Hã Hemɔkɛyeli Ni Oyɔɔ Akɛ Yehowa Baahere Oyiwala Lɛ Mli Awa

Kanemɔ 4 Mose 13:25–14:4 lɛ koni ona nɔ ni Israelbii lɛ fee ni tsɔɔ akɛ amɛkɛ amɛhiɛ efɔ̃ɔɔ Yehowa nɔ.

Kanemɔ saji ni tsɔ hiɛ lɛ kɛ nɔ ni nyiɛ sɛɛ lɛ fɛɛ jogbaŋŋ. Mɛni hewɔ kulɛ, esa akɛ Israelbii lɛ ahe aye akɛ Yehowa baakwɛ amɛ jogbaŋŋ be ni amɛshiɔ Ejipt lɛ? (Lala 78:​12-16, 43-53) Mɛni hã hemɔkɛyeli ni Israelbii lɛ yɔɔ yɛ Yehowa mli lɛ mli gbɔjɔ? (5 Mo. 1:​26-28) Mɛni Yoshua kɛ Kaleb fee ni tsɔɔ akɛ amɛheɔ Yehowa amɛyeɔ waa?—4 Mo. 14:​6-9.

Taomɔ nii amli. Mɛni kulɛ esa akɛ Israelbii lɛ afee koni hemɔkɛyeli ni amɛyɔɔ yɛ Yehowa mli lɛ mli awa waa? (Lala 9:10; 22:4; 78:11) Mɛni hewɔ ja wɔbuɔ Yehowa dani wɔbaanyɛ wɔhe lɛ wɔye lɛ?—4 Mo. 14:11.

Jwɛŋmɔ nibii ni okase yɛ mli lɛ anɔ. Bi ohe akɛ:

• ‘Mɛɛ shihilɛi amli ebaanyɛ ewa kɛhã mi akɛ mahe maye akɛ Yehowa baaye ebua mi?’

• ‘Mɛni kɛ́ mifee lɛ, ebaahã mikɛ mihiɛ afɔ̃ Yehowa nɔ waa bianɛ kɛ wɔsɛɛ fɛɛ?’

• ‘Mɛni hewɔ esaaa akɛ misheɔ amanehulu kpeteŋkpele lɛ gbeyei lɛ?’—Luka 21:​25-28.