ANA ANENE TOROMON
1 E kangai ana anene Toromon+ ae te anene ae te kabanea n raoiroi nakon anene nako:*
2 “Ke e kaboria ma ngai teuaei n ana kaboria riana,
Bwa e raoiroi riki nakon te wain kaotiotan am tangira.+
3 E kamaiu boiararani kabiram.+
Aram kaanga ai aron te kabira ae boiarara ae kabwaroaki.+
Anne bukina ae a tangiriko iai ateiaine.
4 Kairai ma ngkoe,* ao ti na birinako.
E a tia te uea ni kairai nako nanon ana ruu nako!
Ti na uaia ni kimwareirei ma ni kakatonga.
Ti na kamoamoaa* riki kaotiotan am tangira nakoni kamoamoaan te wain.
E bon riai ngkai a* tangiriko.
5 I bwata* ma I tamaroa, ngkami aika natin Ierutarem aika aine,
Kaanga ai aron umwanriannani Keta,+ kaanga ai aroni kunnikain ana umwanrianna+ Toromon.
6 Tai tarataraai ngkai I bwatabwata,
Bwa mwin aan te riringa.
A un irou natin tinau aika mwaane,
A mwiokoai bwa te tia tararuai taiani nne ni kureebe,
Ma I aki tararuaa ae bon oin au nne ni kureebe.
7 Tuangai ngkoe ae ko rangi n tangiraki irou,
Bwa ko kakaamwarakeia ia am nanai,+
Ao te tabo raa ae ko kakaweneia iai n te tawanou.
E aera ngkai N na riki bwa kaanga te aine ae karabaa ubuna n te rabuna ni mata*
I buakon aia nanai raom?”
8 “Ngkana ko aki ataia, ngkoe ae te kabanea ni baaraoi i buakoia aine,
Ao naako ririmwini mwanekan te nanai,
Ao kaamwarakeia am kooti aika ataei i rarikin aia umwanrianna taani kawakintiibu.”
9 “I kabotauko ngkoe ae ko tangiraki irou, ma te* aoti aine i buakon ana kaa ni buaka Barao.+
10 A kakanikan tabam ni bwaai ni katamaroa,*
Ao roroam n te mwae n roroa.
11 Ti na karaoi bwaai ni katamaroa aika koora* ibukim,
Aika unekenekeaki n te tirewa.”
13 Titeboo raou ae tangiraki ma te baeki ni mura* ae boiarara,+
Ao e mena i marenani mammau ni kangainaa.
15 “Noria! Ko baaraoi ngkoe ae ko tangiraki irou.
Noria! Ko baaraoi. Matam boni mataia taobe.”+
16 “Noria! Ko baaraoi* ma ni kakateke, ngkoe ae ko tangiraki irou.+
E mena nnera ni wene i buakoni baani kaai.
17 Tatangan ara auti* boni kaai aika tiira,
Ao ara oka boni kaai aika mwaiango.
2 “Ai aron te kiebu i buakon aroka aika kateketeke
Raou ae tangiraki i buakoia ateiaine.”
3 “N aron te kai ae te aboro i buakoni kainnamwarakeni buakonikai,
Ao ai aron naba raou ae tangiraki i buakoia rorobuaka n ataei.
I ririkanaa te kan tekateka i aan nuuna,
Ao e karewe irou ana uaanikai.
4 E kairai nakon te auti* ae boo iai te baka n amwarake,
Ao a bane aomata ni kona n noria bwa e bon tangirai.
5 Kamarurungai n taiani kureebe aika bati aika buabuaaki aika mwau,+
Kanuaai n taian aboro
Bwa I aoraki n au tangira.
6 E mena baina are te maing i aan atuu,
Ao e rabwatai baina are te atai.+
7 I kaakingkami i aan te taetae n tuea, ngkami aika natin Ierutarem aika aine,
Tai kataia ni kauekea ke ni karikirakea te tangira irou ni karokoa ae e a ueke i bon irouna.+
8 Boni bwanaan raou ae tangiraki!
Akea bwa e a roko,
E ararakei maunga ao e ewewe riaon tabuki.
9 Kaanga ai aron te katere raou ae tangiraki, kaanga ai aron te ria mwaane ae ataei.+
Ao are e tei i akun ara oo arei,
N taratara man taiani kamaama,
Ao ni kaninganinga man taiani warawara.
