Adafitswai

◼ Wolo ni akɛbaaha yɛ April kɛ May: Buu-Mɔɔ kɛ Awake! woji tɛtrɛbii lɛ. Abaabɔ mɔdɛŋ waa ni ayasara mɛi heei ni yɔɔ wiemɔ lɛ he miishɛɛ ni ba Kaimɔ lɛ kɛ maŋshiɛmɔ krɛdɛɛ lɛ shishi, shi amɛkɛ asafo lɛ ebɔɔɔ daa lɛ. Yiŋtoo ni yɔɔ saramɔ nɛɛ sɛɛ ji ní akɛ mɛi ni akɛ amɛ bɔiko nikasemɔ lɛ aje shĩa Biblia mli nikasemɔ shishi. June: Mɛni Biblia lɛ Tsɔɔ Diɛŋtsɛ? Bɔɔ mɔdɛŋ ni oje Biblia mli nikasemɔi ashishi. July: Nyɛkɛ woji bibii ni hiɛ baafai 32 ni sa ni nyɛyɔɔ eko lɛ aha.

◼ Esa akɛ asafoŋ woloŋmalɔi lɛ ahiɛ Application for Regular Pioneer Service (S-205) kɛ Application for Auxiliary Pioneer Service (S-205b) woji lɛ saŋŋ be fɛɛ be. Abaanyɛ akɛ Literature Request Form (S-14) wolo lɛ ashɛ woji nɛɛ. Kɛ hooo lɛ, nyɛhiɛa bɔ ni fá ní abaanyɛ akɛtsu nii afi. Dani nyɛkɛ daa gbɛgbalɔ gbɛbimɔ woji aaamaje nitsumɔhe nine lɛ, nyɛkwɛa akɛ aŋmala nɔ nii fɛɛ agbe naa lo.

◼ Ehe miihia ni nitsumɔhe nine lɛ ahiɛ onukpai asɛinɔtalɔi kɛ woloŋmalɔi fɛɛ adrɛs kɛ amɛtɛlifoŋ nɔmbai ni ja be fɛɛ be. Kɛ tsakemɔ ko ba yɛ be ko mli lɛ, esa akɛ Asafoŋ Sɔɔmɔ Ajinafoi Akuu lɛ aŋma wolo koni amɛkɛha nitsumɔhe nine lɛ ale amrɔ nɔŋŋ. Agbɛnɛ hu lɛ, kɛ́ amɛtɛlifoŋ nɔmbai loo mɛi ni abaanyɛ atswa kɛtsɔ amɛnɔ lɛ tsake lɛ, esa akɛ amɛha ale enɛ hu amrɔ nɔŋŋ.

◼ Be fɛɛ be ni obaasumɔ ni ofã gbɛ kɛya maŋ kroko nɔ, ní eyɛ ogbɛjianɔtoo mli akɛ obaaya asafoŋ kpeei, kpokpaa nɔ kpee, loo kpokpaa wulu nɔ kpee lɛ, no lɛ okɛ wolo ni obaaŋma kɛbi saji ni kɔɔ gbii, bei, kɛ hei ni obaaya kpeei nɛɛ yɛ lɛ he lɛ amaje nitsumɔhe nine ní kwɛɔ nitsumɔ lɛ nɔ yɛ maŋ nɔ ni oyaa lɛ tɛɛ. Ato nitsumɔhe niji lɛ adrɛs anaa yɛ Yearbook ni ba nyɛsɛɛ nɛɛ naagbee baafa lɛ mli.

◼ Esa akɛ asafoŋ woloŋmalɔi kɛ Kaimɔ lɛ he amaniɛbɔɔ lɛ amaje kɛ́ agbe nifeemɔ lɛ naa nɔŋŋ. Kɛ́ asafoi ni fá fe ekome baafee ekome kɛye Kaimɔ lɛ, no lɛ esa akɛ asafo ni asafo krokomɛi lɛ bafata ehe lɛ PƐ kɛ Kaimɔ lɛ he amaniɛbɔɔ lɛ amaje, ní etsĩ asafoi ni amɛkɛ amɛ fee ekome kɛye lɛ agbɛi atã yɛ wolo lɛ nɔ. Aabi ni onukpai asɛinɔtalɔi lɛ akwɛ koni akɛ amaniɛbɔɔ lɛ amaje mra.