Teokrase Sɔɔmɔ Skul He Gbɛjianɔtoo Kɛha Afi 2008

Gbɛtsɔɔmɔi

Gbɛjianɔ ni ato kɛha Teokrase Sɔɔmɔ Skul lɛ nɔkwɛmɔ yɛ afi 2008 mli ji nɔ ni nyiɛ sɛɛ nɛɛ.

WOJI NI AKƐBAATSU NII: Ga Biblia lɛ, Ná Teokrase Sɔɔmɔ Skul Tsɔsemɔ lɛ He Sɛɛ [be-GA], “Ŋmalɛ Fɛɛ Ŋmalɛ”—Eja ni Sɛɛnamɔ yɛ He [bsi08-GA Kpo 1 kɛ 2]*, kɛ Reasoning From the Scriptures (Afi 1989 Nɔ̃) [rs].

Yɛ hei ni atsɔɔ akɛ Reasoning From the Scriptures lɛ ji wolo ní akɛbaatsu nii lɛ, akɛ woji krokomɛi ni mɛi ni nyɛɛɛ blɔfo akane lɛ baanyɛ amɛkɛtsu nii lɛ efata he.

Esa akɛ aje skul lɛ shishi YƐ BE NAA PƐPƐƐPƐ kɛ lala, kɛ sɔlemɔ, koni ahere mɛi ni eba lɛ atuu, ní no sɛɛ lɛ, atsa nifeemɔ lɛ nɔ taakɛ atsɔɔ mli yɛ sane ni nyiɛ sɛɛ nɛɛ mli lɛ. Kɛ́ nifeelɔ kome gbe enifeemɔ naa lɛ, skul nɔkwɛlɔ lɛ baatsɛ mɔ ni baanyiɛ sɛɛ lɛ.

WIEMƆ SU: Minitii 5. Skul nɔkwɛlɔ lɛ, mɔ ni yeɔ buaa lɛ kɛwoɔ ŋaa lɛ, loo onukpa kroko ni he esa baawie wiemɔ su ni damɔ nikasemɔ wolo ni ji Sɔɔmɔ Skul lɛ nɔ lɛ he. (Yɛ asafoi ni onukpai ni yɔɔ mli lɛ ayi faaa lɛ, abaanyɛ akɛ asafoŋ sɔɔlɔi komɛi ni he esa atsu nii.)

NIFEEMƆ NI JI 1: Minitii 10. Esa akɛ onukpa ko ni he esa loo asafoŋ sɔɔlɔ ko ni he esa atsu enɛ he nii, ni Ná Teokrase Sɔɔmɔ Skul Tsɔsemɔ lɛ He Sɛɛ, loo “Ŋmalɛ Fɛɛ Ŋmalɛ”—Eja ni Sɛɛnamɔ yɛ He [*bsi08-GA Kpo 1 kɛ 2] woji lɛ amli abaajɛ atsu nifeemɔ nɛɛ he nii. Esa ákɛ akɛ minitii nyɔŋma aha akɛ tsɔsemɔ wiemɔ ní sanebimɔi kɛ hetooi fataaa he. Esa akɛ agbala jwɛŋmɔ kɛya bɔ ni saji ni asusuɔ he lɛ he yɔɔ sɛɛnamɔ waa ha lɛ nɔ, ní ama nibii ni he baaba sɛɛnamɔ babaoo kɛha asafo lɛ nɔ mi moŋ fe nɔ ni aaawie sane muu lɛ fɛɛ he kɛkɛ. Esa ákɛ akɛ saneyitso ni akɛha lɛ atsu nii. Aakpa gbɛ akɛ nyɛmimɛi hii ni akɛ nifeemɔ nɛɛ woɔ amɛdɛŋ lɛ baakwɛ jogbaŋŋ koni amɛye be ni akɛha lɛ nɔ pɛpɛɛpɛ. Abaanyɛ akɛ ŋaawoo aha yɛ teemɔŋ kɛ́ ehe miihia.

BIBLIA KANEMƆ MLI SAJI OTII ANƆMIMAA: Minitii 10. Esa akɛ onukpa ko ni he esa loo asafoŋ sɔɔlɔ ko ni he esa kɛ klɛŋklɛŋ minitii enumɔ lɛ atsu enɛ he nii, ni eha wiemɔ lɛ akɔ asafo lɛ hiamɔ nii ahe. Ebaanyɛ ewie Biblia kanemɔ kɛha otsi lɛ eko fɛɛ eko he. Esaaa akɛ enɛ feɔ Biblia kanemɔ ni akɛha lɛ amli sane ni abaawie he kuku ko kɛkɛ. Yiŋtoo titri ni yɔɔ sɛɛ ji koni aye abua toibolɔi lɛ ni amɛnu nɔ hewɔ kɛ bɔ ni sane lɛ he yɔɔ sɛɛnamɔ ha lɛ shishi. Esa akɛ wielɔ lɛ akwɛ jogbaŋŋ koni ekaye fe minitii enumɔ ni akɛha kɛha wiemɔ lɛ shishijee fã lɛ. Esa akɛ ekwɛ koni eshi naagbee minitii enumɔ lɛ eha toibolɔi lɛ koni amɛkɛ amɛhe awo nifeemɔ lɛ mli. Esa akɛ aha toibolɔi lɛ atsɔɔ saji otii ni amɛná he miishɛɛ yɛ Biblia kanemɔ lɛ mli kɛ sɛɛnamɔi ni yɔɔ nakai saji lɛ ahe. Esa akɛ amɛwiemɔi lɛ afee kukuji (nɔ ni baahe hiŋmɛitswai 30 loo nɔ ni shɛɛɛ nakai). No sɛɛ lɛ, skul nɔkwɛlɔ lɛ baaŋmɛ skulbii ni aha amɛ nifeemɔ yɛ skultsui krokomɛi amli lɛ agbɛ koni amɛya.

NIFEEMƆ NI JI 2: Minitii 4 loo nɔ ni shɛɛɛ nakai. Enɛ ji nikanemɔ ni akɛbaaha nyɛmi nuu. Esa akɛ skulnyo lɛ akane nifeemɔ ni akɛwo edɛŋ lɛ ni ekpaaa hiɛ loo ní eeemu naa. Oti titri ni skul nɔkwɛlɔ lɛ baatsu he nii ji ní eye ebua skulbii lɛ koni amɛkane nii kɛ shishinumɔ, kɛ naatselɛ, ni amɛmamɔ saji otii lɛ anɔ mi jogbaŋŋ, ni amɛle bɔ ni atsakeɔ gbeeŋ ahaa, amɛle he ni ebaabi ni amɛmi amɛsɛŋ nu, kɛ bɔ ni amɛaakane nii taakɛ ale ni amɛwieɔ.

