea nikirani maibibina n tiku,

Ae e na aekaki te ai iai man te nne ni kanaiai,

Ke e na itiiaki te ran iai man te nei.”*

Kam na birinako n aia kakamaaku naaka niman,

Ni karokoa ae kam a tiku bwa ai aron te aneang i taubukin te maunga,

Ao n ai aron te kai ae te kanikina i aon te tabuki.+

18 Ma e teimatoa Iehova n tataninga ma te taotaonakinnano* bwa e na akoingkami,+

Ao e na teirake ni kaota te nanoanga nakoimi.+

27 Akea bwa e a roko Iehova* mai kiraroa,

Ao e urarake n unna ma naang aika matenten.

E onrake wina n te un,

Ao newena ai aron te ai ae kaakang.+

28 Taamneina* kaanga ai aron te karaanga ae korakora raangana ae rota te roroa,

Bwa e na ioioia natannaomata n te raumea ni kakamauna.*

29 Ma e na riki ami anene bwa kaanga are e aneneaki n te tairiki

Ngkana kam katauraoi* nakon te toa,+

Ao e na kakatonga nanomi n aron te aomata

Ae nakonako ma* te kaibwabwaa,

Ae i aoni kawaina nakon ana maunga Iehova, nakon ana Bwaa Iteraera.+

30 E na kaongongo Iehova bwanaana ae mimitong+

Ao e na kaota korakorani bwakani baina+ n uraraken unna,+

Ma uran te ai ae kaakang,+

Te karau ae korakora ae rina ni bwaka,+ ao rebwerebwen te baa ma te karau ae te aiti.+

31 Bwa e na maakunrang Aturia ibukini bwanaan Iehova,+

Ao e na oreia n te oko.+

32 Ao a na raonaki tiotion nako okon Iehova ni katuuaa

Are e na karokoa i aon Aturia,

N taian tamboriin* ma abi,+

Ngkana e katioa baina n ekiianako n te buaka.+

E kaona te tabo ae nano n te bwariko n aia ao ni karababaanako,

Ma te ai ae urarake ao te aia ae bati.

Ikeiken Iehova kaanga ai aron te burimton* ae raanga,

Ae e na kabuekia n te ai.

31 A na reke kaia te koraki ake a ruo nako Aikubita ibukini buokaia,+

Ake a onimakinia aoti,+

Ake a onimakini kaa ni buaka ngkai a rangi ni bati,

Ma aoti* ni buaka ngkai a korakora.

Ma a aki mutiakina Teuare Tabu iroun Iteraera,

Ao a aki ukoukora Iehova.

 2 Ma e wanawana naba ao e na uota te kabuanibwai,

Ao e na aki manga kaoki ana taeka.

E na teirake n ekiianako te koraki ake taani kakaraoa ae buakaka,

Ao n ekiianako te koraki ake a buokiia taani kakaraoa ae bure.+

Ngkana e arora baina Iehova,

Ao a na tatanako naake a anga aia ibuobuoki

Ao a na bwaka naake a buokaki.

“N aron te raian ae kakarongoa ae te raian ae korakora ae ataei i aoni konana,

Ngkana a weteaki te koraki aika taani kawakintiibu ni kabane bwa a na kaitaraa,

Ao e aki maakunrang ni bwanaaia

Ke ni maaka karongoaaia,

Ao ai aron naba Iehova ae Atuaia taanga ni buaka* bwa e na ruo ni buaka

Ibukin te Maunga ae Tion ao ibukin ana tabuki neiei.

 8 Ao e na bwaka te I-Aturia n te kabaang, ae tiaki ana kabaang te mwaane,

Ao e na kabwautia te kabaang ae tiaki ana kabaang te aomata.+

E na birinako ibukin te kabaang,

Ao a na tautoronaki ana rorobuaka n ataei.

 9 E na maunanako ana bwaa ibukin te maaku ae korakora,

Ao a na maakunrang ana aomata ake tooka ibukin te kai are te kanikina,” bon ana taeka Iehova,

Are e mena ana oota* i Tion ao nnen ana ai i Ierutarem.

