Sɔɔmɔ Kpee He Gbɛjianɔtoo

Otsi ni Jeɔ Shishi August 14

Lala 163

Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 4 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii kɛfee nɔkwɛmɔnɔ kɛtsɔɔ bɔ ni abaafee ni akɛ August 1 loo August 15 Buu-Mɔɔ lɛ aha, ni oha akɛ shiɛmɔ wiemɔi kɛha August Awake! lɛ ateŋ ekome afee bɔ ni aaafee akɛha he nɔkwɛmɔnɔ. Kɛji akɛ Buu-Mɔɔ miiha lɛ, ha afee gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ, “I’m not interested in Jehovah’s Witnesses” (Mibɛ Yehowa Odasefoi ahe miishɛɛ) lɛ agba sane he nɔkwɛmɔnɔ. (Kwɛmɔ Reasoning wolo lɛ bf. 17-18 lɛ mli.) Yɛ nɔkwɛmɔnɔ ni ji enyɔ lɛ mli lɛ ha akɛ Awake! lɛ aha beni aafee sɛɛkuu-kɛsaramɔ yɛ mɔ ko ni ahaa lɛ woji tɛtrɛbii lɛ eko daa lɛ ŋɔɔ.

Min. 15: “Awake! Wolo Krɛdɛɛ ko ní Akɛbaaha yɛ September.”a Kɛ́ nyɛmiisusu kuku 4 lɛ he lɛ, ha afee nɔkwɛmɔnɔ ni miitsɔɔ oblanyo loo oblayoo fioo ko ni kɛ September Awake! lɛ eko miiha tsɔɔlɔ ko.

Min. 20: Naanyobɔɔ yɛ Skul—Nɛgbɛ Esa akɛ Okɛ Amɛ Abɔ Kɛyashi? Wiemɔ kɛ toibolɔi ni akɛaagba sane ni yɔɔ April 2006 Awake! lɛ baafa 17-19 lɛ. Bi toibolɔi lɛ ateŋ mɛi ni atsɔse amɛ yɛ Kristofoi ashĩai amli lɛ koni amɛtsɔɔ bɔ ni amɛfɔlɔi saa amɛ koni amɛnyɛ amɛdamɔ kaai ni amɛkɛaakpe yɛ skul lɛ anaa, ni asaŋ amɛkɛ Biblia shishitoo mlai atsu nii yɛ skul. Obaanyɛ oha amɛteŋ mɔ kome loo mɛi enyɔ ale enɛ kɛtsɔ hiɛ.

Lala 164 kɛ naagbee sɔlemɔ.

Otsi ni Jeɔ Shishi August 21

Lala 62

Min. 10: Asafoŋ adafitswai kɛ adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.

Min. 15: Ná Buu-Mɔɔ Nikasemɔ kɛ Maŋshiɛmɔ lɛ Ahe Sɛɛ. Wiemɔ kɛ toibolɔi ni akɛaagba sane ni damɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 59 kɛyashi saneyitso bibioo ni yɔɔ baafa 64 lɛ nɔ.

Min. 20: Too Gbɛjianɔ Amrɔ Nɛɛ Koni Okɛ Ohe Awo Gbɛgbalɔi Awamɔ Nitsumɔ lɛ Mli! Wiemɔ kɛ toibolɔi ni akɛaagba sane. Wó hewalɛ koni mɔ fɛɛ mɔ kɛfee oti ni ma ehiɛ akɛ kɛ hooo kwraa lɛ, ekɛ ehe baawo gbɛgbalɔi awamɔ nitsumɔ lɛ mli nyɔŋ kome yɛ sɔɔmɔ afi hee lɛ mli. (1 Kor. 9:26) Ekolɛ mɛi komɛi baahala nyɔŋ ni nifeemɔ krɛdɛɛ ko yɔɔ mli aloo nyɔŋ ko ni hejɔɔmɔ gbi yɔɔ mli aloo nɔ ni otsii anaagbee fa yɛ mli. Bi toibolɔi lɛ akɛ: “Mɛɛ gbɛ nɔ otsɔ oye naagbai anɔ kunim yɛ be ni eho lɛ amli ni no ha onyɛ okɛ ohe wo gbɛgbalɔi awamɔ nitsumɔ lɛ mli? Mɛɛ jɔɔmɔi jɛɔ gbɛgbalɔi awamɔ nitsumɔ lɛ mli ni akɛhe woɔ lɛ mli kɛbaa? Kɛji ooshwe ni okɛ ohe awo mli shi obɛ nɔmimaa akɛ obaanyɛ ofee lɛ, mɛni hewɔ esa akɛ osɔle yɛ he lɛ? (Bɔf. 4:29; 2 Kor. 4:7; Yak. 1:5) Mɛni hewɔ ehi akɛ okɛ oweku lɛ kɛ mɛi krokomɛi ni yɔɔ asafo lɛ mli, ni titri lɛ mɛi ni yɔɔ shihilɛ ni tamɔ onɔ̃ lɛ nɔŋŋ mli lɛ aaasusu nɔ ni otaoɔ ofee nɛɛ he lɛ? (Abɛi 15:22) Mɛɛ be oto ni okɛ ohe baawo gbɛgbalɔi awamɔ nitsumɔ lɛ mli?”

