Sɔɔmɔ Kpee He Gbɛjianɔtoo
Otsi ni Jeɔ Shishi September 13
Lala 43
Min. 12: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha afee nɔkwɛmɔnii ni tsɔɔ bɔ ni abaafee akɛ September 1 Buu-Mɔɔ kɛ September 8 Awake! lɛ aha. Ha afee odase ni ayeɔ skul tsɔɔlɔ he nɔkwɛmɔnɔ yɛ nɔkwɛmɔnii lɛ ekome mli.
Min. 15: “Ha Ohiŋmɛi Nɔ Atse.” Okɛ sanebimɔi ni akɛha lɛ atsu nii. Maa ŋmalɛi ni atsɛ yisɛɛ shi aŋmalako amɛmli wiemɔi lɛ anɔ mi bɔ ni be baaŋmɛ gbɛ.
Min. 18: Mɛi ni Naa Wɔnitsumɔi Kpakpai Lɛ. (1 Pet. 2:12) Wiemɔ kɛ toibolɔi ni akɛaagba sane ni damɔ November 1, 2002 Buu-Mɔɔ lɛ baafa 12-14, kuku 14-20 lɛ nɔ. Ha toibolɔi lɛ atsɔɔ bɔ ni wɔnitsumɔi kpakpai lɛ ená wɔkutsoŋbii ni naa lɛ anɔ hewalɛ eha.
Lala 162 kɛ naagbee sɔlemɔ.
Otsi ni Jeɔ Shishi September 20
Lala 88
Min. 10: Asafoŋ adafitswai. Tĩi saji otii ni yɔɔ wolo ni nitsumɔhe nine lɛ ŋma lɛ mli ni jeɔ kpo yɛ Wɔ Maŋtsɛyeli Sɔɔmɔ nɛɛ hiɛ lɛ mli. Wo mɛi fɛɛ hewalɛ koni amɛkane 4 Mose 16:1-35, ni no sɛɛ lɛ amɛkwɛ vidio ni ji Respect Jehovah’s Authority (Ná Bulɛ Kɛha Yehowa Nɔyeli Hegbɛ) kɛsaa amɛhe kɛha Sɔɔmɔ Kpee ni abaafee yɛ October 4 otsi lɛ mli.
Min. 15: Mɛni Wɔnyɛ Wɔtsu Nyɛsɛɛ Afi Lɛ? Wiemɔ ni onukpa ko baaha ni damɔ nyɛ asafo lɛ sɔɔmɔ afi akɔntaabuu kɛha afii 2004 sɔɔmɔ afi lɛ nɔ. Wiemɔ akɔntaabuu lɛ mli nibii ni woɔ mɔ hewalɛ lɛ ahe, ni ojie asafo lɛ yi yɛ nibii kpakpai ni amɛnyɛ amɛtsu lɛ he. Maa mɔdɛŋbɔɔ ni gbɛgbalɔi lɛ kɛtsu nii lɛ nɔ mi. Tsii he kome loo hei enyɔ ni asafo lɛ baanyɛ agbala ejwɛŋmɔ kɛya nɔ yɛ afi ni baa lɛ mli lɛ tã.
Min. 20: Hiɛmiamɔ yɛ Nitsumɔi Kpakpai Amli. (Gal. 6:10) Bi mɛi enyɔ loo mɛi etɛ ni ji daa gbɛgbalɔi loo mɛi ni sɔmɔɔ akɛ gbɛgbalɔi awalɔi yɛ be kɛ beaŋ lɛ sane. Mɛɛ naagbai amɛkɛkpe yɛ Yehowa sɔɔmɔ lɛ mli, ni te amɛtsu he nii amɛha tɛŋŋ? Mɛni yeɔ buaa amɛ koni amɛmia amɛhiɛ yɛ ekpakpa ni amɛfeɔ mɛi krokomɛi lɛ mli? Te mɔdɛŋ ni amɛbɔɔ yɛ Kristofoi asɔɔmɔ nitsumɔ lɛ mli lɛ he eba sɛɛnamɔ kɛha amɛ kɛ mɛi krokomɛi tɛŋŋ? Kɛ́ ebaahi lɛ, okɛ wiemɔi ni tsɔɔ nɔ ni nyɛ asafo lɛ efee koni ashiɛ sanekpakpa lɛ atsɔɔ mɛi ni wieɔ wiemɔ kroko lɛ afata he. Jiemɔ asafo lɛ yi yɛ ‘amɛhemɔkɛyeli nitsumɔ lɛ kɛ amɛsuɔmɔ mɔdɛŋbɔɔ kɛ hiɛmiamɔ’ lɛ hewɔ.—1 Tes. 1:2, 3.
Lala 103 kɛ naagbee sɔlemɔ.