32 Noria! E na tautaeka te uea+ ibukin te raoiroi,+

Ao a na kairiri tooka ibukin te kaetitaeka ae riai.

 2 Ao e na riki temanna ma temanna bwa kaanga ai aron te tabo ni katantan man te ang,

Ao te tabo ni kamanomano man te karau ae korakora,

Kaanga ai aroni karaanga n ran n te aba ae akea te ran iai,+

Kaanga ai aron nuun te bwaa ae totoakaei n te aba ae mwauteretere.

 3 Ao a nang aki manga kainaki mataia te koraki aika noraaba

Ao a na kakauongo taningaia te koraki aika ongo.

 4 Ao te koraki aika tiotionako aia iango a na manga iaiangoa raoi te atatai,

Ao te baennewe e na rabakau n taetae ao e na mataata ana taetae.+

 5 E na aki manga atongaki ane e nanobaba bwa e tituaraoi,

Ao e na aki atongaki te aomata ae aki maiuakini booto n reirei bwa e raoiroi.

 6 Bwa e na taekini baika akea nanoia ane e nanobaba,

Ao e na karioi baika karuanikai nanon teuaei,+

Bwa e na kaungaa te tannako man te koaua* ao e na taekina te bwai ae kewe n ekaanako Iehova,

Bwa e na kanakoa ane e bora ni baki n aki kaamwarakea,

Ao e na taua te moi mairoun ane e bora n taka.

E kauekea te aroaro ae kanuka

Bwa e na uruania iai akana karawawataaki n ana kewe,+

E ngae ngkana e taekina te bwai ae eti ane e maiu ni kainnano.

 8 Ma e tituaraoi nanon te aomata ae tituaraoi

Ao e teimatoa ni bwaina te tituaraoi.*

10 Kam na ruru ibukin teuana tabun te ririki ngkami aika akea tabeaiangami,

Ibukina bwa e na akea te uaa ae e na ikotaki ngkana e a toki taiakin te kureebe.+

Kam na buutii karabaami,

Ao kaaki te raerobwa* i aoni bebeemi.+

12 Ororei bwanibwanimi ni bwaebwaeti

Ibukin te bwai ae riki nakon taian tawaana aika tangiraki ao te kai ae te kureebe ae karikiuaa.

13 Bwa e na buta aia tano au aomata n aroka aika kateketeke ma kaai aika kateketeke,

A na rabuninako auti ni kimwareirei ni kabane,

Eng, ae te kaawa ae kakatonga.+

14 Bwa e a kitanaki te taua ae nonoaki,

E a aki maekanaki te kaawa ae karongoa.+

E a riki Oobera+ ma te taua n tantani bwa te aba ae aki kona ni maekanaki n aki toki,

Ae te bwai ni kakimwareirei irouia taongki aika moaanti,

Ao te tawaana ibukia taian nanai,+

15 Ni karokoa ae e a kabwaroaki i aora te taamnei mai eta,+

Ao e a riki te rereua bwa te tabo ae a unikaki iai kainnamwarake,

Ao e a iangoaki te tabo ae a unikaki iai kainnamwarake bwa te buakonikai.+

16 Ao e na maeka te kaetitaeka ae riai n te rereua,

Ao e na maeka te raoiroi n te tabo ae a unikaki iai kainnamwarake.+

17 Bon te rau mwin te raoiroi ni koaua,+

Ao uaan te raoiroi ni koaua bon te rau ma te mweraoi ae teimatoa.+

18 A na maeka au aomata n te tabo ni maeka ae rau,

N taabo ni maeka aika mweraoi ao n taabo ni motirawa aika rau.+

19 Ma e na kabwakaaki te buakonikai n te karau ae te aiti,

Ao e na rangi ni karinanoaki te kaawa.

