Gbɛjianɔtoo kɛha Otsi ni ji June 28
OTSI NI JEƆ SHISHI JUNE 28
□ Asafoŋ Biblia Nikasemɔ:
cf yitso 6 kk. 19-25, akrabatsa ni yɔɔ bf. 65
□ Teokrase Sɔɔmɔ Skul:
Biblia kanemɔ: 1 Maŋtsɛmɛi 3-6
□ Sɔɔmɔ Kpee:
Min. 5: Adafitswai.
Min. 15: Saamɔ Ohe ni Okɛ Woji Tɛtrɛbii lɛ Aha yɛ July Mli. Toibolɔi ni akɛaagba sane. Okɛ miniti kome loo enyɔ awie woji tɛtrɛbii lɛ amli saneyitsei lɛ ahe. No sɛɛ lɛ, halamɔ woji tɛtrɛbii nɛɛ amli saji enyɔ loo etɛ pɛ ni obi toibolɔi lɛ ni amɛtsɔɔ sanebimɔi kɛ ŋmalɛi ni amɛbaanyɛ amɛkɛtsu nii kɛji amɛkɛ woji tɛtrɛbii lɛ miiha. Ha afee bɔ ni abaafee akɛ woji tɛtrɛbii lɛ ateŋ eko fɛɛ eko aha lɛ he nɔkwɛmɔnɔ. Ha afee nɔkwɛmɔnɔ kroko kɛtsɔɔ bɔ ni abaafee aje Biblia mli nikasemɔ shishi kɛ́ aafee sɛɛkuu-kɛsaramɔ ni okɛmu onifeemɔ lɛ naa.—Kwɛmɔ km 8/07 bf. 3.
Min. 15: Atsɔse Lɛ Kɛjɛ Egbekɛbiiashi. Toibolɔi ni akɛaagba sane. Ale Timoteo akɛ sanekpakpa jajelɔ ni yɔɔ ekãa ni he esa jogbaŋŋ. (Fil. 2:20-22) Nɔ kome ni ha enyɛ efee nakai ji akɛ, enyɛ kɛ enaa kɛ Nyɔŋmɔ he nilee tsɔse lɛ kɛjɛ egbekɛbiiashi. (2 Tim. 1:5; 3:15) Ŋmalɛ mli ŋaawoi ni nyiɛ sɛɛ nɛɛ baaye abua fɔlɔi ni amɛnyɛ amɛtsɔse amɛbii lɛ koni amɛbatsɔmɔ sanekpakpa jajelɔi ni he esa. (1) Okɛ obi lɛ afata ohe kɛya shiɛmɔ kɛjɛ egbekɛbiiashi tɔ̃ɔ; daamɔ afii abɔ ni eye kɛ nyɛmɔ ni eyɔɔ lɛ nɔ ni otsɔse lɛ koni ekɛ ehe awo mli. (Abɛi 22:6) (2) Okɛ sɔɔmɔ nitsumɔ lɛ aye klɛŋklɛŋ gbɛhe ni no afee nɔkwɛmɔnɔ kpakpa kɛha lɛ. (Fil. 1:9, 10) (3) Du suɔmɔ kɛ hiɛsɔɔ kɛha shiɛmɔ nitsumɔ lɛ owo emli beni nyɛfeɔ Weku Jamɔ lɛ kɛ agbɛnɛ hu, yɛ bei krokomɛi amli. (5 Mose 6:6, 7) (4) Tsɔ onifeemɔ kɛ owiemɔ nɔ oha ená sɔɔmɔ nitsumɔ lɛ he jwɛŋmɔ kpakpa. (Fil. 3:8; 4:8; 1 Tim. 1:12) (5) Ákɛ weku lɛ, nyɛfea ekome kɛyaa shiɛmɔ, ni nyɛfɔa enɛ feemɔ. (Bɔf. 5:41, 42) (6) Nyɛkɛ mɛi ni yɔɔ ekãa yɛ sɔɔmɔ nitsumɔ lɛ mli lɛ abɔa. (Abɛi 13:20) Ha toibolɔi lɛ atsɔɔ nibii pɔtɛɛ ni amɛfɔlɔi fee kɛye ebua amɛ ni no eha amɛkɛ miishɛɛ miitsu sɔɔmɔ nitsumɔ lɛ ni amɛmiitsu lɛ jogbaŋŋ.