Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ June 1

“Ani osusuɔ akɛ Nyɔŋmɔ kpɛlɛɔ jamɔi fɛɛ nɔ? [Ŋmɛɛ gbɛ ni eha hetoo.] Bɔ ni Nyɔŋmɔ fee enii eha beni Israelbii lɛ kɛ amɛhe wo maji ni bɔle amɛ lɛ ajamɔ mli nifeemɔi lɛ amli lɛ sa kadimɔ waa. [Kanemɔ Ezekiel 6:6.] Sane ni yɔɔ biɛ lɛ haa sanebimɔ ni ji, ‘Ani Wɔbaanyɛ Wɔjá Nyɔŋmɔ Bɔ ni Wɔsumɔɔ?’ lɛ hetoo.” Okɛ sane ni jeɔ shishi yɛ baafa 9 lɛ atsɔɔ lɛ.

Awake! June

“Ŋwanejee ko kwraa bɛ he akɛ obaakpɛlɛ nɔ akɛ kɛ́ mɔ ko shɛ kpokuafoiaŋ lɛ, shihilɛ lɛ bɛ mlɛo kɛha lɛ kɛ efɔlɔi fɛɛ. Ani osusuɔ akɛ kɛ́ akɛ ŋaawoo nɛɛ tsu nii lɛ, ebaaha fɔlɔi ahe asa jogbaŋŋ yɛ bii atsɔsemɔ mli? [Kanemɔ Yakobo 1:19. No sɛɛ lɛ ŋmɛɛ gbɛ ni eha hetoo.] Miheɔ miyeɔ akɛ obaanya Biblia mli ŋaawooi ni yɔɔ wolo tɛtrɛɛ nɛɛ mli lɛ ahe waa.”

Buu-Mɔɔ July 1

“Wɔ fɛɛ wɔnuɔ dɔlɛ he kɛ́ wɔsuɔlɔ ko gbo. Ani osusuɔ akɛ Biblia lɛ baanyɛ aye abua wɔ yɛ nakai beaŋ? [Ŋmɛɛ gbɛ ni eha hetoo. No sɛɛ lɛ kanemɔ Lala 55:23.] Wolo tɛtrɛɛ nɛɛ wieɔ gbɛ̀i komɛi ni Biblia lɛ kɛha ni wɔbaanyɛ wɔtsɔ nɔ wɔkpee shihilɛ ni tamɔ nakai lɛ naa lɛ ahe.”

Awake! July

“Gbalashihilɛi mli hefatalɔi yɛ nɔnyɛɛ shishi, ni gbala babaoo hu amli miitse. Ani osusuɔ akɛ kɛ́ akɛ ŋaawoo ni yɔɔ ŋmalɛ nɛɛ mli lɛ tsu nii lɛ, ebaaha aye omanye yɛ gbalashihilɛ mli? [Kanemɔ Abɛi 12:18. No sɛɛ lɛ ŋmɛɛ gbɛ ni eha hetoo.] Wolo tɛtrɛɛ nɛɛ wieɔ Biblia mli shishitoo mlai krokomɛi ni baanyɛ aye abua gbalashihilɛ mli hefatalɔi koni amɛwaje wekukpãa ni kã amɛteŋ lɛ he.”