Wiemɔ Saneyitso Kome He, shi Okɛ Woji Tɛtrɛbii Enyɔ lɛ Fɛɛ Aha
Wɔwoji tɛtrɛbii ni wɔnine shɛɔ nɔ daa nyɔɔŋ nɔ lɛ wieɔ saji srɔtoi ni yɔɔ miishɛɛ ahe. Nɔ najiaŋ ni wɔɔwie saji lɛ eko fɛɛ eko he yɛ shinaa fɛɛ shinaa naa lɛ, bei pii lɛ, ehi akɛ wɔɔwie ekome pɛ he. Kɛ́ wɔle woji tɛtrɛbii lɛ amli saji ni wɔkɛ wɔhiɛ fɔ̃ shi lɛ, wɔbaanyɛ wɔkɛ Buu-Mɔɔ loo Awake! lɛ mli sane ko ni shiatsɛ lɛ baaná he miishɛɛ lɛ atsu nii. Akɛ nɔkwɛmɔnɔ lɛ, kɛ́ wɔna gbekɛbii ashwɛmɔ nii yɛ shĩa lɛ mli lɛ, wɔbaanyɛ wɔwie sane ko ni kɔɔ weku shihilɛ he lɛ he. Kɛ́ wɔyanina nuu lɛ, wɔbaanyɛ wɔwie sane ko ni hii babaoo yɔɔ he miishɛɛ lɛ he, tamɔ nɔyeli kpakpa. Eyɛ mli akɛ wɔbaawie sane kome pɛ he moŋ, shi esa akɛ be fɛɛ be lɛ, wɔkɛ woji tɛtrɛbii enyɔ lɛ fɛɛ aha shiatsɛ lɛ kɛ́ ejie miishɛɛ kpo.