Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ February 28, 2005 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ January 3 otsi lɛ kɛyashi February 28, 2005 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Mɛɛ gbɛ nɔ wɔɔtsɔ wɔha wɔwiemɔ afee nɔ ni shishinumɔ yɔɔ mli jogbaŋŋ? [be-GA bf. 226 kk. 1–bf. 227 kk. 2]

2. Mɛɛ wiemɔi ekolɛ ebaabi ni atsɔɔ mli babaoo? [be-GA bf. 227 kk. 3–bf. 228 kk. 1]

3. Mɛɛ nifeemɔ baaye abua wɔ koni wɔha wɔwiemɔ lɛ yɛ gbɛ ni baaha wɔtoibolɔi lɛ akase nii diɛŋtsɛ kɛjɛ mli lɛ nɔ? [be-GA bf. 231 kk. 1-3]

4. Mɛɛ gbɛ nɔ wɔɔtsɔ wɔha ŋmalɛ ko ni wɔtoibolɔi lɛ le jogbaŋŋ lɛ kanemɔ afee nɔ ni amɛbaanyɛ amɛkase nii kɛjɛ mli? [be-GA bf. 231 kk. 4-5]

5. Mɛni baanyɛ ajɛ hewalɛ ni wɔwoɔ wɔtoibolɔi lɛ koni amɛgbala amɛjwɛŋmɔ kɛya Biblia mli sane ko ni amɛle jogbaŋŋ lɛ mli saji otii anɔ lɛ mli kɛba? [be-GA bf. 232 kk. 2-4]

NIFEEMƆ NI JI 1

6. Mɛni fata gbɔmɛi ni aaatsɔɔ amɛ nii koni ‘amɛshe anɔkwa Nyɔŋmɔ lɛ gbeyei ni amɛye ekitai lɛ anɔ’ lɛ he? (Jaj. 12:13) [be-GA bf. 272 kk. 3–bf. 273 kk. 1]

7. Mɛɛ gbɛ nɔ wɔɔtsɔ wɔgbala jwɛŋmɔ kɛya nɔ̃ mɔ ni Yehowa ji lɛ nɔ, shi jeee egbɛi lɛ pɛ nɔ? (Yoel 3:5) [be-GA bf. 274 kk. 3-5]

8. Te Yesu he nilee ni aaaná kɛ ehe odaseyeli he hiaa ha tɛŋŋ? (Yoh. 17:3) [be-GA bf. 275 kk. 7]

9. Wekukpaa kpakpa ni akɛ Nyɔŋmɔ aaaná, kɛ Biblia lɛ he shishinumɔ ni aaaná lɛ kɛ gbɛhe ni Yesu tsuɔ he nii lɛ yɛ tsakpaa kpaakpa yɛ mɛɛ gbɛ nɔ? [be-GA bf. 276 kk. 1]

10. Mɛɛ gbɛ nɔ wɔɔtsɔ wɔtsɔɔ yɛ akɛ wɔheɔ wɔyeɔ lɛɛlɛŋ akɛ Yesu Kristo ji Maŋtsɛ? [be-GA bf. 277 kk. 4]

DAA OTSI BIBLIA KANEMƆ

11. Ani Abraham tsɛ Tera ji amaga jálɔ? (Yosh. 24:2)

12. Ani Gideon bɛ ekãa ni ekɛaatsu nitsumɔ ni Yehowa kɛha lɛ lɛ he nii? Mɛni hewɔ ohaa hetoo nakai? (Koj. 6:25-27)

13. Mɛni wɔbaanyɛ wɔkase yɛ gbɛ ni Gideon tsɔ nɔ ekɛ Efraim akutso lɛ wie lɛ mli? (Koj. 8:1-3)

14. Mɛni gbɔ ni Gibeabii lɛ sumɔɔɔ akɛ amɛfeɔ mɛi lɛ tsɔɔ? (Koj. 19:14, 15)

15. Ani ‘nɔ ni ja yɛ mɔ fɛɛ mɔ hiɛ ni efee’ lɛ kɛ basabasafeemɔ ba? (Koj. 21:25)