Sɔɔmɔ Kpee He Gbɛjianɔtoo

Otsi ni Jeɔ Shishi September 10

Lala 225

Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 4 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ September 1 Buu-Mɔɔ kɛ gbɛ ni abaatsɔ nɔ akɛ September Awake! lɛ he klɛŋklɛŋ shiɛmɔ wiemɔ lɛ atsu nii. Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha, eyɛ mli akɛ ekome pɛ he abaawie.

Min. 15: Sanebimɔ He. Toibolɔi kɛ sanegbaa ni onukpa ko baatsu he nii. Ha akane ŋmalɛi ni atsɛ shi aŋmalako amɛmli wiemɔi lɛ ni asusu he, bɔ ni be baaŋmɛ gbɛ.

Min. 20: “Kasemɔ Yesu Nɔkwɛmɔnɔ Lɛ.”a Bi toibolɔi lɛ koni amɛgba bɔ ni amɛná nɔkwɛmɔnɔ kpakpa ní mɛi krokomɛi fee lɛ he sɛɛ amɛha lɛ amɛtsɔɔ.

Lala 130 kɛ naagbee sɔlemɔ.

Otsi ni Jeɔ Shishi September 17

Lala 60

Min. 10: Asafoŋ adafitswai.

Min. 15: Mɛni Wɔnyɛ Wɔtsu Nyɛsɛɛ Afi Lɛ? Sɔɔmɔ nitsumɔ nɔkwɛlɔ lɛ baatĩ nibii ni nyɛtsu yɛ nyɛsɛɛ sɔɔmɔ afi lɛ mli lɛ mli, ni ebaawie nibii kpakpai ni nyɛnyɛ nyɛtsu yɛ shiɛmɔ nitsumɔ lɛ mli lɛ ahe titri. Okɛ yijiemɔ ni sa aha. Tsĩi nɔ ko loo nibii enyɔ komɛi ni ehe baahia ni nyɛsafo lɛ atsu he nii yɛ afi hee lɛ mli lɛ tã. Wiemɔ gbɛgbalɔi lɛ anitsumɔ lɛ he, ni ojie amɛ yi yɛ ekãa ni amɛkɛtsu nii lɛ hewɔ. Gbaa nibii kpakpai ni ejɛ mɔdɛŋ ni abɔ koni aye abua mɛi ni ekpa shiɛmɔyaa lɛ mli kɛba.

Min. 20: Nyɛmimɛi ni Efee Ekome. Wiemɔ kɛ toibolɔi ni akɛaagba sane ni damɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ yitso 16 lɛ nɔ.

Lala 74 kɛ naagbee sɔlemɔ.

Otsi ni Jeɔ Shishi September 24

Lala 162

Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ.

Min. 15: Asafoŋ hiamɔ nii.

Min. 20: Okɛ dɛhiɛmɔ wolo ni ji Lé Biblia Lɛ atsu nii ní okɛje Biblia mli nikasemɔ shishi yɛ October mli. Wolo ni akɛbaaha yɛ October mli ji Buu-Mɔɔ kɛ Awake! woji tɛtrɛbii lɛ. Kɛji shiatsɛ lɛ jie miishɛɛ kpo lɛ, no lɛ abaanyɛ akɛ Lé Biblia Lɛ dɛhiɛmɔ wolo lɛ atsu nii ni akɛje Biblia mli nikasemɔ shishi. Kɛ́ nyɛyɛ dɛhiɛmɔ wolo lɛ eko lɛ, ha mɛi ni kwɛɔ shitaramɔ nɔ lɛ aha mɛi ni eba kpee lɛ ateŋ mɔ fɛɛ mɔ ekome, koni no sɛɛ lɛ okɛ amɛ agba he sane. Ha toibolɔi lɛ ale akɛ abaanyɛ akɛ shiatsɛ lɛ asusu dɛhiɛmɔ wolo lɛ fã ko loo fɛɛ he kɛ atee eŋɔɔ klɛŋklɛŋ kwraa aloo kɛ aku sɛɛ ayasara lɛ. Ha akɛ gbɛtsɔɔmɔi ni yɔɔ baafa 4 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ September 15 Buu-Mɔɔ kɛ September Awake! lɛ he shiɛmɔ wiemɔ ni ji enyɔ lɛ atsu nii. Yɛ nɔkwɛmɔnɔ lɛ ekome mli lɛ, shiɛlɔ lɛ kɛ dɛhiɛmɔ wolo lɛ aha beni shiatsɛ lɛ ekpoo woji tɛtrɛbii lɛ. Yɛ nɔkwɛmɔnɔ kroko lɛ mli lɛ, kɛ́ shiatsɛ lɛ he woji tɛtrɛbii lɛ sɛɛ lɛ, shiɛlɔ lɛ kɛ dɛhiɛmɔ wolo lɛ aha lɛ, ni ekɛ lɛ asusu baafa 5 lɛ he, ni etsi Biblia lɛ Tsɔɔ wolo lɛ tã, ni ewo lɛ shi akɛ ebaaba ebaha lɛ eko.

Lala 222 kɛ naagbee sɔlemɔ.

Otsi ni Jeɔ Shishi October 1

Lala 88

Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Kaimɔ shiɛlɔi koni amɛkɛ shiɛmɔyaa he akɔntaabui kɛha September lɛ aha.

Min. 15: Wolo ni Nitsumɔhe Nine lɛ Ŋma. Wiemɔ kɛ toibolɔi ni akɛaagba wolo ni aŋma ni yɔɔ Wɔ Maŋtsɛyeli Sɔɔmɔ nɛɛ hiɛ lɛ he sane.

Min. 20: “Nyɛhaa Wɔyaa Hiɛ yɛ Sɔɔmɔ Nitsumɔ lɛ Mli.”b Okɛ nyɛmimɛi ni miibɔ mɔdɛŋ ni amɛya amɛhiɛ lɛ aniiashikpamɔi afata he, ní obi amɛ ni amɛtsɔɔ bɔ ni amɛyaa nɔ amɛtaoɔ gbɛ̀i anɔ ní amɛaatsɔ amɛya amɛhiɛ yɛ shiɛmɔ nitsumɔ lɛ mli. Abaanyɛ aha amɛteŋ mɔ kome loo mɛi enyɔ ale enɛ kɛtsɔ hiɛ.

Lala 102 kɛ naagbee sɔlemɔ.

[Shishigbɛ niŋmai]

Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.