Sɔɔmɔ Kpee He Gbɛjianɔtoo
Otsi ni Jeɔ Shishi September 12
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ September 1 Buu-Mɔɔ kɛ September 8 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Ha onukpa ko afee nɔkwɛmɔnii lɛ ekome, ni oblanyo loo oblayoo ko hu afee ekroko lɛ. Kɛ́ agbe nɔkwɛmɔnɔ lɛ eko fɛɛ eko naa lɛ, tsĩi nibii kpakpai ni je kpo yɛ nɔkwɛmɔnɔ lɛ mli lɛ tã.
Min. 20: “Okɛ Obe Atsu Nii Jogbaŋŋ.” Ha toibolɔi lɛ awie bɔ ni amɛtoɔ amɛbe he gbɛjianɔ kɛkaneɔ Biblia lɛ daa gbi lɛ he. Wó wekui kɛ aŋkroaŋkroi hewalɛ koni amɛkɛ nɔ ni aŋma ahɔ May afi 2005 Wɔ Maŋtsɛyeli Sɔɔmɔ lɛ mli lɛ atsu nii kɛto mumɔŋ nifeemɔi ahe gbɛjianɔ.
Min. 15: “Ní Wɔɔfee Biblia Mli Nikasemɔi ni Yaa Hiɛ.” Toibolɔi ni akɛaagba sane ni damɔ Fã 1 kɛ 2 ni yɔɔ nɔ ni aŋma ahɔ enɛ mli lɛ mli lɛ nɔ. Abaanyɛ akɛ sane ni yɔɔ August afi 2004 Wɔ Maŋtsɛyeli Sɔɔmɔ lɛ baafã 1 lɛ hu afata he. Mɛni hewɔ ehe hiaa ni osaa ohe jogbaŋŋ be fɛɛ be ni obaayafee Biblia mli nikasemɔ lɛ? Mɛni enɛ biɔ ni ofee? Ha toibolɔi lɛ agba bɔ ni amɛkɛ gbɛtsɔɔmɔi ni akɛha lɛ etsu nii eha. Wiemɔ akrabatsa ni yɔɔ nɔ ni aŋma ahɔ enɛ mli lɛ klɛŋklɛŋ baafã lɛ he ni okɛmu naa.
Lala 110 kɛ naagbee sɔlemɔ.
Otsi ni Jeɔ Shishi September 19
Lala 168
Min. 10: Asafoŋ adafitswai. Tĩi saji otii ni yɔɔ wolo ni nitsumɔhe nine lɛ ŋma ni jeɔ kpo yɛ Wɔ Maŋtsɛyeli Sɔɔmɔ nɛɛ hiɛ lɛ mli.
Min. 20: Mɛni Wɔnyɛ Wɔtsu Nyɛsɛɛ Afi Lɛ? Sɔɔmɔ nitsumɔ nɔkwɛlɔ lɛ atĩ sɔɔmɔ afi ni ho lɛ mli, ni ewie nibii kpakpai ni anyɛ atsu yɛ shiɛmɔ nitsumɔ lɛ mli lɛ ahe. Okɛ yijiemɔ ni sa aha. Tsĩi nɔ kome loo nibii enyɔ ni ehe miihia ni asafo lɛ agbala ejwɛŋmɔ kɛya nɔ yɛ afi ni baa lɛ mli lɛ tã. Wiemɔ gbɛgbalɔi lɛ anitsumɔ lɛ he, ni ojie amɛyi yɛ nitsumɔ kpakpa ni amɛtsu lɛ hewɔ. Gbaa nibii kpakpai ni ejɛ mɔdɛŋ ni abɔ koni aye abua mɛi ni ekpa shiɛmɔyaa lɛ mli kɛba.
Min. 15: “Mɔ Fɛɛ Mɔ Aha Enaanyo Nane Amɔ Shi.” Ha toibolɔi lɛ agba bɔ ni amɛná suɔmɔ mli ni ajɛ aye abua amɛ lɛ he sɛɛ lɛ amɛtsɔɔ.
Lala 199 kɛ naagbee sɔlemɔ.
Otsi ni Jeɔ Shishi September 26
Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Kaimɔ shiɛlɔi koni amɛkɛ shiɛmɔyaa he akɔntaabui kɛha September lɛ aha.
Min. 15: Asafoŋ hiamɔ nii.