Lala 216 kɛ naagbee sɔlemɔ.

Otsi ni Jeɔ Shishi August 28

Lala 17

Min. 5: Asafoŋ adafitswai. Kaimɔ shiɛlɔi fɛɛ koni amɛkɛ shiɛmɔyaa he akɔntaabuu kɛha August aha. Wó mɔ fɛɛ mɔ hewalɛ ni ekwɛ gbɛtsɔɔmɔi ni yɔɔ baafa 4 lɛ mli koni ekɛtsu nii kɛ́ ekɛ woji tɛtrɛbii lɛ miiha yɛ nyɛshikpɔŋkuku lɛ mli.

Min. 20: Ani Obaanyɛ Oje Biblia Nikasemɔ Shishi yɛ September? Wiemɔ kɛ nɔkwɛmɔnii. Yɛ September mli lɛ, wɔbaabɔ mɔdɛŋ jogbaŋŋ koni wɔkɛ wolo ni ji Biblia lɛ Tsɔɔ lɛ aje Biblia mli nikasemɔi ashishi yɛ klɛŋklɛŋ kwraa ni wɔɔya shiatsɛmɛi lɛ aŋɔɔ. Enɛ tsɔɔ akɛ, kɛ́ wɔkɛ wolo lɛ ha shiatsɛ ko lɛ, wɔbaabɔ mɔdɛŋ koni wɔ kɛ lɛ asusu emli kukuji fioo komɛi ahe. Ha akɛ saneyitsei ni sa nyɛshikpɔŋkuku lɛ atsu nii kɛfee enɛ he nɔkwɛmɔnii enyɔ. Ha bɔ ni afeɔ atoɔ gbɛjianɔ kpakpa kɛha sanegbaa lɛ nɔtsamɔ aje kpo yɛ nɔkwɛmɔnɔ lɛ eko fɛɛ eko mli.

Min. 20: “Ani Obuɔ Gbalashihilɛ Akɛ Eyɛ Krɔŋkrɔŋ?”b Onukpa ko baatsu he nii. Ha akane kukuji lɛ amli ni nyɛsusu he, ni otsɔɔ bɔ ni ŋmalɛi titrii ni atsɛ́ yisɛɛ lɛ kɔɔ sane ni asusuɔ he lɛ he ha. Jiemɔ nyɛmimɛi lɛ ayi yɛ bulɛ ni mli kwɔ ni amɛyɔɔ kɛha gbalashihilɛ lɛ hewɔ.

Lala 37 kɛ naagbee sɔlemɔ.

Otsi ni Jeɔ Shishi September 4

Lala 90

Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ.

Min. 15: Obaanyɛ Owo Mɛi Hewalɛ. (Rom. 1:11, 12) Wiemɔ kɛ toibolɔi ni akɛaagba sane. Tsɔɔmɔ daa gbɛgbalɔi abɔ ni yɔɔ nyɛsafo lɛ mli. Tsĩi tã akɛ wɔbaanyɛ wɔtsɔ nifeemɔi tamɔ amɛyijiemɔ, gbɛgbamɔ nitsumɔ lɛ he ekpakpa ni wɔɔwie, amɛhe ni wɔɔfata kɛya shiɛmɔ, nine ni wɔɔfɔ̃ amɛ kɛha niyeli, kɛ tsɔnei ni amɛtaraa mli lɛ ni wɔɔwo nyɔmɔ wɔha amɛ lɛ anɔ wɔwo amɛ hewalɛ. Bi gbɛgbalɔi lɛ koni amɛtsɔɔ bɔ ni mɛi ewo amɛ hewalɛ amɛha. Kɛ́ nyɛbɛ daa gbɛgbalɔ yɛ nyɛsafo lɛ mli lɛ, no lɛ nyɛsusua gbɛ ni wɔɔtsɔ nɔ wɔwo mɛi ni kɛ amɛhe woɔ gbɛgbalɔi awamɔ nitsumɔ lɛ mli lɛ hewalɛ lɛ he.

Min. 20: “Fó Mɛi Krokomɛi Anɔ̃ Mli—Kɛtsɔ ni Oooshiɛ Otsɔɔ Mɛi Fɛɛ ni Hiɛaŋkwɛmɔ Bɛ Mli Nɔ.”c Kɛ́ nyɛmiisusu Romabii 1:14 ni atsɛ́ yisɛɛ yɛ kuku 2 lɛ naagbee lɛ he lɛ, wiemɔ saneyitso ni ji “Barbarian” (Jekɔnyo) ni yɔɔ Insight wolo Kpo 1 lɛ baafa 255 lɛ mli klɛŋklɛŋ kuku lɛ mli sane lɛ he kuku ofata he. Kɛ́ nyɛsusu kuku 3 lɛ he nyɛgbe naa lɛ, tĩi nifeemɔi etɛ ni atsɔɔ mli yɛ Good News for People of All Nations wolo bibioo lɛ baafa 2 lɛ mli lɛ mli, ni oha afee bɔ ni aaafee akɛ wolo bibioo nɛɛ aye abua mɛi ni yɔɔ nyɛshikpɔŋkuku lɛ mli ní wieɔ wiemɔ krokomɛi lɛ he nɔkwɛmɔnɔ.

Lala 225 kɛ naagbee sɔlemɔ.

[Shishigbɛ niŋmai]