Sɔɔmɔ Kpee He Gbɛjianɔtoo

Otsi ni Jeɔ Shishi December 11

Lala 174

Min. 8: Asafoŋ adafitswai. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ December 1 Buu-Mɔɔ aha, kɛ gbɛ ni abaatsɔ nɔ akɛ December Awake! lɛ he klɛŋklɛŋ shiɛmɔ wiemɔ lɛ atsu nii. Yɛ nɔkwɛmɔnii lɛ ekome mli lɛ, ha shiɛlɔ lɛ afee gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ, “I’m not interested” (Mibɛ he miishɛɛ) lɛ agba sane he nɔkwɛmɔnɔ.—Kwɛmɔ Reasoning wolo lɛ bf. 16 lɛ mli.

Min. 17: Teokrase Sɔɔmɔ Skul Kɛha Afi 2007. Wiemɔ kɛ saji ni aaabi mɛi, ni skul nɔkwɛlɔ lɛ baatsu he nii. Maa saji otii ni yɔɔ nɔ ni aŋma ahɔ October 2006 Wɔ Maŋtsɛyeli Sɔɔmɔ lɛ mli ni he baaba sɛɛnamɔ kɛha nyɛsafo lɛ skul lɛ nɔ mi. Tsɔɔmɔ mli akɛ skul nɔkwɛlɔ lɛ tsɔŋ hiɛ etsiŋ wiemɔ su ni skulnyo ko baatsu he nii lɛ tã. Akɛni wɔbaakane Hebri Ŋmalɛi lɛ kɛjɛ Yesaia 24 kɛyashi Maleaki wolo lɛ naagbee yɛ afi 2007 mli hewɔ lɛ, eji hegbɛ kpele kɛha nyɛmimɛi hii ni baatsu Biblia kanemɔ mli saji otii anɔmimaa lɛ he nii, kɛ nyɛmimɛi krokomɛi ni baawie nɔ ni amɛkase yɛ otsi lɛ Biblia kanemɔ lɛ mli lɛ he lɛ akɛ amɛkɛ wɔwoji ni haa anuɔ gbalɛi nɛɛ ashishi lɛ aaatsu nii kɛsaa amɛhe. Bi mɛi ni nyiɛ sɛɛ nɛɛ ateŋ mɛi enyɔ loo etɛ ni ji shiɛlɔi lɛ saji: skulnyo hee, oblanyo loo oblayoo fioo ni miiya ehiɛ yɛ skul lɛ mli, kɛ skulnyo ni yɔɔ niiashikpamɔ babaoo. Ha amɛgba bɔ ni skul lɛ ená amɛshiɛmɔ nitsumɔ lɛ kɛ wekukpaa ni kã amɛkɛ Nyɔŋmɔ teŋ lɛ nɔ hewalɛ eha. Wo mɛi fɛɛ hewalɛ ni amɛtsu amɛnifeemɔi lɛ ahe nii jogbaŋŋ, amɛkɛ amɛhe awo Biblia mli saji otii anɔmimaa lɛ he sanegbaa lɛ mli jogbaŋŋ, ni amɛkɛ ŋaawoi ni akɛhaa daa otsi kɛjɛɔ Ná Teokrase Sɔɔmɔ Skul Tsɔsemɔ lɛ He Sɛɛ wolo lɛ mli lɛ atsu nii jogbaŋŋ. Tsɔɔmɔ mli ákɛ akɛ woji krokomɛi efata he koni mɛi ni nyɛɛɛ blɔfo akane lɛ kɛtsu nii. Enɛ baaha mɛi fɛɛ kɛ woji ni yɔɔ amɛ diɛŋtsɛ amɛwiemɔ mli lɛ asaa amɛhe.—Kwɛmɔ enɛ he sane yɛ Adafitswaahe lɛ.

Min. 20: “Kaaŋmɛɛ Oklɛŋklɛŋ Suɔmɔ lɛ He.”a Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.

Lala 193 kɛ naagbee sɔlemɔ.

Otsi ni Jeɔ Shishi December 18

Lala 150

Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Kanemɔ “Sɔɔmɔ Afi Akɔntaabuu” lɛ ni yɔɔ Adafitswai lɛ amli lɛ kɛ August Sɔɔmɔ Akɔntaabuu lɛ ni nyɛgba he sane. Wo mɛi fɛɛ hewalɛ ni amɛkɛ shiɛmɔyaa he akɔntaabuu lɛ aha yɛ be naa koni akɔntaabui lɛ afee nɔ ni ja. Tsɔɔmɔ shiɛmɔyaa he gbɛjianɔi krɛdɛɛi ni ato kɛha December 25 kɛ January 1.

Min. 15: “Kuu Osɛɛ Oya Mɛi Fɛɛ ni Ná Wiemɔ lɛ He Miishɛɛ ko lɛ Aŋɔɔ.”b Ha toibolɔi atsɔɔ gbɛ nɔ ni amɛtsɔ ní amɛnine shɛ mɛi ni ná wiemɔ lɛ he miishɛɛ lɛ adrɛs loo tɛlifoŋ nɔmba nɔ, beni amɛyeɔ trukaa odase loo amɛtsuɔ gbɛjegbɛ nɔ nitsumɔ lɛ, ní amɛgba niiashikpamɔi ni yɔɔ miishɛɛ ni amɛná beni amɛku amɛsɛɛ amɛyasara mɛi nɛɛ lɛ. Abaanyɛ aha amɛteŋ mɔ kome loo mɛi enyɔ ale enɛ kɛtsɔ hiɛ.