NIFEEMƆ NI JI 3: Minitii 5. Akɛ nifeemɔ nɛɛ baaha nyɛmi yoo. Abaatsɔɔ skulbii ni akɛ nifeemɔ nɛɛ woɔ amɛdɛŋ lɛ bɔ ni amɛfee lɛ amɛha, loo amɛbaanyɛ amɛhala gbɛ̀i srɔtoi ni atsɔɔ yɛ nikasemɔ wolo ni ji Sɔɔmɔ Skul lɛ baafa 82 lɛ ateŋ eko. Esa akɛ skulnyo lɛ kɛ saneyitso ni akɛha lɛ lɛ atsu nii koni ekɛto shiɛmɔ nitsumɔ lɛ fã pɔtɛɛ ko ni yɔɔ ni anyɛɔ atsuɔ he nii yɛ asafo lɛ shikpɔŋkuku lɛ mli lɛ he. Kɛji akɛ atsɔɔɔ he ni ajie nifeemɔ lɛ kɛjɛ lɛ, ehe baahia ni skulnyo lɛ abua saji anaa kɛha nɛkɛ fã nɛɛ kɛtsɔ niiamlipɛimɔ ni eeefee yɛ wɔwoji lɛ amli lɛ nɔ. Esa ákɛ akɛ nifeemɔi ni atsɔɔ he ni abaana saji lɛ yɛ lɛ aha skulbii heei lɛ. Nɔ titri ni esa akɛ skul nɔkwɛlɔ lɛ akwɛ ji bɔ ni skulnyo lɛ baatsu nifeemɔ lɛ he nii eha, kɛ bɔ ni ebaaye ebua shianyɛ lɛ koni esusu Ŋmalɛi lɛ ahe ni enu saji otii titrii ni yɔɔ nifeemɔ lɛ mli lɛ ashishi. Skul nɔkwɛlɔ lɛ baato gbɛjianɔ koni yelikɛbualɔ kome afata ehe.

NIFEEMƆ NI JI 4: Minitii 5. Esa akɛ skulnyo lɛ kɛ nifeemɔ ni akɛha lɛ lɛ mli saneyitso lɛ ato ewiemɔ lɛ he gbɛjianɔ koni eha. Kɛji akɛ atsɔɔɔ he ni ajie nifeemɔ lɛ kɛjɛ lɛ, ehe baahia ni skulnyo lɛ abua saji anaa kɛha nɛkɛ fã nɛɛ kɛtsɔ niiamlipɛimɔ ni eeefee yɛ wɔwoji lɛ amli lɛ nɔ. Kɛ́ akɛ nifeemɔ lɛ wo nyɛmi nuu ko dɛŋ lɛ, esa akɛ atsu fã nɛɛ he nii akɛ wiemɔ ni ahaa tɛ̃ɛ, ni esa akɛ ekɔ toibolɔi ni yɔɔ Maŋtsɛyeli Asa lɛ nɔ lɛ ahe. Kɛ́ akɛ nifeemɔ nɛɛ ha nyɛmi yoo ko lɛ, esa akɛ etsu he nii tamɔ bɔ ni Nifeemɔ ni ji 3 lɛ ji lɛ nɔŋŋ. Skul nɔkwɛlɔ lɛ baanyɛ ekɛ Nifeemɔ ni ji 4 lɛ aha nyɛmi nuu ko be fɛɛ be ni enaa akɛ ehi akɛ efee nakai. Nyɛfainɛ, nyɛkadia akɛ esa ákɛ akɛ saji ni asterisks (kadimɔnii) yɔɔ he lɛ aha nyɛmimɛi hii be fɛɛ be koni amɛtsu he nii akɛ wiemɔ ni ahaa lɛ tɛ̃ɛ. Kɛ́ onukpai kɛ asafoŋ sɔɔlɔi babaoo yɛ nyɛsafo lɛ mli ni baatsu Teokrase Sɔɔmɔ Skul lɛ kɛ Sɔɔmɔ Kpee lɛ fãi srɔtoi lɛ ahe nii lɛ, no lɛ kɛ́ eeehi lɛ, esa ákɛ akɛ saneyitsei ni asterisks yɔɔ he lɛ aha asafoŋ onukpa loo asafoŋ sɔɔlɔ.

ŊAAWOO: Miniti 1. Skul nɔkwɛlɔ lɛ tsɔŋ hiɛ etsiŋ wiemɔ su ni skulnyo lɛ baafee lɛ tã. Yɛ Nifeemɔ ni ji 2, 3, kɛ 4 lɛ sɛɛ lɛ, skul nɔkwɛlɔ lɛ baawie nibii kpakpai ni eyɔse yɛ nifeemɔ lɛ mli ni sa yijiemɔ lɛ he. Oti ni ma ehiɛ lɛ jeee ni ekɛɛ kɛkɛ akɛ “obɔ mɔdɛŋ,” shi moŋ, koni egbala jwɛŋmɔ kɛya yiŋtoi pɔtɛɛi komɛi ahewɔ ni nakai nifeemɔ lɛ fã lɛ ji nɔ ni mɔɔ shi jogbaŋŋ lɛ nɔ. Abaanyɛ akɛ ŋaawoo ni sa jogbaŋŋ aha yɛ teemɔŋ yɛ kpee lɛ sɛɛ loo yɛ be kroko mli, yɛ skulnyo fɛɛ skulnyo hiamɔ nii anaa.

BE: Esaaa akɛ wiemɔ ko ni ahaa lɛ tekeɔ be ni ato lɛ, loo ŋaawolɔ lɛ ŋaawoo lɛ tekeɔ be lɛ. Esa akɛ atsɔ ŋaa gbɛ nɔ afo Nifeemɔ ni ji 2 kɛyashi Nifeemɔ ni ji 4 lɛ nɔ kɛji be lɛ shɛ. Kɛji nyɛmimɛi hii ni tsuɔ shishijee wiemɔ lɛ he nii yɛ wiemɔ su, Nifeemɔ ni ji 1, loo Biblia kanemɔ mli otii lɛ anɔmimaa he lɛ ye be lɛ, esa akɛ awo amɛ ŋaa yɛ teemɔŋ. Esa akɛ mɔ fɛɛ mɔ akwɛ be lɛ jogbaŋŋ. Gbɛjianɔtoo muu lɛ fɛɛ baahe: Minitii 45, ni lala kɛ sɔlemɔ fataaa he.

ŊAAWOO WOLO: Eyɛ skul wolo lɛ mli.

ŊAAWOLƆ NI YEƆ BUAA: Onukpai akuu lɛ baanyɛ ahala onukpa ko ni he esa kɛji mɔ ko yɛ, kɛfata skul nɔkwɛlɔ lɛ he koni etsu nii akɛ ŋaawolɔ ni yeɔ ebuaa. Kɛji ákɛ onukpai babaoo yɛ asafo lɛ mli lɛ, no lɛ daa afi lɛ, onukpa kroko ni he esa baanyɛ akwɛ nɛkɛ nitsumɔ nɛɛ nɔ. Ŋaawolɔ ni yeɔ ebuaa lɛ nitsumɔ baafee ŋaawoo ni ekɛaaha nyɛmimɛi hii ni tsuɔ Nifeemɔ ni ji 1 lɛ kɛ Biblia kanemɔ mli otii lɛ anɔmimaa ahe nii lɛ yɛ teemɔŋ, kɛji ehe miihia. Ehe ehiaaa ni ekɛ ŋaawoo aha yɛ wiemɔi ní nanemɛi onukpai kɛ asafoŋ sɔɔlɔi tsuɔ he nii nɛɛ ateŋ eko fɛɛ eko he.

