Sɔɔmɔ Kpee He Gbɛjianɔtoo

Otsi ni Jeɔ Shishi June 12

Lala 218

Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii kɛfee nɔkwɛmɔnɔ kɛtsɔɔ bɔ ni abaafee ni akɛ June 1 Buu-Mɔɔ lɛ aha, no sɛɛ lɛ akɛ klɛŋklɛŋ gbɛtsɔɔmɔ ni akɛha yɛ bɔ ni aaafee akɛ June Awake! lɛ aha lɛ atsu nii koni akɛfee gbɛ nɔ ni aaatsɔ akɛha he nɔkwɛmɔnɔ. Ha nɔkwɛmɔnii lɛ ateŋ ekome akɔ shiɛlɔ ko ni kɛ woji tɛtrɛbii lɛ ha beni eyeɔ trukaa odase lɛ he.

Min. 20: “Wɔshiɛmɔ Nitsumɔ Lɛ—Etsɔɔ Musuŋtsɔlɛ ni Wɔyɔɔ.”a Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.

Min. 15: “Tsulɔ Anɔkwafo Kɛ Nilelɔ” Lɛ Ní Wɔkɛ Wɔhiɛ Aaafɔ̃ Enɔ. Wiemɔ kɛ toibolɔi ni akɛaagba sane ni damɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ yitso 3 lɛ nɔ.

Lala 47 kɛ naagbee sɔlemɔ.

Otsi ni Jeɔ Shishi June 19

Lala 21

Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.

Min. 20: Wiemɔ ni Awie Yɛ Be ni Sa Mli lɛ Ehĩ Pam! Wiemɔ kɛ toibolɔi ni akɛaagba sane ni damɔ January 1, 2006, Buu-Mɔɔ lɛ baafa 16-19 lɛ nɔ. Kɛ́ ookpa wiemɔ lɛ hiɛ lɛ, maa sɛɛnamɔi ejwɛ ni jɛɔ mɛi krokomɛi ayi ni ajieɔ lɛ mli kɛbaa, ní asusu he yɛ saneyitso fioo ni ji “Nibii Kpakpai ni Jɛɔ Mli Kɛbaa” lɛ mli lɛ anɔ mi. No sɛɛ lɛ, ha toibolɔi lɛ aha sanebimɔi ni nyiɛ sɛɛ nɛɛ ahetoo: Namɔ ji mɔ titri ni sa akɛ wɔjie eyi? Mɛni hewɔ esa akɛ wɔjie wɔnanemɛi jálɔi lɛ ayi yɛ gbɛ ni sa nɔ lɛ? Mɛɛ nifeemɔi haa wɔnáa hegbɛ ni wɔkɛaajie mɛi ayi yɛ asafo lɛ mli? Mɛni hewɔ sɛɛnamɔ yɔɔ he akɛ wɔɔjie wɔweku lɛ mlibii lɛ ayi, ni mɛɛ gbɛ nɔ wɔɔtsɔ wɔfee enɛ? Mɛɛ gbɛ nɔ oyi ni mɔ ko jie lɛ wo bo hewalɛ loo ewaje bo?

Min. 15: “Fó Mɛi Krokomɛi Anɔ̃ Mli—Kɛtsɔ Amɛyijiemɔ Nɔ.”b Ha afee nɔkwɛmɔnɔ kuku ko kɛtsɔɔ bɔ ni shiɛlɔ ko bo shiatsɛ ko toi jogbaŋŋ, ní ejɛ etsuiŋ ejie eyi, ni no sɛɛ lɛ, ejɛ nɔ ni shiatsɛ lɛ wie lɛ mli ekɛ lɛ susu ŋmalɛ ko ni sa he.

Lala 96 kɛ naagbee sɔlemɔ.

Otsi ni Jeɔ Shishi June 26

Lala 63

Min. 15: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni hi ha nyɛsafo lɛ shikpɔŋkuku lɛ atsu nii ni akɛfee nɔkwɛmɔnɔ kɛtsɔɔ bɔ ni abaafee ni akɛ June 15 Buu-Mɔɔ lɛ aha, ní akɛ June Awake! lɛ he shiɛmɔ wiemɔ ni ji enyɔ lɛ hu afee bɔ ni abaafee ni akɛ no hu aha lɛ he nɔkwɛmɔnɔ. Yɛ nɔkwɛmɔnii lɛ eko fɛɛ eko naagbee lɛ, shiɛlɔ lɛ abi sane ko ni haa mɔ susuɔ nii ahe ní abaanyɛ aha hetoo kɛjɛ Biblia lɛ Tsɔɔ wolo lɛ mli be kroko kɛ́ etee eyaafee sɛɛkuu-kɛsaramɔ.

Min. 30: “Afi 2006 ‘Kpɔ̃mɔ Ebɛŋkɛ’ Yehowa Odasefoi a-Kpokpaa Wulu nɔ Kpee.”c Asafoŋ woloŋmalɔ lɛ baatsu he nii. Wó mɛi fɛɛ hewalɛ koni amɛbɔi gbɛjianɔtoo amrɔ nɔŋŋ kɛha kpeei ni wɔbaaya lɛ.

Lala 48 kɛ naagbee sɔlemɔ.

Otsi ni Jeɔ Shishi July 3

Lala 111

Min. 10: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabuu kɛha June lɛ aha kɛ́ amɛfeko nakai.

Min. 15: Sanekpakpa lɛ Shiɛmɔ yɛ July Mli. Mɛɛ saji titrii mɛi ni yɔɔ nyɛshikpɔŋkuku lɛ mli lɛ nyaa he? Okɛ shiɛlɔ kome loo mɛi enyɔ ní kɛ Biblia lɛ Tsɔɔ wolo lɛ etsu nii jogbaŋŋ ní ekolɛ amɛkɛ mɛi eje Biblia mli nikasemɔ shishi yɛ mli lɛ agba sane. No sɛɛ lɛ, ha akɛ shiɛmɔ wiemɔ ko ní ekɛ nitsumɔ mɔɔ shi jogbaŋŋ yɛ nyɛshikpɔŋkuku lɛ mli lɛ atsu nii kɛfee gbɛ ni aaatsɔ nɔ akɛ wolo lɛ aha yɛ shia kɛ shia he nɔkwɛmɔnɔ.—Kwɛmɔ January afi 2005 Wɔ Maŋtsɛyeli Sɔɔmɔ lɛ baafa 8, kuku 5 lɛ mli.

Min. 20: “Bɔ ni Ooofee Otsu Mumɔŋ Otii ni Okɛmamɔ Ohiɛ lɛ Ahe Nii.”d Ha oblahii kɛ oblayei ni yɔɔ nyɛsafo lɛ mli lɛ atsɔɔ mumɔŋ otii ni amɛkɛmamɔ amɛhiɛ, kɛ nɔ ni amɛfeɔ yɛ he amrɔ nɛɛ bɔni afee ni amɛshɛ otii nɛɛ ahe. Abaanyɛ aha amɛteŋ mɔ kome loo mɛi enyɔ ale enɛ kɛtsɔ hiɛ.

Lala 30 kɛ naagbee sɔlemɔ.

[Shishigbɛ niŋmai]