Adafitswai
◼ Wolo ni akɛbaaha yɛ August: Woji bibii ni sa, ní hiɛ baafai 32. September: Creation wolo lɛ (agbo aloo bibioo). Abaanyɛ akɛ Mi-Wolo ni Gbaa Biblia Mli Saji lɛ aha yɛ no najiaŋ kɛ́ eeehi. Kɛji shiatsɛ lɛ eŋɔɔɔ woji nɛɛ lɛ, okɛ Nyɛyaa nɔ Nyɛshia Kpe! wolo bibioo lɛ aha. October: Nyɛkɛ Buu-Mɔɔ kɛ Awake! woji tɛtrɛbii srɔtoi lɛ ahaa. Kɛji shiatsɛ lɛ jie miishɛɛ kpo lɛ, no lɛ ofainɛ ni okɛ Taoɔ wolo bibioo lɛ atsɔɔ lɛ. November: Nyɛkɛ Kasemɔ Nii Kɛjɛ Tsɔɔlɔ Kpele lɛ Ŋɔɔ wolo lɛ ahaa.
◼ Akɛni otsii anaagbee enumɔ yɔɔ October mli hewɔ lɛ, ebaafee nyɔŋ ni sa jogbaŋŋ akɛ aaatsu gbɛgbalɔi awamɔ nitsumɔ lɛ.
◼ Onukpai asɛinɔtalɔ loo mɔ ko ni ehala lɛ lɛ akwɛ asafo lɛ shika he akɔntaabuu mli yɛ September 1 loo yɛ no sɛɛ nɔŋŋ. Kɛji akɛ shika kroko yɛ ni nitsumɔ he ajinafoi akuu lɛ kwɛɔ nɔ loo akɛmiima tsũ lɛ, no lɛ esa akɛ ato gbɛjianɔ koni akwɛ shika nɛɛ he akɔntaabuu hu mli. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.
◼ Wɔmiikai nyɛ akɛ, mɔ ko kɛ nitsumɔhe nine lɛ adrɛs lɛ akatsu nii kɔkɔɔkɔ akɛ adrɛs ni ekɛbaaŋma mɛi awolo. Asafoŋ woji kɛ woji fɛɛ ni aŋmalaa kɛmajeɔ mɛi ni ená wiemɔ lɛ he miishɛɛ, mɛi ni afɔɔɔ amɛ namɔ yɛ shĩa kɛ mɛi ni yɔɔ hei ni ewa akɛ nine aaanyɛ ashɛ amɛnɔ koni anyɛ aye amɛ odase lɛ fata he. Akɛni shiɛmɔ nitsumɔ lɛ ji mɔ diɛŋtsɛ sɔɔmɔ ni ekɛhaa Nyɔŋmɔ lɛ fã ko hewɔ lɛ, shiɛlɔ lɛ baanyɛ ekɛ adrɛs ni ji lɛ diɛŋtsɛ enɔ̃ atsu nii. (Mat. 28:19, 20; Rom. 10:14, 15) Shi kɛji enuɔ he akɛ nilee bɛ mli akɛ ekɛ adrɛs ni ji lɛ diɛŋtsɛ enɔ̃ lɛ baatsu nii be mli ni eyeɔ odase kɛtsɔɔ woloŋmaa nɔ lɛ, no lɛ ebaanyɛ ekɛ egbɛi kɛ Asafo ni eyɔɔ mli lɛ adrɛs atsu nii.—Kwɛmɔ May afi 2002 Wɔ Maŋtsɛyeli Sɔɔmɔ lɛ mli Sanebimɔ He lɛ.
◼ Esa akɛ akane woji wuji kɛ woji tɛtrɛbii ni ayɔɔ lɛ fɛɛ ekomekome yɛ August 31, afi 2005 loo beni eshwɛ fioo ni nakai gbi lɛ aaashɛ. Nɛkɛ woji akanemɔ nɛɛ tamɔ woji ni mɔ ni kwɛɔ woji ashɛɛ nɔ lɛ kaneɔ daa nyɔŋ nɔ lɛ nɔŋŋ, ni esa akɛ aŋmala yibɔ ni abaaná lɛ yɛ Literature Inventory wolo (S-18) lɛ nɔ. Nine baanyɛ ashɛ woji tɛtrɛbii ni ayɔɔ lɛ anɔ kɛjɛ sɔɔlɔ(i) ni kwɛɔ woji tɛtrɛbii anɔ lɛ adɛŋ. Esa akɛ asafo ni kwɛɔ woji ashɛɛ nɔ lɛ woloŋmalɔ lɛ akwɛ woji ni abaakane lɛ nɔ. Asafo ni kwɛɔ woji ashɛɛ nɔ lɛ woloŋmalɔ kɛ onukpai asɛinɔtalɔ lɛ kɛ amɛwaonaa gbɛi baawo wolo lɛ shishi. Asafo fɛɛ asafo ni kwɛɔ woji ashɛɛ nɔ lɛ nine baashɛ Literature Inventory woji (S-18) lɛ etɛ nɔ. Nyɛfainɛ, nyɛkɛ klɛŋklɛŋ wolo ni nyɛŋmala nɔ nii lɛ amajea nitsumɔhe nine lɛ dani September 6 aho. Nyɛkɛ nɔ ni ji enyɔ lɛ atoa nyɛwoji amli. Nyɛbaanyɛ ni nyɛkɛ nɔ ni ji etɛ lɛ atsu nii akɛ nɔ ni abuɔ akɔntaa yɛ nɔ.
◼ Esa akɛ asafoi fɛɛ abɔi 2006 Calendar of Jehovah’s Witnesses, Ŋmalɛi lɛ Amli ni Wɔɔkwɛ Daa—2006, kɛ 2006 Yearbook of Jehovah’s Witnesses lɛ ashɛɛ afata woji ni amɛbaashɛ kɛjɛ benɛ kɛyaa lɛ ahe. Esa akɛ mɛi ni shɛɔ woji kɛhaa asafoi lɛ akwɛ koni atsɔɔ woji ni asafoi ni amɛshɛɔ woji amɛhaa amɛ lɛ taoɔ lɛ yɛ S-14 wolo kometoo lɛ nɔ.