20 Kam a kukurei ngkami aika kam uniki koraa i rarikin raan ni kabane,

Aika kam kanakoa* te kao mwaane ao te taongki.”+

Boutokaira n anganibaim*+ ni katoa ingabong,

Eng, ara tia kamaiu n tain te rawawata.+

 5 E na karietataaki Iehova

Bwa e mamaeka n te tabo ae rietata i eta.

 6 Bon Teuare anga te mweraoi n am tai akanne,

Ae e anga te kamaiu ae bati,+ te wanawana, te atatai, ao maakakin Iehova,+

Ae ana bwai ae kakawaki.*

 8 A kitanaki kawai aika totouaki,

Ai akea te aomata ae mwananga i nanoni kawai.

E* urua te berita,

E rawa nakon taiani kaawa.

E a riki Tiaron bwa ai aron te rereua,

Ao Batian ma Karemera a ioi baaia ni kamrarai.+

10 “N na teirake ngkai,” bon ana taeka Iehova,

“N na karietataai ngkai,+

N na boni kamoamoaai ngkai.

15 Te aomata ae nakonako n te raoiroi ae teimatoa,+

Ae e tataekina te bwai ae eti,+

Ae e rawa nakon te bwai ae aki eti ma te raka ae reke n te babakanikawai,

Ae a rawa baina nakon te bwai ni kamaraato n oneani mwin ae e na anaia,+

Ae e kaini taningana nakoni karakinani babaire ibukin te katuturaraa,

Ao ae e kaini matana bwa e aonga n aki taraa te bwai ae buakaka.

16 E na maeka n te tabo ae rietata,

E na mena ana tabo ni kamanomano ae mano raoi* n noono aika kiribwaa,

E na katauraoaki kanana

Ao e na bon aki kona n tare ana ran.”+

19 Ko na aki manga noriia aomata aika akiako,

Ae te natannaomata ae kangaanga te ota n aia taetae,

Ae ko aki kona n ota ni baebaen neweia.+

A na nora Ierutarem matam bwa te tabo ni maeka ae rau,

Ae te umwanrianna ae e na aki kamwaingaki.+

A na bon aki buutaki kain rooana,

Ao akea roobuna ae e na moti.

21 Ma e na kamanoira ikanne Iehova are Teuare Mimitong,

N aroni karaanga ke kawain raan aika raababa ake a kamanoa te kaawa,

Ae akea te nna ni kaibuke ae e na nako iai,

Ao a na aki toua kaibuke aika bubura.

22 Bwa Iehova bon ara tia Motikitaeka,+

Iehova bon ara tia Karaotua,+

Iehova bon ara Uea.+

34 Kaaningkami bwa kam na ongora ngkami aika natannaomata,

Ao kakauongo ngkami aika botannaomata.

Ke e ongora te aonnaba ma kanoana,

Ao te aba ma uaana ni kabane.

 2 Bwa e ekiianako natannaomata ni kabane unin Iehova,+

Ao e ekinako aia taanga ni buaka ni kabane marakin nanona.+

E na kamaunaia

Ao e na anga ngaiia nakon te kamateaki.+

 3 A na tewenakoaki aia aomata aika tiringaki,

Ao e na waerake te mwaung man rabwataia aia mate.+

 4 A na mka taanga ni buaka ake i karawa ni kabane,

Ao e na niniraki karawa n aron te nira ni boki.

A na bane n rai aia taanga ni buaka

N aron te baanikai ae rai ae bwaka man te kai ae te kureebe,

Ao te biiku ae mwautakataka man te aroka ae te biiku.

 5 “Bwa e na maratingo au kabaang i karawa,+

Ao e na ruo i aon Etom ni kaineti ma te motikitaeka,+

I aoia aomata aika I a tia ni baireia bwa N na kamaunaia.

E na buta te mwaete i aona+

Ma raraaia tiibu mwaane aika ataei ao kooti,

Ao ni mwaeten aia kirine tiibu mwaane.

Bwa iai te angakarea ae katauraoia Iehova i Botira,

Ae te kamamate ae korakora n te aba ae Etom.+

 7 A na ruo kaao mwaane aika moaanti ma ngaiia,

Kaao mwaane aika ataei ma ake a korakora.

