Ani nyɛsusuɔ akɛ nyɛ pɛ ji mɛi ni abaahere amɛyiwala?

Dabida. Gbɔmɛi akpekpei abɔ ni hi shi yɛ afii ohai komɛi ni eho lɛ amli, shi amɛjeee Yehowa Odasefoi lɛ baaná hegbɛ kɛha yiwalaheremɔ. Biblia lɛ tsɔɔ mli akɛ, yɛ jeŋ hee ni Nyɔŋmɔ ewo he shi lɛ mli lɛ, “gbohiiashitee baaba, ni jalɔi kɛ mɛi ni ejaaa fɛɛ baate shi.” (Bɔfoi lɛ Asaji 24:​15) Kɛfata he lɛ, ekolɛ mɛi ni yɔɔ wala mli amrɔ nɛɛ ateŋ babaoo baabɔi Nyɔŋmɔ sɔɔmɔ, ni abaahere amɛ hu amɛyiwala. Fɛɛ mli lɛ, jeee wɔnitsumɔ ji akɛ wɔtsɔɔ mɛi ni abaahere amɛyiwala loo ahereŋ amɛyiwala. Yesu pɛ ji mɔ ni atuu nakai nitsumɔ lɛ awo edɛŋ.​—Yohane 5:​22, 27.