Sɔɔmɔ Kpee He Gbɛjianɔtoo
KADIMƆ: Akɛ “Okɛ nɔ ní Ŋmalɛ lɛ Kɛɔ yɛ Yarafeemɔ He lɛ Atsu Nii” Fã ni ji Enyɔ lɛ ewo nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ mli, ni abaasusu he yɛ July 21 kɛ July 28 otsii lɛ amli. Kɛ́ nyɛbaaya kpokpaa nɔ kpee yɛ nɛkɛ otsii nɛɛ eko mli lɛ, no lɛ esa akɛ onukpai lɛ ato fãi nɛɛ ahe gbɛjianɔ ni afee yɛ otsi kroko mli, ni akɛ be ni ato akɛ akɛtsu he nii lɛ nɔŋŋ afee.
Otsi ni Jeɔ Shishi July 14
Min. 12: Asafoŋ adafitswai. Wó mɛi fɛɛ hewalɛ ni amɛsaa amɛhe kɛha nɔ ni aŋma ahɔ Wɔ Maŋtsɛyeli Sɔɔmɔ nɛɛ mli lɛ kuku 1-9 lɛ hesusumɔ yɛ otsi ni nyiɛ sɛɛ lɛ mli. Saamɔ Ohe ni Okɛ Woji Tɛtrɛbii Heei lɛ Aha. Toibolɔi ni akɛaagba sane. Beni okpa July kɛ August Buu-Mɔɔ kɛ Awake! lɛ hiɛ kuku sɛɛ lɛ, bi toibolɔi lɛ ni amɛtsɔɔ saji ni yɔɔ woji tɛtrɛbii lɛ amli lɛ ateŋ nɔ ni mɛi ni yɔɔ shikpɔŋkuku lɛ mli lɛ baanya he, kɛ nɔ hewɔ ni amɛkɛɔ nakai. Ha akɛ shiɛmɔ wiemɔi ni yɔɔ Wɔ Maŋtsɛyeli Sɔɔmɔ lɛ mli lɛ ekome loo nɔ ni toibolɔi lɛ etsɔɔ lɛ ekome atsu nii ni akɛfee nɔkwɛmɔnɔ ni tsɔɔ bɔ ni abaafee akɛ woji tɛtrɛbii lɛ ateŋ ekome loo enyɔ aha.
Min. 15: “Wɔbaakase Weku Miishɛɛ Wolo Lɛ.” Tsɔɔmɔ nibii ni sa kadimɔ waa yɛ wolo lɛ he. Wiemɔ gbɛjianɔ ni ato kɛha wolo lɛ kasemɔ kɛ gbɛtsɔɔmɔi ni akɛha yɛ Wɔ Maŋtsɛyeli Sɔɔmɔ nɛɛ baafa 7 lɛ he. Wó mɛi fɛɛ hewalɛ ni amɛya kpee lɛ daa ni amɛkɛ amɛhe awo sane hetoohamɔ lɛ mli kɛmɔ shi. Okɛ be fioo ko abi shiɛlɔ kome loo enyɔ ni ale amɛ akɛ mɛi ni kaseɔ wolo ni abaakase yɛ kpeei ashishi lɛ jogbaŋŋ dani amɛyaa lɛ saji, ni obi amɛ ni amɛtsɔɔ nɔ hewɔ ni amɛfeɔ nakai lɛ.
Min. 18: “Hesaamɔ—Nɔ̃ Titri ni Haa Sɛɛkuu-kɛsaramɔ Mɔ̃ɔ Shi.” Ha akɛ miniti ejwɛ afee nɔkwɛmɔnɔ ko ni tsɔɔ shiɛlɔ ko ni miisaa ehe ní eyafee sɛɛkuu-kɛsaramɔ ni kɛ ehe miiwie. Ekwɛ nibii ni eŋmala eshwie shi lɛ mli ni ena akɛ esa akɛ eyasara mɛi enyɔ yɛ otsi nɛɛ naagbee. No sɛɛ lɛ, ekwɛ nibii ni ekɛ mɛi enyɔ lɛ ekase kɛho lɛ mli, kɛkɛ ni esusu oti hewɔ ni eyaa jɛmɛ lɛ he, ni ekɛ nɔ ni baaha eshɛ nakai oti lɛ he lɛ saa ehe. Esaa ehe koni ekɛ mɔ kome afee Biblia mli nikasemɔ. Ni etsɔ gbɛtsɔɔmɔi ni akɛha yɛ kuku 5 lɛ mli lɛ eko nɔ esaa ehe koni etée mɔ kroko lɛ miishɛɛ shi.
Otsi ni Jeɔ Shishi July 21
Min. 5: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Kanemɔ shika he akɔntaabuu lɛ, ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ.
