Gbɛjianɔtoo kɛha Otsi ni ji June 3

OTSI NI JEƆ SHISHI JUNE 3

Lala 68 kɛ Sɔlemɔ

□ Asafoŋ Biblia Nikasemɔ:

jr yitso 10 kk. 8-13 (Min. 30)

□ Teokrase Sɔɔmɔ Skul:

Biblia kanemɔ: Yohane 17-21 (Min. 10)

No. 1: Yohane 21:15-25 (Ekaye fe min. 4)

No. 2: Mɛni Hewɔ Esaaa Akɛ Wɔnyiɛɔ “Mɛi Pii Asɛɛ” Lɛ?—2 Mose 23:2; Abɛi 1:10 (Min. 5)

No. 3: Yɛ Mɛi ni Afɔ Amɛ Mu lɛ Sɛɛ lɛ, Namɛi hu Naa Yesu Afɔleshaa lɛ He Sɛɛ?—rs-E bf. 309 kk. 1-3 (Min. 5)

□ Sɔɔmɔ Kpee:

Lala 16

Min. 10: Bɔ ni Obaafee Okɛ Woji Tɛtrɛbii lɛ Aha yɛ June Mli. Sanegbaa. Halamɔ saneyitsei ni yɔɔ mli lɛ ateŋ enyɔ loo etɛ ni okɛ sɛkɛŋsii 30 kɛmiimɔ 60 atsɔɔ nɔ hewɔ ni mɛi ni yɔɔ nyɛshikpɔŋkuku lɛ mli lɛ baanya he lɛ. No sɛɛ lɛ, ha toibolɔi lɛ kɛ Buu-Mɔɔ saneyitso lɛ mlitsɔɔmɔ lɛ atsu nii, ni amɛtsɔɔ saji ni amɛbaanyɛ amɛbi kɛtee mɛi amiishɛɛ shi, no sɛɛ lɛ ha amɛtsɔɔ ŋmalɛ ni amɛbaakane. Ha akɛ saji ni tsɔɔ Awake! lɛ saneyitso lɛ mli lɛ hu atsu nii kɛfee nakai nɔŋŋ, ni kɛ́ be yɛ lɛ, nyɛkɔa Awake! lɛ loo Buu-Mɔɔ lɛ mli sane kroko hu kɛfea nakai nɔŋŋ. Ha afee bɔ ni abaafee akɛ woji tɛtrɛbii lɛ ateŋ eko fɛɛ eko aha lɛ he nɔkwɛmɔnɔ.

Min. 10: Nɔ Hewɔ ni Wɔbuɔ Wɔshiɛmɔ Nitsumɔ lɛ He Akɔntaa. Wiemɔ ni woloŋmalɔ lɛ baajɛ Gbɛjianɔ wolo lɛ baafa 88, kuku 1, kɛyashi baafa 90, kuku 1 lɛ mli eha.

Min. 10: Asafoŋ hiamɔ nii.

Lala 107 kɛ Sɔlemɔ