E na maratingo abaia n te raraa,

Ao e na roto aia tano n te mwaete.”

 8 Bwa iai ana bong ni karekekai Iehova,+

Ae te ririki ni katuuaa ibukin te tangitang ibukin Tion.+

 9 A na bitaki karaangan neiei* nakon te korotaa,

Ao tanona nakon te burimton.*

11 A na abana neiei te berikan* ma te man ae te baokubain,

Ao a na maeka i nanon neiei taian aure* aika abwabwaki taningaia ma mannikiba aika reben.

E na bairea abwakin te aba aei te Atua n te kora ni baire

Ma te kora ni kaeti ae tinetine,* ni kaotia bwa e na akea kaaina ao e na akea manenana.

12 Akea mai buakoia ana bwaanuea neiei aika a na riki bwa ueea,

Ao a na bane n akea bonganaia ana natinuea mwaane.

13 A na rikirake aroka aika kateketeke i nanon tauan neiei aika nonoaki,

Ao kaai aika kateketeke ma uteute aika kateketeke i nanon ana tabo nako ni kamaiu.

E na riki neiei bwa bwangaia tiakaore,*+

Ao ooia aotireti.*

14 A na kaitiboo manin te rereua ma maan aika karongoa tangia,

Ao e na wewete te kooti ae moaanti* nakon raona.

15 E na karaoa ikanne ngaona te naeta ae birimwaaka ao ni kabwakabwakai iai bunnimoana,

Ao e na karaurei ao n ikotiia i aan nuuna.

Akea temanna i buakoia ae e na bua,

Ao akea temanna i buakoia ae e na akea raona,

Bwa boni win Iehova ae e a tia n tua,

Ao bon taamneina ae ikotiia ni kabane.

17 Boni Ngaia ae e baireia bwa tera tibwangaia,

Ao e a tia baina ni bairea aia tabo aika katauaki nako iai.*

A na abanna n aki toki,

Ao a na maeka iai i nanon rooro ni kabane.

35 E na kakatonga te rereua ma te aba ae mwauteretere,+

Ao e na kimwareirei te rereua ae aoraoi ao e na onrake n te uee ae te taberon.+

 2 E na bon uee,+

E na kakatonga ao n takarua ni kimwareirei.

E na anganaki karinean Rebanon+

Ao tamaroani Karemera+ ma Tiaron.+

 3 Kakorakorai baai aika mamaara,

Ao kamatoai bubuaniwae aika ruru.+

Noria! E na roko Atuami ma te karekekai,

E na roko te Atua ma te katuuaa.+

 5 N te tai anne ao a na kaureaki mataia aomata aika mataki,+

Ao a na kaukaki taningaia aomata aika bonotaninga.+

 6 N te tai anne ao e na ewewe te mwauku n aron te ria,+

Ao e na takarua ni kimwareirei newen ane e baennewe.+

Bwa a na koburake raan n te rereua,

Ao karaanga n te rereua ae aoraoi.

 7 E na riki te tabo ae mwauteretere imwin te kabuebue bwa te nei ni maunei,

Ao te tano ae bwatakataka bwa taiani koburake n ran.+

E na riki te uteute ae kiriin, te maunei, ao te aroka ae riiriki n te ran,*

I nanoni bwangaia tiakaore* ake a momotirawa iai.+

 8 E na mena ikanne te kawai ae totouaki,+

Eng, te kawai ae arana Kawain te Tabu.

E kaokoroaki ibukin te aomata ae nakonako n te kawai,

Ao akea te aomata ae nanobaba ae e na tiotionako nako aona.

 9 E na akea te raian ikanne

Ao akea maan aika moaanti aika tiritiri aika a na roko i aona.

A na aki reke ikanne,+

Ma tii te koraki aika manga kabooaki aika a na nakonako ikanne.+

E na riki te kakatonga ma te kukurei bwa aia bwai,

Ao e na birinako te nanokawaki ma te ikenrawa.+

10 I taku: “I riai n rinnako ni mataroan oon te Ruanimate*

I nukani maiuu.

