Teokrase Sɔɔmɔ Skul He Gbɛjianɔtoo Kɛha Afi 2009
GBƐTSƆƆMƆI
Gbɛjianɔ ni ato kɛha Teokrase Sɔɔmɔ Skul lɛ nɔkwɛmɔ yɛ afi 2009 mli lɛ ji nɔ ni nyiɛ sɛɛ nɛɛ.
WOJI NI AKƐBAATSU NII: Ga Biblia lɛ, “All Scripture Is Inspired of God and Beneficial” (1990 Nɔ̃) [si], Kasemɔ Nii Kɛjɛ Tsɔɔlɔ Kpele lɛ Ŋɔɔ [lr-GA], kɛ Reasoning From the Scriptures (Afi 1989 Nɔ̃) [rs].
Yɛ hei ni Reasoning From the Scriptures wolo lɛ ji wolo ni akɛbaatsu nii lɛ, atsɔɔ woji krokomɛi ni mɛi ni nyɛɛɛ akane Blɔfo lɛ baanyɛ amɛkɛtsu nii.
Esa akɛ aje skul lɛ shishi YƐ BE NAA PƐPƐƐPƐ koni ahere mɛi ni eba lɛ atuu, no sɛɛ lɛ atsa nifeemɔ lɛ nɔ taakɛ atsɔɔ mli yɛ sane ni nyiɛ sɛɛ nɛɛ mli lɛ. Kɛ́ nifeelɔ kome gbe enifeemɔ lɛ naa lɛ, skul nɔkwɛlɔ lɛ baatsɛ mɔ ni baanyiɛ sɛɛ lɛ.
BIBLIA KANEMƆ MLI SAJI OTII ANƆMIMAA: Minitii 10. Esa akɛ onukpa ko ni he esa loo asafoŋ sɔɔlɔ ko ni he esa kɛ klɛŋklɛŋ minitii ejwɛ lɛ asusu Ŋmalɛ mli saji otii ni je kpo yɛ Biblia kanemɔ kɛha otsi lɛ mli lɛ ahe. Nɔ ni baafee srɔto yɛ enɛ he pɛ ji kɛ́ Biblia kanemɔ kɛha otsi lɛ jeɔ shishi kɛ Biblia mli wolo ko klɛŋklɛŋ yitso. Kɛ́ ebalɛ nakai lɛ, esa akɛ ajie nifeemɔ kɛha klɛŋklɛŋ minitii ejwɛ lɛ kɛjɛ “All Scripture” wolo lɛ mli. [Mɛi ni bɛ“All Scripture” wolo lɛ eko yɛ amɛwiemɔi amli lɛ baanyɛ akwɛ “Yehowa Wiemɔ lɛ Hiɛ Kã” srɔtoi ni bɔi baa kɛjɛ January 1, 2004, Buu-Mɔɔ lɛ mli lɛ amli.] Ákɛ nɔkwɛmɔnɔ lɛ, abaasusu Mose Klɛŋklɛŋ Wolo lɛ klɛŋklɛŋ yitsei enumɔ lɛ ahe yɛ January 5 otsi lɛ mli, no hewɔ lɛ esa akɛ wielɔ lɛ ahala saji otii fioo komɛi kɛjɛ kukuji ni akɛkpá Mose Klɛŋklɛŋ Wolo lɛ hiɛ lɛ mli, taakɛ eyɔɔ “All Scripture” wolo lɛ mli lɛ. Esa akɛ etsu sane lɛ he nii bɔ ni ehe baaba sɛɛnamɔ kɛha asafo lɛ. Kɛ́ daa otsi Biblia kanemɔ lɛ he asusuɔ loo otii ni jɛ “All Scripture” wolo lɛ mli lɛ he asusuɔ jio lɛ, yiŋtoo titri ni yɔɔ sɛɛ ji koni akɛye abua toibolɔi lɛ ni amɛnu nɔ hewɔ kɛ bɔ ni sane lɛ he yɔɔ sɛɛnamɔ ha lɛ shishi. Esa akɛ wielɔ lɛ akwɛ jogbaŋŋ koni ekaye fe minitii ejwɛ ni akɛha kɛha wiemɔ lɛ shishijee fã lɛ. Esa akɛ ekwɛ koni eshi minitii ekpaa eha toibolɔi lɛ koni amɛkɛ hiŋmɛitswai 30 loo nɔ ni shɛɛɛ nakai awie kuku kɛtsɔɔ saji otii ni amɛná he miishɛɛ yɛ otsi lɛ Biblia kanemɔ lɛ mli. No sɛɛ lɛ, skul nɔkwɛlɔ lɛ baaha skulbii ni aha amɛ nifeemɔ yɛ skultsui krokomɛi amli lɛ aya.
