Sɔɔmɔ Kpee He Gbɛjianɔtoo
Otsi ni Jeɔ Shishi May 10
Lala 193
Min 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Kɛ́ abaanyɛ akɛ gbɛtsɔɔmɔi ni yɔɔ baafa 4 lɛ atsu nii yɛ nyɛshikpɔŋkuku lɛ mli lɛ, no lɛ ha akɛfee nɔkwɛmɔnii ni tsɔɔ bɔ ni abaafee akɛ May 1 Buu-Mɔɔ kɛ May 8 Awake! lɛ aha! Yɛ eko fɛɛ eko mli lɛ, akɛ woji tɛtrɛbii enyɔ lɛ fɛɛ aha eyɛ mli akɛ ekome pɛ akɛtsɔɔ. Ha afee bɔ ni ayeɔ naanyo nitsulɔ loo skulnyo odase yɛ nɔkwɛmɔnii lɛ ekome mli.
Min 15: Ani Kpɔiaŋgbɔlemɔ mli Akaŋshii Ejaaa? Wiemɔ kɛ toibolɔi kɛ sanegbaa ni onukpa ko baatsu he nii ni damɔ December 8, 1995, Awake! lɛ baafa 14-15 lɛ nɔ. Tsɔɔmɔ bɔ ni ebaafee nɔ ni nilee bɛ mli kɛha Kristofoi akɛ amɛaaha TV kwɛmɔ, stadium yaa, kɛ he diɛŋtsɛ ni akɛwoɔ kpɔiaŋgbɔlemɔ mli lɛ aaagba Kristofoi akpeei, shiɛmɔ nitsumɔ lɛ kɛ asafoŋ nitsumɔ krokomɛi anaa lɛ mli.
Min 20: “Nyɛhaa Nyɛmli Alɛɛa.” Okɛ wiemɔi ni yɔɔ Já Nyɔŋmɔ wolo lɛ baafa 150 kuku 14 lɛ afata he.
Lala 18 kɛ naagbee sɔlemɔ.
Otsi ni Jeɔ Shishi May 17
Lala 188
Min 10: Asafoŋ adafitswai.
Min 15: “Nyɛjiea Hiɛsɔɔ Kpo.” Ha toibolɔi lɛ awie ŋmalɛi ni atsɛ yisɛɛ lɛ ahe bɔ ni be baaŋmɛ gbɛ. Kɛ́ aasusu kuku 3 lɛ he lɛ, ha mɔ kome loo mɛi enyɔ ni sɔmɔ akɛ gbɛgbalɔi awalɔi nyɛsɛɛ nɛɛ lɛ agba jɔɔmɔi ni amɛná yɛ no feemɔ mli lɛ amɛtsɔɔ.
Min 20: Wɔsusuɔ Wɔhe. (1 Kor. 12:25, 26) Wiemɔ kɛ toibolɔi ni akɛaagba sane ni damɔ wiemɔi ni yɔɔ saneyitso bibioo ni ji “Concern for One Another” (Mɔ Hesusumɔ Kpo ni Wɔɔjie Wɔtsɔɔ Wɔhe) ni yɔɔ Our Ministry wolo lɛ baafa 157-159 lɛ nɔ. Eyɛ mli akɛ Yehowa tsuji yɛ shikpɔŋ lɛ nɔ he fɛɛ he moŋ, shi ekomefeemɔ diɛŋtsɛ yɛ wɔteŋ. Esa akɛ wɔ fɛɛ wɔsɔle wɔha wɔnyɛmimɛi daa gbi. Wɔhe feɔ oya hu ni wɔkɛ heloonaa nibii yahaa kɛji akɛ hiamɔ ko ni naa wa ba. Kanemɔ ŋmalɛi otii lɛ ni nyɛsusu he, ni okɛ niiashikpamɔ kome loo enyɔ ni jɛ wɔwoji lɛ amli lɛ afata he.
Lala 100 kɛ naagbee sɔlemɔ.
