Adafitswai
◼ Wolo ni akɛbaaha yɛ September: Mɛni Biblia lɛ Tsɔɔ Diɛŋtsɛ? Nyɛbɔa mɔdɛŋ jogbaŋŋ koni nyɛje Biblia mli nikasemɔi ashishi kɛ́ nyɛtee shiatsɛmɛi lɛ aŋɔɔ klɛŋklɛŋ kwraa. Kɛ́ shiatsɛmɛi lɛ yɛ wolo nɛɛ eko momo lɛ, nyɛfea bɔ ni afeɔ Biblia mli nikasemɔ ahaa lɛ he nɔkwɛmɔnɔ ni nyɛkɛtsɔɔ amɛ bɔ ni amɛbaanyɛ amɛná ekasemɔ he sɛɛ. October: Buu-Mɔɔ kɛ Awake! woji tɛtrɛbii lɛ. Kɛ́ mɛi jie miishɛɛ kpo lɛ, nyɛkɛ dɛhiɛmɔ wolo ni ji Ani Obaasumɔ ni Ole Biblia lɛ Mli Saji Babaoo? lɛ ahaa ní nyɛkɛ amɛ asusu he kɛ yiŋtoo akɛ nyɛkɛ amɛ baaje Biblia mli nikasemɔ shishi. November: Kasemɔ Nii Kɛjɛ Tsɔɔlɔ Kpele lɛ Ŋɔɔ. Kɛ́ shiatsɛmɛi lɛ kɛɛ amɛbɛ bii lɛ, nyɛkɛ Nyɛyaa nɔ Nyɛshia Kpe! wolo lɛ ahaa. December: Gbɔmɔ ni Fe Mɔ Fɛɛ Mɔ ni Ehi Shi Pɛŋ. Kɛ́ nyɛbɛ eko lɛ, nyɛbaanyɛ nyɛkɛ Tsi Obɛŋkɛ Yehowa loo Nɔ Diɛŋtsɛ ni Kɛ Weku Miishɛɛ Baa wolo lɛ atsu nii.
◼ Akɛni otsii anaagbee enumɔ yɔɔ September mli hewɔ lɛ, ebaafee nyɔɔŋ ni sa jogbaŋŋ kɛha gbɛgbalɔi awamɔ nitsumɔ lɛ.
◼ Esa akɛ asafoi lɛ abɔi Watchtower kɛ Awake! wolokpoi kɛha afi 2007, Watch Tower Publications Index 2007, kɛ Watchtower Library—2007 Nɔ̃ ni yɔɔ CD-ROM nɔ lɛ shɛɛ kɛfata woji ni amɛbaashɛ kɛnyiɛ sɛɛ lɛ he. Nyɛfainɛ nyɛkadia akɛ asafo lɛ mli bii ni abaptisi amɛ lɛ pɛ yɔɔ hegbɛ akɛ amɛnine aaashɛ Watchtower Library—2007 Nɔ̃ lɛ eko nɔ, ni esa akɛ ashɛ enɛ kɛtsɔ asafo lɛ nɔ.
◼ Abaasusu video ni ji Jehovah’s Witnesses—Organized to Share the Good News (Yehowa Odasefoi—Ato Amɛhe Gbɛjianɔ Koni Amɛshiɛ Sanekpakpa Lɛ) he yɛ Sɔɔmɔ Kpee lɛ eko mli yɛ December mli. Ayɛ video nɛɛ yɛ DVD pɛ nɔ. Kɛ́ eko he baahia nyɛ lɛ, no lɛ esa akɛ ashɛ kɛtsɔ asafo lɛ nɔ amrɔ nɔŋŋ.
◼ Akɛ Kingdom Hall Maintenance Checklist (CN-14) wolo miimaje asafoi fɛɛ. Nyɛfainɛ nyɛkɛ gbɛtsɔɔmɔi ni yɔɔ wolo lɛ nɔ lɛ atsua nii jogbaŋŋ ni nyɛkɛŋmala nɔ nii. Esa akɛ asafo ni Maŋtsɛyeli Asa lɛ yɔɔ egbɛi amli lɛ kɛ wolo ni aŋmala nɔ nii agbe naa lɛ klɛŋklɛŋ nɔ̃ lɛ amaje nitsumɔhe nine lɛ dani September 10 aho.
◼ Abaaha afi 2008 Kaimɔ be lɛ he maŋshiɛmɔ krɛdɛɛ lɛ yɛ March 31, 2008 otsi lɛ mli. Abaaha nyɛle wiemɔ lɛ yitso yɛ sɛɛ mli. Asafoi ni no mli lɛ kpokpaa nɔkwɛlɔi eba amɛ saramɔ loo amɛmiiya kpokpaa nɔ kpee nakai otsi lɛ naagbee lɛ baaha maŋshiɛmɔ krɛdɛɛ lɛ enɔ otsi. Asafo ko akaha maŋshiɛmɔ krɛdɛɛ lɛ dani March 31 otsi lɛ shɛ.
◼ Esa akɛ onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika he akɔntaabuu kɛha June, July, kɛ August lɛ mli. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ. Kɛji akɛ ayɛ Maŋtsɛyeli Asa nitsumɔ he ajinafoi akuu lɛ, no lɛ esa akɛ onukpai lɛ ato gbɛjianɔ koni akwɛ amɛshika lɛ hu mli yɛ be kome too lɛ nɔŋŋ mli.—Kwɛmɔ Instructions for Congregation Accounting (S-27) wolo lɛ mli.