SAJI AMLITĨI KƐTSƆ SANEBIMƆI KƐ HETOOI ANƆ: Minitii 30. Daa nyɔji enyɔ lɛ, skul nɔkwɛlɔ lɛ baatĩ saji amli kɛtsɔ sanebimɔi kɛ hetooi anɔ. Dani enɛ baaba lɛ abaatsɔ hiɛ asusu wiemɔ su ko kɛ Biblia kanemɔ mli otii lɛ anɔmimaa he taakɛ atsɔɔ mli kɛtsɔ hiɛ lɛ. Saji amlitĩi kɛtsɔ sanebimɔi kɛ hetooi anɔ lɛ baadamɔ saji ní asusu he yɛ skul lɛ mli yɛ nyɔji enyɔ ni etsɔ hiɛ lɛ amli lɛ nɔ, ni otsi mli ni ayɔɔ ni akɛtsuɔ he nii lɛ nɔ̃ fata he. Kɛ́ nyɛ asafo lɛ baaya kpokpaa nɔ kpee yɛ otsi ni akɛbaafee saji amlitĩi kɛtsɔ sanebimɔi kɛ hetooi anɔ lɛ mli lɛ, no lɛ esa akɛ atsí saji amlitĩi lɛ (kɛ otsi lɛ mli gbɛjianɔtoo ni eshwɛ lɛ) ato enɔ otsi, ní akɛ nakai otsi ni baaba lɛ mli gbɛjianɔtoo lɛ atsu nii yɛ otsi ni nyɛbaaya kpee lɛ mli. Kɛ́ kpokpaa nɔkwɛlɔ lɛ baaba ebasara nyɛ yɛ otsi ni akɛbaafee saji amlitĩi kɛtsɔ sanebimɔi kɛ hetooi anɔ lɛ mli lɛ, no lɛ esa ákɛ akɛ lala, wiemɔ su he wiemɔ lɛ, kɛ Biblia mli otii anɔmimaa lɛ atsu nii taakɛ ato he gbɛjianɔ lɛ. Esa akɛ ahala tsɔsemɔ wiemɔ (ni ahaa kɛnyiɛɔ wiemɔ su lɛ sɛɛ lɛ) kɛjɛ otsi ni baanyiɛ sɛɛ lɛ gbɛjianɔtoo lɛ mli. Akɛ wiemɔ su he wiemɔ lɛ kɛ Biblia mli otii anɔmimaa baafee otsi ni baanyiɛ sɛɛ lɛ mli Teokrase Sɔɔmɔ Skul lɛ taakɛ ato he gbɛjianɔ lɛ, kɛkɛ lɛ akɛ saji amlitĩi kɛtsɔ sanebimɔi kɛ hetooi anɔ lɛ etsa nɔ.

[* Kadimɔ: bsi08 lɛ ji woji bibii ni atsɔɔ si wolo lɛ mli nifeemɔi fɛɛ ni akɛbaatsu nii yɛ skul lɛ mli lɛ shishi kɛtee Ewe, Ga kɛ Twi mli yɛ mli.]

NIFEEMƆ HE GBƐJIANƆTOO

Jan. 7 Biblia kanemɔ: Mateo 1-6 Lala 62

Wiemɔ Su: Okɛ Saji Amlitsɔɔmɔ ni He Hiaa Aha (be-GA bf. 228 kk. 2-3)

No. 1: Mateo Wolo lɛ Hiɛkpamɔ (bsi-1-GA Mateo kk. 1-10)

No. 2: Mateo 5:1-20

No. 3: Mɛni Hewɔ Gbɔmɛi Gboiɔ? (rs bf. 98-99 kk. 6) [+bh-GA bf. 61 kk. 9-14]

No. 4: Gbɛ̀i Anɔ ni Nyɔŋmɔ Mumɔ Krɔŋkrɔŋ lɛ Tsɔɔ Eyeɔ Ebuaa Wɔ

Jan. 14 Biblia kanemɔ: Mateo 7-11 Lala 224

Wiemɔ Su: Bɔ ni Ekɔɔ Tsui lɛ He (be-GA bf. 228 kk. 4–bf. 229 kk. 1)

No. 1: Ná Nyɔŋmɔ Wiemɔ lɛ He Miishɛɛ (be-GA bf. 9 kk. 1-bf. 10 kk. 1)

No. 2: Mateo 10:1-23

No. 3: Nɔ Hewɔ ni Sɛɛnamɔ Yɔɔ He ákɛ Aaaye Anɔkwa

No. 4: Nɛgbɛ Gbohii lɛ Yɔɔ, ni Mɛɛ Shihilɛ Mli Amɛyɔɔ? (rs bf. 99 kk. 7–bf. 101 kk. 4) [+bh-GA bf. 57 kk. 1-8]

Jan. 21 Biblia kanemɔ: Mateo 12-15 Lala 133

Wiemɔ Su: Adafitswaa yɛ Mli Kɛha Otoibolɔi Lɛ (be-GA bf. 230 kk. 1-6)

No. 1: Kanemɔ Biblia lɛ Daa (be-GA bf. 10 kk. 2–bf. 12 kk. 4)

No. 2: Mateo 14:1-22

No. 3: Mɛni Hewɔ Yehowa Odasefoi Kɛ Amɛhe Wooo Yarafeemɔ He Kusum Nifeemɔi Amli Lɛ? (rs bf. 102 kk. 1–bf. 103 kk. 2) [+w98-GA 7/15 20-24]

No. 4: Mɛni loo Namɔ Ji Antikristo Lɛ?

Jan. 28 Biblia kanemɔ: Mateo 16-21 Lala 176

Wiemɔ Su: Ní Aaatsɔ Niiamlitaomɔ Nɔ Aha Wiemɔ Afee Nɔ ni Adafitswaa loo Nitsɔɔmɔ Yɔɔ Mli (be-GA bf. 231 kk. 1-3)

No. 1: ‘Nyɛkwɛa Bɔ ni Nyɛboɔ Sane Toi lɛ Jogbaŋŋ’ (be-GA bf. 13 kk. 1–bf. 14 kk. 5)

No. 2: Mateo 17:1-20

No. 3: Hetoo ni Akɛaaha Mɛi ni Hiɛ Jwɛŋmɔ ni Ejaaa yɛ Gbele He Lɛ (rs bf. 103 kk. 3–bf. 104 kk. 1)

No. 4: Nibii ni Kristofoi Buɔ Amɛ akɛ Amɛyɛ Krɔŋkrɔŋ

Feb. 4 Biblia kanemɔ: Mateo 22-25 Lala 151

Wiemɔ Su: Ŋmalɛi Amligbalamɔ (be-GA bf. 231 kk. 4-5)

No. 1: Wiemɔi Atoiboo yɛ Asafoŋ Kpeei kɛ Kpokpaa nɔ Kpeei Ashishi (be-GA bf. 15 kk. 1–bf. 16 kk. 5)

No. 2: Mateo 23:1-24

No. 3: Shihilɛ Kɛmiiya Naanɔ Ejeŋ Mɔ Tsine

No. 4: Lamɔi—Nɔ ni Jɛ Nyɔŋmɔ Ŋɔɔ kɛ Nɔ ni Jɛɛɛ Eŋɔɔ (rs bf. 104-106 kk. 3) [+w96-GA 10/1 4-7]

Feb. 11 Biblia kanemɔ: Mateo 26-28 Lala 110

Wiemɔ Su: Wiemɔi Amlitsɔɔmɔ (be-GA bf. 232 kk. 1)

No. 1: Mateo—Nɔ Hewɔ ni Ehe Yɔɔ Sɛɛnamɔ (bsi-1-GA Mateo kk. 29-33)

No. 2: Mateo 27:1-22

No. 3: Nɔ Hewɔ ni Hemɔkɛyeli ní Aaaná lɛ Pɛ Kɛkɛ Faaa

No. 4: Tsofai—Beni Esaaa akɛ Kristofoi Kɛtsuɔ Nii (rs bf. 106-108 kk. 1)

Feb. 18 Biblia kanemɔ: Marko 1-4 Lala 167

Wiemɔ Su: Ŋmalɛi Amlitsɔɔmɔ (be-GA bf. 232 kk. 2-4)

No. 1: Marko Wolo lɛ Hiɛkpamɔ (bsi-1-GA Marko kk. 1-11)

