Nɔ Hewɔ Ni Tai Asɛɛ Efoko
Biblia lɛ hãa wɔnaa nɔ hewɔ ni awuɔ ta, kɛ nɔ hewɔ ni esɛɛ efoko lɛ.
ESHA
Nyɔŋmɔ bɔ wɔklɛŋklɛŋ fɔlɔi, ni ji Adam kɛ Hawa tamɔ bɔ ni eyɔɔ lɛ. (1 Mose 1:27) Ni no tsɔɔ akɛ ewaŋ kɛhãŋ amɛ akɛ amɛbaajie Nyɔŋmɔ sui tamɔ toiŋjɔlɛ kɛ suɔmɔ kpo. (1 Korintobii 14:33; 1 Yohane 4:8) Shi Adam kɛ Hawa gbo Nyɔŋmɔ nɔ toi ni amɛfee esha. Enɛ hewɔ lɛ, afɔɔ wɔ fɛɛ akɛ eshafeelɔi ni wɔgboiɔ. (Romabii 5:12) Akɛni afɔɔ wɔ akɛ eshafeelɔi hewɔ lɛ, bei pii lɛ, wɔnáa susumɔi gbohii, ni no hewɔ lɛ mɛi pii feɔ nibii gbohii.—1 Mose 6:5; Marko 7:21, 22.
ADESAI ANƆYELII
Nyɔŋmɔ ebɔɔɔ adesai ni adesai nɔŋŋ aye amɛnɔ. Biblia lɛ kɛɔ akɛ: “Bɔ ni gbɔmɔ ni nyiɛ lɛ baakudɔ lɛ diɛŋtsɛ enajifaamɔi ehã po lɛ, ebɛ edɛŋ.” (Yeremia 10:23) Enɛ hewɔ lɛ, adesai anɔyelii nyɛŋ amɛfo tai asɛɛ kwraa.
SATAN KƐ EDAIMONIOI LƐ
Biblia lɛ hãa wɔleɔ akɛ “jeŋ muu lɛ fɛɛ kã mɔ fɔŋ lɛ hewalɛ mli.” (1 Yohane 5:19) Atsɛɔ “mɔ fɔŋ” nɛɛ akɛ Satan Abonsam, ni eji gbɔmɔgbelɔ. (Yohane 8:44) Lɛ kɛ edaimonioi lɛ kudɔɔ mɛi koni amɛwu ta ni amɛfee yiwalɛ nii hu.—Kpojiemɔ 12:9, 12.
Adesai nyɛŋ ajie nibii ni hãa awuɔ ta lɛ kɛya, shi Nyɔŋmɔ baanyɛ afee nakai.