Min. 20: Tsɔ Woji Tɛtrɛbii lɛ Anɔ Oha Mɛi Anu Sanekpakpa Lɛ. Wɔkɛ Buu-Mɔɔ kɛ Awake! lɛ baaha yɛ October. Gbálamɔ gbɛtsɔɔmɔi ni nyiɛ sɛɛ nɛɛ ní je kpo yɛ March afi 2005 Wɔ Maŋtsɛyeli Sɔɔmɔ lɛ baafa 4 kɛ 5, kuku 3-6 lɛ amli yɛ ohiɛkpamɔ wiemɔ lɛ mli: (1) Okɛ enyɔ lɛ fɛɛ aha. (2) Too gbɛjianɔ koni okɛ ohe awo woji tɛtrɛbii ajaa nitsumɔ lɛ mli gbi kome daa otsi. (3) Okɛ oti ama ohiɛ akɛ daa nyɔŋ nɔ lɛ okɛ woji tɛtrɛbii lɛ falɛ ko baaha. (4) Okɛ hegbɛ fɛɛ hegbɛ ni sa atsu nii koni okɛ woji tɛtrɛbii lɛ aha. (5) Okɛ ememeji ni oyɔɔ lɛ hu aha. Tsɔɔmɔ bɔ ni nyɛsafo lɛ baanyɛ ekɛ gbɛtsɔɔmɔi nɛɛ atsu nii lɛ mli. No sɛɛ lɛ, ha akɛ gbɛtsɔɔmɔi ni yɔɔ nyɔŋ nɛɛ nɔ Wɔ Maŋtsɛyeli Sɔɔmɔ lɛ baafa 8 lɛ atsu nii (kɛ́ ehi ha nyɛsafo lɛ shikpɔŋkuku lɛ) ni akɛfee nɔkwɛmɔnɔ ni tsɔɔ bɔ ni abaafee akɛ September 15 Buu-Mɔɔ kɛ September 22 Awake! lɛ aha. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii. Kɛfata he lɛ, gbalamɔ jwɛŋmɔ kɛya saji ni yɔɔ wolo tɛtrɛɛ lɛ mligbɛ ni ekolɛ mɛi ni yɔɔ nyɛshikpɔŋkuku lɛ mli lɛ baanya he lɛ anɔ, ni oha akɛ nakai saji lɛ ekome atsu nii kɛfee bɔ ni abaafee akɛ woji tɛtrɛbii lɛ aha lɛ he nɔkwɛmɔnɔ. Kɛ́ agbe nɔkwɛmɔnɔ lɛ eko fɛɛ eko naa lɛ, tsĩi nibii kpakpai ni ona yɛ nɔkwɛmɔnɔ lɛ mli lɛ tã.
Lala 3 kɛ naagbee sɔlemɔ.
Otsi ni Jeɔ Shishi October 3
Min. 5: Asafoŋ adafitswai.
Min. 20: “Ye Obua Mɛi Koni ‘Amɛjɛ Amɛtsui Mli Amɛfee Toiboo.’” Ha toibolɔi lɛ awie ŋmalɛi ni aŋmalako amɛmli wiemɔi lɛ ahe bɔ ni be baaŋmɛ gbɛ.
Min. 20: Ní Wɔɔha Yehowa Tsui Anyɔ Emli. (Abɛi 27:11) Bi mɛi enyɔ loo etɛ ni kɛ anɔkwayeli esɔmɔ Yehowa be kpalaŋŋ lɛ saji. Ha amɛteŋ mɔ fɛɛ mɔ agba nɔ kome loo nibii enyɔ ni ye bua lɛ koni eya nɔ ebo Yehowa toi lɛ. Nibii ni amɛbaanyɛ amɛtsĩ tã lɛ ekomɛi ji mɔdɛŋ ni amɛ diɛŋtsɛ amɛbɔɔ kɛkaseɔ Biblia lɛ, naanyo ni amɛkɛ anɔkwafoi krokomɛi bɔɔ, tsui mli fɛɛ ni amɛjɛɔ amɛkɛ amɛhe woɔ shiɛmɔ nitsumɔ lɛ mli, sɔlemɔ ni jɛ tsuiŋ, kɛ hiɛtserɛjiemɔ gbohii ni amɛkwáa. Mɛɛ toiboo he kaai amɛkɛkpe, ni mɛɛ gbɛ nɔ amɛtsɔ amɛtsu nakai kaai lɛ ahe nii yɛ omanyeyeli mli? Mɛɛ jɔɔmɔi toiboo ni amɛfee lɛ eha amɛná?
Lala 170 kɛ naagbee sɔlemɔ.
[Shishigbɛ niŋmaa]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.