10 E taetae raou ae tangiraki, ao e taku nakoiu:
‘Teirake raou ae tangiraki,
Raou ae baaraoi, nakomai irai.
11 Noria! e a bunginako tain te kamwaitoro,*
E a toki tain te kakarau, ai akea.
12 A a kaoti uee n te aba,+
E a roko tain te koromwaanga,+
Ao e a ongoraeaki ana anene te taobe i abara.+
13 E a tawaa moan uaan te aroka ae te biiku,+
A a uee kaai aika kureebe ao a a kakiakiai boiararaia.
Teirake raou ae tangiraki, ao nakomai.
Raou ae baaraoi, nakomai irai.
14 Ngkoe ae au taobe, n tabwenan te bwaa+
Ao n taabo aika raba n te bwaa ae katati,
Kariaia bwa N na noriko ao n ongo bwanaam,+
Bwa e kakamaiu bwanaam ao e kanikan taraam.’”+
15 “Tauia arobeke* ibukira,
Arobeke aika uarereke ake a urui taiani nne ni kureebe,
Bwa a a uee ara nne ni kureebe.”
16 “Bon au bwai raou ae tangiraki, ao bon ana bwai ngai.+
E kawakinia ana tiibu+ i buakoni kiebu,+
17 Ni karokoa ae e a karekare angin te ngaina* ao e a birinako te nuu.
Waekoa n oki ngkoe ae ko tangiraki irou,
N aron te katere+ ke riia mwaane aika ataei+ i aoni maunga aika mena i marenara.*
I ukoukoria ma e aki reke irou.+
2 N na teirake ao n ririaki n te kaawa,
I nanoni kawai ao ni maraen nako te kaawa.
N na ukoukora teuare I* tangiria.
I ukoukoria ma e aki reke irou.
3 A karaoa aia tutuo taan tantani n te kaawa ao a norai+
Ao I titirakinia ni kangai, ‘Kam nora teuare I* tangiria?’
4 I a bon tibwa kitania
Ao I a kunea naba teuare I* tangiria.
I taua n aki manga kani kanakoa,
Ni karokoa ae I a kairia nakon ana auti tinau,+
Nako nanon ana ruu neiere bikoukouai.
5 I kaakingkami i aan te taetae n tuea, ngkami aika natin Ierutarem aika aine,
Irouia katere* ao taian ria aine man te tawaana:
Tai kataia ni kauekea ke ni karikirakea te tangira irou ni karokoa ae e a ueke i bon irouna.”+
6 “Tera te bwai ae waerake man te rereua aei ae kaanga ai aron taiani boua aika taiani bubu,
Ae kaboiararaaki n te mura* ma te ribano,*
Ma ana boiarara nako te tia iokinibwai?”+
7 “Noria! Bon ana kaintekateka Toromon.
E otabwaniniaki irouia rorobuaka aika korakora aika onongaun,
Mai buakoia rorobuaka aika tibun Iteraera+ aika korakora.
8 A bane n toa ma aia kabaang
Ao ni bane ni kataneiaaki n te buaka,
Ao a teke aia kabaang i rarikia n tatabemania nako,
Bwa a na kaaitarai baika kakamaaku n te bong.”
9 “Bon ana kaintekateka* te Uea ae Toromon
Are e karaoia i bon ibukina man taian aroka ake i Rebanon.+
10 E karaoi bouana man te tirewa,
Ao te bwai n rara iai man te koora.
Ao kaintekatekana man te karai ae beboo ae buraen te tiibu,
Ao nanona e katamaroaaki ma te tatangira
Irouia natin Ierutarem aika aine.”
11 “Otinako ngkami aika natin Tion aika aine
Miiakina te Uea ae Toromon,
Bwa e baunna n te baunuea ni mare* are e karaoia tinana+ ibukina
N te bong are e mare iai,
Are te bong are e kakatonga nanona iai.”
4 “Noria! Ko baaraoi ngkoe ae ko tangiraki irou.
Noria! Ko baaraoi.
Matam boni mataia taobe i aan rabunani matam.
Iram kaanga ai aron te nanai ni kooti,
Aika rereena n ruo rikaaki mani maungan nako Kireata.+
2 Wim kaanga ai aron te nanai n tiibu ake a a tibwa koroburaeaki,
Ake a a tibwa oki n tebokaki,
Ao a bane ni kiribwebwee bunia,
Ao akea ae e bua natina.
3 Riam kaanga ai aron te karai ae uraroo,
Ao e kamaiu am taetaenikawai.
