Sɔɔmɔ Kpee He Gbɛjianɔtoo

Otsi ni Jeɔ Shishi October 13

Lala 174

Min. 10: Asafoŋ adafitswai. Tsɔɔmɔ gbɛjianɔ ni nyɛsafo lɛ eto kɛha dɛhiɛmɔ wolo he tafãa krɛdɛɛ ni baaje shishi kɛjɛ October 20 lɛ, ni owo mɛi fɛɛ hewalɛ ni amɛloo dɛhiɛmɔ wolo lɛ eko kɛ́ amɛfeko nakai momo. Wiemɔ shiɛmɔ wiemɔ kɛha October 1 Buu-Mɔɔ kɛ October Awake! lɛ ni yɔɔ baafa 8 lɛ he kuku. Akɛni shiɛlɔi pii kɛ woji tɛtrɛbii nɛɛ ebɔi hamɔ otsii fioo komɛi momo hewɔ lɛ, bi toibolɔi lɛ ni amɛgba niiashikpamɔi ni amɛná lɛ amɛtsɔɔ.

Min. 35: “Gbɛjianɔtoo Kɛha Asafoŋ Kpee Hee.”a Nyɛkanea ŋmalɛi ni aŋmalako amɛmli wiemɔi lɛ, ni oha toibolɔi lɛ awie he bɔ ni be baaŋmɛ gbɛ.

Lala 216

Otsi ni Jeɔ Shishi October 20

Lala 113

Min. 5: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.

Min. 20: Ani Obi lɛ Ji Shiɛlɔ ní Abaptisiko lɛ? Wiemɔ kɛ toibolɔi ni akɛaagba sane ni damɔ May 2007 Wɔ Maŋtsɛyeli Sɔɔmɔ lɛ saneyitso ni ji “Tsɔsemɔ Obii lɛ Koni Amɛjie Yehowa Yi” lɛ nɔ. Asafoŋ onukpa ko ní yɔɔ weku ni feɔ nɔkwɛmɔnɔ kpakpa lɛ baatsu he nii. Nyɛsusua saneyitso ni ji “Gbekɛbii ni Ayeɔ Abuaa Amɛ” ni yɔɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 82 lɛ hu he nyɛfataa he. Amaniɛbɔɔ tsɔɔ akɛ oblahii kɛ oblayei bibii babaoo ni kulɛ amɛbaanyɛ amɛsɔmɔ akɛ shiɛlɔi ní abaptisiko amɛ lɛ bɔiko shiɛmɔyaa he akɔntaabuu. Ekolɛ fɔlɔi kɛ asafoŋ onukpai komɛi baasusu akɛ kɛ́ gbekɛ ko kɛ ehe wo Teokrase Sɔɔmɔ Skul lɛ mli lɛ, belɛ amɛmiiya amɛhiɛ yɛ mumɔŋ bɔ ni sa. Shi kɛlɛ, wɔhemɔkɛyeli lɛ ní ‘wɔɔjaje’ yɛ faŋŋ mli akɛ sanekpakpa shiɛlɔ lɛ ji nɔ ni haa anaa mɔ ko akɛ Yehowa Odasefonyo, ni eji nɔ ko ni he hiaa ni tsɔɔ baptisimɔ hiɛ. (Heb. 10:23) Gbɛnaanii ko ni he hiaa waa kã fɔlɔi anɔ akɛ amɛye amɛbua amɛbii lɛ koni amɛya amɛhiɛ yɛ Anɔkwale lɛ mli. Esa akɛ amɛwo amɛbii lɛ hewalɛ, ni amɛbɔ mɔdɛŋ waa akɛ amɛaaye amɛbua amɛbii lɛ koni amɛtsɔmɔ shiɛlɔi ni abaptisiko amɛ. Esa akɛ asafoŋ onukpai lɛ hu abɔ mɔdɛŋ ni amɛye amɛbua gbekɛbii ni yɔɔ amɛsafoi lɛ amli lɛ koni amɛtsɔmɔ shiɛlɔi. Yɛ nyɔji ni jwere wɔhiɛ lɛ amli lɛ, kpokpaa nɔkwɛlɔi baabɔ mɔdɛŋ waa ni amɛwo fɔlɔi hewalɛ koni amɛye amɛbua amɛbii lɛ ní amɛtsɔmɔ shiɛlɔi. Esa akɛ asafoŋ onukpai kɛ asafoŋ sɔɔlɔi lɛ abɔ mɔdɛŋ akɛ ‘amɛbaato okadi amɛha asafoku lɛ’ yɛ enɛ feemɔ mli.—1 Pet. 5:3.