No. 2: Marko 2:1-17

No. 3: Nɔ Hewɔ ni Kristofoi Kpooɔ Marijuana (Wii) (rs bf. 108 kk. 2–bf. 109 kk. 2)

No. 4: Bɔ ni Suɔmɔ Haa Afeɔ Ekãa

Feb. 25 Biblia kanemɔ: Marko 5-8 Lala 72

Wiemɔ Su: Ní Ooohala Wiemɔ ni He Baaba Sɛɛnamɔ Kɛha Otoibolɔi Lɛ (be-GA bf. 233 kk. 1-5)

Teokrase Sɔɔmɔ Skul lɛ Mlitĩi

Mar. 3 Biblia kanemɔ: Marko 9-12 Lala 195

Wiemɔ Su: Sane ni Akɛha lɛ Kɛ Nitsumɔ (be-GA bf. 234 kk. 1–bf. 235 kk. 3)

No. 1: Obaanyɛ Oha Bɔ ni Onyɛɔ Okaiɔ Nii lɛ Aya Hiɛ (be-GA bf. 17 kk. 1–bf. 19 kk. 1)

No. 2: Marko 11:1-18

No. 3: Nɔ Hewɔ ni Nyɔŋmɔ Nyɛŋ Emale

No. 4: Nɔ Hewɔ ni Kristofoi Kpooɔ Tawa (rs bf. 109 kk. 3–bf. 111 kk. 3) [+rq-GA bf. 25 kk. 4]

Mar. 10 Biblia kanemɔ: Marko 13-16 Lala 87

Wiemɔ Su: Sanebimɔi ni Akɛbaatsu Nii Kɛmɔ Shi (be-GA bf. 236 kk. 1-5)

No. 1: Marko—Nɔ Hewɔ ni Ehe Yɔɔ Sɛɛnamɔ (bsi-1-GA Marko kk. 31-33)

No. 2: Marko 14:1-21

No. 3: Te aaafee Tɛŋŋ Aye Subaŋi Gbohii Anɔ Kunim? (rs bf. 111 kk. 4–bf. 112 kk. 3)

No. 4: Nɔ Hewɔ ni ‘Adesa Mlifu Tsuuu Nyɔŋmɔ Jalɛ Nii’ (Yak. 1:20)

Mar. 17 Biblia kanemɔ: Luka 1-3 Lala 13

Wiemɔ Su: Sanebimɔi ni Akɛkpáa Susumɔi ni He Hiaa Ahiɛ (be-GA bf. 237 kk. 1-2)

No. 1: Luka Wolo lɛ Hiɛkpamɔ (bsi-1-GA Luka kk. 1-9)

No. 2: Luka 1:1-23

No. 3: Nɔ Hewɔ ni ‘Hemɔkɛyeli ni Nitsumɔi Bɛ He lɛ Ji Hemɔkɛyeli Gbonyo’ (Yak. 2:20)

No. 4: Jeŋmaji lɛ Fiteŋ Nyɔŋmɔ Yiŋtoo ni Kɔɔ Shikpɔŋ lɛ He Lɛ (rs bf. 112-13 kk. 5) [+w90 7/1 bf. 5 kk. 5-bf. 6 kk. 3]

Mar. 24 Biblia kanemɔ: Luka 4-6 Lala 156

Wiemɔ Su: Sanebimɔi ni Akɛaasusu Sane He (be-GA bf. 237 kk. 3–bf. 238 kk. 2)

No. 1: Nii ni Nyɔŋmɔ Mumɔ lɛ Tsuɔ yɛ Nikaimɔ Mli (be-GA bf. 19 kk. 2–bf. 20 kk. 3)

No. 2: Luka 4:1-21

No. 3: Ani Yehowa Kɛ La Baakpata Shikpɔŋ lɛ Hiɛ? (rs bf. 113 kk. 6–bf. 115 kk. 1)

No. 4: Nyɔŋmɔ Gbeyeishemɔ Baanyɛ Aha Wɔtsi Wɔhe Kɛjɛ Eshafeemɔ He

Mar. 31 Biblia kanemɔ: Luka 7-9 Lala 122

Wiemɔ Su: Sanebimɔi ni Akɛaajie Mligbɛ Henumɔi Akpo (be-GA bf. 238 kk. 3-5)

No. 1: Mɛni Hewɔ Esa akɛ Okase Nikanemɔ? (be-GA bf. 21 kk. 1–bf. 23 kk. 3)

No. 2: Luka 7:1-17

No. 3: Odaseyeli ni Tsɔɔ akɛ Nyɔŋmɔ Sumɔɔ Wɔ ni ákɛ Eesumɔ ni Wɔná Miishɛɛ

No. 4: Yerusalem Hee lɛ Mli Bii Ekuŋ Amɛsɛɛ Amɛbaŋ Shikpɔŋ nɔ Beni Ákpata Efɔŋfeelɔi Ahiɛ lɛ Sɛɛ (rs bf. 115 kk. 2–bf. 116 kk. 1)

Apr. 7 Biblia kanemɔ: Luka 10-12 Lala 68

Wiemɔ Su: Sanebimɔi ni Akɛaama Nii Anɔ Mi (be-GA bf. 239 kk. 1-2)

No. 1: Bɔ ni Ooofee Okase Nikanemɔ (be-GA bf. 23 kk. 4–bf. 26 kk. 4)

No. 2: Luka 11:37-54

No. 3: Ani Nyɔŋmɔ Yiŋtoo Kɛha Shikpɔŋ lɛ Etsake? (rs bf. 116 kk. 2–bf. 117 kk. 2) [+bh-GA bf. 27 kk. 1-2]

No. 4: Te esa akɛ wɔnu Kpojiemɔ 17:17 lɛ shishi wɔha tɛŋŋ?

Apr. 14 Biblia kanemɔ: Luka 13-17 Lala 86

Wiemɔ Su: Sanebimɔi ni Akɛaakpa Susumɔi Gbohii Ahe Mama (be-GA bf. 239 kk. 3-5)

No. 1: Bɔ ni Afeɔ Akaseɔ Nii (be-GA bf. 27 kk. 1–bf. 31 kk. 2)

No. 2: Luka 16:1-15

No. 3: Nɔ ni Wɔkaseɔ Kɛjɛɔ Nyɔŋmɔ Mla ni Kɔɔ Kpɛkpɛoyeli He lɛ Mli (3 Mose 19:9, 10)

No. 4: Te Wɔɔfee Tɛŋŋ Wɔwo Mɛi ni He Yeɔ lɛ Hewalɛ? (rs bf. 117-18 kk. 1)

Apr. 21 Biblia kanemɔ: Luka 18-21 Lala 182

Wiemɔ Su: Nii ni Akɛtoɔ Nɔ ko He kɛ Okadifeemɔŋ Wiemɔi ni Tsɔɔ Mɔ Nii (be-GA bf. 240 kk. 1–bf. 241 kk. 1)

No. 1: Luka—Nɔ Hewɔ ni Ehe Yɔɔ Sɛɛnamɔ (bsi-1-GA Luka kk. 30-35)

No. 2: Luka 18:1-17

No. 3: Bɔ ni Wɔɔfee Wɔwo Mɛi ni Ágbo Ashi Amɛ lɛ Hewalɛ (rs bf. 118 kk. 2-6) [+w03-GA 5/1 23-24]

No. 4: Nɔ ni ‘He ní Aaatsi Kɛjɛ Huhuuhu Wiemɔi Ahe’ lɛ Tsɔɔ (Fil. 2:14)

