Sɔɔmɔ Kpee He Gbɛjianɔtoo
Otsi ni Jeɔ Shishi February 12
Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ February 1 Buu-Mɔɔ aha, loo gbɛ ni abaatsɔ nɔ akɛ February Awake! lɛ he klɛŋklɛŋ shiɛmɔ wiemɔ lɛ atsu nii, ni yɛ nɔkwɛmɔnɔ lɛ mli lɛ, ha afee gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ, “I’m not interested in religion” (Mibɛ jamɔ he miishɛɛ) lɛ agba sane. (Kwɛmɔ Reasoning wolo lɛ bf. 16-17 lɛ mli) Yɛ nɔkwɛmɔnɔ kroko mli lɛ, ha akɛ February 15 Buu-Mɔɔ aha, loo akɛ February Awake! lɛ shiɛmɔ wiemɔ ni ji enyɔ lɛ atsu nii kɛfee nɔkwɛmɔnɔ ni miitsɔɔ shiɛlɔ ko ni miiye odase yɛ shikpɔŋkuku ni nitsumɔhei yɔɔ mli lɛ mli.
Min. 35: “Jajemɔ Yehowa Agbojee Lɛ.” Sɔɔmɔ nitsumɔ nɔkwɛlɔ lɛ baatsu he nii. Tsɔɔmɔ be kɛ he ni abaafee Kaimɔ lɛ yɛ, be ni ato kɛha kpeei krokomɛi kɛha shiɛmɔyaa, kɛ gbɛgbalɔi awalɔi ayibɔ ni nyɛsafo lɛ kɛma ehiɛ akɛ nyɛbaashɛ he yɛ April kɛ́ nyɛmiisusu kukuji ni kɔɔ enɛɛmɛi ahe lɛ he lɛ. Kɛ́ nyɛsusu kuku 3 lɛ he nyɛgbe naa lɛ, ha afee nɔkwɛmɔnɔ ni tsɔɔ bɔ ni abaafee ni afɔ̃ mɔ ko ni atee sɛɛkuu-kɛsaramɔ yɛ eŋɔɔ lɛ nine kɛba Kaimɔ lɛ shishi.
Lala 147 kɛ naagbee sɔlemɔ.
Otsi ni Jeɔ Shishi February 19
Lala 198
Min. 8: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Wiemɔ October Sɔɔmɔ Akɔntaabuu lɛ he kuku, ni oha nyɛmimɛi lɛ ayekoo akɛni amɛkɛ amɛshiɛmɔyaa he akɔntaabuu haa mra lɛ hewɔ. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ.
Min. 20: “Kasemɔ Tsɔɔlɔ Kpele lɛ Beni Okɛ Biblia lɛ Tsɔɔ Wolo lɛ Tsuɔ Nii Lɛ.” Kɛ́ nyɛmiisusu kuku 6 lɛ he lɛ, ha afee nɔkwɛmɔnɔ kuku ko ni miitsɔɔ shiɛlɔ ko ni kɛ akrabatsa ni yɔɔ Biblia lɛ Tsɔɔ wolo lɛ yitso 6 lɛ naagbee lɛ miitsu nii ni ekɛ enikaselɔ lɛ miiti nikasemɔ lɛ mli.
Min. 17: Ani Obaanyɛ Oje Biblia Mli Nikasemɔ Shishi yɛ March? Toibolɔi ni akɛaagba sane. Wɔkɛ Biblia lɛ Tsɔɔ wolo lɛ baaha yɛ March klɛŋklɛŋ otsii enyɔ lɛ amli kɛ yiŋtoo lɛ akɛ wɔɔje Biblia mli nikasemɔi ashishi. Nyɛtĩaa nɔ ni aŋma ahɔ March 2006 Wɔ Maŋtsɛyeli Sɔɔmɔ lɛ mli yɛ baafa 3-6 lɛ mli. Ha akɛ gbɛtsɔɔmɔi ni yɔɔ baafa 6 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee aje Biblia mli nikasemɔ shishi beni atee mɔ ko ŋɔɔ klɛŋklɛŋ kwraa lɛ. Ha toibolɔi lɛ agba niiashikpamɔi ni yɔɔ miishɛɛ ni amɛná beni amɛkɛ wolo lɛ tsuɔ nii lɛ, titri lɛ nɔ ni kɔɔ Biblia mli nikasemɔi ni amɛje shishi lɛ ahe.