NIFEEMƆ NI JI 1: Minitii 4 loo nɔ ni shɛɛɛ nakai. Enɛ ji nikanemɔ ni akɛbaaha nyɛmi nuu. Esa akɛ skulnyo lɛ akane nifeemɔ ni akɛwo edɛŋ lɛ ni ekpaaa hiɛ loo ní eeemu naa. Oti titri ni skul nɔkwɛlɔ lɛ baatsu he nii ji ní eye ebua skulbii lɛ koni amɛkane nii kɛ shishinumɔ, kɛ naatselɛ, ni amɛmamɔ saji otii lɛ anɔ mi jogbaŋŋ, ni amɛle bɔ ni atsakeɔ gbeeŋ ahaa, amɛle he ni ebaabi ni amɛmi amɛsɛŋ nu, kɛ bɔ ni amɛaakane nii taakɛ ale ni amɛwieɔ.
NIFEEMƆ NI JI 2: Minitii 5. Akɛ nifeemɔ nɛɛ baaha nyɛmi yoo. Abaatsɔɔ skulbii ni akɛ nifeemɔ nɛɛ woɔ amɛdɛŋ lɛ bɔ ni amɛfee lɛ amɛha, loo amɛbaanyɛ amɛhala gbɛ̀i srɔtoi ni atsɔɔ yɛ Ná Teokrase Sɔɔmɔ Skul Tsɔsemɔ lɛ He Sɛɛ wolo lɛ baafa 82 lɛ ateŋ eko. Esa akɛ skulnyo lɛ kɛ saneyitso ni akɛha lɛ lɛ atsu nii koni ekɛto shiɛmɔ nitsumɔ lɛ fã pɔtɛɛ ko ni yɔɔ ni anyɛɔ atsuɔ he nii yɛ asafo lɛ shikpɔŋkuku lɛ mli lɛ he. Kɛji akɛ atsɔɔɔ he ni ajie nifeemɔ lɛ kɛjɛ lɛ, ehe baahia ni skulnyo lɛ abua saji anaa kɛha nɛkɛ fã nɛɛ kɛtsɔ niiamlipɛimɔ ni eeefee yɛ wɔwoji lɛ amli lɛ nɔ. Nɔ titri ni skul nɔkwɛlɔ lɛ baakwɛ ji bɔ ni skulnyo lɛ baatsu nifeemɔ lɛ he nii eha, kɛ bɔ ni ebaaye ebua shianyɛ lɛ koni esusu Ŋmalɛi lɛ ahe ni enu saji otii titrii ni yɔɔ nifeemɔ lɛ mli lɛ ashishi. Skul nɔkwɛlɔ lɛ baato gbɛjianɔ koni yelikɛbualɔ kome afata ehe.
NIFEEMƆ NI JI 3: Minitii 5. Abaanyɛ akɛ nifeemɔ nɛɛ aha nyɛmi nuu loo nyɛmi yoo. Esa akɛ skulnyo lɛ kɛ nifeemɔ ni akɛha lɛ lɛ mli saneyitso lɛ ato ewiemɔ lɛ he gbɛjianɔ koni eha. Kɛji akɛ atsɔɔɔ he ni ajie nifeemɔ lɛ kɛjɛ lɛ, ehe baahia ni skulnyo lɛ abua saji anaa kɛha nɛkɛ fã nɛɛ kɛtsɔ niiamlipɛimɔ ni eeefee yɛ wɔwoji lɛ amli lɛ nɔ. Kɛ́ akɛ nifeemɔ lɛ wo nyɛmi nuu ko dɛŋ lɛ, esa akɛ atsu fã nɛɛ he nii akɛ wiemɔ ni ahaa tɛ̃ɛ, ni esa akɛ ekɔ toibolɔi ni yɔɔ Maŋtsɛyeli Asa lɛ nɔ lɛ ahe. Kɛ́ akɛ nifeemɔ nɛɛ ha nyɛmi yoo ko lɛ, esa akɛ etsu he nii tamɔ bɔ ni Nifeemɔ ni ji 2 lɛ ji lɛ nɔŋŋ. Nyɛfainɛ, nyɛkadia akɛ esa ákɛ akɛ saji ni asterisks (kadimɔnii) yɔɔ he lɛ aha nyɛmimɛi hii be fɛɛ be koni amɛtsu he nii akɛ wiemɔ ni ahaa lɛ tɛ̃ɛ, ni kɛ́ ebaahi lɛ mɔ nɛɛ afee asafoŋ onukpa loo asafoŋ sɔɔlɔ.