N na aki manga taraiia aomata,

Ngkana I mena i rarikia kaain te tabo ae a a toki iai bwaai ni kabane.

12 E a tia ni koutaki au tabo ni maeka ao ni kanakoaki mairou+

N aron ana umwanrianna te tia kawakintiibu.

14 Mangaia are I teimatoa n tangitang n aron te mannikiba ae uarereke,+

I teimatoa n tang n aron te taobe.+

N na nakonako n nanorinano ni kabane au ririki,

Ibukin rawawatau ae korakora.

16 ‘Iehova, a bane aomata ni maiu ni baikai,*

Ao ai aron naba te korakora ae te maiu* are irou.

Ma ibukin tatangirau iroum

Ko kamaiuai man te mwarua ni kamaunaaki.+

18 Bwa e aki kona n neboiko te Ruanimate,*+

Ao e aki kona ni karaoiroiko te mate.+

19 Ane e maiu, ane e maiu e kona ni karaoiroiko,

N aron ae I kona n te bong aei.

20 Iehova, kamaiuai

Ao ti na katangitangi kunau i aoni bwaai ni katangitang aika iai karaiia,+

Ni kabane bongini maiura n ana auti Iehova.’”+

 2 “Taetae n anaa nanon* Ierutarem,

Ao taekinna nakon neiei bwa e a roko n tokina ana beku are e kabaeaki bwa e na karaoia,

Ao e a tia ni kabwakaaki boon ana bure.+

 4 Ke a bane mwarua ni katabukaki,

Ao a na bane maunga ma tabuki ni karinanoaki.

E riai n riki te tano ae kiribeubeu bwa te tano ae boraoi,

Ao te tano ae aobuaka bwa te tabo ae aoraoi.+

 5 E na kaotaki mimitongin Iehova,+

Ao a na bane aomata* n noria,+

Bwa e taekina anne win Iehova.”

 7 E a rai te uteute ae kiriin,

Ao e a mate te uee,+

Ibukina bwa e ukia ikeiken* Iehova.+

 8 E a rai te uteute ae kiriin,

Ao e a mate te uee,

Ma e teimatoa n aki toki ana taeka Atuara.”+

 9 Ararake nako aon te maunga ae rietata,

Ngkoe ae te aine ae ko uota te rongorongo ae raoiroi ibukin Tion.+

Kanenea bwanaam ma te korakora,

Ngkoe ae te aine ae ko uota te rongorongo ae raoiroi ibukin Ierutarem.

Noria! E mena ana kaniwanga irouna

Ao e mena i matana te boo are e kabwakaa.+

E na ikotiia ni kabane tiibutetei ni baina,

Ao e na uouotiia i bwanibwanna.

12 Antai ae e a tia n uakoraa te ran ni mwangkongkoni baina,+

Ao n anaa abwakini karawa n rakaia ni baina?*

Antai ae e a tia n ikota bubun te tano n te bwai ni baire,+

Ke ni katinei maunga n te bwai n tau rawawata

Ao tabuki n te kainikatine?

13 Antai ae kona ni bairea* korakoran taamnein Iehova,

Ao antai ae kona n reireinna bwa ana tia anga te taeka n reirei?+

14 Antai ae bubutii buokana irouna bwa e na karekea te ataibwai,

Ke antai ae reireinna ni kawain te kaetitaeka ae riai,

Ke n reireinna te atatai,

Ke ni kaota nakoina kawain te ataibwai ni koaua?+

15 Noria! Kaanga ai aron te timna te ran man te bwaketi natannaomata,

Ao a iangoaki bwa kaanga bubun te tano i aon te kainikatine.+

16 A aki naba tau aroka ake i Rebanon ni kateimatoa uran te ai,*

Ao a aki tau maan aika moaanti ake iai bwa te karea ni kabuekaki.