Min. 40: “Okɛ nɔ ní Ŋmalɛ lɛ Kɛɔ yɛ Yarafeemɔ He lɛ Atsu Nii—Fã 2.” Okɛ toibolɔi lɛ asusu kuku 1-9 lɛ he. Onukpa ko ni feɔ nɔkwɛmɔnɔ kpakpa yɛ sane nɛɛ mli lɛ baatsu he nii. Esa akɛ akane kukuji lɛ fɛɛ. Akane ŋmalɛi lɛ ekomɛi, ni asusu he. Wó toibolɔi lɛ hewalɛ ní amɛkɛ ŋmalɛi lɛ atsu nii kɛ́ amɛmiiha saji lɛ ahetoo, ni amɛtsɔɔ bɔ ni shishitoo mlai ni yɔɔ ŋmalɛi lɛ amli lɛ baanyɛ akɔ sane ni asusuɔ he lɛ he. Wó mɛi fɛɛ hewalɛ ni amɛsaa amɛhe kɛha kuku 10-17 ni abaasusu he otsi ni nyiɛ sɛɛ lɛ.
Otsi ni Jeɔ Shishi July 28
Lala 225
Min. 5: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha July lɛ aha. Tsɔɔmɔ wolo ni akɛbaaha yɛ August.
Min. 40: “Okɛ nɔ ní Ŋmalɛ lɛ Kɛɔ yɛ Yarafeemɔ He lɛ Atsu Nii—Fã 2.” Okɛ toibolɔi lɛ asusu kuku 10-17 lɛ he. Onukpa ni tsu sane nɛɛ he nii otsi ni tsɔ hiɛ lɛ nɔŋŋ baatsu he nii. Esa akɛ akane kukuji lɛ fɛɛ. Akane ŋmalɛi lɛ ekomɛi, ni asusu he. Wó toibolɔi lɛ hewalɛ ní amɛkɛ ŋmalɛi lɛ atsu nii kɛ́ amɛmiiha saji lɛ ahetoo, ni amɛtsɔɔ bɔ ni shishitoo mlai ni yɔɔ ŋmalɛi lɛ amli lɛ baanyɛ akɔ sane ni asusuɔ he lɛ he. Wó mɛi fɛɛ hewalɛ ni amɛkɛ ŋaawoo ni tsɔɔ akɛ esa akɛ amɛŋmala bɔ ni amɛbaasumɔ ni afee amɛyara aha kɛ́ amɛgboi lɛ amɛshwie shi amrɔ nɔŋŋ lɛ atsu nii. Tsɔɔmɔ sɛɛnamɔi ni yɔɔ nakai feemɔ he.
Lala 203
Otsi ni Jeɔ Shishi August 4
Lala 222
Min. 15: Asafoŋ adafitswai. Nyɛhaa Wɔyaa Nɔ Wɔkɛ Hiɛdɔɔ Atsua Saji Ahe Nii. Wiemɔ ni yɔɔ miishɛɛ ni abaajɛ December 15, 2006 Buu-Mɔɔ lɛ baafa 18-19, kuku 17-21 lɛ mli aha.
Min. 12: Ani Obii lɛ Esaa Amɛhe yɛ bɔ ni Amɛbaafee Amɛkpee Naagbai ní Amɛkɛkpeɔ yɛ Skul akɛ Kristofoi lɛ Naa? Wiemɔ kɛ toibolɔi ni akɛaagba sane. Wiemɔ naagbai ni oblahii kɛ oblayei ni ji Kristofoi lɛ kɛkpeɔ yɛ skul lɛ ekomɛi ahe. Tsɔɔmɔ bɔ ni fɔlɔi kɛ amɛbii lɛ baanyɛ amɛkɛ Watch Tower Publications Index lɛ atsu nii kɛtao saji ni baanyɛ aye abua amɛ lɛ mli. Okɛ nɔkwɛmɔnii komɛi aha. (Kwɛmɔ saneyitso ni ji “Schools” lɛ shishi saneyitso bibioo ni ji “experiences” lɛ.) Bi toibolɔi lɛ ateŋ mɛi ni atsɔse amɛ yɛ Kristofoi ashĩai amli lɛ ni amɛtsɔɔ bɔ ni amɛfɔlɔi waje amɛ koni amɛnyɛ amɛdamɔ naagbai anaa ni amɛkɛ Biblia lɛ atsu nii yɛ skul. Amɛbaanyɛ amɛwie skul nifeemɔi ni amɛfee ni amɛná saneyitsei lɛ kɛjɛ Awake! lɛ mli lɛ hu ahe. Ha amɛtsɔɔ bɔ ni amɛhe ni amɛsaa kɛha naagbai ni baa yɛ skul lɛ bu amɛhe.
Min. 18: “Wɔmiikumɔ Mɔji Wuji.” Bi toibolɔi lɛ ni amɛtsɔɔ bɔ ni amɛ-Biblia tsɔɔlɔi lɛ ye bua amɛ koni amɛŋmɛɛ jamɔ mli apasa hemɔkɛyelii ni ehe shi waa lɛ ahe.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.