Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • km 11/02 bf. 5
  • Tsu Omumɔŋ Hiamɔ Nii Ahe Nii

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Tsu Omumɔŋ Hiamɔ Nii Ahe Nii
  • Wɔ Maŋtsɛyeli Sɔɔmɔ—2002
  • Saji Ni Tamɔ Enɛ
  • ‘Bó Toi ni Oshwere yɛ Nilee Gbɛfaŋ’
    Wɔ Maŋtsɛyeli Sɔɔmɔ—2001
  • Bo Toi ni Okase Nii
    Wɔ Maŋtsɛyeli Sɔɔmɔ—2013
  • 1999 “Nyɔŋmɔ Gbalɛ Wiemɔ” Yehowa Odasefoi a-Kpokpaa Wulu nɔ Kpee
    Wɔ Maŋtsɛyeli Sɔɔmɔ—1999
  • 1991 “Mɛi Ni Sumɔɔ Heyeli” Kpokpaa Wulu Nɔ Kpee
    Wɔ Maŋtsɛyeli Sɔɔmɔ—1991
Kwɛmɔ Ekrokomɛi Hu
Wɔ Maŋtsɛyeli Sɔɔmɔ—2002
km 11/02 bf. 5

Tsu Omumɔŋ Hiamɔ Nii Ahe Nii

1 Wɔ “Maŋtsɛyeli Jajelɔi ni Yɔɔ Ekãa” Kpokpaa Wulu nɔ Kpee ni baa lɛ kɛ hegbɛ ko ni nɔ bɛ ni baaha wɔtsu wɔmumɔŋ hiamɔ nii ahe nii lɛ haa wɔ. Taakɛ heloonaa niyenii kpakpa ji lɛ, yɛ anɔkwayeli mli lɛ gbɛjianɔtoo lɛ baaha wɔtɔrɔ yɛ mumɔŋ “kɛ hemɔkɛyeli . . . tsɔɔmɔ” lɛ. (1 Tim. 4:6) Ebaaye ebua wɔ koni wɔtsi wɔbɛŋkɛ Yehowa he kpaakpa. Ni wɔbaanyɛ wɔkpa gbɛ akɛ, wɔnine baashɛ ŋaawoo kɛ hewalɛwoo ni baaye abua wɔ koni wɔdamɔ kaai ni wɔkɛkpeɔ yɛ wɔshihilɛi amli lɛ anaa. Yehowa maa nɔ mi kɛhaa wɔ akɛ: “Magbele ojwɛŋmɔ mli ni matsɔɔo gbɛ ni onyiɛ nɔ; mawoo ŋaa, mihiŋmɛi kã ohe.” (Lala 32:8) Kwɛ bɔ ni ajɔɔ wɔ aha akɛ wɔnáa egbɛtsɔɔmɔ ni suɔmɔ yɔɔ mli lɛ yɛ wɔshihilɛi amli! Susumɔ nibii komɛi ni wɔbaanyɛ wɔfee koni wɔná gbɛjianɔtoo lɛ he sɛɛ jogbaŋŋ kɛmɔ shi lɛ ahe okwɛ.

2 Esa akɛ Wɔsaa Wɔtsui Lɛ: Gbɛnaa nii kã wɔteŋ mɔ fɛɛ mɔ nɔ akɛ ebu lɛ diɛŋtsɛ e-mfonirifeemɔ tsui lɛ he. (Abɛi 4:23) Enɛ biɔ ni wɔkɛ henɔyeli atsu nii, koni wɔkɛ anɔkwayeli atsu nii ni wɔkɛle bɔ ni wɔji diɛŋtsɛ. Kpee be lɛ ji be kɛha wekukpaa ni kã wɔkɛ Yehowa teŋ lɛ nɔ jwɛŋmɔ, be ni ‘akɛkwɛɔ heyeli mla ni hi kɛwula shi lɛ mli.’ Bɔni afee ni wɔsaa wɔtsui lɛ koni ‘ekpɛlɛ wiemɔ ní atɛoɔ lɛ nɔ’ lɛ, esa akɛ wɔkpa Yehowa fai koni etao wɔmli, ni eyɔse “gbɛ fɔŋ” fɛɛ “gbɛ fɔŋ” ni yɔɔ wɔmli ni ehe miihia ni ajaje lɛ, koni ekpala wɔ “kɛya naanɔ gbɛ lɛ nɔ!”—Yak. 1:21, 25; Lala 139:23, 24.