17 Kaanga a tuai n riki natannaomata ni kabane i matana,+

E iangoiia bwa akea ao akea uaaia.+

19 E karaoa te bouannanti* man te biti te tia karaobwai,

Ao te tia mwakuria te biti e kanimwa iai te koora n rabunna,+

Ao e karaoi taurekereke aika tirewa.

20 E rinea te aroka teuana bwa ana angabwai,+

Ae te aroka ae e na aki rai.

E ukoukora te tia karaobwai ae mwaatai

Bwa e na katauraoa te bouannanti ae kaaraki ae e na aki bwaka.+

22 Iai Teuae maeka i etani mronronin te aonnaba,+

Ao kaaina kaanga ai aroia taake.

E taakina karawa n aron te kunnikai ae mmani,

Ao e aroria n aron te umwanrianna bwa e na maeka iai.+

23 E karinanoia mataniwi aika rietata,

Ao e kakeai bongaia taani moti* n te aonnaba.

24 A a bon tibwa unikaki,

Ao a a bon tibwa kamaeakinako,

Ao e a bon tibwa wakaa botoia n te tano,

A ukaki ao a rai,

Ao a ukakinako n te ang n aron te uteute ae mwau.+

Ibukini korakorana ae bati ao mwaakana ae kamimi ma ni kakamaaku+

Ao bon akea teuana ae bua mai buakoia.

27 E aera ngkai ko kangai ngkoe ae Iakoba, ao e aera ngkai ko taekina ae kangai ngkoe ae Iteraera,

‘E raba arou mairoun Iehova,

Ao akea te kaetitaeka ae riai ae e anganai te Atua’?+

29 E anga te korakora nakon ane e kua,

Ao te korakora ae bati nakoia akana akea korakoraia.+

30 A na kua ao n nimamate ataei aika mwaane,

Ao a na tatanako rorobuaka n ataei ma ni bwaka,

31 Ma e na manga reke korakoraia te koraki ake a kabotoi aia kantaninga i aon Iehova.

A na biribiri ao a na aki nimamate,

A na nakonako ao a na aki kua.”+

 2 Antai ae e a tia ni kateirakea temanna man otin taai,*+

Ae e weteia n te raoiroi nakoni Waena*

Bwa e na anga natannaomata nakoina

Ao e na karaoia bwa e na kataenikaiia ueea?+

Antai ae karikiia bwa bubun te tano imwain ana kabaang,

N aron te uteute ae mwau ae ukakinako n te ang imwain ana kainikatebe?

 3 E kaeiia ao e mwananga n aki tutukaki

I nanoni kawai aika a tuai man totoui waena.

 4 Antai ae mwakuri ao ni karaoa aei,

Ae e weteiia rooro ake man te moantai?

Ngai ae Iehova bon te Moan,+

Ao N na teimatoa n aki bitaki ni karokoa te kabanea n roro.”+

 6 E buoka raona temanna ma temanna

Ao e taku nakon tarina: “Ko na korakora.”

Ao teuare te tia ororei bwaai ni kaborababaui n te aama

E kakorakoraa te tia ororei bwaai i aon te nangoa.

 8 “Ma bon au toro ngkoe ae Iteraera,+

Ao boni ngkoe ae I rineiko Iakoba,+

Ae kanoan* Aberaam are raoraou,+

 9 Boni ngkoe are I anaiko mai tabon nako aonnaba,+

Ao boni ngkoe are I weteiko man taabo ake taiani kabanea n raroa ake iai.

13 Bwa I rawea baim ae te atai ngai ae Iehova ae Atuam,

Are Teuare kangai nakoim, ‘Tai maaku. N na buokiko.’+

14 Tai maaku ngkoe ae te mwata* ae Iakoba,+

Ngkami aika mwaane aika tibun Iteraera, N na boni buokingkami,” bon ana taeka Iehova ae te tia Manga Kabooko,+ are Teuare Tabu iroun Iteraera.

15 “Noria! I karaoa ibukim te kaa ni kaaki kun ni uita ae katikitikaki,+

Ae te bwai ni mwakuri ae boou ae te bwai ni kaaki kun ni uita ae uaitera wina.

