Sanebimɔi Ni Biblia Lɛ Ehã Hetoo / Sɔlemɔ / Mɛni Hewɔ Esa Akɛ Osɔle Yɛ Yesu Gbɛ́i Mli?

Hetoo ni Biblia lɛ kɛhãa

Esa akɛ wɔsɔle yɛ Yesu gbɛ́i mli, ejaakɛ no ji gbɛ pɛ ni Nyɔŋmɔ kpɛlɛɔ nɔ akɛ wɔtsɔ nɔ wɔbɛŋkɛ Lɛ. Yesu kɛɛ akɛ: “Miji gbɛ lɛ kɛ anɔkwale lɛ kɛ wala lɛ. Mɔ ko mɔ ko baaa Tsɛ lɛ ŋɔɔ akɛ ja etsɔ minɔ.” (Yohane 14:6) Agbɛnɛ hu, Yesu kɛɛ ebɔfoi anɔkwafoi lɛ akɛ: “Lɛɛlɛŋ, lɛɛlɛŋ, miikɛɛ nyɛ akɛ, kɛ́ nyɛbi Tsɛ lɛ nɔ ko lɛ, ekɛbaahã nyɛ yɛ migbɛ́i mli.”​—Yohane 16:23.

Yiŋtoo krokomɛi ahewɔ ni esa akɛ osɔle yɛ Yesu gbɛ́i mli

• Wɔkɛ nakai feemɔ woɔ Yesu kɛ e-Tsɛ, Yehowa Nyɔŋmɔ hiɛnyam.​—Filipibii 2:9-11.

• Kɛ́ wɔfee nakai lɛ, wɔtsɔɔ akɛ wɔhiɛ sɔɔ Yesu gbele lɛ akɛ nikeenii ni Nyɔŋmɔ kɛhã, koni wɔtsɔ no nɔ wɔná wala.​—Mateo 20:28; Bɔfoi 4:12.

• Wɔkɛ no hu tsɔɔ akɛ wɔyɔseɔ gbɛfaŋnɔ ni sa kadimɔ waa ni Yesu tsu akɛ Nyɔŋmɔ kɛ adesai ateŋdamɔlɔ.​—Hebribii 4:14-16.

• No hu tsɔɔ akɛ, wɔbuɔ Yesu akɛ Osɔfonukpa ni baanyɛ eye ebua wɔ koni wɔná shidaamɔ kpakpa yɛ Nyɔŋmɔ hiɛ.​—Hebribii 7:25.