ŊAAWOO: Miniti 1 kɛmiimɔ 2. Skul nɔkwɛlɔ lɛ tsɔŋ hiɛ etsiŋ wiemɔ su ni skulnyo lɛ baatsu he nii lɛ tã. Yɛ Nifeemɔi ni ji 1, 2, kɛ 3 lɛ sɛɛ lɛ, skul nɔkwɛlɔ lɛ baawie nibii kpakpai ni eyɔse yɛ nifeemɔ lɛ mli ni sa yijiemɔ lɛ he, ni ebaagbala jwɛŋmɔ kɛya yiŋtoi pɔtɛɛi komɛi ahewɔ ni nakai nifeemɔ fã lɛ ji nɔ ni mɔɔ shi jogbaŋŋ lɛ nɔ, ni ebaafee nakai kɛtsɔ Sɔɔmɔ Skul wolo lɛ mli wiemɔi ayisɛɛ ni ebaatsɛ kpitiokpitio lɛ nɔ. Abaanyɛ akɛ ŋaawoo ni sa jogbaŋŋ aha yɛ teemɔŋ kɛ́ akpá kpee lɛ loo yɛ be kroko mli, yɛ skulnyo fɛɛ skulnyo hiamɔ nii naa.
BE: Esaaa akɛ wiemɔ ko ni ahaa lɛ tekeɔ be ni ato lɛ, loo ŋaawolɔ lɛ ŋaawoo lɛ tekeɔ be lɛ. Esa akɛ atsɔ ŋaa gbɛ nɔ afo Nifeemɔi ni ji 1, 2, kɛ 3 lɛ nɔ kɛji be lɛ shɛ. Kɛji nyɛmimɛi hii ni tsuɔ Biblia kanemɔ mli otii lɛ anɔmimaa lɛ he nii lɛ ye be lɛ, esa akɛ awo amɛ ŋaa yɛ teemɔŋ. Esa akɛ mɔ fɛɛ mɔ akwɛ ebe jogbaŋŋ. Gbɛjianɔtoo muu lɛ fɛɛ baahe: Minitii 30.
ŊAAWOO WOLO: Eyɛ Sɔɔmɔ Skul wolo lɛ mli.
ŊAAWOLƆ NI BAAYE EBUA: Onukpai akuu lɛ baanyɛ ahala onukpa ko ni he esa kɛji mɔ ko yɛ, ní efata skul nɔkwɛlɔ lɛ he koni etsu nii akɛ ŋaawolɔ ni yeɔ ebuaa. Kɛji ákɛ onukpai babaoo yɛ asafo lɛ mli lɛ, no lɛ daa afi lɛ, onukpa kroko ni he esa baanyɛ akwɛ nɛkɛ nitsumɔ nɛɛ nɔ. Ŋaawolɔ ni baaye abua lɛ nitsumɔ baafee ŋaawoo ni ekɛaaha nyɛmimɛi hii ni tsuɔ Biblia kanemɔ mli otii lɛ anɔmimaa ahe nii lɛ yɛ teemɔŋ, kɛji ehe miihia. Ehe ehiaaa ni ekɛ ŋaawoo aha yɛ wiemɔi ní nanemɛi onukpai kɛ asafoŋ sɔɔlɔi tsuɔ he nii nɛɛ ateŋ eko fɛɛ eko he.
TEOKRASE SƆƆMƆ SKUL MLITII: Minitii 20. Daa nyɔji enyɔ lɛ, skul nɔkwɛlɔ lɛ baatĩ saji amli. Dani enɛ baaba lɛ, abaatsɔ hiɛ asusu Biblia kanemɔ mli otii lɛ anɔmimaa lɛ he taakɛ atsɔɔ mli kɛtsɔ hiɛ lɛ. Saji ni abaati mli lɛ baadamɔ saji ní asusu he yɛ skul lɛ mli yɛ nyɔji enyɔ ni etsɔ hiɛ lɛ amli lɛ nɔ, ni otsi mli ni atiɔ saji lɛ amli lɛ mli nɔ̃ lɛ hu fata he. Kɛ́ nyɛsafo lɛ baaya kpokpaa nɔ kpee yɛ otsi ni akɛbaati saji amli lɛ mli lɛ, no lɛ esa akɛ atsí saji amlitĩi lɛ ato enɔ otsi, ní akɛ nakai otsi ni baaba lɛ mli gbɛjianɔtoo lɛ mli Nifeemɔi ni ji 1, 2, kɛ 3 lɛ atsu nii yɛ otsi ni nyɛbaaya kpee lɛ mli. Esaaa akɛ afeɔ tsakemɔi yɛ daa otsi Biblia kanemɔ gbɛjianɔtoo lɛ loo bɔ ni atsuɔ Biblia kanemɔ mli saji otii anɔmimaa lɛ he nii ahaa lɛ mli.