Min. 20: Saamɔ Ohe ni Okɛ November 1 Buu-Mɔɔ kɛ November Awake! lɛ aha. Beni okɛ be fioo ekpá woji tɛtrɛbii lɛ ahiɛ sɛɛ lɛ, bi toibolɔi lɛ ni amɛtsɔɔ saji ni yɔɔ woji tɛtrɛbii lɛ amli lɛ ateŋ nɔ ni amɛsusuɔ akɛ mɛi ni yɔɔ shikpɔŋkuku lɛ mli lɛ baanya he waa. Ha amɛtsɔɔ nɔ hewɔ ni amɛkɛɔ nakai lɛ. Bi toibolɔi lɛ ni amɛtsɔɔ sanebimɔ ko ni sa ni amɛto akɛ amɛkɛbaatsu nii kɛje sanegbaa shishi, kɛ ŋmalɛ ko ní yɔɔ sane lɛ mli ni amɛkɛbaatsu nii dani amɛkɛ woji tɛtrɛbii lɛ aha. Wielɔ lɛ kɛ shiɛmɔ wiemɔi ni akɛha yɛ baafa 8 lɛ, loo shiɛmɔ wiemɔ kroko ni mɛi ni yɔɔ nyɛshikpɔŋkuku lɛ mli lɛ baanya he lɛ baatsu nii kɛfee bɔ ni akɛ woji tɛtrɛbii lɛ eko fɛɛ eko baaha lɛ he nɔkwɛmɔnɔ ní ekɛmu ewiemɔ lɛ naa.

Lala 148

Otsi ni Jeɔ Shishi October 27

Lala 30

Min. 5: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ.

Min. 10: Asafoŋ hiamɔ nii.

Min. 30: “Aŋkro Biblia Mli Nikasemɔ kɛ Weku Biblia Mli Nikasemɔ He Miihia!”b Nyɛkanea ŋmalɛi ni aŋmalako amɛmli wiemɔi lɛ, ni oha toibolɔi lɛ awie he bɔ ni be baaŋmɛ gbɛ.

Lala 142

Otsi ni Jeɔ Shishi November 3

Lala 100

Min. 10: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha October lɛ aha.

Min. 20: Teokrase Sɔɔmɔ Skul Kɛha Afi 2009. Skul nɔkwɛlɔ lɛ kɛ toibolɔi agba Teokrase Sɔɔmɔ Skul hee lɛ he sane, taakɛ atsɔɔ yɛ saneyitso ni ji “Gbɛtsɔɔmɔi,” ni yɔɔ Teokrase Sɔɔmɔ Skul Gbɛjianɔtoo ni aŋma ahɔ Wɔ Maŋtsɛyeli Sɔɔmɔ nɛɛ mli lɛ shishi lɛ he. Wiemɔ tsakemɔi ni afee lɛ ahe titri. Wó mɛi fɛɛ hewalɛ ni amɛtsu skul nifeemɔi lɛ ahe nii jogbaŋŋ, ni amɛsaa amɛhe ni amɛkɛ amɛhe awo Biblia mli saji otii anɔmimaa lɛ he sanegbaa lɛ mli jogbaŋŋ, ni amɛkɛ ŋaawoi ni skul nɔkwɛlɔ lɛ kɛhaa daa otsi kɛjɛɔ Ná Teokrase Sɔɔmɔ Skul Tsɔsemɔ lɛ He Sɛɛ wolo lɛ mli lɛ atsu nii jogbaŋŋ.

Min. 15: Ha ‘Bɔ ni Otsɔɔ Nii Ohaa’ lɛ Aya Hiɛ. Sɔɔmɔ nitsumɔ nɔkwɛlɔ lɛ loo onukpa kroko ni he esa atsɔɔ otii titrii enumɔ komɛi ni haa mɔ ko nitsɔɔmɔ mɔ̃ɔ shi jogbaŋŋ, taakɛ atsɔɔ yɛ kuku 5-18 ni yɔɔ January 15, 2008, Buu-Mɔɔ lɛ baafa 9-12 lɛ mli lɛ, ní ewie he kuku. Bi shiɛlɔ kome loo enyɔ komɛi ni nuɔ he akɛ sane ni yɔɔ Buu-Mɔɔ ni atsɛ yisɛɛ lɛ mli lɛ eye ebua amɛ ni amɛnitsɔɔmɔ etee hiɛ lɛ saji.

Lala 91

[Shishigbɛ niŋmai]

Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.