Carson a Bhios Daoine a’ Bàsachadh?

Freagairt a’ Bhìobaill

Tha e nàdarrach a’ smaoineachadh carson a tha daoine a’ bàsachadh, gu h-àraid nuair a chaill sinn feadhainn a tha faisg oirnn. Tha Am Bìoball ag ràdh: “Is e gath a’ bhàis, am peacadh.”​—1 Corintianaich 15:56.

Carson a bhios daoine a’ peacadh agus a’ bàsachadh?

Chaill a’ chiad daoine, Adhamh agus Eubha am beatha o chionn ’s gun do rinn iad peacadh an aghaidh Dia. (Genesis 3:17-19) ’S e bàs an aon bhuil dhaibh às dèidh an ar-a-mach a rinn iad an aghaidh Dia, o chionn ’s is ann le Dia “tha tobar na beatha.”​—Salm 36:9; Genesis 2:17.

Mar sin, is ann troimh Adhamh a thàinig an staid peacaidh dhuinn uile. Tha Am Bìoball ag ràdh: “Mar sin, dìreach mar a thàinig peacadh a’ steach dhan t’ saoghal tro aon duine, agus bàs tron pheacadh, agus mar sin a sgaoil bàs chun a h’uile duine, a chionn ’s gun do pheacaich na h’uile.” (Ròmanaich 5:12) Tha a h-uile duine a’ bàsachadh o chionn ’s gu bheil sinn uile a’ peacadh.​—Ròmanaich 3:23.

Ciamar a thigeas bàs gu crìoch

Tha Dia a’ gealltainn àm nuair a “sluigidh e suas am bàs” gu bràth. (Isaiah 25:8) Airson bàs a thoirt air falbh, feumaidh Dia a cuir às adhbhar na cùisean ’s e sin, peacadh. Nì Dia seo troimh Ìosa Crìost, “a tha a’ toirt air falbh peacadh an t’ saoghail!”​—Eòin 1:29; 1 Eòin 1:7.