Nifeemɔ He Gbɛjianɔtoo
Jan. 5 Biblia kanemɔ: 1 Mose 1-5
No. 1: 1 Mose 3:1-15
No. 2: Nɔ Hewɔ ni Yesu Ji Tsɔɔlɔ Kpele Lɛ (lr-GA yitso 1)
No. 3: Mɛni Jeee Yaka Nii? (1 Kor. 15:58)
Jan. 12 Biblia kanemɔ: 1 Mose 6-10
No. 1: 1 Mose 9:1-17
No. 2: Hetoo ni Akɛaaha Mɛi ni Teɔ Shi Woɔ Nyɔŋmɔ Mli Hemɔkɛyeli ni Ayɔɔ Lɛ (rs bf. 150 kk. 3–bf. 151 kk. 3) (+bh-GA bf. 202-203, kk. 4-1)
No. 3: Wolo ni Jɛ Nyɔŋmɔ ni Yɔɔ Suɔmɔ lɛ Ŋɔɔ (lr-GA yitso 2)
Jan. 19 Biblia kanemɔ: 1 Mose 11-16
No. 1: 1 Mose 14:1-16
No. 2: Mɔ ni Fee Nibii Fɛɛ Lɛ (lr-GA yitso 3)
No. 3: Mɛɛ Gbɛ nɔ Yehowa Kudɔɔ Wɔ? (Yes. 64:8)
Jan. 26 Biblia kanemɔ: 1 Mose 17-20
No. 1: 1 Mose 17:1-17
No. 2: Nɔ Hewɔ ni Adesai Nyɛko Amɛto Nɔyeli ni Ja Amɛma Shi (rs bf. 152-153 kk. 1)
No. 3: Nyɔŋmɔ Yɛ Gbɛi (lr-GA yitso 4)
Feb. 2 Biblia kanemɔ: 1 Mose 21-24
No. 1: 1 Mose 22:1-18
No. 2: ‘Mibinuu lɛ Nɛ’ (lr-GA yitso 5)
No. 3: a Gbɛ̀i Anɔ ni Wɔbaanyɛ Wɔlɛɛ Suɔmɔ ni Wɔyɔɔ Kɛha Mɛi Krokomɛi lɛ Mli (2 Kor. 6:11-13)
Feb. 9 Biblia kanemɔ: 1 Mose 25-28
No. 1: 1 Mose 25:1-18
No. 2: Tsɔɔlɔ Kpele lɛ Sɔmɔ Mɛi Krokomɛi (lr-GA yitso 6)
No. 3: Nɔ Hewɔ ni Adesai Amɔdɛŋbɔɔ Akɛ Amɛkɛ Hejɔlɛ Aaaba lɛ Nyɛŋ Aye Omanye Lɛ (rs bf. 153 kk. 2–bf. 154 kk. 2) (+w04 11/1-GA 8 kk. 4)
Feb. 16 Biblia kanemɔ: 1 Mose 29-31
No. 1: 1 Mose 29:1-20
No. 2: Nɔ Hewɔ ni Esa Akɛ ‘Wɔkpa Yeyeeyefeemɔ’ (Mat. 6:25)
No. 3: Toiboo Buɔ Ohe (lr-GA yitso 7)
Feb. 23 Biblia kanemɔ: 1 Mose 32-35
Teokrase Sɔɔmɔ Skul Lɛ Mlitii
Mar. 2 Biblia kanemɔ: 1 Mose 36-39
No. 1: 1 Mose 39:1-16
No. 2: Mɛi Krokomɛi Anɔ Kwɔlɔ Fe Wɔ (lr-GA yitso 8)
No. 3: Nyɔŋmɔ Maŋtsɛyeli lɛ—Nɔ Pɛ ni Baatsu Adesai Ahiamɔ Nii Diɛŋtsɛ Ahe Nii (rs bf. 154 kk. 3–bf. 155 kk. 1)
Mar. 9 Biblia kanemɔ: 1 Mose 40-42
No. 1: 1 Mose 40:1-15
No. 2: Ehe Miihia ni Wɔte Shi Wɔwo Kaai (lr-GA yitso 9)
No. 3: b Kwɛmɔ Jogbaŋŋ yɛ Heyeli Mumɔ He!
