Ani Okaiɔ?
Ani onya Buu-Mɔɔ ni baa nyɛsɛɛ nɛɛ Iɛ akanemɔ he? Ojogbaŋŋ, kwɛmɔ akɛ obaanyɛ oha nɛkɛ sanebimɔi nɛɛ ahetoo lo:
◻ Akɛni atsi ŋwɛibɔfoi toigbolɔi Iɛ anaa awo Tartarus (Gbohiiaje bu mli) hewɔ lɛ, mɛni ji nɔ ni nɛkɛ he nɛɛ tsɔɔ kɛhaa amɛ? (2 Petro 2:4)
Amɛbɛ gbɛhe ko dɔŋŋ yɛ Yehowa gbɛjianɔtoo krɔŋkrɔŋ lɛ mli, ni afo amɛ kɛjɛ ŋwɛi Ia ni kpɛɔ Iɛ he. Shi kɛlɛ, amɛtsuɔ nii yɛ Satan gbɛtsɔɔmɔ shishi lolo, ni amɛyaa nɔ amɛkɛ adesai bɔɔ, ni amɛbɔɔ mɔdɛŋ koni amɛye hii, yei kɛ gbekɛbii po nɔ. (Kpojiemɔ 12:12, 17)—4/16, baafa 7.
◻ Mɛni hewɔ ehe hiaa akɛ ‘wɔnyɛ efɔŋ’ yɛ Yehowa hiɛ Iɛ? (Lala 97:10)
Mɛi ni nyɛɔ efɔŋ lɛ taoŋ gbɛi ni amɛaatsɔ nɔ ni amɛkɛ amɛhe awo mli. Yɛ gbɛ kroko nɔ lɛ, gbɔmɛi ni enyɛɛɛ efɔŋ lɛ baanyɛ atsi amɛhe kɛjɛ he yɛ be mli ni yɛ amɛjwɛŋmɔŋ Iɛ amɛna ni kulɛ amɛkɛ amɛhe ewo nibii fɔji ni tamɔ nakai lɛ amli.—4/15, baafa 14.
◻ Mɛɛ nikasemɔ ni hiɛdɔɔ yɔɔ mli akɛmaa mɛi fɛɛ ni kɛɔ akɛ amɛji Kristo sɛɛnyiɛlɔi Iɛ ahiɛ yɛ Yesu abɛbua ni kɔɔ talentai Iɛ ahe lɛ mli? (Mateo 25:14-30)
Esa akɛ amɛtsu nii ni amɛha amɛŋwɛi Nuŋtsɔ lɛ nibii lɛ afa kɛtsɔ shiɛmɔ nitsumɔ Iɛ mli gbɛfaŋnɔ ni amɛaana babaoo nɔ. No pɛ nɔ amɛbaatsɔ ni Yesu ajie amɛyi ni awo amɛ nyɔmɔ. Amɛkɛ enɛ kwaa shɛrɛmɔ ni aaashɛrɛ amɛ awo agbo lɛ sɛɛ duŋ kpii Iɛ mli ni yɛ naagbee lɛ eeetsɔ amɛhiɛkpatamɔ lɛ.—5/1, baafa 15.
◻ Mɛni Yesu tsɔɔ beni ekɛɛ ekaselɔi lɛ akɛ amɛsɔle akɛ: “Okɛwɔ akaya kaa lɛ mli” Iɛ? (Mafeo 6:13)
Esaaa akɛ wɔnuɔ nɛkɛ wiemɔi nɛɛ ashishi akɛ etsɔɔ akɛ Yehowa kaa wɔ koni wɔfee esha. Shi wɔ moŋ wɔbaabi Yehowa akɛ ekaŋmɛ wɔ gbɛ ni wɔŋmɛɛ wɔhe wɔha yɛ be mli ni akaa wɔ loo anyɛɔ wɔ nɔ koni wɔgbo enɔ toi lɛ. Wɔbaanyɛ wɔsɔle wɔha wɔtsɛ lɛ koni ekudɔ wɔnaji famɔi koni kaa ko ni naa wa tsɔ kɛha wɔ ni wɔnyɛŋ wɔdamɔ naa lɛ akabanina wɔ. (1 Korintobii 10:13)—5/15, baafa 12.
◻ Ani eja gbɛ akɛ Kristofonyo aaahe tsofa ko ni akɛ Ia efutu mli, tamɔ immune globulin loo albumin ni akɛaagbu lɛ lɛ?
Yɛ Nyɔŋmɔ mla toiboo mli lɛ, Kristofoi heee Ia ni agbalaa awoɔ mɔ mli kɛ emli hewalɛ titrii lɛ eko—plasma, wala yibii tsuji, wala yibii yɛji loo nɔ ni atsɛɔ lɛ platelets lɛ. Shi Yehowa Odasefoi lɛ ateŋ mɛi komɛi kɛ henilee enu he akɛ amɛbaanyɛ amɛhe plasma Iɛ mli nui bibii ni akɛgbuɔ amɛ lɛ eko. Yɛ miishɛɛ mli lɛ, nɛkɛ la mli nibii nɛɛ ekomɛi hoɔ kɛjɛɔ yoohɔlɔ Iɛ mli kɛyaa ehɔ ni eŋɔ lɛ faji amli.—6/1, baafai 14, 15.