Ane ko na toutoui maunga ao ni kamanatuai,

Ao ni karikii tabuki bwa kaanga kunin te uita.

16 Ane ko na kaaki kunia

Ao e na ukiianako te ang,

Ao e na kamaenakoia te angibuaka.

Ao ko na kimwareirei iroun Iehova,+

Ao ko na kamoamoa iroun Teuare Tabu iroun Iteraera.”+

18 N na karaangai karaanga n taian tabuki aika akea aroka iai,+

Ao koburake n ran n taabo aika aoraoi.+

N na onika te rereua nakon te nei ni maunei ae mena iai te ran,

Ao te aba ae akea te ran iai nakon taiani koburake n ran.+

19 N na unika te kai ae te tiira n te rereua,

Te kai ae te aketia, te aroka ae te motere, ma te aroka ae te bwaain.+

N na unika te kai ae te mwaiango n te rereua ae aoraoi

N ikotaki ma te aroka ae te bureen* ao te aroka ae te teatura,+

20 Bwa a aonga ni bane n noria aomata ma n ataia,

Ao ni kakauongo ma n oota,

Bwa e karaoa te baei bain Iehova,

Ao e karikia+ Teuare Tabu iroun Iteraera.”

Tuangira taekani baike rimoa*

Bwa ti aonga n iaiangoi* ao n nori tokia.

23 Tuangira te bwai ae e na riki n te tai ae e na roko,

Bwa ti aonga n ataia ae bon atua ngkami.+

Eng, karaoa te bwai teuana, ae raoiroi ke ae buakaka,

Bwa ti aonga ni kubanrou iai ngkana ti noria.+

24 Noria! Bon te bwai ae tuai n riki ngkami,

Ao bon akea uaani baika kam karaoi.+

25 I a tia ni kateirakea temanna mai meang ao ane e na roko,+

Temanna man otin taai*+ ae e na taboa arau.

E na toutouia taan tautaeka* n aron ae kaanga bokaboka ngaiia,+

N aron te tia karaomwangko ae toutoua te bokaboka ae aomwaimwai.

26 Antai are karakina te baei man te moantai bwa ti aonga n ataia,

Ke man taai aika bwakanako bwa ti aonga ni kangai, ‘E eti teuanne’?+

 2 E na aki takarua ke ni kanenea bwanaana,

Ao e na aki kaongongo bwanaana i nanon te kawai.+

 3 Akea te maunei ae einako ae e na kamanatuaa,

Ke ni kamatea te taura ae bubu wikina.+

 5 E kangai ana taeka te Atua ae koaua ae Iehova,

Ae te tia Karaoa karawa, ao Teuare Moan te Kakannato are taakina karawa,+

Ae Teuare taakina te aonnaba ma ni karikii bwaai ni kabane ake iai,+

Are Teuare anga te ikeike nakoia aomata ake iai,+

Ao te maiu* nakoia ake a nakonako iai:+

 6 “I weteiko n te raoiroi ngai ae Iehova,

Ao I taua baim.

N na kakawakiniko ao N na anga ngkoe bwa kaanga te berita ibukia aomata,+

Ao bwa kaanga te oota nakoia natannaomata,+

 7 Bwa ko na kaurei maata aika mataki,+

Ko na kaira te aomata ae te bure ni kaotinakoa man te matawariki ae roo,

Ao ko na kaotinakoia man te karabuuti aomata aika tekateka n te rotongitong.+

N na aki anga neboakiu nakon temanna*

Ao N na aki anga naba karaoiroau nakoia bouannanti aika kaaraki.+

10 Anenea te kuna ae boou nakon Iehova,+

Ao karaoiroana mai tabon nako aonnaba,+

Ngkami aika kam ruo nako taari, ma kanoana ni kabane,

Ngkami aika abamwakoro ma kaaia.+

11 Ke e kanenea bwanaana te rereua ma kaawana nako,+

Ao taabo ni maeka ake e mena iai Keta.+

Ke a tatakarua ni kimwareirei taani maeka n te bwaa,

Ke a takarua mai taubukini maunga.