Mar. 16 Biblia kanemɔ: 1 Mose 43-46
No. 1: 1 Mose 44:1-17
No. 2: Yesu Yɛ Hewalɛ Fe Daimonioi Lɛ (lr-GA yitso 10)
No. 3: Biblia Mli Gbalɛi Efee Nɔ ni Anyɛɔ Akɛ He Fɔ̃ɔ nɔ Kwraa (rs bf. 155 kk. 2-5) (+bh-GA p. 23 kk. 13-bf. 25 kk. 17)
Mar. 23 Biblia kanemɔ: 1 Mose 47-50
No. 1: 1 Mose 48:1-16
No. 2: Ani Esa akɛ Wɔshe Abonsam Gbeyei?
No. 3: Yelikɛbuamɔ ni Jɛ Nyɔŋmɔ Ŋwɛibɔfoi lɛ Aŋɔɔ (lr-GA yitso 11)
Mar. 30 Biblia kanemɔ: 2 Mose 1-6
No. 1: 2 Mose 1:1-19
No. 2: Yesu Tsɔɔ Wɔ Sɔlemɔ (lr-GA yitso 12)
No. 3: Ani Nyɔŋmɔ Mumɔ lɛ Mli Ajɛɔ Atsaa Mɛi yɛ Naakpɛɛ Gbɛ nɔ Ŋmɛnɛ Lɛ? (rs bf. 156-157 kk. 3)
Apr. 6 Biblia kanemɔ: 2 Mose 7-10
No. 1: 2 Mose 9:1-19
No. 2: Mɛi ni Batsɔmɔ Yesu Kaselɔi Lɛ (lr-GA yitso 13)
No. 3: c Mɛɛ Gbɛ nɔ Wɔbaanyɛ Wɔha Galatabii 6:2 kɛ Galatabii 6:5 Akpã Gbee Yɛ?
Apr. 13 Biblia kanemɔ: 2 Mose 11-14
No. 1: 2 Mose 12:21-36
No. 2: Nɔ Hewɔ ni Esa akɛ Wɔkɛ Tɔmɔ Ake (lr-GA yitso 14)
No. 3: Srɔtofeemɔ ni Yɔɔ Helai ni Yesu kɛ e-Bɔfoi lɛ Tsá lɛ kɛ Ŋmɛnɛ Nɔ̃ lɛ Teŋ (rs bf. 157 kk. 4–bf. 158 kk. 2)
Apr. 20 Biblia kanemɔ: 2 Mose 15-18
No. 1: 2 Mose 15:1-19
No. 2: Mɛni Fata He ni Aaatsi Kwraa Kɛjɛ Apasa Jamɔ He lɛ He?
No. 3: Nikasemɔ ni Kɔɔ Mlihilɛ He (lr-GA yitso 15)
Apr. 27 Biblia kanemɔ: 2 Mose 19-22
Teokrase Sɔɔmɔ Skul Mlitii
May 4 Biblia kanemɔ: 2 Mose 23-26
No. 1: 2 Mose 24:1-18
No. 2: Mɛni He Hiaa Waa Diɛŋtsɛ? (lr-GA yitso 16)
No. 3: Gbɛ ni Atsɔɔ nɔ Ayɔseɔ Anɔkwa Kristofoi Ŋmɛnɛ (rs bf. 158 kk. 3–bf. 159 kk. 1) (+bh-GA bf. 148 kk. 9; bf. 150 kk. 13)
May 11 Biblia kanemɔ: 2 Mose 27-29
No. 1: 2 Mose 29:1-18
No. 2: Gbɛ ni Obaatsɔ nɔ Oná Miishɛɛ (lr-GA yitso 17)
No. 3: d Anɔkwayeli ni Egba Afã kɛ Ehe Osharai
May 18 Biblia kanemɔ: 2 Mose 30-33
No. 1: 2 Mose 31:1-18
No. 2: Nɔ Hewɔ ni Akɛ Nikeenii ni Ji Helatsamɔ lɛ Ha yɛ Klɛŋklɛŋ Afii 100 lɛ Mli (rs bf. 159 kk. 2–bf. 160 kk. 2) (+w05 2/15-GA bf. 4, akrabatsa)
No. 3: Ani Okaiɔ akɛ Obaakɛɛ Miida Bo Shi? (lr-GA yitso 18)
May 25 Biblia kanemɔ: 2 Mose 34-37
No. 1: 2 Mose 37:1-24
No. 2: Ani Eja Gbɛ akɛ Onɔ? (lr-GA yitso 19)
No. 3: Mɛni Ji Nɔ Fɛɛ Nɔ Feemɔ Gbɛ ni Aŋmɛɔ, ni Mɛni Hewɔ Esa akɛ Wɔkwa Nakai Su Lɛ?
