Teokrase Sɔɔmɔ Skul lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ June 24, 2013 lɛ mli. Akɛ be ni akɛbaasusu sanebimɔi lɛ eko fɛɛ eko he lɛ efata he koni eye ebua kɛha niiamlitaomɔ kɛ́ aasaa he kɛmiiha skul lɛ otsi fɛɛ otsi.

1. Mɛni Yesu tsɔɔ beni ewie wiemɔi ni aŋma yɛ Yohane 3:14,15 ni kɛɔ akɛ: “Bɔ ni Mose wó onufu lɛ nɔ yɛ ŋã lɛ nɔ lɛ, nakai nɔŋŋ sa akɛ awó gbɔmɔbi lɛ nɔ” lɛ? [May 6, it-1-E bf. 505]

2. Mɛɛ be Kristo sɛɛnyiɛlɔi lɛ náa wala yɛ amɛ diɛŋtsɛ amɛmli, loo amɛboteɔ wala ni eye emuu mli? (Yoh. 6:53) [May 13, w03 9/15 bf. 31 kk. 3]

3. Feemɔ bɔ ni Yesu jie e-Tsɛ lɛ shi etsɔɔ adesai ni yeee emuu lɛ he nɔkwɛmɔnɔ. (Yoh. 8:28) [May 20, w11 4/1 bf. 7 kk. 3]

4. Mɛni wɔkaseɔ kɛjɛɔ fó ni Yesu “fó” yɛ enaanyo Lazaro gbele lɛ hewɔ lɛ mli? (Yoh. 11:35) [May 20, w08 5/1 bf. 24 kk. 3-5]

5. Mɛɛ nikasemɔ ni nɔ bɛ Yesu kɛ ekaselɔi lɛ anaji ahe ni efɔ lɛ tsɔɔ? (Yoh. 13:4, 5) [May 27, w99 3/1 bf. 31 kk. 1]

6. Mɛɛ gbɛ nɔ Nyɔŋmɔ mumɔ lɛ baanyɛ atsɔɔ wɔ gbɛ be fɛɛ be? (Yoh. 14:26) [May 27, w11 12/15 bf. 14-15 kk. 9]

7. Yɛ Yohane 21:15 lɛ, mɛni wiemɔ ni ji “mɛnɛɛmɛi” lɛ damɔ shi kɛha, ni mɛni wɔbaanyɛ wɔkase yɛ mli? [June 3, w08 4/15 bf. 32 kk. 11]

8. Yɛ nɔ ni aŋma yɛ Bɔfoi lɛ Asaji 2:44-47 kɛ Bɔfoi lɛ Asaji 4:34, 35 lɛ naa lɛ, mɛɛ su esa akɛ Kristofoi abɔ mɔdɛŋ amɛkase? [June 10, w08 5/15 bf. 30 kk. 5]

9. Ani sane ni yɔɔ Bɔfoi lɛ Asaji 7:59 lɛ tsɔɔ akɛ, no mli lɛ Stefano miisɔle kɛmiiha Yesu? [June 17, w08 5/15 bf. 31 kk. 2]

10. Mɛɛ gbɛ nɔ wɔbaanyɛ wɔkase nɔkwɛmɔnɔ kpakpa ni Barnaba fee lɛ, ni mɛɛ sɛɛ wɔbaaná yɛ nakai feemɔ mli? (Bɔf. 9:26, 27) [June 24, bt bf. 65 kk. 19]