Sɔɔmɔ Kpee He Gbɛjianɔtoo
Otsi ni Jeɔ Shishi October 9
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii kɛfee bɔ ni abaafee akɛ October 1 Buu-Mɔɔ lɛ aha, ní akɛ klɛŋklɛŋ gbɛtsɔɔmɔ ni akɛha kɛha October Awake! lɛ hu afee bɔ ni aaafee akɛ no kɛ Maŋtsɛyeli Sane ni Ji 37 lɛ aha he nɔkwɛmɔnɔ.
Min. 15: “Ye Obua Mɛi Krokomɛi ni Amɛbatsɔmɔ Nyɔŋmɔ Nanemɛi.”a Ha toibolɔi lɛ agba bɔ ni nɔkwɛmɔnɔ kpakpa ni mɛi feɔ kɛ amɛtsuiŋ ni amɛjɛɔ amɛsɔleɔ lɛ ye bua amɛ ni anyɛ abaptisi amɛ.
Min. 20: Saamɔ Ohe Kɛha Maŋtsɛyeli Sane ni Ji 37 lɛ Jaa. Wiemɔ kɛ toibolɔi ni akɛaagba sane. Nyɛtĩa gbɛjianɔ ni ato kɛha tafãa lɛ mli. Asusu he yɛ September Wɔ Maŋtsɛyeli Sɔɔmɔ lɛ mli. Wó shiɛlɔi fɛɛ hewalɛ koni amɛkɛ amɛhe awo mli kɛmɔ shi. Wó shiɛlɔi ni yɔɔ Biblia kaselɔi ní miiya amɛhiɛ lɛ hewalɛ koni amɛbi kɛji abaanyɛ akpɛlɛ amɛ-Biblia kaselɔi lɛ anɔ koni amɛkɛ amɛhe awo tafãa lɛ mli ákɛ shiɛlɔi ni abaptisiko amɛ. Fɔlɔi hu baanyɛ abi kɛji amɛbii lɛ baanyɛ amɛkɛ amɛhe awo mli ákɛ shiɛlɔi ni abaptisiko amɛ. Wiemɔ nibii ni ataoɔ yɛ mɛi ni tamɔ nakai lɛ ahe lɛ he kuku. Enɛ he sane jeɔ kpo yɛ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 79-81 lɛ mli.
Lala 221 kɛ naagbee sɔlemɔ.
Otsi ni Jeɔ Shishi October 16
Min. 10: Asafoŋ adafitswai.
Min. 20: Ná Asafo Woloŋ Nikasemɔ lɛ He Sɛɛ. Wiemɔ kɛ toibolɔi ni akɛaagba sane ni yɔɔ saneyitso bibioo ni yɔɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 69 lɛ mli kɛyashi klɛŋklɛŋ saneyitso bibioo ni yɔɔ baafa 72 lɛ mli.
Min. 15: “Mɛni Okɛyeɔ Klɛŋklɛŋ Gbɛhe yɛ Oshihilɛ Mli?”b Ha shiɛlɔi komɛi atsɔɔ tsakemɔi ni amɛfee yɛ amɛgbɛjianɔtoo mli bɔni afee ni amɛkɛ Maŋtsɛyeli lɛ he nibii aye klɛŋklɛŋ gbɛhe kɛ jɔɔmɔi ni enɛ kɛbaha amɛ. Ha shiɛlɔi nɛɛ ale enɛ kɛtsɔ hiɛ.
Lala 172 kɛ naagbee sɔlemɔ.
Otsi ni Jeɔ Shishi October 23
Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Ha akɛ gbɛtsɔɔmɔ ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii kɛfee nɔkwɛmɔnɔ kɛtsɔɔ bɔ ni abaafee ni akɛ October 15 Buu-Mɔɔ lɛ aha, ní akɛ gbɛtsɔɔmɔ ni ji enyɔ ni akɛha kɛha October Awake! lɛ hu afee bɔ ni aaafee akɛha he nɔkwɛmɔnɔ. Ha nɔkwɛmɔnii lɛ ateŋ ekome akɔ gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ, “Why do you people call so often” (Mɛni hewɔ nyɛfɔɔ wɔŋɔɔ baa nakai lɛ?) lɛ agba sane.—Kwɛmɔ Reasoning wolo lɛ bf. 20 lɛ mli.
Min. 15: Asafoŋ hiamɔ nii.