June 1 Biblia kanemɔ: 2 Mose 38-40
No. 1: 2 Mose 40:1-19
No. 2: Ani Osumɔɔ ni Ofee Klɛŋklɛŋ Mɔ Be Fɛɛ Be? (lr-GA yitso 20)
No. 3: Mɛɛ Helatsamɔ Diɛŋtsɛ He Hiɛnɔkamɔ Yɔɔ Kɛha Adesai? (rs bf. 160 kk. 3-5) (+w08 1/1-GA bf. 6 kk.3)
June 8 Biblia kanemɔ: 3 Mose 1-5
No. 1: 3 Mose 4:1-15
No. 2: Ani Esa akɛ Wɔshwã yɛ Nɔ ko He? (lr-GA yitso 21)
No. 3: e Mɛɛ Gbɛ nɔ Esa akɛ Kristofoi kɛ Hegbɛ ni Amɛyɔɔ lɛ Atsu Nii Yɛ?
June 15 Biblia kanemɔ: 3 Mose 6-9
No. 1: 3 Mose 8:1-17
No. 2: ‘Ani Oheɔ Tsamɔ Oyeɔ?’ (rs bf. 160 kk. 6–bf. 161 kk. 1)
No. 3: Nɔ Hewɔ ni Esaaa akɛ Wɔmaleɔ (lr-GA yitso 22)
June 22 Biblia kanemɔ: 3 Mose 10-13
No. 1: 3 Mose 11:29-45
No. 2: Nɔ Hewɔ ni Gbɔmɛi Ahe Yeɔ (lr-GA yitso 23)
No. 3: Jɔɔmɔi ni Kaselɔi ni Abaptisi Amɛ lɛ Náa
June 29 Biblia kanemɔ: 3 Mose 14-16
Teokrase Sɔɔmɔ Skul Mlitii
July 6 Biblia kanemɔ: 3 Mose 17-20
No. 1: 3 Mose 19:1-18
No. 2: Ani Wɔ Fɛɛ Wɔyɛ Mumɔŋ Shihilɛhe ko Dani Afɔ Wɔ akɛ Adesai? (rs bf. 161 kk. 2–bf. 162 kk. 3)
No. 3: Kaatsɔ Julɔ Kɔkɔɔkɔ! (lr-GA yitso 24)
July 13 Biblia kanemɔ: 3 Mose 21-24
No. 1: 3 Mose 22:17-33
No. 2: Ani Mɛi ni Feɔ Nibii Fɔji lɛ Baanyɛ Atsake? (lr-GA yitso 25)
No. 3: Bɔ ni Anɔkwa Kristofoi Susuɔ Ohiafoi Ahe
July 20 Biblia kanemɔ: 3 Mose 25-27
No. 1: 3 Mose 25:39-54
No. 2: Nɔ Hewɔ ni Ewa akɛ Aaafee Ekpakpa (lr-GA yitso 26)
No. 3: Eji Adam Efeee Esha Kulɛ, Ani Bɔ Fɛɛ Bɔ ni Fee lɛ Ebaaya Ŋwɛi? (rs bf. 162 kk. 4-5)
July 27 Biblia kanemɔ: 4 Mose 1-3
No. 1: 4 Mose 3:1-20
No. 2: Nɔ Hewɔ ni Mlijɔlɛ Biɔ ni Aná Henɔyeli
No. 3: Namɔ Ji o-Nyɔŋmɔ? (lr-GA yitso 27)
Aug. 3 Biblia kanemɔ: 4 Mose 4-6
No. 1: 4 Mose 4:1-16
No. 2: Bɔ ni Ooofee Ole Mɔ ni Esa akɛ Obo lɛ Toi (lr-GA yitso 28)
No. 3: Ani Esa akɛ Mɔ ko Aya Ŋwɛi Dani Ená Wɔsɛɛ Shihilɛ Kpakpa ni Miishɛɛ Yɔɔ Mli? (rs bf. 163 kk. 1-3)
Aug. 10 Biblia kanemɔ: 4 Mose 7-9
No. 1: 4 Mose 9:1-14
No. 2: Ani Okpɔlɔŋmɛɛi Kɛha Hiɛtserɛjiemɔi Fɛɛ Saa Nyɔŋmɔ Hiɛ? (lr-GA yitso 29)
No. 3: Gbɛ̀i Anɔ ni Wɔtsɔɔ Wɔyeɔ Yehowa Anɔkwa
Aug. 17 Biblia kanemɔ: 4 Mose 10-13
