Sɔɔmɔ Kpee He Gbɛjianɔtoo
Otsi ni Jeɔ Shishi February 13
Min. 10: Asafoŋ adafitswai. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛsafo lɛ shikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ February 1 Buu-Mɔɔ aha, kɛ gbɛ ni abaatsɔ nɔ akɛ February Awake! lɛ he klɛŋklɛŋ shiɛmɔ wiemɔ lɛ atsu nii. Ha afee bɔ ni aaafee aye odase yɛ he ko ni mɛi babaoo yɔɔ lɛ yɛ nɔkwɛmɔnii lɛ ateŋ ekome mli.
Min. 10: Ani Okɛ Yehowa Asafo lɛ Miinyiɛ Pɛpɛɛpɛ? Wiemɔ ni abaajɛ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 7-10 lɛ mli aha.
Min. 25: “Gbalamɔ Jwɛŋmɔ Kɛba ‘Je lɛ Mli La lɛ’ Nɔ.”a Sɔɔmɔ nitsumɔ nɔkwɛlɔ lɛ baatsu he nii. Tsĩi mɛi ni kɛ amɛhe ewo gbɛgbalɔi awamɔ nitsumɔ lɛ mli lɛ agbɛi atã. Tsɔɔmɔ kpeei kɛha shiɛmɔyaa yɛ bei krokomɛi amli lɛ he gbɛjianɔ ni ato lɛ. Wiemɔ gbɛgbalɔi awamɔ nitsumɔ lɛ he gbɛjianɔtoo he nɔkwɛmɔnii ni yɔɔ nɔ ni aŋma ahɔ February 2005 Wɔ Maŋtsɛyeli Sɔɔmɔ lɛ mli lɛ baafa 5 lɛ hu he.
Lala 224 kɛ naagbee sɔlemɔ.
Otsi ni Jeɔ Shishi February 20
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
Min. 15: “Biblia lɛ Tsɔɔ Wolo Lɛ—Wɔwolo Titri Kɛha Biblia Mli Nikasemɔ Feemɔ.”b Teemɔ mɛi amiishɛɛ shi ní amɛkɛ wolo hee lɛ aje Biblia mli nikasemɔi afeemɔ shishi.
Min. 20: “Yelikɛbuamɔ ni Abaanyɛ Aná Be Fɛɛ Be.”c Onukpa ko baatsu he nii. Okɛ Sanebimɔ Hei ni yɔɔ Wɔ Maŋtsɛyeli Sɔɔmɔ ni je kpo yɛ November 1998 kɛ November 2000 lɛ mli lɛ amli saji kukuji afata he.
Lala 1 kɛ naagbee sɔlemɔ.
Otsi ni Jeɔ Shishi February 27
Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Kaimɔ shiɛlɔi koni amɛkɛ shiɛmɔyaa he akɔntaabui kɛha February lɛ aha. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛsafo lɛ shikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ February 15 Buu-Mɔɔ aha, loo gbɛ ni abaatsɔ nɔ akɛ February Awake! lɛ he shiɛmɔ wiemɔ ni ji enyɔ lɛ atsu nii.
Min. 15: Asafoŋ hiamɔ nii.
Min. 20: Mɛɛ Srɔtofeemɔ Yɔɔ Okɛ Je lɛ Teŋ? (Mal. 3:18) Wiemɔ kɛ toibolɔi ni akɛaagba sane ni onukpa ko baatsu he nii. Satan etswa efai shi akɛ ebaatsɔ je lɛ mumɔ lɛ nɔ efite wɔmumɔŋ shidaamɔ. (Efe. 2:2; Yoh. 17:16) Sɔɔlɔi ni ejɔɔ amɛhe nɔ lɛ boɔ Yehowa famɔi atoi. (1 Yoh. 5:3) Enɛ haa esoroɔ wɔ yɛ je lɛ he yɛ gbɛ̀i srɔtoi babaoo nɔ. Ákɛ nɔkwɛmɔnɔ lɛ, susumɔ be ní afiteɔ yɛ henaabuamɔi ashishi, tamɔ okpɔlɔŋmɛɛi, yookpeemɔi, yarafeemɔi, kɛ ekrokomɛi lɛ he okwɛ. Agbɛnɛ hu, nɔ̃ lala ni atswaa kɛ nɔ̃ joo ni ajoɔ yɛ henaabuamɔi nɛɛ ashishi lɛ baanyɛ atsɔ̃ wɔ tsɔne, ni no haŋ esoro wɔ yɛ je lɛ he. (w92 8/15 bf. 17 kk. 9-11; bf. 20 kk. 20, 22) Wó mɛi fɛɛ hewalɛ ní amɛha amɛla atso yɛ saji nɛɛ kɛ ekrokomɛi ni tamɔ nakai lɛ amli. Esa akɛ je lɛ ana akɛ esoro wɔ, ní wɔkɛwo Nyɔŋmɔ hiɛ nyam.—Mat. 5:16.