Apr. 28 Biblia kanemɔ: Luka 22-24 Lala 218

Wiemɔ Su: Nɔkwɛmɔnii Kɛ Nitsumɔ (be-GA bf. 241 kk. 2–bf. 242 kk. 1)

Teokrase Sɔɔmɔ Skul lɛ Mlitĩi

May 5 Biblia kanemɔ: Yohane 1-4 Lala 31

Wiemɔ Su: Nɔkwɛmɔnii ni Yɔɔ Ŋmalɛ lɛ Mli (be-GA bf. 242 kk. 2-3)

No. 1: Yohane Wolo lɛ Hiɛkpamɔ (bsi-1-GA Yohane kk. 1-9)

No. 2: Yohane 3:1-21

No. 3: Nɔ ni Wɔkaseɔ Kɛjɛɔ Kpoomɔ ni David Kpoo akɛ Eeegbe Maŋtsɛ Saul lɛ Mli

No. 4: Hewalɛwoo Kɛha Mɛi ni Awaa Amɛyi yɛ Nyɔŋmɔ Suɔmɔnaa Nii ni Amɛfeɔ lɛ Hewɔ (rs bf. 118 kk. 7–bf. 119 kk. 4) [+w03-GA 5/1 18-19]

May 12 Biblia kanemɔ: Yohane 5-7 Lala 150

Wiemɔ Su: Ani Abaanu Shishi? (be-GA bf. 242 kk. 4–bf. 243 kk. 1)

No. 1: Sɛɛnamɔ yɛ Nikasemɔ He (be-GA bf. 31 kk. 3–bf. 32 kk. 3)

No. 2: Yohane 6:1-21

No. 3: Nɔ ni Wɔkaseɔ Kɛjɛɔ Sane ni Kɔɔ Anania kɛ Safira He lɛ Mli

No. 4: Te Ooofee Tɛŋŋ Owo Mɛi ni Yeɔ Awerɛho yɛ Jalɛ Sane ni Ayeee Hewɔ lɛ Hewalɛ? (rs bf. 119 kk. 5–bf. 120 kk. 2)

May 19 Biblia kanemɔ: Yohane 8-11 Lala 102

Wiemɔ Su: Nɔkwɛmɔnii ni Damɔ Shihilɛi ni Ale Nɔ (be-GA bf. 244 kk. 1-2)

No. 1: Bɔ ni Afeɔ akɛ Biblia lɛ Taoɔ Nibii Amli (be-GA bf. 33 kk. 1–bf. 35 kk. 2)

No. 2: Yohane 11:38-57

No. 3: Mɛɛ Hewalɛwoo Yɔɔ Kɛha Mɛi ni Yeɔ Ohia Waa Lɛ? (rs bf. 120 kk. 3-7) [+w03-GA 5/1 bf. 22 kk. 12, 13]

No. 4: Akɛni Adesa ko Nyɛŋ Akwɛ Koni Aye Kitã ni Ji Nyɔŋma lɛ Nɔ Hewɔ lɛ, Mɛni Hewɔ Akɛha Lɛ?

May 26 Biblia kanemɔ: Yohane 12-16 Lala 3

Wiemɔ Su: Nɔkwɛmɔnii ni Sa Otoibolɔi Lɛ (be-GA bf. 244 kk. 3–bf. 245 kk. 4)

No. 1: Dɛŋdadei Krokomɛi ni Akɛtaoɔ Nibii Amli ni Aaakase Ekɛ Nitsumɔ (be-GA bf. 35 kk. 3–bf. 38 kk. 4)

No. 2: Yohane 12:1-19

No. 3: Hewalɛwoo Kɛha Mɛi ni Fãtɔɔi Haa Amɛyeɔ Awerɛho Lɛ (rs bf. 120 kk. 8–bf. 121 kk. 3)

No. 4: Bɔ ni Wɔfeɔ Wɔshɛɔ Wɔjatsu Wɔfɔ̃ɔ Yehowa Nɔ (Lala 55:23)

June 2 Biblia kanemɔ: Yohane 17-21 Lala 198

Wiemɔ Su: Mfonirii Kɛ Nitsumɔ ni Mɔɔ Shi (be-GA bf. 247 kk. 1-2)

No. 1: Yohane—Nɔ Hewɔ ni Ehe Yɔɔ Sɛɛnamɔ (bsi-1-GA Yohane kk. 30-35)

No. 2: Yohane 21:1-14

No. 3: Mɛni Hewɔ Esa akɛ Wɔhe Nyɔŋmɔ ni Wɔnaaa Lɛ lɛ Wɔye?

No. 4: Sutsakemɔ—Jeŋ Nilee Mli Yiŋkɔshikɔshifeemɔ (rs bf. 121-123 kk. 1) [+w94-GA 9/1 4]

June 9 Biblia kanemɔ: Bɔfoi lɛ Asaji 1-4 Lala 92

Wiemɔ Su: Bɔ ni Yesu Kɛ Mfonirii Tsu Nii Eha (be-GA bf. 247 kk. 3)

No. 1: Bɔfoi lɛ Asaji Wolo lɛ Hiɛkpamɔ (bsi-1-GA Bɔfoi lɛ Asaji kk. 1-8)

No. 2: Bɔfoi lɛ Asaji 1:1-14

No. 3: Sutsakemɔ, Sũ Mli Nibii ni Ana, kɛ Saneshishinumɔ (rs bf. 123 kk. 2–bf. 126 kk. 2)

No. 4: Mɛni Ji ‘Ekãa ni Akɛwieɔ’? (Heb. 3:6)

June 16 Biblia kanemɔ: Bɔfoi lɛ Asaji 5-7 Lala 2

Wiemɔ Su: Gbɛ̀i ni Oootsɔ Nɔ Okɛ Mfonirii Atsu Nii (be-GA bf. 248 kk. 1-3)

No. 1: Wiemɔ He Wolo Feemɔ (be-GA bf. 39-42)

No. 2: Bɔfoi lɛ Asaji 5:1-16

No. 3: Hetoo ni Akɛaaha Saji ni Sutsakemɔ He Tsɔɔlɔi Wieɔ Lɛ (rs bf. 126 kk. 3–bf. 128 kk. 3)

No. 4: Mɛni Hewɔ Yehowa Gbeyeishemɔ Ji Nilee Shishijee Lɛ? (Lala 111:10)

June 23 Biblia kanemɔ: Bɔfoi lɛ Asaji 8-10 Lala 116

Wiemɔ Su: Shikpɔŋ He Mfonirii, Kpee He Gbɛjianɔtoo ni Akala, kɛ Vidioi ni Akɛaatsu Nii (be-GA bf. 248 kk. 4–bf. 249 kk. 2)

No. 1: Skulnyo Nifeemɔi ni Asaa He yɛ Mli Kɛha Skul Lɛ (be-GA bf. 43 kk. 1–bf. 44 kk. 3)

No. 2: Bɔfoi lɛ Asaji 8:1-17

No. 3: Bɔ ni Yesu Baafee ‘Ejie Ohiafoi’ (Lala 72:12)

No. 4: Nɔ Hewɔ ni Mɛi Pii Bɛ Hemɔkɛyeli (rs bf. 129-130 kk. 2) [+w98-GA 7/15 9-14]

June 30 Biblia kanemɔ: Bɔfoi lɛ Asaji 11-14 Lala 79

Wiemɔ Su: Mfonirii kɛ Nitsumɔ Kɛha Kui Wuji (be-GA bf. 249 kk. 3–bf. 250 kk. 1)

