Teokrase Sɔɔmɔ Skul Lɛ Mlitĩi
Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ December 29, 2003 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ November 3 otsi lɛ kɛyashi December 29, 2003 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ niiamlitaomɔ koni ekɛtao hetooi lɛ.—Kwɛmɔ Sɔɔmɔ Skul, bf. 36-37.]
WIEMƆ SUI
1. Mɛni hewɔ Biblia lɛ kɛ nitsumɔ he hiaa waa yɛ shiɛmɔ nitsumɔ lɛ mli lɛ? [be-GA bf. 145 kk. 2, akrabatsa]
2. Mɛɛ gbɛ nɔ wiemɔi ni fata wiemɔ kuku ko he lɛ saa gbɛ ni atsɔɔ nɔ akpáa ŋmalɛ ko hiɛ ahaa lɛ he yɛ? [be-GA bf. 149]
3. Mɛni hewɔ ehe hiaa ni ama wiemɔi ni sa lɛ anɔ mi beni akaneɔ Biblia mli ŋmalɛ ko lɛ, ni mɛɛ gbɛ nɔ aaatsɔ afee enɛ? [be-GA bf. 151 kk. 2, akrabatsa]
4. Mɛɛ gbɛ nɔ wɔkɛ Paulo ŋaawoo akɛ ‘wɔja anɔkwale wiemɔ lɛ mli pɛpɛɛpɛ’ lɛ tsuɔ nii yɛ, ni mɛni hewɔ enɛ he hiaa lɛ? (2 Tim. 2:15) [be-GA bf. 153 kk. 2, akrabatsa]
5. Mɛɛ gbɛ nɔ Paulo ‘susu nii ahe kɛjɛ Ŋmalɛi lɛ amli’ yɛ? (Bɔf. 17:2, 3) [be-GA bf. 155 kk. 4-5]
NIFEEMƆ NI JI 1
6. Kɛ́ wɔkɛ wɔ dɛŋdade ni fe fɛɛ ni akɛtaoɔ nibii amli, ni ji Biblia lɛ miitsu nii kɛmiito wiemɔ ko he gbɛjianɔ lɛ, mɛni hewɔ sɛɛnamɔ yɔɔ he akɛ (1) wɔɔtao wiemɔi ni fata wiemɔ kuku lɛ he lɛ mli, (2) wɔkwɛ saji ataomɔhei lɛ, kɛ (3) wɔkɛ Biblia concordance atao saji amli lɛ? [be-GA bf. 34 kk. 3–bf. 35 kk. 2]
7. Mɛɛ gbɛ nɔ atsɔɔ ajieɔ anɔkwayeli kpakpa kpo yɛ, ni namɛi ajieɔ lɛ kpo atsɔɔ? [w01-GA 10/1 bf. 22-23]
8. Mɛni tsɔɔ akɛ Yehowa ji bebulɔ ni buɔ be pɛpɛɛpɛ? (Dan. 11:35-40; Luka 21:24) [si bf. 284 kk. 1]
9. Mɛɛ nibii esa akɛ wɔha ehi wɔjwɛŋmɔ mli beni wɔkpɛɔ wɔyiŋ yɛ saji otii ni wɔkɛbaatsu nii yɛ wiemɔ ko mli beni wɔfee niiamlitaomɔ wɔgbe naa lɛ ahe lɛ? [be-GA bf. 38]
10. Mɛni hewɔ Yesu wiemɔi ni kɔɔ “Noa gbii lɛ” ahe lɛ kɔɔ shihilɛ mli ni wɔyɔɔ ŋmɛnɛ lɛ he lɛ? (Mat. 24:37) [w01-GA 11/15 bf. 31 kk. 2-3]
DAA OTSI BIBLIA KANEMƆ
11. Mɛɛ gbɛ nɔ Paulo wolo ni eŋma kɛyaha Filemon lɛ tsɔɔ akɛ nitsumɔ ni akɛwo Kristofonyo dɛŋ ji ni eye ebua mɛi krokomɛi ni amɛbatsɔmɔ Kristofoi, shi jeee ni akɛwo shihilɛ hiɛ tsakemɔ he hewalɛ? (File. 12)
12. Mɛni ji srɔtofeemɔ ni yɔɔ ‘kpalaŋmɔ,’ ‘kpalemɔ’ kɛ ‘shigbeemɔ’ teŋ? (Heb. 2:1; 3:12; 6:6) [w99-GA 7/15 bf. 19 kk. 12; w86 6/1 bf. 14 kk. 16-17; w80 12/1 bf. 23 kk. 8]
13. Mɛɛ gbɛ nɔ wɔɔtsɔ wɔkwa wiemɔ ni ji ‘kɛji Yehowa miisumɔ’ lɛ ni wɔɔha etsɔ shwɛmɔ nɔ ko lɛ yɛ? (Yak. 4:15) [cj bf. 171 kk. 1-2]
14. Ákɛ ‘akwɛ gbɛ ni ashwe Yehowa gbi lɛ baa lɛ’ tsɔɔ mɛni, ni mɛɛ gbɛ nɔ wɔɔtsɔ wɔfee nakai? (2 Pet. 3:12) [w97-GA 9/1 bf. 19-20]
15. Mɛɛ ŋaawoo ni he hiaa kɛha Kristofoi ni yɔɔ ŋmɛnɛ lɛ anaa yɛ shɛɛ saji ni akɛha asafoi kpawo ni atsĩ amɛ tã yɛ Kpojiemɔ yitso 2 kɛ 3 lɛ mli lɛ? (Kpoj. 2:4, 5, 10, 14, 20; 3:3, 10, 11, 17, 19)