3 Bo Toi ni Ojwɛŋ Nɔ: Yesu jie Maria yi yɛ ewiemɔi lɛ atoi ni ebo jogbaŋŋ lɛ hewɔ, ni ekɛɛ akɛ: “Nɔ ni hi lɛ, Maria ekɔ lɛ, ni no lɛ ashɔŋ yɛ edɛŋ.” (Luka 10:39, 42) Kɛ́ wɔyɛ nakai jwɛŋmɔŋ su lɛ nɔŋŋ eko lɛ, no lɛ wɔŋmɛŋ gbɛ ni saji ni he ehiaaa agbala wɔjwɛŋmɔ. Wɔbaakwɛ koni wɔta shi ni wɔbo toi yɛ gbɛjianɔtoo muu lɛ fɛɛ mli. Wɔŋmɛŋ wɔdɔiwɔɔ gbɛ, aahu po ni wɔɔka shi diɛŋtsɛ ni wɔwɔ. Wɔbaakpoo wiemɔ loo nyiɛmɔ ni anyiɛɔ kɛfoɔ shi bɔ ni esaaa lɛ hu, ni wɔbaakwɛ jogbaŋŋ koni wɔkɛ tɛlifoŋ ni kpaa bɛ sɛɛ, nibii ni gbɛɛɔ, kamerai, kɛ vidio shamɔ tsɔji akagbala mɛi krokomɛi ajwɛŋmɔ.

4 Kɛ wɔmiibo wiemɔi lɛ atoi lɛ, ehi akɛ wɔɔŋmala saji bibii kukuji, koni eye ebua wɔ ni wɔpɛi bɔ ni wiemɔ lɛ yaa nɔ ehaa lɛ mli. Esa akɛ wɔkɛ nɔ ni wɔnuɔ lɛ ato nɔ ni wɔle momo lɛ he. Enɛ baaye abua wɔ koni wɔnu sane lɛ shishi ni eka wɔjwɛŋmɔ mli. Kɛ wɔmiitĩ saji bibii ni wɔŋmala lɛ amli lɛ, esa akɛ wɔfee nakai kɛ yiŋtoo lɛ akɛ wɔkɛ sane lɛ baatsu nii. Wɔteŋ mɔ fɛɛ mɔ baanyɛ abi ehe jogbaŋŋ akɛ: ‘Te enɛ náa mikɛ Yehowa teŋ wekukpaa lɛ nɔ hewalɛ ehaa tɛŋŋ? Mɛɛ tsakemɔi esa akɛ mafee yɛ mishihilɛ mli? Mɛɛ gbɛ nɔ matsɔ mikɛ sane nɛɛ atsu nii yɛ bɔ ni mikɛ mɛi krokomɛi yeɔ haa lɛ mli? Mɛɛ gbɛ nɔ matsɔ mikɛtsu nii yɛ misɔɔmɔ nitsumɔ lɛ mli?’ Okɛ mɛi krokomɛi agba saji otii ni wɔnyaa he waa lɛ ahe sane. Enɛɛmɛi ni wɔɔfee lɛ baaye abua wɔ yɛ Yehowa wiemɔi lɛ ni wɔkɛaato ‘wɔtsui mli’ lɛ mli.—Abɛi 4:20, 21.

5 Nyɛhaa Wɔkɛ Nɔ ni Wɔkaseɔ lɛ Atsua Nii: Beni nuu ko jɛ kpokpaa wulu nɔ kpee ko eba lɛ, ekɛɛ akɛ: “Wiemɔi ni ato he gbɛjianɔ lɛ kɔɔ mɔ he waa diɛŋtsɛ, ewoɔ mɔ hewalɛ ni epɛi nɔ ni yɔɔ lɛ kɛ eweku mli bii lɛ atsui amli, koni ekɛ Ŋmalɛ naa yelikɛbuamɔ ni suɔmɔ yɔɔ mli aha yɛ hiamɔ lɛ naa. Eha mile gbɛnaa nii ni kã minɔ lɛ waa akɛ mikɛ yelikɛbuamɔ babaoo aha asafo lɛ.” Ekolɛ wɔteŋ mɛi babaoo enu he yɛ gbɛ ni tamɔ nakai nɔŋŋ nɔ. Shi kpee lɛ shishi ni wɔɔshi kɛ henumɔ akɛ awo wɔ hewalɛ ni wɔná hejɔɔmɔ lɛ kɛkɛ faaa. Yesu kɛɛ akɛ: ‘Kɛji nyɛle nii nɛɛ ni nyɛye nɔ lɛ, ajɔɔ nyɛ.’ (Yoh. 13:17) Esa akɛ wɔkɛ hiɛdɔɔ atsu saji otii ni kɔɔ wɔhe akɛ aŋkroaŋkroi lɛ ahe nii. (Fil. 4:9) Enɛ ji tsabaa kɛha wɔmumɔŋ hiamɔ nii ahe nii ni wɔɔtsu jogbaŋŋ kɛmɔ shi lɛ.

[Caption on page 5]

Jwɛŋmɔ Nɔ ni Onuɔ lɛ Nɔ:

■ Te enáa mikɛ Yehowa teŋ wekukpaa lɛ nɔ hewalɛ ehaa tɛŋŋ?

■ Te enáa bɔ ni mikɛ mɛi krokomɛi yeɔ haa lɛ nɔ hewalɛ ehaa tɛŋŋ?

■ Mɛɛ gbɛ nɔ matsɔ mikɛtsu nii yɛ mishihilɛ kɛ misɔɔmɔ nitsumɔ lɛ mli?

    Ga Woji (1980-2026)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2026 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje