Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Apr. 1

“Nɛkɛ wiemɔi nɛɛ ni ale jogbaŋŋ lɛ maa nɔ mi akɛ ehe yɛ sɛɛnamɔ akɛ aaaná Nyɔŋmɔ he nilee. [Kanemɔ Mateo 4:4.] Ni kɛlɛ, ewa kɛha mɛi babaoo akɛ amɛaanu Nyɔŋmɔ Wiemɔ lɛ shishi. Ani oyɔse akɛ nakai eji? [Ŋmɛɛ gbɛ ni eha hetoo.] Wolo tɛtrɛɛ nɛɛ tsɔɔ otii pɔtɛɛi ni baanyɛ aye abua bo ni onu Biblia lɛ shishi.”

Awake! Apr.

“Mɛi pii bɔɔ mɔdɛŋ waa akɛ amɛaaná miishɛɛ, shi etamɔ nɔ ni mɛi fioo ko pɛ anine shɛɔ nɔ. Ani osusuɔ akɛ nibii ni atsɔɔ yɛ biɛ lɛ baanyɛ aye abua mɛi ni amɛná miishɛɛ yɛ shihilɛ mli? [Okɛ akrabatsa ni yɔɔ baafa 9 lɛ atsɔɔ lɛ. No sɛɛ lɛ kanemɔ ŋmalɛi ni aŋmalako amɛmli wiemɔi lɛ ateŋ ekome.] Awake! nɛɛ wieɔ nibii ni Biblia lɛ tsɔɔ akɛ nomɛi haa anáa miishɛɛ diɛŋtsɛ lɛ ahe.”

Buu-Mɔɔ Apr. 15

“Etamɔ nɔ ni mɔ fɛɛ mɔ kpɛlɛɔ nɔ akɛ sanegbaa kpakpa ji nibii titrii ni kɛ miishɛɛ baa weku shihilɛ mli lɛ ateŋ ekome, ni kɛlɛ ewaa kɛhaa mɛi pii akɛ amɛaagba sane jogbaŋŋ. Mɛni hewɔ osusuɔ akɛ nakai eji? [Ŋmɛɛ gbɛ ni eha hetoo.] Wolo tɛtrɛɛ nɛɛ kɛ ŋaawoi haa ni tsɔɔ bɔ ni aaafee aná hesaai ni akɛgbaa sane.” Kanemɔ Yakobo 1:19.

Awake! Mar. 1

“Mɛi pii kɛɔ akɛ krɔɔs lɛ haa amɛnuɔ he akɛ amɛbɛŋkɛ Nyɔŋmɔ. Shi kɛlɛ, mɛi komɛi biɔ akɛ: Ani eja gbɛ ákɛ akɛ woo aha nɔ ko ní akɛtsu nii kɛgbe Yesu lɛ? Ani Yesu gbo yɛ krɔɔs nɔ lɛɛlɛŋ? Sane ni jeɔ shishi kɛjɛɔ baafa 12 lɛ tsɔɔ nɔ ni Biblia lɛ kɛɔ yɛ sanebimɔi nɛɛ ahe.” Kanemɔ Bɔfoi lɛ Asaji 5:30.