Otsi ni Jeɔ Shishi May 24
Lala 128
Min 12: Asafoŋ adafitswai. Shika he akɔntaabuu. Kɛ́ gbɛtsɔɔmɔi ni yɔɔ baafa 4 lɛ hi kɛha nyɛ asafo lɛ shikpɔŋkuku lɛ, no lɛ ha akɛfee bɔ ni aaafee ni akɛ May 15 Buu-Mɔɔ lɛ kɛ May 22 Awake! lɛ aha lɛ he nɔkwɛmɔnɔ. Abaanyɛ akɛ shiɛmɔ wiemɔi krokomɛi atsu nii. Yɛ eko fɛɛ eko mli lɛ, ha akɛ gbɛ srɔto ko atsu nii ni akɛfee bɔ ni abaaha mɛi ni kɛɔ akɛ “miyɛ mi diɛŋtsɛ mijamɔ,” koni amɛkɛtsi sanegbaa lɛ naa lɛ hetoo.—Kwɛmɔ Reasoning wolo lɛ baafa 18-19 lɛ.
Min 15: “Lalai ni Haa Mɔ Tsui Nyɔɔ Emli.” Wiemɔ kɛ toibolɔi ni akɛaagba sane. Okɛ wiemɔi ni yɔɔ 2002 Yearbook lɛ baafa 175, kɛ February 1, 1997, Buu-Mɔɔ lɛ baafa 27, kuku 1-2 lɛ afata he.
Min 18: Saamɔ Ohe Oto Kɛye Trukaa Odase. Wiemɔ kɛ toibolɔi ni akɛaagba sane ni damɔ July 2003 Wɔ Maŋtsɛyeli Sɔɔmɔ lɛ baafa 3 lɛ nɔ. Tsɔ hiɛ oto gbɛjianɔ koni oha mɛi fioo ko agba niiashikpamɔi ni amɛná beni amɛyeɔ trukaa odase lɛ. Ha afee bɔ ni abaanyɛ akɛ dɛhiɛmɔ wolo ni ji Ani Obaasumɔ ni Ole Biblia lɛ Mli Saji Babaoo? kɛ wolo bibioo ni ji Good News for All Nations lɛ atsu nii kɛye trukaa odase lɛ he nɔkwɛmɔnɔ kuku.
Lala 211 kɛ naagbee sɔlemɔ.
Otsi ni Jeɔ Shishi May 31
Lala 26
Min 8: Asafoŋ adafitswai. Kaimɔ shiɛlɔi koni amɛkɛ amɛshiɛmɔyaa he akɔntaabui kɛha May aha.
Min 17: Wala—Nikeenii ko ni Esa akɛ Abu lɛ akɛ Ejara Wa. Toibolɔi kɛ sanegbaa ni damɔ Reasoning wolo lɛ baafa 25-26 lɛ nɔ. Okɛ wiemɔi ni yɔɔ May 22, 1993 Awake! lɛ baafa 10-11 lɛ afata he. Te obaatsɔɔ bɔ ni Yehowa buɔ musufitemɔ lɛ mli oha mɔ ko ni nuɔ he akɛ yoo yɛ hegbɛ akɛ ekpɛɔ eyiŋ yɛ saji ni kɔɔ lɛ diɛŋtsɛ egbɔmɔtso lɛ he lɛ he oha tɛŋŋ? Gbaa niiashikpamɔ ni yɔɔ January 1, 2000, Buu-Mɔɔ lɛ baafa 4, kuku 4-5 lɛ.