4 Roroam+ kaanga ai aron ana taua Tawita,+
Ae e kateaki n atibu aika karinanaki,
Ae a katineaki iai otanga aika tenga,
Ake aia otanga ni kabane aika mronron mwaane aika korakora.+
5 Mammam akana uoua kaanga ai aron taian ria aika rangi n ataei,
Aika bunin te katere* aika bwebwee,+
Ake a amwamwarake i buakoni kiebu.”
6 “N na touaanako kawaiu nakon te maunga ae iai te mura* iai
Ao te tabuki ae iai te ribano* iai,
Imwain ae e a karekare angin* te ngaina ao e a birinako te nuu.”+
7 “Ko rangi ni baaraoi ngkoe ae ko tangiraki irou,+
Akea buakakam.
8 Nakomai irai mai Rebanon, ngkoe ae au kainrou.
Nakomai irai mai Rebanon.+
Ruuo mai taubukin Amana,
Mai taubukin Tienira, ao taubukin Oman,+
Mani bwangaia raian, man aia maunga rebwari.
9 E a anaaki nanou+ iroum mwaaneu, ae au kainrou,
E a anaaki nanou iroum n tii teuana taraakiu iroum ni matam,
N tii teuana bwaini mwaen roroam.
10 Ai tamaroara kaotiotan am tangira+ mwaaneu, ae au kainrou!
E raoiroi riki nakon te wain kaotiotan am tangira,+
Ao boiararan am kaboiarara nakon aeka n rengarenga nako!+
11 A timtim riam au kainrou n ai aroni nnen aia karewe manibeeru.+
A mena i aan newem aia karewe manibeeru ao rannimamman te man,+
Ao boiararan am kunnikai kaanga ai aroni boiararan Rebanon.
12 Kaanga ai aron te onnaroka ae roka mwaaneu ae au kainrou,
Te onnaroka ae roka ao te koburake n ran ae kainaki n rabunaki.
13 Bwebwem* bon te bwaretaiti* ae kanoana bamkuranete,
Ma uaanikai aika taiani kabanea n tamaroa, aroka aika enna n ikotaki ma aroka aika boiarara,
14 Ae te naro*+ ma te taberon,* te karemati*+ ma te tineman,*+
Ma aeka n aroka nako aika ribano, te mura ma aroe,+
N ikotaki ma boiarara ni kabane aika taiani kabanea n raoiroi.+
15 Bon te koburake n ran ngkoe n te onnaroka, te mwanibwa ae itiaki ranna,
Ao karaanga n ran mai Rebanon.+
16 Ko na uti ngkoe ae te angimeang,
Ko na wai ngkoe ae te angimaiaki.
Ikeike* nako aon au onnaroka.
Ke e kianako boiararana.”
“Ke e rin raou ae tangiraki i nanon ana onnaroka
Ao ni kang uaana aika taiani kabanea n tamaroa.”
5 “I a tia n rin n au onnaroka,+
Ngkoe ae mwaaneu ae au kainrou.
I kinika au mura* ao au rengarenga.+
I kana nnen aia karewe manibeeru ma te karewe are i nanona,
I nima au wain ao rannimamman au man.”+
“Amwarake ngkami aika raoraou aika tangiraki,
Ao moi ao kam na taonakinako ni kukureimi ni kaotiotan te tangira!”+
2 “I matu ma e taratara nanou.+
I ongo karongoaan ana karebwerebwe teuare tangiraki irou!
‘Kaukia nakoiu, ngkoe ae mwaaneu ae raou ae tangiraki,
Au taobe ao raou ae akea waewaeana!
Bwa e mwaimwai atuu n te aoi,
Ao irau n aomwaimwain te tairiki.’+
3 I a tia ni buuta au kauaatao.
I riai ni manga karinna?
I a tia n teboki waeu.
I riai ni manga kabentanoi?
4 E kanakoa baina raou ae tangiraki mani bwangabwangan te mataroa,
Ao e a ingainga nanou ibukina.
5 I teirake bwa N na kauka te mataroa nakon raou ae tangiraki,
A mwaimwai baiu n te mura
Ao tabonibaiu n te mura ae ran,
Ae e rota bwain tauani kainana.
6 I kauka te mataroa nakon raou ae tangiraki,
Ma e a tia n tannako ao ni boonako.
Akea angin nanou ngke e taonnako.
I ukoukoria ma I aki kunea.+
I weweteia ma e aki kaekaai.
