Sɔɔmɔ Kpee He Gbɛjianɔtoo
KADIMƆ: Abaato Sɔɔmɔ Kpee he gbɛjianɔ otsi fɛɛ otsi yɛ Wɔ Maŋtsɛyeli Sɔɔmɔ lɛ mli yɛ nyɔji ni akɛbaafee kpokpaa wulu nɔ kpeei lɛ fɛɛ mli. Asafoi lɛ baanyɛ amɛfee tsakemɔi ni he hiaa lɛ koni amɛnyɛ amɛya “Nyɔŋmɔ Mumɔ lɛ Tsɔɔ Wɔ Gbɛ” Kpokpaa Wulu nɔ Kpee lɛ. Kɛ́ ebaahi lɛ, nyɛkɛ minitii 15 atĩa ŋaawoo ni baakɔ nyɛsafo lɛ he, ni yɔɔ nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ mli yɛ naagbee Sɔɔmɔ Kpee ni nyɛbaafee dani nyɛbaaya kpee lɛ mli. Kpee lɛ sɛɛ nyɔɔŋ kome loo nyɔji enyɔ lɛ, nyɛkɛ Sɔɔmɔ Kpee lɛ mli minitii 15 kɛmiimɔ 20 (nyɛbaanyɛ nyɛkɛ enɛ aye asafoŋ hiamɔ nii lɛ najiaŋ) atĩa kpee lɛ mli saji otii ni eye ebua shiɛlɔi yɛ shiɛmɔ nitsumɔ lɛ mli lɛ mli. Esa akɛ sɔɔmɔ nitsumɔ nɔkwɛlɔ lɛ loo onukpa ko ni yɔɔ ekãa atsu sane mlitĩi lɛ he nii. Ha shiɛlɔi lɛ atsɔɔ bɔ ni amɛkɛ nakai saji lɛ miitsu nii loo bɔ ni amɛto ni amɛkɛbaatsu nii yɛ amɛshiɛmɔ nitsumɔ lɛ mli.
Otsi ni Jeɔ Shishi November 10
Lala 205
Min. 10: Asafoŋ adafitswai. Wiemɔ July Sɔɔmɔ Akɔntaabuu lɛ he kuku, ni oha nyɛmimɛi lɛ ayekoo yɛ ekãa ni amɛkɛ shiɛɔ lɛ hewɔ. Okɛ nɔ ni sɔɔmɔ nitsumɔ nɔkwɛlɔ lɛ eha ole ni kɔɔ mɔdɛŋ ni nyɛsafo lɛ bɔɔ yɛ Ani Obaasumɔ ní Ole Anɔkwale Lɛ? dɛhiɛmɔ wolo lɛ jaa yɛ nyɛshikpɔŋkuku lɛ mli lɛ he lɛ afata he. Akɛni shiɛlɔi pii kɛ November 1 Buu-Mɔɔ kɛ November Awake! lɛ ebɔi hamɔ momo hewɔ lɛ, bi toibolɔi lɛ ni amɛwie gbɛ̀i anɔ ni amɛtsɔ amɛkɛ ha ní yibiiwoo kpakpa jɛ mli kɛba lɛ he.
Min. 10: Sanebimɔ He ni yɔɔ baafa 6 lɛ. Toibolɔi ní akɛaagba sane. Yɛ kuku 5 lɛ mli lɛ, ha ana akɛ shishitoo mlai ni kɔɔ he ní akɛaawo apasa jamɔ mli, kɛ jamɔ mli sablai ni akɛaatsu nii lɛ kɔɔ Odasefoi ni ekolɛ amɛbaaya skul srɔtoi ni jamɔ gbɛjianɔtoo ko ji mɛi ni kɛ shika fĩɔ sɛɛ lɛ hu he.
25 min: “Be ní Wɔkɛbaaye Mumɔŋ Niyenii ní Wɔná Miishɛɛ.”a Asafoŋ woloŋmalɔ lɛ baatsu he nii. Tsĩi kpeei ni atsɔɔ ni nyɛsafo lɛ aya lɛ tã. Tĩi akrabatsa ni ji “Kpokpaa Wulu nɔ Kpee He Kaimɔi” lɛ mli.
Lala 197
Otsi ni Jeɔ Shishi November 17
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Nyɛsusua “Kpokpaa nɔ Kpee He Gbɛjianɔtoo Hee” lɛ he. Tsɔɔmɔ be ni akɛbaaya kpokpaa nɔ kpee lɛ kɛji ole.
