Nɔ ni Esa akɛ Owie yɛ Woji Tɛtrɛbii lɛ Ahe

Buu-Mɔɔ Apr. 1

“Akɛni aafite nibii ni yɔɔ shikpɔŋ lɛ nɔ lɛ hewɔ lɛ, ani osusu he pɛŋ akɛ shikpɔŋ lɛ baakã he ahi shi? [Ŋmɛɛ gbɛ ni eha hetoo.] Kwɛmɔ shiwoo ni yɔɔ miishɛɛ ni ŋmalɛ nɛɛ kɛhaa. [Kanemɔ Lala 104:5.] Sane ni yɔɔ biɛ lɛ tsɔɔ nɔ ni Biblia lɛ kɛɔ yɛ bɔ ni shikpɔŋ lɛ baaji aha wɔsɛɛ lɛ he.” Okɛ sane ni jeɔ shishi yɛ baafa 10 lɛ atsɔɔ lɛ.

Awake! Apr.

“Yɛ nibii fɛɛ ni wɔyɔɔ feemɔ lɛ sɛɛ lɛ, ewa kɛha mɛi komɛi akɛ amɛaato be kɛha Nyɔŋmɔ jamɔ. Ani ewa kɛha bo hu akɛ ooofee nakai? [Ŋmɛɛ gbɛ ni eha hetoo. No sɛɛ lɛ, kanemɔ Efesobii 5:15-17.] Biblia lɛ kɛ sanenaatsɔɔmɔ ni ja ni kɔɔ bei abɔ kɛ hewalɛ falɛ ni Nyɔŋmɔ kpaa gbɛ akɛ wɔkɛaajá lɛ lɛ haa yɛ sane ni yɔɔ biɛ lɛ mli.” Okɛ sane ni jeɔ shishi yɛ baafa 20 lɛ atsɔɔ lɛ.

Buu-Mɔɔ May 1

“Mɛi babaoo kɛɔ akɛ, nɔ ni amɛnaa lɛ, no pɛ amɛheɔ amɛyeɔ. Ani okɛ amɛ kpãa gbee? [Ŋmɛɛ gbɛ ni eha hetoo. No sɛɛ lɛ kanemɔ Romabii 1:20.] Wolo tɛtrɛɛ nɛɛ wieɔ Nyɔŋmɔ sui etɛ ni anaa faŋŋ yɛ nibii ni ebɔ lɛ amli, ni etsɔɔ bɔ ni sui nɛɛ ni wɔɔle lɛ baanyɛ aná wɔnɔ hewalɛ aha lɛ mli.”

Awake! May

“Ŋmɛnɛ, mɛi babaoo sheɔ bɔ ni shihilɛ lɛ baaji aha wɔsɛɛ lɛ gbeyei. Ani osusuɔ akɛ be ko baashɛ ni shihilɛ lɛ baahi, aloo emli baawo wu? [Ŋmɛɛ gbɛ ni eha hetoo. No sɛɛ lɛ kanemɔ Kpojiemɔ 21:3, 4.] Wolo tɛtrɛɛ nɛɛ tsɔɔ nɔ hewɔ ni wɔbaanyɛ wɔná nɔmimaa akɛ etsɛŋ ni Nyɔŋmɔ baatsu naagbai ni mli wawai ni adesai nyɛko atsu he nii lɛ ahe nii lɛ.”