7 A norai taan tantani ake a karaoa aia tutuo n te kaawa.
A oreai ao a kaikoakai.
A uotaanako ninirau* taan tantani n taian oo.
8 I kaakingkami i aan te taetae n tuea, ngkami aika natin Ierutarem aika aine:
Ngkana kam nora raou ae tangiraki,
Ao tuangnga bwa I aoraki n au tangira.”
9 “Ngkoe ae te kabanea ni baaraoi i buakoia aine,
N te aro raa ae e raoiroi riki iai raom ane tangiraki anne nakoia raao aika tangiraki ake tabeman?
N te aro raa ae e raoiroi riki iai raom ane tangiraki anne nakoia raao aika tangiraki ake tabeman,
Ngkai ko a boni kaakira i aan te taetae n tuea?”
10 “E kakateke ma n ribaura raou ae tangiraki.
Akea n ai arona i buakoia aomata aika tebwina tenga.
11 Atun teuaei bon te koora, ae te koora ae te kabanea n raoiroi.
E mwaototo n aroni baan te baam* irana ae buabuataki,
Ao e roroo n aron te mannikiba ae te reeben.
12 Matan teuaei kaanga ai aroni mataia taobe n taiani karaanga n ran,
Aika a tebokiia n rannimamman te man,
Aika a tekateka i etan te nei.*
13 Taban teuaei kaanga ai aroni beeran aroka aika boiarara+
Ae onrake ni baika boiarara.
Riana boni kiebu aika timtim mai iai te mura ae ran.+
14 A koora tabonibaina. A nim kerutorito* n ukinibaina.
Birotona bon te aiwere* ae karaneaneaaki ae rabunaki n taian tabeiro.*
15 Rangana boni boua aika mabora aika tei i aon niibwa aika koora aika taiani kabanea n raoiroi.
Taraana ai aron Rebanon, ao bon akea n ai arona n aroni kaai aika tiira.+
Ngkami aika natin Ierutarem aika aine, bon au tangira teuaei, ao teuae I tangiria.”
6 “E nakea raom ae tangiraki,
Ngkoe ae te kabanea ni baaraoi i buakoia aine?
E toua te kawai raa?
Ti a kakaaea ma ngkoe.”
2 “E nakon ana onnaroka raou ae tangiraki,
Nakoni beeran aroka aika boiarara,
Bwa e na kawakinia tiibu i buakon taian onnaroka,
Ao ni kiniki kiebu.+
3 Ngai bon ana bwai teuae tangiraki irou
Ao bon au bwai teuae tangiraki irou.+
E kawakinia tiibu i buakoni kiebu.”+
Moanibaan te tikiraoi ngkoe n aroia taanga ni buaka ngkana a otabwanini aia kanikina.+
5 Katannakoi matam+ mairou
Bwa a a taonainako.
Iram kaanga ai aron te nanai ni kooti,
Aika rereena n ruo rikaaki man rabeen nako Kireata.”+
6 Wim kaanga ai aron te nanai n tiibu
Ake a a tibwa oki n tebokaki,
Ao a bane ni kiribwebwee bunia,
Ao akea ae e bua natina.
8 Tao iai 60 ueannaine
Ao 80 buu ni kewe*
Ao ateiaine aika aki kona ni warekaki,+
9 Ma bon tii temanna au taobe,+ ae raou ae akea waewaeana.
Bon tii ngaia iroun tinana.
Boni mamaten nanon neiere bungia.
A noria ateiaine ao a atongnga bwa e a kukurei,
Ao a kamoamoaa ueannaine ma buu ni kewe.
10 ‘Antai te aine ae oota* n ai aron tabwenani mainiku,
Ao e tamaroa n ai aron tabwaninin namwakaina,
Ao e itiaki n ai aron otan taai,
Ao moanibaan te tikiraoi n aroia taanga ni buaka ngkana a otabwanini aia kanikina?’”+
11 “I ruo nakon te onnaroka ae iai aroka iai aika iai nanan uaaia,+
Bwa N na nori aroka aika a a tibwa riki n te mwarua,
Ao N na noria bwa e a bwebwe te kai ae te kureebe ke e tuai,
Ao a a uee kaai aika bamkuranete ke a tuai.
12 I aki ataia bwa e kangaa n riki
Ma e karokoai nanou are I tangiria
I rarikin aia kaa ni buaka au aomata aika raoiroi aroia.”*
13 “Ko na oki, ko na oki, ngkoe ae te I-Turem!