12 Ke a neboa Iehova

Ao n tataekina karaoiroana n taian abamwakoro.+

N na ngirangira ao N na ikenrawa ao N na ananaa ikeu, n te tai ae tii teuana,

N ai aron te aine ae bung.

15 N na urui maunga ma tabuki

Ao N na karai arokaia ni kabane.

N na oniki karaanga nakon taian abamwakoro,*

Ao ni kamwautakatakai neei ni maunei.+

16 N na kaiririia mataki n te kawai ae a aki ataia,+

Ao N na kairiia bwa a na toutoui kawai aika a tuai n taneiai iai.+

N na onika te rotongitong imwaia nakon te oota+

Ao N na onika te aba ae aobuaka nakon te aba ae aoraoi.+

17 Ane a na mumun rikaaki ao a na boni kamaamaeaki

Te koraki aika onimakini bouannanti aika kaaraki,

Ake te koraki ake a kangai nakoia bouannanti aika biiti:* “Bon atuara ngkami.”+

18 Kakauongo ngkami aika kam bonotaninga,

Ao taraia ma n noria ngkami aika kam mataki.+

19 Antai ae mataki n ai aron au toro,

Ao ae e bonotaninga n ai aron au tia uataeka are I kanakoa?

Antai ae mataki n ai aron teuare reke kaniwangana,

Ao ae e mataki n ai aron ana toro Iehova?+

21 Ibukin ana raoiroi Iehova

Ao e kukurei ni kaotia bwa e riai ni kamoamoaaki te tua* ao ni karineaki.

A anaaki aia bwai ao akea temanna ae kamaiuia,+

Ao a kuribwaiaki ao akea temanna ae kangai: “Kairiia n oki!”

24 Antai ae anga Iakoba bwa a na kuribwaiaki,

Ao Iteraera nakoia taani kuribwai?

Are a rarawa n nakonako ni Kawaina nako,

Ao n aki ongeaba n Ana tua?*+

25 Mangaia ae E teimatoa ni kabwaroa bonon nanona,

Unna, ao te buaka ae korakora i aoia naakai.+

43 E kangai ngkai ana taeka Iehova ae am tia Karikiriki,

Ngkoe ae Iakoba, ao Teuare karaoiko, ngkoe ae Iteraera:+

 2 Ngkana ko rinanon te ran ao N na memena iroum,+

Ao ngkana ko rinanoni karaanga, ao ko na aki iekaki iai.+

Ngkana ko nakonako rinanon te ai ao ko na aki bue,

Ao e na aki naba kaurako te ai.

 3 Bwa bon Iehova ngai ae Atuam,

Are Teuare Tabu iroun Iteraera, ae am tia Kamaiu.

I a tia n anga Aikubita bwa te kaboomwi ibukim,

Ao Itiobia ma Teeba n onea mwim.

 4 Ibukina bwa ko rangi ni kakawaki i matau,+

Ko karineaki, ao I tangiriko,+

Mangaia ae N na anganako aomata bwa oneani mwim

Ao natannaomata bwa booni mwini maium.

N na kairiia kanoam* mai mainiku,

Ao N na ikotiko mai maeao.+

Kairiia natiu mwaane mai kiraroa, ao natiu aine mai tabon nako aonnaba,+

 7 Aika aomata ni kabane aika ingoanaki n arau,+

Ao aika I karikiia ibukin neboakiu,

Ake I kateiraoiia ao ni karaoiia.’+

 8 Kaotinakoa te natannaomata ae mataki e ngae ngke iai mataia,

Ao ae a bonotaninga e ngae ngke iai taningaia.+

 9 Ke a bane n ikotaki natannaomata n te tabo teuana,

Ao ke a bane n ikotaki botannaomata.+

Ke a kateiia aia tia kakoaua bwa a na kaotia ae a eti,

Ao ke a ongora ao ni kangai, ‘Bon te koaua!’”+

10 “Bon au tia kakoaua ngkami,”+ bon ana taeka Iehova,