NIKASEMƆ NƆ

Yehowa webii ni yɔɔ egbɛjianɔtoo lɛ fã ni yɔɔ shikpɔŋ lɛ nɔ lɛ mli lɛ yɛ toiŋjɔlɛ ni nɔ bɛ. Mɛni wɔbaanyɛ wɔfee kɛtsɔɔ akɛ wɔhiɛ sɔɔ hegbɛ ni wɔná akɛ wɔfata mɛi ni jáa anɔkwa Nyɔŋmɔ lɛ ahe? Ni mɛni wɔbaanyɛ wɔfee koni toiŋjɔlɛ ni yɔɔ Yehowa webii lɛ ateŋ lɛ mli awa? Abaahã sanebimɔi nɛɛ ahetoo yɛ nikasemɔ nɛɛ mli.

Nikasemɔ nɛɛ baahã wɔna nibii komɛi ni yɔɔ miishɛɛ ni baaba wɔsɛɛ. Kɛfata he lɛ, ebaahã wɔna nɔ hewɔ ni wɔbaanyɛ wɔkɛ wɔhiɛ afɔ̃ Yehowa nɔ kwraa yɛ amanehulu kpeteŋkpele lɛ mli.

Mɛi babaoo ni yɔɔ Satan je lɛ mli lɛ hiɔ shi yɛ amɛkusum naa veveeve, ni amɛkɛ amɛtsui fɛɛ hãa amɛjakumaŋ, loo weku mli ni amɛjɛ. Shi wɔ lɛ, wɔwo Yehowa shi akɛ wɔbaaye lɛ anɔkwa. Yɛ nikasemɔ nɛɛ mli lɛ, wɔbaasusu nɔ hewɔ ni wɔkɛ wɔhe wooo je lɛŋ bei kɛ nɔmɔi amli lɛ he, kɛ bɔ ni wɔbaafee wɔtsɔse wɔhe koni wɔná Yehowa kɛ Yesu jwɛŋmɔ lɛ eko.

Yehowa webii ni yɔɔ je lɛŋ fɛɛ lɛ kpeɔ yɛ Maŋtsɛyeli Asai kɛ tsũi krokomɛi ni tamɔ nakai lɛ amli kɛjáa lɛ. Nikasemɔ nɛɛ baahã wɔle Biblia mli shishitoo mlai komɛi ni baaye abua wɔ koni wɔwo Yehowa hiɛ nyam, kɛtsɔ bɔ ni wɔbaa wɔjeŋ kɛ́ wɔtee kpeehei nɛɛ, bɔ ni wɔkuraa amɛ wɔhãa, kɛ onia ni wɔtsuɔ koni aná shika kɛmamɔ babaoo lɛ nɔ.