Min. 15: Sanebimɔ He ni yɔɔ baafa 7 lɛ.b
Min. 20: “Obaanyɛ Otsɔ Tsɔɔlɔ!”c Bi shiɛlɔ ko loo gbɛgbalɔ ko ni nyɛ eye henumɔ ni eyɔɔ akɛ enyɛŋ ekɛ mɔ ko akase Biblia lɛ nɔ lɛ saji. Mɛɛ gbɛ nɔ ekɛ ehe fɔ̃ Yehowa nɔ kɛha yelikɛbuamɔ? Mɛɛ gbɛ̀i pɔtɛɛ anɔ asafo lɛ eye ebua lɛ ni etee ehiɛ? Mɛɛ sɛɛnamɔi enine eshɛ nɔ yɛ Biblia lɛ ni lɛ hu ekɛ mɛi krokomɛi kaseɔ lɛ mli?
Otsi ni Jeɔ Shishi November 24
Lala 217
Min. 10: Asafoŋ adafitswai. Kanemɔ shika he akɔntaabuu lɛ, ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Tsɔɔmɔ wolo ni akɛbaaha yɛ December, ni oha afee ehe shiɛmɔ wiemɔ kome loo enyɔ he nɔkwɛmɔnɔ.
Min. 15: Nyɛnáa Suɔmɔ kɛ Nihamɔ Mumɔ. Wiemɔ ni onukpa ko baaha ni damɔ November 15, 2008, Buu-Mɔɔ lɛ baafa 6-7 lɛ nɔ.
Min. 20: “Wɔyɛ Jwetrii ni Jara Wa ni Esa akɛ Wɔkɛ Mɛi Krokomɛi Aja.”d Kɛ́ nyɛmiisusu kuku 2 lɛ he lɛ, bi toibolɔi lɛ ni amɛwie Biblia mli anɔkwalei pɔtɛ̃ɛ komɛi ni gbala amɛ kɛba Yehowa asafo lɛ mli, loo nɔ ni amɛnya he waa yɛ amɛbaptisimɔ sɛɛ lɛ he.
Otsi ni Jeɔ Shishi December 1
Min. 10: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha November lɛ aha. Nyɛsusua “Gbi Kome Kpee Krɛdɛɛ He Gbɛjianɔtoo Hee” lɛ he, ni otsɔɔ be ni akɛbaaya gbi kome kpee krɛdɛɛ lɛ kɛji ole.
Min. 15: Asafoŋ niiashikpamɔi kɛ nɔkwɛmɔnii ni tsɔɔ bɔ ni abaafee akɛ December 1 Buu-Mɔɔ kɛ December Awake! lɛ aha. Ha asafo lɛ ale he ni atsu shikpɔŋkuku lɛ mli nii kɛyashi beni ajaa Ani Obaasumɔ ní Ole Anɔkwale Lɛ? dɛhiɛmɔ wolo lɛ. Ha toibolɔi kɛ be fioo lɛ agba niiashikpamɔi ni amɛná beni amɛjaa dɛhiɛmɔ wolo lɛ loo beni amɛkɛtsuɔ nii kɛjeɔ Biblia mli nikasemɔ shishi lɛ. Agbɛnɛ hu gbáa niiashikpamɔi ni aná beni akɛ Biblia lɛ Tsɔɔ wolo lɛ haa yɛ November mli lɛ. No sɛɛ lɛ, wó mɛi fɛɛ hewalɛ ni amɛkane shiɛmɔ wiemɔi kɛha December woji tɛtrɛbii lɛ ni yɔɔ baafa 8 lɛ. Esa akɛ mɔ fɛɛ mɔ abɔ mɔdɛŋ ni ekwɛ akɛ, te saji lɛ ateŋ nɔ ni mɛi ni yɔɔ asafo lɛ shikpɔŋkuku lɛ mli lɛ baanya he waa, kɛ sanebimɔi kɛ ŋmalɛi ni abaanyɛ adamɔ nɔ akɛ nakai saji lɛ aha. Ha asafoŋ onukpa kome kɛ shiɛmɔ wiemɔ ni ekɛsaa ehe ni damɔ sane ko ni baahi aha nyɛsafo lɛ shikpɔŋkuku lɛ nɔ loo nɔ ni yɔɔ Wɔ Maŋtsɛyeli Sɔɔmɔ nɛɛ baafa 8 lɛ atsu nii ní ekɛfee nɔkwɛmɔnɔ kuku.
Min. 20: “Ye Obua Mɛi Heei ní Amɛkpee Shitee-Kɛwoo Naa.”e Kɛ́ nyɛmiisusu kuku 2 lɛ he lɛ, nyɛkɛ be fioo asusua bɔ ni sane ni ji “Jehovah’s Witnesses” ni yɔɔ Reasoning wolo lɛ mli lɛ baanyɛ aye abua Biblia kaselɔi ní amɛnyɛ amɛha saji ni amɛwekumɛi biɔ lɛ ahetoo lɛ he.
[Shishigbɛ niŋmai]
a Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
b Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
c Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
d Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
e Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.