No. 1: 4 Mose 13:17-33
No. 2: Yelikɛbuamɔ Koni Wɔye Wɔ Gbeyeishemɔi Anɔ Kunim (lr-GA yitso 30)
No. 3: Mɛni Ji Nɔ ni 1 Petro 3:19, 20 lɛ Tsɔɔ? (rs bf. 163 kk. 4)
Aug. 24 Biblia kanemɔ: 4 Mose 14-16
No. 1: 4 Mose 14:26-43
No. 2: Kɛji Akɛɛ Mɔ Asumɔ Nyɔŋmɔ Mla lɛ Mɛni Etsɔɔ? (Lala 119:97)
No. 3: He ni Obaaná Miishɛjemɔ Kɛjɛ (lr-GA yitso 31)
Aug. 31 Biblia kanemɔ: 4 Moses 17-21
Teokrase Sɔɔmɔ Skul Mlitii
Sept. 7 Biblia kanemɔ: 4 Mose 22-25
No. 1: 4 Mose 22:20-35
No. 2: Bɔ ni Abu Yesu He Aha (lr-GA yitso 32)
No. 3: Mɛni Ji 1 Petro 4:6 lɛ Shishinumɔ? (rs bf. 163 kk. 5)
Sept. 14 Biblia kanemɔ: 4 Mose 26-29
No. 1: 4 Mose 27:1-14
No. 2: Mɛni Ji Ŋaawoo, ni Mɛni Hewɔ Ehe Hiaa Lɛ? (Efe. 6:4)
No. 3: Yesu Baanyɛ Abu Wɔhe (lr-GA yitso 33)
Sept. 21 Biblia kanemɔ: 4 Mose 30-32
No. 1: 4 Mose 32:1-15
No. 2: Mɛni Baaba kɛ́ Wɔgboi? (lr-GA yitso 34)
No. 3: Ani Ŋwɛi Shihilɛ Ji Kristofoi Fɛɛ Ahiɛnɔkamɔ? (rs bf. 164 kk. 1-3) (+pe-GA bf. 120 kk. 4-bf. 122 kk.7)
Sept. 28 Biblia kanemɔ: 4 Mose 33-36
No. 1: 4 Mose 33:1-23
No. 2: Wɔbaanyɛ Wɔte Shi Kɛjɛ Gbele Mli! (lr-GA yitso 35)
No. 3: Gbɛ̀i Anɔ ni Nyɔŋmɔ Maŋtsɛyeli lɛ Nɔ Kwɔ Kwraa Fe Adesai Anɔyelii lɛ Fɛɛ
Oct. 5 Biblia kanemɔ: 5 Mose 1-3
No. 1: 5 Mose 2:1-15
No. 2: Mɛni Ji Nɔ ni “Kpaŋmɔ Hee” lɛ Kɛɔ yɛ Naanɔ Wala yɛ Shikpɔŋ Nɔ lɛ He? (rs bf. 165 kk. 1–bf. 166 kk. 2)
No. 3: Namɛi Abaatee Amɛ Shi Lɛ? Nɛgbɛ Amɛbaahi? (lr-GA yitso 36)
Oct. 12 Biblia kanemɔ: 5 Mose 4-6
No. 1: 5 Mose 4:15-28
No. 2: Yehowa kɛ E-Bi lɛ ni Abaakai Amɛ (lr-GA yitso 37)
No. 3: Mɛɛ Be Mli Abaanyɛ Akɛɛ akɛ Nii Fioo ko Hi? (Abɛi 15:16)
Oct. 19 Biblia kanemɔ: 5 Mose 7-10
No. 1: 5 Mose 9:1-14
No. 2: Nɔ Hewɔ ni Esa akɛ Wɔsumɔ Yesu Sane (lr-GA yitso 38)
No. 3: Mɛi Enyiɛ Biblia lɛ Kɛ Ŋwɛi Shihilɛ He Hiɛnɔkamɔ lɛ Haa? (rs bf. 166 kk. 3-4) (+pe-GA bf. 124 kk.13, 14)
Oct. 26 Biblia kanemɔ: 5 Mose 11-13
Teokrase Sɔɔmɔ Skul Mlitii
Nov. 2 Biblia kanemɔ: 5 Mose 14-18
No. 1: 5 Mose 15:1-15
No. 2: Mɛɛ Nibii Fata Nyɔŋmɔ Gbeyeishemɔ He?