Min. 20: Okɛ Biblia lɛ Atsu Nii Kɛha Mɛi Hetoo. Toibolɔi ni akɛaagba sane ni damɔ saneyitso bibioo ni ji “Suɔmɔ ni Wɔɔjie Kpo yɛ Anɔkwalei ni Wɔtsɔɔ Mɛi lɛ Ahe” ni je kpo yɛ August 15, 2002 Buu-Mɔɔ lɛ baafa 17-18 lɛ nɔ. Ha toibolɔi lɛ aha sanebimɔi lɛ eko fɛɛ eko hetoo. Ha afee nɔkwɛmɔnɔ ni tsɔɔ shiɛlɔ ko ni kɛ Reasoning wolo lɛ miitsu nii koni ejɛ Ŋmalɛi lɛ amli eha enaanyo nitsulɔ ko ni bi lɛ akɛ, “Mɛni hewɔ nyɛyeee Blonya lɛ?” lɛ hetoo.

Lala 168 kɛ naagbee sɔlemɔ.

Otsi ni Jeɔ Shishi December 25

Lala 210

Min. 9: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ December 15 Buu-Mɔɔ aha loo gbɛ ni abaatsɔ nɔ akɛ December Awake! lɛ shiɛmɔ wiemɔ ni ji enyɔ lɛ atsu nii. Yɛ nɔkwɛmɔnɔ lɛ naagbee lɛ, shiɛlɔ lɛ abi sane ko ni haa mɔ susuɔ nii ahe ní ebaanyɛ eha hetoo kɛjɛ Biblia lɛ Tsɔɔ wolo lɛ mli be kroko kɛ́ etee eyaafee sɛɛkuu-kɛsaramɔ.

Min. 18: Asafoŋ hiamɔ nii. Asafoi ni etee amɛkpokpaa wulu nɔ kpeei lɛ momo lɛ baanyɛ amɛkɛ fã nɛɛ atĩ kpee lɛ mli taakɛ atsɔɔ mli yɛ November 2006 Wɔ Maŋtsɛyeli Sɔɔmɔ lɛ baafa 2 lɛ.

Min. 18: “Ani Oyɛ Bo Diɛŋtsɛ Oshikpɔŋkuku?”c Okɛ nɔ ni sɔɔmɔ nitsumɔ nɔkwɛlɔ lɛ eha ole ni kɔɔ bɔ ni nyɛshikpɔŋkuku lɛ da ha, bei abɔ ni eheɔ ni akɛtsuɔ mli nii agbeɔ naa, kɛ shikpɔŋkuku ni yɔɔ ni mɔ diɛŋtsɛ baanyɛ atsu mli nii he lɛ he saji kukuji afata he.

Lala 219 kɛ naagbee sɔlemɔ.

Otsi ni Jeɔ Shishi January 1

Lala 158

Min. 5: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha December lɛ aha.

Min. 20: Shiɛmɔ Nitsumɔ lɛ Nɔyaa He Amaniɛbɔɔ. Wiemɔ kɛ toibolɔi ni akɛaagba sane ni yɔɔ saneyitso bibioo ni yɔɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 83 kɛyashi yitso lɛ naagbee lɛ. Kɛ́ nyɛmiisusu baafa 85-87 lɛ he lɛ, maa nɔ mi akɛ ehe miihia ni mɔ fɛɛ mɔ kɛ eshiɛmɔ nitsumɔ he akɔntaabuu aha mra yɛ nyɔŋ fɛɛ nyɔŋ nɔ. Tĩi sane ni ji “Shiɛmɔyaa He Akɔntaabuu ni Akɛhaaa Mra” ni je kpo yɛ November 2006 Wɔ Maŋtsɛyeli Sɔɔmɔ lɛ baafa 2-3 lɛ mli lɛ mli kuku.

Min. 20: “Te Mibuɔ Nibii ni Anáa Kɛjɛɔ Nibii Titrii Ejwɛ ni Feɔ Lá kɛ Helatsamɔ Nifeemɔi ni akɛ Mi Diɛŋtsɛ Milá Baatsu Nii yɛ Mli lɛ Mihaa Tɛŋŋ?” Sanegbaa kɛtsɔ sanebimɔ kɛ hetoo nɔ kɛ nɔkwɛmɔnɔ. Esa akɛ onukpa ni baatsu enɛ he nii lɛ kɛ wiemɔ he wolo ni nitsumɔhe nine lɛ kɛha lɛ atsu nii pɛpɛɛpɛ. Esa akɛ mɛi ni baaya kpokpaa wulu nɔ kpee yɛ otsi nɛɛ mli lɛ ato gbɛjianɔ ni amɛsusu sane nɛɛ he yɛ otsi kroko mli.

Lala 120 kɛ naagbee sɔlemɔ.

[Shishigbɛ niŋmai]