Teokrase Sɔɔmɔ Skul lɛ Mlitĩi

July 7 Biblia kanemɔ: Bɔfoi lɛ Asaji 15-17 Lala 203

Wiemɔ Su: Nɔ Hewɔ ni Nii Ahesusumɔ Gbɛ He Hiaa Lɛ (be-GA bf. 251 kk. 1-3)

No. 1: Ní akɛ Saneyitso kɛ Bɔ ni Abaafee lɛ Aha lɛ Aaatsu Nii (be-GA bf. 44 kk. 4–bf. 46 kk. 2)

No. 2: Bɔfoi lɛ Asaji 16:1-15

No. 3: Yiŋtoi Ahewɔ ni Esa ákɛ Akɛ Ekãa Asɔmɔ Yehowa

No. 4: Te Mɔ ko Aaafee Tɛŋŋ Ená Hemɔkɛyeli? (rs bf. 130 kk. 3–bf. 131 kk. 3) [+w01-GA 10/1 5-7]

July 14 Biblia kanemɔ: Bɔfoi lɛ Asaji 18-21 Lala 32

Wiemɔ Su: He ni Esa akɛ Oje Shishi Kɛjɛ (be-GA bf. 251 kk. 4–bf. 252 kk. 3)

No. 1: Hesaamɔ Kɛha Wiemɔi ní Ahaa yɛ Asafo lɛ Mli (be-GA bf. 47 kk. 1–bf. 49 kk. 1)

No. 2: Bɔfoi lɛ Asaji 20:1-16

No. 3: Nitsumɔi Yeɔ Hemɔkɛyeli ni Ayɔɔ yɛ Jalɛ Gbɛjianɔtoo Hee ni Baa lɛ Mli lɛ He Odase (rs bf. 131 kk. 5–bf. 132 kk. 2)

No. 4: Mɛni Wɔbaanyɛ Wɔkase Kɛjɛ Naatsĩi ni Yɔɔ 2 Mose 23:19b lɛ Mli?

July 21 Biblia kanemɔ: Bɔfoi lɛ Asaji 22-25 Lala 200

Wiemɔ Su: Be ni Esa akɛ Oŋmɛɛ He (be-GA bf. 252 kk. 4–bf. 253 kk. 2)

No. 1: Hesaamɔ yɛ Sɔɔmɔ Kpee Fãi kɛ Wiemɔi Krokomɛi Amli (be-GA bf. 49 kk. 2–bf. 51 kk. 1)

No. 2: Bɔfoi lɛ Asaji 22:1-16

No. 3: Mɛɛ Gbɛ̀i Anɔ Yehowa Odasefoi Tsɔɔ Amɛtsuɔ Yohane 13:34, 35 lɛ He Nii?

No. 4: Te Aaafee Tɛŋŋ Ayoo Apasa Gbalɔi? (rs bf. 132-134 kk. 2)

July 28 Biblia kanemɔ: Bɔfoi lɛ Asaji 26-28 Lala 29

Wiemɔ Su: Saji Abimɔ kɛ Saji Amlitsɔɔmɔ (be-GA bf. 253 kk. 3–bf. 254 kk. 2)

No. 1: Bɔfoi lɛ Asaji—Nɔ Hewɔ ni Ehe Yɔɔ Sɛɛnamɔ (bsi-1-GA Bɔfoi lɛ Asaji kk. 32-40)

No. 2: Bɔfoi lɛ Asaji 26:1-18

No. 3: Jeee Be Fɛɛ Be Anɔkwa Gbalɔi Nu Bɔ ni kɛ Be Mli ni Nibii ni Amɛgba lɛ Baaba Mli lɛ Shishi (rs bf. 134 kk. 3-8)

No. 4: Nɔ Hewɔ ni Yehowa Ŋmɛɔ Etsui Shi

Aug. 4 Biblia kanemɔ: Romabii 1-4 Lala 170

Wiemɔ Su: Sane Mlitsɔɔmɔ ni Kɔneɔ Mɔ Yiŋ ni Damɔ Nyɔŋmɔ Wiemɔ lɛ Nɔ (be-GA bf. 255 kk. 1–bf. 256 kk. 2)

No. 1: Romabii Awolo lɛ Hiɛkpamɔ (bsi-1-GA Romabii kk. 1-7)

No. 2: Romabii 3:1-20

No. 3: Bɔ ni Ŋwɛibɔfoi Buɔ Nyɔŋmɔ Tsuji Ahe ní Amɛwoɔ Amɛ Hewalɛ

No. 4: Yehowa Odasefoi Haa Anɔkwa Jamɔ Shwereɔ (rs bf. 135 kk. 1-2) [+ol-GA 22]

Aug. 11 Biblia kanemɔ: Romabii 5-8 Lala 207

Wiemɔ Su: Okɛ Odaseyeli Kroko Ama Sane Naataamɔ lɛ Nɔ Mi (be-GA bf. 256 kk. 3-5)

No. 1: Hesaamɔ Kɛha Wiemɔ yɛ Maŋ (be-GA bf. 52 kk. 1–bf. 54 kk. 1)

No. 2: Romabii 6:1-20

No. 3: Ayɔseɔ Yehowa Odasefoi Kɛtsɔɔ Yibii ni Amɛwoɔ lɛ Anɔ (rs bf. 135 kk. 3–bf. 137 kk. 1) [+w86 3/15 19-20, kk. 15-19]

No. 4: Bɔ ni Jalɛ Baanyɛ Abu Wɔhe

Aug. 18 Biblia kanemɔ: Romabii 9-12 Lala 152

Wiemɔ Su: Ni akɛ Odaseyeli ni Fa Saŋŋ Aaaha (be-GA bf. 257 kk. 1–4)

No. 1: Romabii Awolo Lɛ—Nɔ Hewɔ ni Ehe Yɔɔ Sɛɛnamɔ (bsi-1-GA Romabii kk. 20-25)

No. 2: Romabii 9:1-18

No. 3: Mɛɛ Osharai Yɔɔ Oshekuyeli kɛ Amalei ni Agbɛɔ Ashwaa lɛ He?

No. 4: Hetoo ni Akɛaaha Mɛi ni Tsɛɔ Wɔ Amale Gbalɔi Lɛ (rs bf. 137 kk. 2-4)

Aug. 25 Biblia kanemɔ: Romabii 13-16 Lala 16

Wiemɔ Su: Mɔdɛŋbɔɔ ní Akɛshɛɔ Tsui lɛ He (be-GA bf. 258 kk. 1-bf. 259 kk. 1)

Teokrase Sɔɔmɔ Skul lɛ Mlitĩi

Sept. 1 Biblia kanemɔ: 1 Korintobii 1-9 Lala 199

Wiemɔ Su: Ni Aaaha Mɛi Atsɔɔ Amɛtsuiaŋ Susumɔi (be-GA bf. 259 kk. 2-4)

No. 1: 1 Korintobii Awolo lɛ Hiɛkpamɔ (bsi-1-GA 1 Korintobii kk. 1-7)

No. 2: 1 Korintobii 4:1-17

No. 3: Nyɔŋmɔ Etooo Be ni Mɔ Ko Kɛbaagbo Efɔɔɔ Shi (rs bf. 138 kk. 1-3) [+w91-GA 10/15 5]

No. 4: Ani Heloonaa Nibii Babaoo ní Mɔ ko Aaaná lɛ Tsɔɔ akɛ Nyɔŋmɔ Ejɔɔ Lɛ?