Min. 20: “Ná Kpeei Kɛha Shiɛmɔyaa lɛ Ahe Sɛɛ Kɛmɔ Shi.”c Kɛ́ nyɛmiisusu kuku 3 lɛ he lɛ, okɛ September 2001 Wɔ Maŋtsɛyeli Sɔɔmɔ lɛ Sanebimɔ He lɛ mli kuku 4 lɛ mli sane ni kɔɔ bɔ ni esa akɛ afee kpee lɛ aha kɛji ebalɛ akɛ nyɛmimɛi hii ni he esa bɛ ni baakwɛ nɔ lɛ afata he.
Lala 143 kɛ naagbee sɔlemɔ.
Otsi ni Jeɔ Shishi October 30
Lala 207
Min. 10: Asafoŋ adafitswai. Kaimɔ shiɛlɔi koni amɛkɛ amɛshiɛmɔyaa he akɔntaabuu aha. Amɛkai koni amɛŋma Maŋtsɛyeli Sane ni Ji 37 lɛ yibɔ ni amɛkɛha yɛ akɔntaabuu wolo lɛ sɛɛ.
Min. 15: Mɛɛ Gbɛ Nɔ Matsɔ Mashiɛ Maha Minanemɛi Skulbii? Wiemɔ kɛ toibolɔi ni akɛaagba sane ni yɔɔ March 22, 2002 Awake! lɛ baafa 10-12 lɛ. Ha toibolɔi agba niiashikpamɔi ni yɔɔ miishɛɛ ni amɛná yɛ amɛskulbii ni amɛshiɛɔ amɛhaa lɛ mli.
Min. 20: Niiashikpamɔi ni Aná yɛ Maŋtsɛyeli Sane ni Ji 37 lɛ Ajaa Mli. Ha shiɛlɔi agba niiashikpamɔi ni woɔ mɔ hewalɛ ni amɛná yɛ Maŋtsɛyeli Sane ni Ji 37 lɛ jaa mli. Tsɔɔmɔ he ni nyɛtsu nyɛshikpɔŋkuku lɛ mli kɛshɛ, kɛ nɔ ni ebaabi ni nyɛfee bɔni afee ni nyɛnyɛ nyɛtsu fɛɛ mli nii dani November 12 lɛ aho. Ha akɛ Biblia Tsɔɔ wolo lɛ atsu nii kɛfee sɛɛkuu-kɛsaramɔ he nɔkwɛmɔnɔ. Kaimɔ shiɛlɔi koni amɛkɛ Maŋtsɛyeli Sane ni Ji 37 ní amɛnyɛŋ amɛja dani tafãa lɛ aba naagbee lɛ abaha koni akɛha mɛi krokomɛi ni amɛja.
Lala 136 kɛ naagbee sɔlemɔ.
Otsi ni Jeɔ Shishi November 6
Min. 8: Asafoŋ adafitswai. Akɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ baaha yɛ naagbee otsii enyɔ ni yɔɔ November mli lɛ mli. Ha akɛ gbɛtsɔɔmɔi ni yɔɔ January 2005 Wɔ Maŋtsɛyeli Sɔɔmɔ lɛ baafa 3-4 lɛ mli aloo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii kɛfee nɔkwɛmɔnɔ kɛtsɔɔ bɔ ni abaafee ni akɛha.
Min. 22: Ha Oyookpeemɔ Gbi lɛ Afee Nɔ ni Yɔɔ Miishɛɛ kɛ Nyam Babaoo. Wiemɔ ni onukpa ko baajɛ sane ni yɔɔ October 15, 2006 Buu-Mɔɔ lɛ baafa 28-31 lɛ mli eha.
Min. 15: Wiemɔ lɛ Shiɛmɔ Kɛ Miishɛɛ Baa. Toibolɔi ni akɛaagba sane ni yɔɔ January 15, 2002 Buu-Mɔɔ lɛ baafa 8-9 lɛ. Ha toibolɔi lɛ agba bɔ ni shiɛmɔ nitsumɔ lɛ haa amɛnáa miishɛɛ hã. Obaanyɛ oha amɛteŋ mɔ kome loo mɛi enyɔ ale enɛ kɛtsɔ hiɛ.
Lala 8 kɛ naagbee sɔlemɔ.
[Shishigbɛ niŋmai]
a Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
b Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.
c Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.