Ko na oki, ko na oki,
Bwa ti aonga n taraiko!”
“E aera ngkai kam karekea taraan te I-Turem?”+
“Bon ai aron aia mwaie koraki aika uakoraki* neiei!”
7 “Ai tamaroara waem i nanon am kau,
Ngkoe ae te nati te aine ae raoiroi arona!
Teiteini boton rangam kaanga ai aroni bwaai ni katamaroa
Ae ana mwakuri bain te tia karaobwai.
2 Butom bon te boora ae mronron.
E bia aki tare n te wain ae renganaki.
Birotom bon te bwariko ni uita,
Ae otabwaniniaki n taiani kiebu.
3 Mammam akana uoua kaanga ai aron taian ria aika rangi n ataei,
4 Roroam+ kaanga ai aron te taua ae te aiwere.*+
Bwairim kaanga ai aron te taua are i Rebanon,
Are kaitaraa Tamateko.
5 E bauniko atum n ai aroni Karemera,+
Ao iram* ae buabuataki+ kaanga ai aron te karai ae beboo ae buraen te tiibu.+
E anaaki nanon* te uea n iram ae mwarairai ae tinetine.
6 Ai baaraoira ngkoe ao ai kakatekera ngkoe
Ae te aine ae ko tangiraki, i aoni bwaai nako aika rangi ni kakimwareirei!
7 Teiteim kaanga ai aron te aroka ae te baam,
Ao mammam kaanga ai aron amwi n tate.+
8 I taku, ‘N na tamwarakea te aroka ae te baam,
Bwa N na anai amwina.’
Ke a riki mammam bwa kaanga amwi ni kureebe,
Ao ni boiarara ikeikem n ai aron taian aboro,
9 Ao wim* bwa kaanga te wain ae te kabanea n raoiroi.”
“E bia marannako n ruo rikaaki ibukin raou ae tangiraki,
Ao n raanganako ni karaurau i aon riaia akana matu.
10 Boni ngai ana bwai teuare tangiraki irou,+
Ao e bon tangirai.
11 Nakomai ngkoe ae ko tangiraki irou,
Ti a nakon taian tawaana,
Ti na maeka i buakon aroka aika enna.+
12 Ti a kautimwaakaira bwa ti na nakon taiani nne ni kureebe
N noria ngkana e a rikirake* te kai ae te kureebe,
Ngkana a a raure ueeia,+
N na kaotiota ikekei tangiram irou.+
13 A kakiakiai boiararaia taiani manrureke,*+
Ao a mena uaanikai aika rangi n raraoi i rarikin ara mataroa.+
I kawakin ake a boou ibukim ao ake a a maan naba,
Ngkoe ae raou ae tangiraki.
8 “Tera ngke kaanga boni mwaaneu ngkoe,
Ae kammammaaki ni mamman tinau!
Ao ngkana I noriko i tinaniku ao I a boni kaboria naba ma ngkoe,+
Ao akea ae e na ribaai.
N na anganiko te wain ae renganaki bwa ko na nimma,
Ao ranin taiani bamkuranete* ae ranna ae boou.
3 E na mena baina are te maing i aan atuu,
Ao e na rabwatai baina are te atai.+
4 I kaakingkami i aan te taetae n tuea, ngkami aika natin Ierutarem aika aine:
Tai kataia ni kauekea ke ni karikirakea te tangira irou ni karokoa ae e a ueke i bon irouna.”+
5 “Antai neie nakomai man te rereua aei,
Ae taua bain teuae tangiraki irouna?”
“I kautiko i aan te kai ae te aboro.
Ikekei are e ariri iai ibukim tinam.
Ikekei are e ariri iai neiere bungiko.
6 Kanimwai bwa te bwai ni kanikina i aon nanom,
Bwa te bwai ni kanikina i aon anganibaim.
Bon te ai ae urarake aina, ae ana ai Iah.*+
Ngkana e kan anga ana bwai ni kabane aika kakawaki ake n ana auti te mwaane temanna ibukin te tangira,
Ao a na bon ribaaki baikanne* irouia aomata.”
8 “Iai mwaanera ae uarereke,+
Ao akea mammana.
Tera ae ti na karaoia ibukini mwaanera
N te bong are a na roko iai ni butiia bwa e na riki bwa te buu te aine?”