Lala 220 kɛ naagbee sɔlemɔ.
Otsi ni Jeɔ Shishi February 26
Min. 15: Asafoŋ adafitswai. Kaimɔ mɛi fɛɛ koni amɛkɛ shiɛmɔyaa he akɔntaabui kɛha February lɛ aha. Ná Ŋmalɛi lɛ Amli ni Wɔɔkwɛ Daa wolo lɛ he sɛɛ. Wiemɔ kɛ toibolɔi ni akɛaagba sane ni damɔ hiɛkpamɔ wiemɔ ni yɔɔ Ŋmalɛi lɛ Amli ni Wɔɔkwɛ Daa—2007 wolo lɛ mli lɛ nɔ. Tsɔɔmɔ bɔ ni ehe hiaa akɛ mɔ fɛɛ mɔ kɛ minitii fioo ko asusu Ŋmalɛ lɛ kɛ wiemɔi ni aŋmala yɛ amɛshishi lɛ ahe lɛ mli. Tsɔ hiɛ ni oha mɔ kome loo mɛi enyɔ asaa amɛhe koni amɛbawie bɔ ni amɛto ŋmalɛ lɛ he susumɔ gbɛjianɔ, kɛ bɔ ni amɛná he sɛɛ amɛha lɛ he. Okɛ afi ŋmalɛ kɛha afi 2007 lɛ he sanegbaa kuku amu naa.
Min. 15: “Ohiɛ Akakpa Mɛi ni Ekpa Shiɛmɔyaa kɛ Kpeeiyaa lɛ Anɔ.” Okɛ saji ni yɔɔ May 1, 2004, Buu-Mɔɔ lɛ baafa 21-22, kuku 13-16 lɛ mli lɛ afata he.
Min. 15: “Kasemɔ Kristo yɛ Oshiɛmɔ Nitsumɔ lɛ Mli.” Ha toibolɔi lɛ akane ni amɛwie ŋmalɛi ni aŋmalako amɛmli wiemi lɛ ahe bɔ ni be baaŋmɛ gbɛ.
Lala 18 kɛ naagbee sɔlemɔ.
Otsi ni Jeɔ Shishi March 5
Min. 15: Asafoŋ adafitswai. Ha mɔ fɛɛ mɔ ni yɔɔ kpee nɛɛ shishi lɛ Kaimɔ lɛ he ninefɔ̃ɔ wolo krɛdɛɛ lɛ eko, ni otsɔɔ gbɛjianɔi ni ato kɛha wolo nɛɛ jaa yɛ nyɛshikpɔŋkuku lɛ mli. Wo mɔ fɛɛ mɔ hewalɛ ni ekɛ ehe awo wolo nɛɛ jaa lɛ mli kɛmɔ shi. Ha afee nɔkwɛmɔnɔ kɛtsɔɔ bɔ ni aaafee akɛ ninefɔ̃ɔ wolo lɛ aha.
Min. 15: Shiɛmɔ Sanekpakpa lɛ yɛ Gbɛjianɔtoo Kpakpa Naa. Wiemɔ kɛ toibolɔi ni akɛaagba sane ni yɔɔ saneyitso bibioo ni yɔɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 102 lɛ mli kɛyashi yitso lɛ naagbee.
Min. 15: “Akɛ Jwetri ko Ewo Wɔdɛŋ.” Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.
Lala 104 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.