Lala 177 kɛ naagbee sɔlemɔ.
Otsi ni Jeɔ Shishi March 6
Min. 10: Asafoŋ adafitswai. Akɛni dɛhiɛmɔ woji ahiɛmɔ waaa ni amɛhiɛ mfonirii lɛ yɛ fɛo hu hewɔ lɛ, amɛsa jogbaŋŋ kɛha sanegbaai ashishijee beni atsuɔ shĩa kɛ shĩa nitsumɔ lɛ, beni ashiɛɔ yɛ hei ni mɛi babaoo yɔɔ, kɛ beni ayeɔ trukaa odase lɛ. Ha akɛ dɛhiɛmɔ wolo hee ni ji Etsɛŋ ni Nɔnaa Fɛɛ Sɛɛ Baafo! lɛ atsu nii kɛfee bɔ ni ajeɔ sanegbaa shishi ahaa lɛ he nɔkwɛmɔnɔ. Wiemɔ ŋmalɛi ni aŋmala amɛmli wiemɔi ni yɔɔ dɛhiɛmɔ wolo lɛ baafa 2 lɛ ateŋ ekome he.
Min. 15: “Fó Mɛi Krokomɛi Anɔ̃ Mli—Kɛtsɔ Ohe ni Ooosaa lɛ Nɔ.”d Ha afee shiɛlɔi enyɔ ni miisaa amɛhe ni amɛkɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ aha lɛ he nɔkwɛmɔnɔ kuku afata he. Ha amɛhala shiɛmɔ wiemɔ ko ni yɔɔ nɔ ni aŋma ahɔ January 2005 Wɔ Maŋtsɛyeli Sɔɔmɔ lɛ mli lɛ, ní amɛsusu bɔ ni amɛbaawie lɛ amɛha lɛ he, ní amɛtsake mli kɛkɔ nyɛshikpɔŋkuku lɛ he. Amɛfee amɛnii tamɔ nɔ ni amɛbaafee nɔkwɛmɔnɔ lɛ amɛtsɔɔ amɛhe kɛ gbeewalɛ ni amɛkɛ nɔkwɛmɔnɔ lɛ aba naagbee.
Min. 20: “Okɛ Nibii ni Anaa Atsu Nii ní Okɛtsɔɔ Nii.”e Yɛ be mli ni ogbaa vidio ni atsĩ tã yɛ nikasemɔ lɛ mli lɛ ateŋ eko fɛɛ eko he sane lɛ, okɛ mfonirii ni yɔɔ amɛsɛɛ lɛ atsɔɔ, ni okane sane ni tsɔɔ nɔ ni yɔɔ vidio lɛ mli lɛ he sane fioo ko. Bi koni toibolɔi agba niiashikpamɔi ni amɛná yɛ beni amɛkɛ vidioi lɛ tsuɔ nii yɛ amɛshiɛmɔ nitsumɔ lɛ mli lɛ amɛtsɔɔ.—Kwɛmɔ 1997 Yearbook lɛ bf. 54, kɛ 1995 Yearbook lɛ bf. 50-51.
Lala 68 kɛ naagbee sɔlemɔ.
[Shishigbɛ niŋmai]
a Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.
b Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.
c Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.
d Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.
e Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.