Sept. 8 Biblia kanemɔ: 1 Korintobii 10-16 Lala 35

Wiemɔ Su: Henumɔi ni Sɛɛnamɔi Yɔɔ He ni Oookanya (be-GA bf. 259 kk. 5–bf. 260 kk. 1)

No. 1: 1 Korintobii Awolo Lɛ—Nɔ Hewɔ ni Ehe Yɔɔ Sɛɛnamɔ (bsi-1-GA 1 Korintobii kk. 23-26)

No. 2: 1 Korintobii 13:1–14:6

No. 3: Nɔ Hewɔ ni Wiemɔ lɛ Nɔyelɔi Yɔɔ Miishɛɛ

No. 4: Jeee Nɔ Fɛɛ Nɔ ni Baa Ji Nyɔŋmɔ Suɔmɔnaa Nii (rs bf. 139 kk. 1–bf. 140 kk. 2) [+w05-GA 1/15 4]

Sept. 15 Biblia kanemɔ: 2 Korintobii 1-7 Lala 58

Wiemɔ Su: Ní Aaaye Abua Mɛi Krokomɛi Koni Amɛná Nyɔŋmɔ Gbeyeishemɔ (be-GA bf. 260 kk. 2-3)

No. 1: 2 Korintobii Awolo lɛ Hiɛkpamɔ (bsi-1-GA 2 Korintobii kk. 1-4)

No. 2: 2 Korintobii 1:1-14

No. 3: Nyɔŋmɔ Tsɔɔɔ Hiɛ Eleee ni Etooo Nɔ Fɛɛ Nɔ Efɔ̃ɔɔ Shi (rs bf. 140 kk. 3-5) [+w98-GA 4/15 6]

No. 4: Nɔ Hewɔ ni Anɔkwa Kristofoi Náa Miishɛɛ kɛ́ Aawa Amɛyi

Sept. 22 Biblia kanemɔ: 2 Korintobii 8-13 Lala 12

Wiemɔ Su: Wɔjeŋba He Hiaa yɛ Nyɔŋmɔ Hiɛ (be-GA bf. 260 kk. 4–bf. 261 kk. 1)

No. 1: 2 Korintobii Awolo Lɛ—Nɔ Hewɔ ni Ehe Yɔɔ Sɛɛnamɔ (bsi-1-GA 2 Korintobii kk. 18-20)

No. 2: 2 Korintobii 9:1-15

No. 3: Nɔ Hewɔ ni Anɔkwa Kristofoi Jɛɛɛ Je lɛ Mli

No. 4: Nyɛmɔ ni Nyɔŋmɔ Yɔɔ ni Ekɛleɔ ni Ekɛtoɔ Saji ni Baaba He Gbɛjianɔ (rs bf. 141 kk. 1-4)

Sept. 29 Biblia kanemɔ: Galatabii 1-6 Lala 163

Wiemɔ Su: Mɛi Krokomɛi ní Oooye Obua Amɛ ni Amɛpɛi Nii Amli (be-GA bf. 261 kk. 2-4)

No. 1: Galatabii Awolo lɛ Hiɛkpamɔ kɛ Nɔ Hewɔ ni Ehe Yɔɔ Sɛɛnamɔ (bsi-1-GA Galatabii kk. 1-6, 14-18)

No. 2: Galatabii 1:1-17

No. 3: Nɔ Hewɔ ni Nyɔŋmɔ Kɛ Nii ni Etsɔɔ Hiɛ Eleɔ Tsuuu Nii yɛ Adam He (rs bf. 142 kk. 1-3) [+w06-GA 6/1 24 kk. 13-19]

No. 4: Bɔ ni Suɔmɔ Baanyɛ aye Gbɔmɔ Gbeyeishemɔ Nɔ Kunim

Oct. 6 Biblia kanemɔ: Efesobii 1-6 Lala 99

Wiemɔ Su: Ní Aaawo Toiboo ni Jɛ Tsuiŋ lɛ He Hewalɛ (be-GA bf. 262 kk. 1-4)

No. 1: Efesobii Awolo lɛ Hiɛkpamɔ kɛ Nɔ Hewɔ ni Ehe Yɔɔ Sɛɛnamɔ (bsi-1-GA Efesobii kk. 1-8, 16-19)

No. 2: Efesobii 3:1-19

No. 3: Faikpamɔ Etsɔɔɔ Gbɔjɔmɔ

No. 4: Nyɔŋmɔ Tsɔɔɔ Hiɛ Etooo Nɔ ni Baaba Yakob, Esau, loo Yuda nɔ lɛ Efɔ̃ɔɔ Shi (rs bf. 142 kk. 4–bf. 143 kk. 2)

Oct. 13 Biblia kanemɔ: Filipibii 1-4–Kolosebii 1-4 Lala 123

Wiemɔ Su: Ní Akɛ Yehowa Aaafee Ekome ni Akɛshɛ Gbɔmɛi Atsui He (be-GA bf. 262 kk. 5)

No. 1: Filipibii Awolo lɛ Hiɛkpamɔ kɛ Nɔ Hewɔ ni Ehe Yɔɔ Sɛɛnamɔ (bsi-1-GA Filipibii kk. 1-7, 12-14)

No. 2: Filipibii 3:1-16

No. 3: Mɛɛ Gbɛ nɔ Atsɔ Hiɛ Ato Kristofoi Asafo lɛ He Gbɛjianɔ Afɔ̃ Shi? (rs bf. 143 kk. 3–bf. 144 kk. 1)

No. 4: a Kolosebii Awolo Lɛ—Nɔ Hewɔ ni Ehe Yɔɔ Sɛɛnamɔ (bsi-1-GA Kolosebii kk. 12-14)

Oct. 20 Biblia kanemɔ: 1 Tesalonikabii 1-5–2 Tesalonikabii 1-3 Lala 161

Wiemɔ Su: Bɔ ni Ooofee ni Oye Be ni Akɛha Bo lɛ Nɔ (be-GA bf. 263 kk. 1–bf. 264 kk. 4)

No. 1: Tesalonikabii Awolo ni Ji 1 kɛ 2 lɛ Hiɛkpamɔ kɛ Nɔ Hewɔ ni Amɛhe Yɔɔ Sɛɛnamɔ (bsi-2-GA 1 Tesalonikabii kk. 1-5, 13-15; 2 Tesalonikabii kk. 1-4, 10-11)

No. 2: 1 Tesalonikabii 1:1–2:8

No. 3: Te Ŋmalɛ lɛ Buɔ Ŋulamiiaŋkwɛmɔ Ehaa Tɛŋŋ? (rs bf. 144 kk. 2–bf. 145 kk. 2)

No. 4: b Timoteo Wolo ni Ji 1 kɛ 2 Lɛ—Nɔ Hewɔ ni Sɛɛnamɔ Yɔɔ He (bsi-2-GA 1 Timoteo kk. 15-19; 2 Timoteo kk. 10-12)

Oct. 27 Biblia kanemɔ: 1 Timoteo 1-6–2 Timoteo 1-4 Lala 69

Wiemɔ Su: Ŋaawoo ni Mɔɔ Shi (be-GA bf. 265 kk. 1-bf. 266 kk. 1)

Teokrase Sɔɔmɔ Skul lɛ Mlitĩi

Nov. 3 Biblia kanemɔ: Tito 1-3–Filemon 1-25 Lala 149

Wiemɔ Su: Ní Aaawo Ŋaa yɛ Suɔmɔ Mli (be-GA bf. 266 kk. 2-5)

No. 1: Tito Wolo lɛ Hiɛkpamɔ kɛ Nɔ Hewɔ ni Ehe Yɔɔ Sɛɛnamɔ (bsi-2-GA Tito kk. 1-4, 8-10)