Otsi ni Jeɔ Shishi September 27
Lala 221
Min. 15: Asafoŋ adafitswai. Shika he akɔntaabuu. Kaimɔ shiɛlɔi koni amɛkɛ amɛshiɛmɔyaa he akɔntaabuu kɛha September aha. Kɛ́ abaanyɛ akɛ gbɛtsɔɔmɔi ni yɔɔ baafa 4 lɛ atsu nii yɛ nyɛ asafo lɛ shikpɔŋkuku lɛ mli lɛ, no lɛ ha akɛfee nɔkwɛmɔnii ni tsɔɔ bɔ ni abaafee akɛ September 15 Buu-Mɔɔ kɛ September 22 Awake! lɛ aha. Abaanyɛ akɛ shiɛmɔ wiemɔi krokomɛi atsu nii. Yɛ nɔkwɛmɔnɔ lɛ eko fɛɛ eko sɛɛ lɛ, wiemɔ nɔ ko ni hi jogbaŋŋ yɛ nɔkwɛmɔnɔ lɛ he lɛ he kuku.
Min. 10: Yehowa Wiemɔ lɛ Hiɛ Kã. Wiemɔ ni abaaha. Bɔni afee ni eye ebua wɔ koni wɔná daa Biblia kanemɔ he gbɛjianɔ ni ato kɛha Teokrase Sɔɔmɔ Skul lɛ he sɛɛ jogbaŋŋ kɛmɔ shi hewɔ lɛ, saji ni aŋmaa kɛtsaraa nɔ ni hiɛ saneyitso akɛ “Yehowa Wiemɔ lɛ Hiɛ Kã” lɛ ebɔi kpojee yɛ Buu-Mɔɔ lɛ ekomɛi amli. Okɛ September 15, 2004 Buu-Mɔɔ lɛ baafa 24-27 lɛ atsu nii ni okɛtsɔɔ saji nɛɛ ahe nibii. Kɛ́ akpa ŋmalɛi lɛ ahiɛ agbe naa lɛ, fã ni ji “Ŋmalɛ Naa Sanebimɔi ni Aha Hetoo” lɛ gbálaa Ŋmalɛi komɛi ni amɛshishinumɔ wa lɛ amli. Wiemɔi ni yɔɔ fã ni ji “Nikasemɔi Kɛha Wɔ” lɛ shishi lɛ gbalaa jwɛŋmɔ kɛyaa bɔ ni wɔbaafee ni wɔkɛ saji ni wɔkaneɔ lɛ atsu nii lɛ nɔ. Tsii nɔkwɛmɔnii pɔtɛ̃ɛ fioo atã ni okɛtsɔɔ bɔ ni saji ni aŋmalaa kɛtsaraa nɔ nɛɛ baaye abua wɔ koni wɔnu Nyɔŋmɔ Wiemɔ lɛ shishi jogbaŋŋ lɛ mli. Wo mɛi fɛɛ hewalɛ koni amɛkɛ gbɛjianɔtoo hee nɛɛ atsu nii kɛmɔ shi, kɛ́ wɔje Mose Wolo ni Ji Enumɔ lɛ kanemɔ shishi wɔsɛɛ otsi.
Min. 20: “Okɛ Biblia lɛ Atsu Nii Jogbaŋŋ.” Okɛ sanebimɔi ni akɛha lɛ atsu nii. Ha ohiɛkpamɔ wiemɔi lɛ adamɔ Sɔɔmɔ Skul wolo lɛ baafa 145, kuku 2-3 lɛ nɔ. Ha afee nɔkwɛmɔnii kukuji enyɔ, ekome afee klɛŋklɛŋ gbi ni akɛ mɔ lɛ gba sane, ni ekroko lɛ hu afee sɛɛsaramɔ, ni akɛtsɔɔ bɔ ni akɛ ŋaawoo ni akɛha lɛ baatsu nii aha.
Lala 38 kɛ naagbee sɔlemɔ.
Otsi ni Jeɔ Shishi October 4
Lala 5
Min. 5: Asafoŋ adafitswai.
Min. 20: Du Anɔkwale lɛ Owo Obii lɛ Atsui Mli. Wiemɔ ni damɔ Weku Miishɛɛ wolo lɛ baafa 55-59 lɛ nɔ. Wiemɔ gbɛ̀i ejwɛ ni fɔlɔi baanyɛ atsɔ nɔ aye abua amɛbii koni amɛná amɛkɛ Yehowa teŋ wekukpaa ni yɔɔ kpaakpa lɛ he, ni otsɔɔ bɔ ni abaanyɛ akɛ sane lɛ atsu nii. Wó fɔlɔi hewalɛ koni amɛ diɛŋtsɛ amɛkɛ amɛbii lɛ akase nii.
Min. 20: “Esa akɛ Wɔná Bulɛ Kɛha Yehowa Nɔyeli Hegbɛ.” Kanemɔ Yuda 11, ni okɛ nɔ ni faaa fe minitii enyɔ akpa sane lɛ hiɛ. Ni okɛ sanebimɔi fɛɛ ni yɔɔ sane lɛ mli lɛ atsu nii ni okɛ toibolɔi lɛ abɔi sanegbaa amrɔ nɔŋŋ. Maa sane oti ni ji akɛ kɛ́ wɔmiisumɔ ni Yehowa aya nɔ akpɛlɛ wɔnɔ lɛ, no lɛ esa akɛ wɔkpoo Kora atuatsemɔ mumɔ lɛ ni wɔkase ebihii lɛ ni haaa nɔ ko aye anɔkwa ni amɛyeɔ Yehowa lɛ najiaŋ lɛ anɔkwɛmɔnii lɛ nɔ mi.
Lala 99 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.