9 “Ngkana te oo ngaia,
Ao ti na baunna n te tirewa,
Ma ngkana te mataroa ngaia,
Ao ti na raubabanna n te rai ae te kai ae te tiira.”
10 “Boni ngai te oo,
Ao mammau kaanga ai aron taian taua.
Mangaia are I a riki i matan teuaei
Bwa kaanga te aine ae reke irouna te rau.
11 Iai ana nne ni kureebe+ Toromon i Baaraamon.
E katuka mwiokon te nne ni kureebe irouia taan tararuaia.
A na bane n uota kaka teuana tenga te mwakoro n tirewa ibukin uaana.
12 Iai au nne ni kureebe ae bon oin au bwai.
Am bwai ngkoe ae Toromon mwakoro n tirewa* ake tenga,
Ao ake uabubua aia bwai te koraki ake a tararuaa uaana.”
13 “Ngkoe ae ko mamaeka n taian onnaroka,+
A ongora raou* ni bwanaam.
Kariaia bwa N na ongora iai.”+
14 “Biiri ngkoe raou ae tangiraki,
Kawaekoako n ai aron te katere*+
Ke te ria mwaane ae ataei,
Riaoni maunga ake a riki iai aroka aika boiarara.”
Ke, “te anene ae moanibaan te tamaroa.”
Ebera, “Katikai n rimwim.”
Ke, “manga maroroakina.”
Ae taekaia ateiaine.
Ebera, “kun.”
Ke, “te rabuna ni mata n tanginiwenei.”
Ke, “au.”
Ke tao, “i buakon irannatu aika bibiraki.”
Ke, “aika mronron.”
Ebera, “te naro.”
Nora Nanon Taeka.
Te aroka ae rereke mai iai te bwai ni kataa ae uraura ni buraun.
Ke, “ko botonimwaane.”
Ke, “ara auti ae tamaroa.”
Te aeka n uee teuana.
Ke, “Tiaron.”
Ebera, “te auti ni wain.”
Nora Nanon Taeka, “Maan.”
Ke, “tain te kakarau.”
Te man ae aekakin te kamea.
Ebera, “e a ikeike te ngaina.”
Ke tao, “maunga aika bwenaua.” Ke, “maungani Beteri.”
Ebera, ne’phesh, nora Nanon Taeka.
Ebera, ne’phesh, nora Nanon Taeka.
Ebera, ne’phesh, nora Nanon Taeka.
Ebera, ne’phesh, nora Nanon Taeka.
Nora Nanon Taeka, “Maan.”
Nora Nanon Taeka.
Nora Nanon Taeka.
Te kaintekateka ae rabunaki ae kabonganaaki ibukin uouotakin te aomata ae kakawaki.
Ke, “te kaue; te bau.”
Ke “Boram.”
Nora Nanon Taeka.
Nora Nanon Taeka, “Maan.”
Nora Nanon Taeka.
Nora Nanon Taeka.
Ebera, “e a ikeike te ngaina.”
Ke tao, “kunim.”
Ke, “onnaroka.”
Nora Nanon Taeka.
Te aeka n uee teuana.
Te maunei ae boiarara.
Kunin te kai ae boiarara ao e kakabonganaaki naba n te kuuka.
Ke, “Karekare ni karaurau.”
Nora Nanon Taeka.
Ke, “rabunani matau.”
Ke tao, “n aron amwi n tate.”
Ke tao, “mataniwin te koburake n ran.”
Nora Nanon Taeka.
Nora Nanon Taeka.
Nora Nanon Taeka.
Ebera, “ngangarakena.”
Ke, “Te Kaawa ae Kakateke.”
Ke, “boram.”
Nora Nanon Taeka.
Nora Nanon Taeka.
Ebera, “taraa naano.”
Ke, “tatauraoi nanoia.”
Ke, “mwaieen Maanaim.”
Nora Nanon Taeka, “Maan.”
Nora Nanon Taeka.
Ebera, “atum.”
Ke, “kabaeaki.”
Ebera, “ngangarakem.”
Ke, “bwebwe.”
Nora Nanon Taeka.
Te aroka ae aekakin te buteeta ae iai uaana.
Nora Nanon Taeka.
Ke, “Tiore,” ae taekan ruanimaten te botannaomata. Nora Nanon Taeka.
“Iah” boni kauarerekean te ara ae Iehova.
Ke tao, “Teuanne.”
Ebera, “Tenga.”
Tao, “raom.”
Nora Nanon Taeka, “Maan.”