No. 3: Nyɔŋmɔ Kai E-Bi Lɛ (lr-GA yitso 39)
Nov. 9 Biblia kanemɔ: 5 Mose 19-22
No. 1: 5 Mose 22:1-19
No. 2: Bɔ ni Wɔɔfee ni Wɔha Nyɔŋmɔ Aná Miishɛɛ (lr-GA yitso 40)
No. 3: Ani Mɛi 144,000 lɛ Ji Heloonaa Yudafoi Pɛ? (rs bf. 166 kk. 5–bf. 167 kk. 3)
Nov. 16 Biblia kanemɔ: 5 Mose 23-27
No. 1: 5 Mose 25:1-16
No. 2: Gbekɛbii ni Haa Nyɔŋmɔ Náa Miishɛɛ (lr-GA yitso 41)
No. 3: f Mɛɛ Nibii Esa akɛ Wɔbu Amɛ akɛ Amɛyɛ Krɔŋkrɔŋ?
Nov. 23 Biblia kanemɔ: 5 Mose 28-31
No. 1: 5 Mose 30:1-14
No. 2: Nɔ Hewɔ ni Esa akɛ Wɔtsu Nii (lr-GA yitso 42)
No. 3: Mɛɛ Ŋmalɛ Naa Hiɛnɔkamɔ Yɔɔ Kɛha “Asafo Babaoo” Lɛ? (rs bf. 167 kk. 4–bf. 168 kk. 1) (+wt-GA bf. 120 kk. 2–bf. 121 kk. 4)
Nov. 30 Biblia kanemɔ: 5 Mose 32-34
No. 1: 5 Mose 32:1-21
No. 2: Mɛni Ji “Yehowa Gbi Wulu” Lɛ? (Zef. 1:14)
No. 3: Namɛi Ji Wɔnyɛmimɛi Hii kɛ Yei Lɛ? (lr-GA yitso 43)
Dec. 7 Biblia kanemɔ: Yoshua 1-5
No. 1: Yoshua 5:1-15
No. 2: Esa akɛ Wɔnanemɛi Asumɔ Nyɔŋmɔ (lr-GA yitso 44)
No. 3: Mɛni Ji Nyɔŋmɔ Maŋtsɛyeli Lɛ? Bɔ ni Wɔɔtsɔɔ akɛ Wɔsumɔɔ No (lr-GA yitso 45)
Dec. 14 Biblia kanemɔ: Yoshua 6-8
No. 1: Yoshua 8:1-17
No. 2: Nu Fite Jeŋ Ko—Ani Ebaaba Ekoŋŋ? (lr-GA yitso 46)
No. 3: Mɛni Hewɔ Jajelɔ 7:21, 22 lɛ Ji Ŋaawoo Kpakpa Lɛ?
Dec. 21 Biblia kanemɔ: Yoshua 9-11
No. 1: Yoshua 9:1-15
No. 2: Bɔ ni Wɔfeɔ Wɔleɔ akɛ Harmagedon Ebɛŋkɛ (lr-GA yitso 47)
No. 3: Nyɔŋmɔ Toiŋjɔlɛ Jeŋ Hee Lɛ—Obaanyɛ Ohi Jɛmɛ (lr-GA yitso 48)
Dec. 28 Biblia kanemɔ: Yoshua 12-15
Teokrase Sɔɔmɔ Skul Mlitii
[Shishigbɛ niŋmai]
a Akɛha nyɛmimɛi hii pɛ, kɛ́ eeehi lɛ asafoŋ onukpai loo asafoŋ sɔɔlɔi.
b Akɛha nyɛmimɛi hii pɛ, kɛ́ eeehi lɛ asafoŋ onukpai loo asafoŋ sɔɔlɔi.
c Akɛha nyɛmimɛi hii pɛ, kɛ́ eeehi lɛ asafoŋ onukpai loo asafoŋ sɔɔlɔi.
d Akɛha nyɛmimɛi hii pɛ, kɛ́ eeehi lɛ asafoŋ onukpai loo asafoŋ sɔɔlɔi.
e Akɛha nyɛmimɛi hii pɛ, kɛ́ eeehi lɛ asafoŋ onukpai loo asafoŋ sɔɔlɔi.
f Akɛha nyɛmimɛi hii pɛ, kɛ́ eeehi lɛ asafoŋ onukpai loo asafoŋ sɔɔlɔi.
+Niiamlitaomɔi krokomɛi ni fata he kɛha mɛi ni nyɛɛɛ akane Blɔfo lɛ.