◻ Yesu ni fɔ ekaselɔi lɛ anaji ahe yɛ naagbee Hehoo Iɛ shishi lɛ tsu mɛɛ yiŋtoo he nii?
Yesu miitsɔɔ ekaselɔi lɛ nɔ ko ni kɔɔ heshibaa he. Mɔ ko mɔ ko akatao klɛŋklɛŋ gbɛhe, ni esusu akɛ ehe miihia. Shi moŋ, esa akɛ amɛ fɛɛ amɛkase Yesu nɔkwɛmɔ nɔ Iɛ ni amɛsumɔ akɛ amɛaasɔmɔ amɛhe ni hiɛaŋkwɛmɔ bɛ mli, ni bɔ ni nakai nitsumɔ lɛ baa shi loo eŋɔɔɔ mɔ naa ha Iɛ kɔɔɔ he eko. (Yohane 13:12-17)—w 6/15, baafa 9.
◻ Mɛɛ shishinumɔ naa Yudafoi ni yɔɔ Beroia lɛ ‘kɛtao Ŋmalɛi lɛ amli fitsofitso’ yɛ lɛ? (Bɔfoi lɛ Asaji 17:11)
Jeee akɛ Beroiabii Iɛ ayiŋ feɔ amɛ kɔshikɔshi yɛ sane ni Paulo kɛbaha amɛ lɛ he, shi moŋ amɛpɛiɔ nibii amli ni amɛkɛyoo akɛ Yesu ji Mesia lɛ. Akɛ amɛteŋ mɛi pii batsɔmɔ heyelilɔi lɛ tsɔɔ akɛ yiŋtoo ni amɛkɛfee nakai Iɛ ja. (Bɔfoi lɛ Asaji 17:12)—6/15, baafa 9.
◻ Mɛni ji “Yehowa tai awolo” Iɛ? (4 Mose 21:14)
Enɛ ji Nyɔŋmɔ tai ni ewuu eha ewebii lɛ ahe yinɔsane wolo ni anyɛɔ akɛ he fɔɔ nɔ. Ebaanyɛ efee akɛ eje shishi kɛjɛ kunim ni Abraham ye yɛ mɛi ni batutua Shiwoo Shikpɔŋ lɛ anɔ lɛ nɔ taakɛ aŋma afɔ shi yɛ 1 Mose yitso 14 lɛ. Wolo Iɛ naagbee kwraa lɛ baafee “Nyɔŋmɔ Ofe lɛ gbi wulu lɛ nɔ ta lɛ” yɛ Har-Magedon. (Kpojiemɔ 16:14, 16)—7/1, baafai 20, 22.
◻ Nyɔŋmɔ Wiemɔ ni ji Biblia lɛ yeɔ ebuaa wɔ ni wɔnyɛɔ wɔdamɔɔ piŋmɔ naa yɛ mɛɛ gbɛ nɔ?
Biblia lɛ kɛɔ wɔ nɔ hewɔ ni Yehowa eŋmɛ piŋmɔ gbɛ, ni emaa nɔ mi kɛhaa wɔ akɛ etsɛŋ ni piŋmɔ sɛɛ baafo. (Romabii 5:12; Kpojiemɔ 21:1-6)—7/15, baafa 4, 5.
◻ Te aaafee tɛŋŋ ni Nyɔŋmɔ webii ‘aaaha Yehowa anunyam lɛ akpɛ tamɔ ashwishwɛ’ yɛ ŋmɛnɛ? (2 Korintobii 3:18)
Nyɔŋmɔ anunyam Iɛ kpɛɔ kɛtsɔɔ “Kristo, ni ji Nyɔŋmɔ subaŋ lɛ anunyam sanekpakpa Iɛ la ni tsoɔ” Iɛ nɔ. Yehowa Odasefoi haa nakai anunyam Iɛ kpɛɔ kɛtsɔɔ Yehowa anunyam lɛ kɛ e-Maŋtsɛyeli kɛtsɔ e-Bi lɛ nɔ lɛ anunyam lɛ he ni amɛwieɔ lɛ nɔ. (2 Korintobii 4:4-6)—7/15, baafai 15, 16.
◻ Mɛɛ be mli esa akɛ abaptisi mɔ ko?
Baptisimɔ ji nifeemɔ ko ni baa beni mɔ ko ejɔɔ ehe nɔ kwraa ni nɔ ko nɔ ko bɛ sɛɛ eha Yehowa kɛtsɔ Kristo Yesu nɔ akɛ ebaafee Nyɔŋmɔ suɔmɔnaa nii.—8/1, baafa 14.