No. 2: Tito 1:1-16

No. 3: Mɛni Ji Yiŋtoi Kpakpai Komɛi ni Haa Aheɔ Ayeɔ akɛ Nyɔŋmɔ Yɛ? (rs bf. 145-146 kk. 5) [+w04-GA 10/1 bf. 10 kk. 7-bf. 11 kk. 10]

No. 4: c Filemon—Nɔ Hewɔ ni Ehe Yɔɔ Sɛɛnamɔ (bsi-2-GA Filemon kk. 7-10)

Nov. 10 Biblia kanemɔ: Hebribii 1-8 Lala 144

Wiemɔ Su: Ŋaawoo ni Damɔ Ŋmalɛ lɛ Nɔ (be-GA bf. 266 kk. 6-bf. 267 kk. 1)

No. 1: Hebribii Awolo lɛ Hiɛkpamɔ (bsi-2-GA Hebribii kk. 1-9)

No. 2: Hebribii 3:1-19

No. 3: Yiwalɛ kɛ Piŋmɔ Etsɔɔɔ akɛ Nyɔŋmɔ Bɛ Shihilɛ Mli (rs bf. 146 kk. 6–bf. 147 kk. 1) [+bh-GA 107-114]

No. 4: Srɔtofeemɔi ni Yɔɔ Anɔkwa Heshibaa kɛ Osato Heshibaa teŋ

Nov. 17 Biblia kanemɔ: Hebribii 9-13 Lala 28

Wiemɔ Su: Ní Aaaná ‘Wiemɔ Mli Heyeli’ (be-GA bf. 267 kk. 2-3)

No. 1: Hebribii Awolo Lɛ—Nɔ Hewɔ ni Ehe Yɔɔ Sɛɛnamɔ (bsi-2-GA Hebribii kk. 23-27)

No. 2: Hebribii 10:1-17

No. 3: Nyɔŋmɔ Ji Mɔ ko ni Yɔɔ Diɛŋtsɛ ni Yɔɔ Henumɔi (rs bf. 147 kk. 2–bf. 148 kk. 3)

No. 4: Bɔ ni Mɛi Atɔmɔi ni Wɔkɛkeɔ Amɛ lɛ Haa Ekomefeemɔ Hiɔ Wɔ kɛ Amɛ Teŋ

Nov. 24 Biblia kanemɔ: Yakobo 1-5 Lala 88

Wiemɔ Su: Nɔ Hewɔ ni Ehe Hiaa ni Ofee Mɔ ni Woɔ Mɔ Hewalɛ (be-GA bf. 268 kk. 1-3)

No. 1: Yakobo Wolo lɛ Hiɛkpamɔ kɛ Nɔ Hewɔ ni Ehe Yɔɔ Sɛɛnamɔ (bsi-2-GA Yakobo kk. 1-7, 15-17)

No. 2: Yakobo 1:1-21

No. 3: Nyɔŋmɔ Bɛ Shishijee (rs bf. 148 kk. 4-7) [+w02-GA 5/15 6]

No. 4: Bɔ ni “Mɔbɔnalɛ Shwãa Eshiɔ Kojomɔ” (Yak. 2:13)

Dec. 1 Biblia kanemɔ: 1 Petro 1-5–2 Petro 1-3 Lala 18

Wiemɔ Su: Ní Aaakai Toibolɔi lɛ yɛ Nɔ ni Yehowa Efee lɛ He (be-GA bf. 268 kk. 4–bf. 269 kk. 2)

No. 1: 1 Petro Wolo lɛ Hiɛkpamɔ kɛ Nɔ Hewɔ ni Ehe Yɔɔ Sɛɛnamɔ (bsi-2-GA 1 Petro kk. 1-5, 11-13)

No. 2: 1 Petro 2:1-17

No. 3: Nyɔŋmɔ Gbɛi Kɛ Nitsumɔ He Hiaa Kɛha Yiwalaheremɔ (rs bf. 149 kk. 1-4) [+w92-GA 5/1 15 kk. 5-7]

No. 4: d 2 Petro—Nɔ Hewɔ ni Ehe Yɔɔ Sɛɛnamɔ (bsi-2-GA 2 Petro kk. 8-10)

Dec. 8 Biblia kanemɔ: 1 Yohane 1-5; 2 Yohane 1-13; 3 Yohane 1-14–Yuda 1-25 Lala 50

Wiemɔ Su: Ní Oootsɔɔ Bɔ ni Yehowa Yeɔ Ebuaa Ewebii Lɛ (be-GA bf. 269 kk. 3-5)

No. 1: Yohane Wolo ni Ji 1, 2, kɛ 3 lɛ Hiɛkpamɔ kɛ Nɔ Hewɔ ni Amɛhe Yɔɔ Sɛɛnamɔ (bsi-2-GA 1 Yohane kk. 1-5, 11-13; 2 Yohane kk. 1-3, 5; 3 Yohane kk. 1-3, 5)

No. 2: 1 Yohane 4:1-16

No. 3: Ani Jamɔi Fɛɛ Hi? (rs bf. 149 kk. 5-8) [+bh-GA 144 kk. 1-4]

No. 4: e Yuda—Nɔ Hewɔ ni Ehe Yɔɔ Sɛɛnamɔ (bsi-2-GA Yuda kk. 8-10)

Dec. 15 Biblia kanemɔ: Kpojiemɔ 1-6 Lala 219

Wiemɔ Su: Jiemɔ Miishɛɛ Kpo yɛ Nɔ ni Nyɔŋmɔ Feɔ Bianɛ lɛ He (be-GA bf. 270 kk. 1–bf. 271 kk. 2)

No. 1: Kpojiemɔ Wolo lɛ Hiɛkpamɔ (bsi-2-GA Kpojiemɔ kk. 1-6)

No. 2: Kpojiemɔ 3:1-13

No. 3: Mɛɛ “Nyɔŋmɔ” Nɛkɛ Yesu Ji? (rs bf. 150 kk. 1-2) [+w92-GA 1/15 22 kk. 2-3]

No. 4: Nɔ Hewɔ ni Husu yɛ Tsuishitoo kɛ Mɔbɔnalɛ He

Dec. 22 Biblia kanemɔ: Kpojiemɔ 7-14 Lala 21

Wiemɔ Su: Ná Teokrase Sɔɔmɔ Skul lɛ He Sɛɛ Kɛmɔ Shi (be-GA bf. 5 kk. 1–bf. 8 kk. 1)

No. 1: Kpojiemɔ—Nɔ Hewɔ ni Sɛɛnamɔ Yɔɔ He (bsi-2-GA Kpojiemɔ kk. 28-34)

No. 2: Kpojiemɔ 8:1-13

No. 3: Hetoo ni Akɛaaha Mɛi ni Teɔ Shi Woɔ Nyɔŋmɔ Mli Hemɔkɛyeli ni Ayɔɔ Lɛ (rs bf. 150 kk. 3–bf. 151 kk. 3)

No. 4: Mɛni Wiemɔ “Nyɔŋmɔ Da Fe Wɔtsui” lɛ Tsɔɔ? (1 Yohane 3:20)

Dec. 29 Biblia kanemɔ: Kpojiemɔ 15-22 Lala 60

Wiemɔ Su: Nikanemɔ ni Ja (be-GA bf. 83 kk. 1-5)

Teokrase Sɔɔmɔ Skul lɛ Mlitĩi

[Shishigbɛ niŋmai]

+ Niiamlitaomɔi krokomɛi ni fata he kɛha mɛi ni nyɛɛɛ akane blɔfo lɛ.