Min 20: “Kasemɔ Nii Kɛjɛ Tsɔɔlɔ Kpele lɛ Ŋɔɔ lɛ Kɛhamɔ.” Wɔkɛ wolo nɛɛ baaha yɛ June mli. Gbálamɔ nibii ni atsɔɔ mli yɛ wolo lɛ baafa 7, kuku 1-3 lɛ mli. Ha toibolɔi lɛ agba nibii ni amɛnyaa he yɛ wolo lɛ he. Tĩi shiɛmɔ wiemɔi ni akɛha lɛ mli. Maa bɔ ni abaanyɛ akɛ mfonirii lɛ atsu nii kɛ́ ákɛ wolo lɛ miiha lɛ nɔ mi. Ha oblanuu loo oblayoo ko afee klɛŋklɛŋ shiɛmɔ wiemɔ lɛ he nɔkwɛmɔnɔ, koni mɔ ko ni eda afee enyɔ ni eshwɛ lɛ ateŋ ekome he nɔkwɛmɔnɔ. Kɛ́ shiɛmɔ wiemɔ kroko yɛ ni baamɔ shi jogbaŋŋ yɛ maŋ lɛŋ shikpɔŋkuku lɛ mli lɛ, abaanyɛ asusu enɛ he ni afee he nɔkwɛmɔnɔ kɛye naagbee shiɛmɔ wiemɔi enyɔ lɛ ekome najiaŋ.
Lala 24 kɛ naagbee sɔlemɔ.
Otsi ni Jeɔ Shishi June 7
Lala 136
Min 10: Asafoŋ adafitswai. Tsɔɔmɔ “Sane Ko ni Yeɔ Ebuaa Maŋbii” lɛ mli saji otii lɛ amli. Tsĩi wiemɔi komɛi ni akɛkpeɔ yɛ nyɛ shikpɔŋkuku lɛ mli lɛ atã.
Min 15: “Shiɛmɔyaa He Akɔntaabuu ni Kpeɔ Sɛɛ—Ani Eji Onaagba?” Wiemɔ kɛ toibolɔi ni akɛaagba sane ni damɔ Wɔ Maŋtsɛyeli Sɔɔmɔ ni je kpo yɛ May 2003 lɛ baafa 7 lɛ nɔ. Sɔɔmɔ nitsumɔ nɔkwɛlɔ lɛ baatsu he nii. Daa nyɔŋ nɔ lɛ, shiɛlɔi ni fa fe 4,000 kɛ amɛshiɛmɔ he akɔntaabui baaa yɛ be naa yɛ wɔmaŋ nɛɛ mli. Asafoi ni fa fe 120 mli woloŋmalɔi kɛ shiɛmɔ he akɔntaabui lɛ emajeee nitsumɔhe nine lɛ mra, ekolɛ yɛ amɛnine ni shɛɛɛ akɔntaabui lɛ anɔ mra kɛjɛɛɛ shiɛlɔi lɛ adɛŋ lɛ hewɔ. Ha nyɛmimɛi lɛ ale naagba ni yɔɔ nyɛ asafo lɛ mli. Wo mɛi fɛɛ hewalɛ koni amɛna bɔ ni ehe hiaa ni wɔye anɔkwale yɛ sane nɛɛ mli.—Luka 16:10.
Min 20: Okɛ Nɔkwɛmɔnii ni Sa Atsu Nii yɛ Onitsɔɔmɔ Mli. Wiemɔ kɛ toibolɔi ni akɛaagba sane ni damɔ September 1, 2002, Buu-Mɔɔ baafa 22-24 lɛ nɔ. Mɛɛ otii ejwɛ haa nɔkwɛmɔnɔ ko feɔ nɔ ni sa? Mɛni hewɔ sɛɛnamɔ yɔɔ he akɛ aaaha nɔkwɛmɔnii afee nɔ ni yɔɔ mlɛo lɛ? Nɛgbɛ wɔbaanyɛ wɔná nɔkwɛmɔnii ni sa yɛ? Pɛimɔ nɔkwɛmɔnii ni yɔɔ akrabatsa ni yɔɔ baafa 23 lɛ ekomɛi amli, ni nyɛgba nɔ ni haa nɔkwɛmɔnɔ fɛɛ nɔkwɛmɔnɔ bafeɔ nɔ ni sa lɛ he sane.
Lala 133 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.