NIKASEMƆ NƆ

Kɛ́ wɔjwɛŋ jɔɔmɔi ni wɔná lɛ ahe, ni wɔda Yehowa shi yɛ he lɛ, no baahã wɔhiɛ asɔ jɔɔmɔi nɛɛ. Kɛ́ wɔhiɛ sɔɔ nibii fɛɛ ni Yehowa efee ehã wɔ lɛ, no baaye abua wɔ be ni wɔyaje shihilɛ ni jaraa mli, ni wɔkafee trumui. Afi 2015 afi ŋmalɛ lɛ baakai wɔ ni wɔfee nakai yɛ afi lɛ mli fɛɛ.

Nikasemɔ nɛɛ baatsɔɔ wɔ nɔ hewɔ ni esa akɛ wɔya Yesu gbele lɛ Kaimɔ lɛ shishi. Ebaahã wɔna nɔ ni aboloo lɛ kɛ wein lɛ damɔ shi kɛhã. Wɔbaana bɔ ni mɔ ko aaafee ele kɛji esa akɛ eye okadi nibii lɛ eko loo ekaye. Agbɛnɛ hu, wɔbaakase bɔ ni wɔɔfee wɔsaa wɔhe kɛhã Nuŋtsɔ lɛ Gbɛkɛ Niyeli lɛ akɛ aŋkroaŋkroi.

sa akɛ wumɛi kɛ ŋamɛi abu amɛgbãla lɛ he kɛjɛ nibii ni yɔɔ Satan je lɛ mli ni baanyɛ afite lɛ lɛ he. Yɛ Yehowa yelikɛbuamɔ naa lɛ, wɔbaanyɛ wɔwaje wɔgbalashihilɛ lɛ, ni efee nɔ ni yɔɔ miishɛɛ. Klɛŋklɛŋ nikasemɔ lɛ baatsɔɔ wɔ gbɛi enumɔ ni wɔbaanyɛ wɔtsɔ nɔ wɔwaje wɔgbãla lɛ koni ekafite. Wɔbaasusu bɔ ni wɔɔfee wɔbu wɔgbãla lɛ he lɛ he yɛ nikasemɔ ni ji enyɔ lɛ mli.

Te anɔkwa suɔmɔ ni yɔɔ nuu kɛ yoo teŋ lɛ yɔɔ hã tɛŋŋ? Ani suɔmɔ baanyɛ ahi shi daa? Te ajieɔ anɔkwa suɔmɔ kpo tɛŋŋ? Wɔbaakase nɔ ni Lalai Amli Lala wolo lɛ tsɔɔ wɔ yɛ anɔkwa suɔmɔ ni hiɔ shi daa lɛ he.